باسم الله ابدا واكتب الشعر بسطور

[جبل راف]

باسم الله ابدا واكتب الشعر بسطور
واجمع بقايا حروف فكري عسفها

في موقع جيته واخبره من شهور
وسط النفود وكان ضاوي قمرها

ولياوصلت اجمع من طعوسها غمور
واشب ناري لين يقدح شررها

واحط محماسي على جمر مخدور
والبن يحمس لين يلمع شقرها

ثم اوزن قياسة بخبرة ومنظور
واشخلة بالدلة وازيد مبهرها

فنجان كيف ينعش الراس محكور
يطرد عمس عيني ويبقي سهرها

وليانتصف ليلي تخاويت مجبور
عدة نجوم ترتسم مع قمرها

متناثرة في شكلها عقد منثور
وسبحان ربي بالحسن هو رسمها

ثم قمت اسامر نجمي الجدي مشهور
يم الشمال اللي خفوقي ولفها

واقف شجاع والنجم حوله يدور
ثابت مكانه وديرته هو ملكها

ياليت لو ترجع لنا ايامها شهور
لاطحن براسي حب ماقد طحنها

ووقت الوسم يالله عسى امطاره بحور
يروي الشغايا والتلاع وسهلها

وينبت عشبها وتكتسي فياضها زهور
والبدو ترعى بلها مع غنمها

تمت وصلوا عد ماتغرد طيور
على رسول للشريعة حفظها

وسلامتكم

[جزاء الشمري]

نشو الشمال
الله كريم ونسأله سبحانه أن يغيثنا ويرحمنا .
وصح ثم صح لسانك يالطيب ..... وكل عام وأنت بصحة وبعافية .
تقبل تحياااااااتي ........ برق الوسم.

[مطلاع]

مشكور اخوي{نشو الشمال}على القصيده الرائعه
وما هي غريبه عليك وعودتنا على الابداع وصرنا
نطمع بالمزيد بيض الله وجهك والله يرزقنا حنا وياك
بالـ(وسميه) اللي تكثر الماء وينزل الله فيها الخير والبركه
{ورمس بها يا علي من جرم خبه
وقلط بها اللي مثل عنق الغرابــي}

[ذيب طي]

صح لسانك "نشو الشمال" وبيض الله وجهك عالقصيدة والله يرزقنا الخير من واسع فضله

[جبل راف]

نشو الشمال

الله كريم ونسأله سبحانه أن يغيثنا ويرحمنا .
وصح ثم صح لسانك يالطيب ..... وكل عام وأنت بصحة وبعافية .

تقبل تحياااااااتي ........ برق الوسم.



صح بدنك ومشكزر طال عمرك على المرور الطيب
وكل سنة وانت طيب

[جبل راف]

مشكور اخوي{نشو الشمال}على القصيده الرائعه
وما هي غريبه عليك وعودتنا على الابداع وصرنا
نطمع بالمزيد بيض الله وجهك والله يرزقنا حنا وياك
بالـ(وسميه) اللي تكثر الماء وينزل الله فيها الخير والبركه
{ورمس بها يا علي من جرم خبه
وقلط بها اللي مثل عنق الغرابــي}
العفو اخوي بارك الله فيك
وربك كريم وان شاء الله تبي تشوف الوسم الطيب اذا الله قسم
علينا بالاستغفار

[جبل راف]

صح لسانك "نشو الشمال" وبيض الله وجهك عالقصيدة والله يرزقنا الخير من واسع فضله

صح بدنك اخي الغالي ذيب طي ومشكور على التواجد الطيب

[يوسف الخليفة1]

حياك الله نشو الشمال وصح لسانك وننتظر جديدك بإذن الله

[جبل راف]

حياك الله نشو الشمال وصح لسانك وننتظر جديدك بإذن الله


الله يحييك يابو عبدالله وصح بدنك ومالي جديد وانت موجود طال عمرك يااستاذي الفاضل الله يطول بعمرك ان شاء الله