شرينا فايروخ 85 مع دريبل مدري وش قصته وش رايكم

[عليمي قنص]

السلام عليكم

بعد ماقريت بعض المواضيع عن السواكتين رأيت إن فايروخ اختيار جيد فرحت على موقع الشركة وسويت مقارنة مع بعض لقيتها تلبي رغباتي وأخذتها قبل يومين من الرميح بـ 1500 ريال ( مع الجراب والحامل و1000 رصاصة مجانا )

المهم قلت له عطني دريبل جيد ورخيص وانتوا خابرين من الفرحة نسينا ندقق بالدربيل والمهم إنه عطاني دربيل محفور عليه الرميح وملصق عليه صنع في الصين بالإنجليزي ومقاسه 28×6-2 وأخذته بـ 190 ريال

وش رايكم الدريبل جيد وإلا أروح أتهاوش معه وبعدين وش اللي تنصحوني فيه من الدرابيل والمقاس بحيث لا يتعدى السعر 300 ريال


صبوا القهوة:j

[ثــراد]

ألف مبرووووووووووك

[عليمي قنص]

ألف مبرووووووووووك


الله يبارك في عمرك

لكن ماعطيتني رايك في الدربيل

[S N I P E R]

الف مبروك
فالها الشحم واللحم
بس والله ماعندي خبره بالدرابيل
انشاء الله الاعضاء يفيدونك

اخوك S N I P E R

[عليمي قنص]

الف مبروك
فالها الشحم واللحم
بس والله ماعندي خبره بالدرابيل
انشاء الله الاعضاء يفيدونك

اخوك S N I P E R


بيض الله وجهك وعلمك طيب

وننتظر أحد يفيدنا

واعتقد أن هناك معادلة لقياس أقصى وصول ممكن بالأرقام الموجودة على الدربيل لكني لم أجدها

[دامح الزلات]

الف مبرووووووك اخوي الغالي وفالها الشحم انشاء الله
وأنا والله اسمحلي ماعندي خبره في الدرابيل

وعلمني تكفى كيف استعمالها معك هل هي تمام
وثابته في الرمي ومداها زيين /// لأني ناوي اشتريلي وحده انشاء الله
وسلامتك

[ثــراد]

الدربيل على الخرازة افضل اما على الهوائية ماله لزوم لأن الهدف لن يكون بعيد

[تاميلون]

ألف مبرووووووووووك

[أبوقزاز]

الف مبروك الله يطعمك من خيرهااا ويكفيك شرهااا

لاكن انصحك ترجع وتأخذ واحد صغير وصناعه زينه وصافي

ويبت عالبندق مايتحرك من مكانه وأن شاء الله تضبط

لاكن انصحك ماتركب دربيل!

فمان الله

[صقرحايل]

الله يعطيك خيره ويكفيك شره

[عليمي قنص]

الله لا يهينكم جميع

والله ماقصرتوا وهذي مقارنة للبنادق الهوائية المشهورة من شركة فايروخ الألمانية وفي اعتقادي أفضلها
85 من خلال المقارنة بالجداول

http://up3.m5zn.com/get-8-2008-j58v6gxlgnz.jpg (http://up3.m5zn.com/showimage-8-2008-j58v6gxlgnz.jpg)http://up3.m5zn.com/get-8-2008-ojj8wajpf1v.jpg (http://up3.m5zn.com/showimage-8-2008-ojj8wajpf1v.jpg)

وهذا هو عنوان الموقع
http://www.weihrauch-sport.de/englisch/e_startseite/e_index.htm

واي معلومات أخرى سأضيفها لاحق اوفي انتظار من يفتينا في الدربيل هل سعره مناسب مقارنة بقياسه؟

وهل في استطاعة المقاس 28×6-2 الوصول إلى مسافة 100 متر بوضوح عالي؟

في انتظار الخبراء

[..@القناص@..]

والله وانا اخوك .. الدرابيل مالي بها علم مررره
لاكن ؛؛؛ على البركه

[الحيزا]

مبروك يعطيك خيرها ويكفك شرها و ان شأألله منتب عليمي

[عليمي قنص]

اليوم ان شاء الله راح أجرب الدربيل والبندق على أهداف فوق 100 متر وراح أعطيكم النتائج هنا بإذن الله

[عليمي قنص]

اليوم ان شاء الله راح أجرب الدربيل والبندق على أهداف فوق 100 متر وراح أعطيكم النتائج هنا بإذن الله


تمت التجربة بمزرعة بالمزاحمية وكذلك الدربيل على مسافة 100 متر تقريبا أو تنقص قليلا وهذه هي التجربة:

الهدف: لمبة إنارة (نجافة) ( اللي بيضاء طويلة )

المسافة: قرابة 100 متر

البندقية: هوائية من نوع فايروخ 85 أمانية الصنع مع دربيل الرميح مقاس 28×6-2

النتائج:

تمت إصابة الهدف بنجاح والدربيل جيد جدا مقارنة بسعره 200 ريال


تمت أيضا إصابة 3 علب بيبسي من نفس المسافة واختتمناها بإصابة علبة الفشق من نفس المسافة

شكرا للجميع

[حمدان حميد]

اول شي مبرررررررررررروك


ثاني شي سو لك هدف صغير كل الى قلته كبير


يعني حبه سيجاره او عود صغير عشان تعرف وزنيتك

[عليمي قنص]

اول شي مبرررررررررررروك


ثاني شي سو لك هدف صغير كل الى قلته كبير


يعني حبه سيجاره او عود صغير عشان تعرف وزنيتك


بإذن الله تعالى هذه اللي بيحصل قريبا

لكن في الرياض مايمديني أسوي حاجة لازم خارج الرياض بنهاية الأسبوع

دائما هنا الجديد بخصوص البندقية 85 فايروخ

[محب الفتك]

بارك الله فيك أخوي ( عليمي قنص )
على تجاربك اللي أفتدنا فيها .
حبيت أسأل سؤال :
هل صحيح أن فايروخ 80 أقوى من 85 فايروخ ، وأنها أدق منها في الرمي لأنها ثقيله ؟؟
بنتظار إجابتك ، ولا يهونون الإخوان ، اللي عنده علم يفيدنا .

[ابوسعودالسهلي]

كممتكتزى ختحتى

[هواية البر]

انا انصحك بصاب الالماني سعره 200 اي شي صناعته صينيه ابعد عنه وانحش وبعدين الدرابيل الصينيه مايتعدى س 100 ريال

[محب العقاب]

السلام عليكم أخوي ( عليمي قنص ) بأنصحك نصيحة مجرب
(( الساكتون الهوائية لا يناسبها الــــدربــــــــــيـــــــــل ، وب علمها أفضل ))
وشكرا ..

[مدهوش]

مباركة عليك البندق

[ابوسعودالسهلي]

بصراحه العالم ذي غبيه من جد مدري وشلون العالم تركب للهوائيه دربيل بعدين الدربيل معروف في البنادق الناريه

[صاهودM]

يعطيك خيرها ويكفيكـ شرها

وانا ما عندي خلفية عن الدرابيل

بس ان شاء الله الاخوان راح يفيدونكـ

تقبل مرووري

[omar salman]

يكفي الثمانين الفايروخ لقب ملكة الساكتون أو شيخة البنادق الهوائية وموضوع الدربيل اختياري للهوائية وغيرها وبعض الناس قوة نظره ضعيفة للبعيد لازم دربيل العلم واضح لأهداف القريبة والغباء ماله وجود بين محبي الصيد خاصة رواد مكشات

[kaaaatm]

يا شباب بس مداخلة


بحكم خبرتي بالبنادق الهوائية


البندق اللي مقاسها ثماني أفضل بألف مرة من الـ 85 وذلك من ناحية المكدة

وعندي بندق 80 من 1411 هـ وإلى يومك كأنها جديدة ولا قد دخلت الصيانة


والسبب في ذلك أن الـ85 سستتها طويله ونحيفة

أما الـ80 فسستتها قصيرة وسميكة لو السب فيها احد من الشباب ما يفصلها من جسمة ولا الدكتور الربيعة (( بس مبالغة))


أما عن الدربيل أنا ما افضل الصيني اما اذا انك تقول على مسافة 100 متر ضربت علبة الرصاص هذه يعتبر ممتاز في حق البندق الهوائية....

أما بالنسبة لمقارنة جدول شركة فايروخ فإنهم مايذكرون التفاصيل مثل السسته و ......

تحياتي
عبدالله

[الوعب]

السلام عليكم ورحمة الله و بركاتة


مبروكة البندق و فلك الصيد ان شاء الله

بالنسبه للساكتون فلا علم لي بالفرق بين 80 و 85 و ذلك للاسف البنادق الهوائيه ممنوعة عندنا في قطر :(
الوكاد كل ماخفت كانت احسن

ولكن من زمان كانت عندي ساكتون هوائيه وركبت عليها دربيل (اتوقع من نوعية رديئة) الوكاد اوزن الدربيل 100% وارمي يمكن 20 طلقه بعدين تتغير الوزنية بسبب ان البندق تهز عند الرمي و هالشي هو الي يغير الوزنية.

وبالتوفيق لك ان شالله



والغباء ماله وجود بين محبي الصيد خاصة رواد مكشات :good:

[الشامخ 501]

الله يعطيك خيرها ويكفك شرها يازين ماخترت
والدربيل خذ نوع يقاله gamo تراها شركه زينه بلحيل واسعارها من 300 وتحت

[صقر برزان]

مبروك
الله يعطيك خيرها ويكفك شرها

[بواردي الحفر]

الله يعطيك خيرها ويكفيك شرها