وش الحل يااجماعه

[طارد سحاب]

السلام عليكم يااجماعة الخير
مابي اطول في الموضوع انا عندي سلوقي من نسل طيب وهو طيب في فعاله
انا توني جاي من مقناص خارج المملكه وكان السلوقي مع مجموعه من السلقان لبعض الربع وصراحه السلوقي اخر الوقت ماصرت اهده من فعله الطيب وبصراحه خفت عليه من العين والعين حق
المهم يوم رجعت السلوقي جاه رمد في عيني يعني عيونه كل يوم اردا من الثاني ماخليت احد ماعرضته عليه وكلن تطبب فيه بس مافيه فايده الحين مااعاد ياكل وحالته من ااردا لاردا
وانا ابي مشورتكم يااجماعة الخير
وللى يعطيني حل والله يبشر بسلقه من بناته مثل طيبه وطيب

وشكرا

[shaheenshah]

الله يشفيه

[راعي سبحة]

مدري عن صحة المعلومة اللي أبعطيك اياه بس فيه مرهم عند البيطري حطه حول العين
بس انتبه لايجي المرهم ايدك يلزق بيدك
وأرجوا اني أفدتك

[خياله الجدعا]

السلام عليكم اخوي طارد سحاب السلق الاصايل معروف فيها هذا النوع من المرض يعني شي طبيعي بس العلاج اسف ما افيدك لان هذي بهيمه ولااتطبب فيها وكله بيدك ولاتخليه كانك عارف طيب السلوقي و كبير في العمر0 لكن اتوقع ماله علاج وانشاءالله مايقصرون الشباب ويرفعه ربي وتقنصبه نصيحه اخيره رح لخيمة البيطرهفي نفس المنتدىكل شي واضح ماقصرو الشباب0 مشكور اخوي تقبل مروري0

[ااابوخلف]

عليكم السلام ورحمة الله وبركاته
العلاج طال عمرك
تغلي الشاي دقايق ثم تتركه يبرد شوي (يعني تخليه يصير دافي)
ثم تغسل عيون السلوقي صباحا ومساء (مرتين او ثلاث باليوم)
جرب هالدواء وتذكرني بخير ان شاء الله .

وبعدين بنته اذا شفي بأذن الله اعلمك من تعطيها !

[ابو تمام]

اذا كنت بالرياض اوحولها عندك مركز امان الطبي في السلي فيه اطباء بيطريين وعندهم محجر للسلوقي يعالجونه لاحد مايطيب الله يشفيه

هذا رقم الدكتور ايمن في مركز امان 0504114759

ان شاء الله الجروه من نصيبي

[طارد سحاب]

السلام عليكم يااجماعة الخير

والله لايهينكم كل من عطاني نصيحه كل واحد بنك ولاهي قصور في الباقين

وان انشالله بسوي في مشورتك وهداية الله انشالله عشان حاله كل يوم بناقص
وعلى ماقال القايل اذا مالقحة او مضرها الجمل هوالسلوقي شكله ماهو طيب والعلم عند الله حتى ماعد احد يدخل عليه غيري صار يهد في اي احد يدخل عليه واهذي مواري انه مرضه كايد عليه بالحيل

والله لايهينكم يااجماعه اي احد عنده نصيحه لايبخل فيها وانا عند كلامي يااجماعه السلقه للي يعطيني الحل

شكرا

[مهاجر الخلان]

والله انصحك توديه البحرين في عياده مشاء الله تبارك الله تخصص كلاب الصيد باسم شيخ من شيوخ البحرين جزاه الله خير ..انصحك توديه وبتدعيلي انشا الله

[ابو تمام]

السلوقي اذا بدت عيونه تغور تحس فيها شي ترى هذا مو معناته انه المرض بعيونه يكون المرض داخلي

[هاوي سلق]

هلا فيك اخوي طارد سحاب
يعطيك العافية
انت تقول انك اخذته لاكثر من طبيب واعطوك ادوية لكن مانفع معك شي من اللي اعطوك اياه
طيب ممكن توصف لنا الادوية اللي اعطوك اياها
وان شاء الله راح اقولك الحل الاكيد
وممكن توصف لنا شكل العين من الداخل هل لونها متغير واذا ممكن تصورها وتنزل الصورة يكون افضل
لاهنت
انا في انتظارك

[.تقوى الهجر.]

والله واناااا اخوووووووووووك اذااا كاان تحس ان حالته كل يوم اردااا فلحق على السلاله وشبه من سلقه طيبه وهذاا بعد ما تجرب نصايح الاخوااااان وترااه اخر الحلوووول ,,,,تقبل مروري,,,,

[سلطان العوني]

هذي بسيطه ان شاء الله ودامك تقول انك جربت ادويه ومانفع معك .
عليك بالسمن البري سمن الغنم
خذلك شي بسيط من السمن لكن بشرط يكون بارد ( جامد ) وحط نقطه بكل عين . وان شاء الله بتلاحظ انها تبرد عليه وراح يخف باذن الله

[طارد سحاب]

السلام عليكم ياااجماعة الخير
والله لايهينكم كل واح بنكه الى عطوني المشوره الله لايهينكم الف شكرا على النصايح وانشالله انها تفيد

وبشركم جاني واحد من الربع شرواكم وقالى عطني السلوقي ولاتنشدني عنه قبل شهر يااابقولك مات او بجيبه احسن من اول بذن الله وهو رجال عنده خبره من زمان في السلق ولاهي نقص فيكم
وللامانه كل الوصفات الى عطتوني كتبتها له بورقه عشانه هو ماهو راعي نت وقالى انشالله اني بجربها وعطيك الخبر انشالله وانا عند كلامي يااجماعه اللى وصفته انشالله تنفع ترا بنت طراح له اسمها خزه وهي من اعز السلق عندي ونتظروني والى عنده وصفه لا بخل.
والله لايهينكم من شاركني في الموضوع .

شكرا وبيض الله وجيهكم

[huawei--]

السلام عليكم ورحمة الله وبركاته

أخوي طارد سحابه الله يشفي سلوقيك ويقومه بالسلامه و أنا أشهد أن خويك اللي خذاه وتزهل فيه أنه رجال شقردي وينحط على اليمين و أنا بفيدك أفاده مكرره لا كن أنا أتوقع أنها مفيده 100%

مثل ما قال أخوي بو خلف الشاهي زين مو بس حق الكلاب

للفايده أنا أقول لك حتى الأوادم اذا جاهم بلا بالعين يفوحون الشاهي بس بدون سكر

وله فايده ملحوظه ..

لا تتهاون بالشاهي وأنا أخوووك

جرب لا أوصيك

والله يقوم سلوقيك بالسلامه ..

[الوافي4482]

الله يشفيه ما قصرو الشباب

[az-aldin]

عليك بالعسل

[ولد عنيزة]

انا كانعندي سلقه وجاه نفس الشي وديتها البيطري وعطاني مرهم تحطه بالعين وانشاء الله ماراح تندم والاخوان ماقصروا
والله يشفيه

[قلب الماس]

مر اقرب صيدليه وخذ مرهم للعيون
وخذ دوا خاص للاطفال مضاد اسمه زينات مضاد حيوي اخلطه بماء مقدار الغطا الموجود مع الدوا في حال لقيته بصيدليه
وحط له من الدوا بالاكل مقدار 3 ملي حط له الدوا مع شوية روب
مرتين باليوم
لمدة 5 ايام انا جربت العلاج مع سلقتي والحمدلله كانت النتيجه طيبه

ومثل ماقلو لك التهاب العين معناه مرض داخلي
واخير نسيت شي مهم نظف عين السلق بالما والملح قبل وضع قطرات من المرهم
مقدار ملعقه صغيره بنص لتر ماي وجيب لك قطنه ومسح ابها عينه
والله يشفيه

[EFI.4500]

من رايي اقرا عليه اتفل ماراح تخسر شي

[احساس مجروح]

السلام عليكم ورحمة الله وبركاته
اخوي انت لو اتحط الصور احسن ممكن افيدك اكثر او اخواني الاعضاء
المهم
موجود في الصيدليات مراهم اسمها ترمايسين او بنسلين زينه حق مشاكل العين وضربه ابر بنسلين مضاد حيوي عام مع المرهم مع تنضيف العين قبل الدهان بالمرهم والله كريم انشاء الله اكون فيه الشفاء
بس حاول تستعجل في العلاج علشان ما يصيده عمى لا قدر الله
الله كريم و بشرنا

[شيب الشيب]

سلام عليكم ياخوي جبلك ماء وملح وحطه مع بعض وزين يكون الملح ناعم
وخاطه زين وجبلك عبوت قطره وحط فيها الما والملح وثبت السلوقي زين وحطه في عينه وترها تبي توجع السلوقي حطه مرتين في اليوم لين تحس السلوقي طاب وهذا حسب مافدني حدا الرجال الكبار
وشكراً

[طلو]

اخوي خذله قطره عيون حقت الاوادم وعليك تعطيه ابره اسمها لنكزباكتين
لمده خمس ايام وانشالله تجيب نتيجه
صارت معي واستخدمت هذه وابشرك كل شي صار تمام

[طارد سحاب]

السلام عليكم وشهر عليكم مبارك والله يتقبل منكم صالح العمال انشالله
والله لا يهينكم كل واحد بنكه والله انكم كفيتو وماقصرتو على فزعتكم وهذا من طيبكم الله يطول اعماركم

وللاسف السلوقي كف الله يخلف ماعد ينفع انا شكلي تاخرت عليه في العلاج والله يحفظ حلالكم من كل شر

الله لا يهينكم وماقصرت والله فزعتكم تسوي الشي الكثير عندي
وكل عام وانتم بخير انشالله

[خمبده]

اخوي طارد سحابه اللي عندي انك تطير فيه الاحساء في مبنى كامل حق بيطرة حيوانات
والشباب يمدحونه وتراه حكومي اللي تبي يسونه له

والله يشفيه

[نفاج]

ماقصرو الأخوان