(اللباة) طبخه جديده. [الأرشيف]

عريدان

13/01/2004, 01:07 PM

السلام عليكم ورحمة الله وبركاته
إخواني وش فيكم تراه وقت حساس بالنسبه لهذي اللأكله المفضله.
جاوبوني.

عبار درب

13/01/2004, 01:36 PM

هي تستخرج من الأغنام ( الضان + الماعز ) ، و البقر لا اعرف ان كانت تستخرج من الأبل
بعد الولادة يكون ضرع الأم مكتنز باللباة أربعة او خمسة ايام ثم يبداء في التحول الى الحليب ، يؤخذ منه بعض الكمية ويترك البعض لمولوده وتجمع وحبذا اذاكان هناك اكثر من رأس اذا كانت اغنام تجمع اللباة وتوضع على نار هادئه ويضاف اليها قليل من الملح والحبة السوداء و الفلفل الأسود ويترك على النار لقرابة النصف ساعة او حتى تراى ان الخليط تماسك بشكل كافي قريب من تماسك الروب ( الزبادي ) ثم يؤكل ويشرب مرقة المترسب في اسفل القدر
ارجو ان اكون افدتك و بالعافيه
:good: :good: :good: :D :D

عاشقة البر

13/01/2004, 01:38 PM

الاخ عريدان

وش دراك اني امس طابختن لباه ؟؟ :)

الحقيقه انا جدا احب هالاكله

واللباه للي ما يعرفها هي حليب النعجه بعد ما تولد بوقت قصير

يكون حليبها اصفر وثقيل شوي

بالنسبه لي ما اعرف الا طريقه وحده لطبخ اللباه

وهي انك تحط اللباه في قدر وتحطه على نار متوسطه

وتستمر في تحريكها حتى لا تحترق وبعد فتره اقصر على النار

راح تلاحظ ان اللباه تحولت من السائل الى ماده لينه ولذيذه

ودير بالك لا تحترق

وبعد ما تنزلها من النار إكلها مع التمر

وبالهنا والشفا

:)

عاشقة البر

13/01/2004, 01:42 PM

عبار درب

شكلنا كنا نكتب الرد بنفس الوقت

:)

عاشقة البر

13/01/2004, 01:46 PM

0

جربوا تاكلونها مع التمر بدون ملح

شييييييييي :)

نقا هشال

14/01/2004, 02:10 AM

مشكورين ولاهنتو

عريدان

14/01/2004, 08:56 AM

السلام عليكم ورحمة الله وبركاته
صبح الله الجميع بكل خير
عبار درب، وعاشقة البر، ونقا هشال
عز الله إنكم ما قصرتوا. وصف وشرح وافي لا هنتوا وبأحاول اني أنقز للمزرعه القريبه (بالدرعيه لا تخافون م أتاخر) كود ألقى وحدة من الغنم توها منتجه و أجرب هالوصفه بأسرع وقت بإذن الله.
وعلشان كذا اللي مدحها قال أن وقتها هالايام وإثره يناضر طعام مطافيل الغنم وفي الربيع بعد. والله مهوب هين ذيبان.
وولللللللل. حول ما يصير (وررل) وللللل.
س: سؤال هل لها (فوائد) مفيده!!!! أشوف الرجال يثني عليها.

عبار درب

14/01/2004, 11:22 AM

السلام عليكم ورحمة الله وبركاته
ابسألك سوعال كم عندك من مره;) ;) :p :p

عاشقة البر

14/01/2004, 11:40 AM

اكيد انها مفيده

اعتقد فيها بروتينات ومواد مفيده اكثر من الحليب

ولا تنسى انها غذاء كامل لمواليد الغنم والماعز ( رحمه من الله سبحانه لهم )

اويلاااااه ذكرتوني بطعمها :(

<<< راحت تدوّر لباه :)

9

العبري

14/01/2004, 11:47 AM

عندي طريقة حديثة لعمل اللباة الصناعية وهي كالتالي:
جب لك حليب طازج مقدار لتر واحد اي نوع، بعد ذلك حطه في قدر على النار واستمر في التحريك حتى لا يحترق الحليب ، بعد ما يقرب من الغليان أضف شوي حبة سوداء وبعدها ملعقة خل ابيض فستخرج لك لباة صناعية وتكون طبقة عليا والسفلى زي الماء الأصفر صف اللباة من الماء وكلها وادع لي:D

خوي حسن

14/01/2004, 11:56 AM

واوه اخوي عريدان ذكرتني عصرا مضى وفنون
الله اكبر يوم كلا عنده بقره بالبيت يشرب لبن طبيعي بدون اضافات
ومواد حافضه اوبودره الله يديم النعمه نرجع لمحور حديثنا
كنا نقوم مع الديك علشان ناكل اللباة هو طعم اممممممم
فقط اللباة مع اشوي امليحه ويالله لك الحمد
الا ليت الزمان الي فات يرجع لحط عيدين والثالث سعودي
ياسعدكي ياعاشقة البر اللباة مره وحده عقبالنا

عبار درب

14/01/2004, 02:06 PM

كلامك صحيح يا عاشقة البر شوفي التاريخ و الوقت والله يجزيس بالخير نبهتينا الى اهمية التحريك حتى لا تحترق اللباة
الأخوة الأفاضل ابشرو بالخير الربيع مقبل وكل ماعليكم تمرون على الرعيان وتدزونهم بكم ريال ويحلبون من المولدات وطربو اعماركم يامال العافيه :D :D :D :good:

مسداح مرداح

22/01/2004, 02:27 AM

يا اخوي عريدان

تراني اشتقت لهاذي الطبخة

ورا ما تسويها لنا

عبر الانترنت

والا نجي معك الدرعية

مع تحيااااااتي

الملثم

30/01/2004, 02:27 PM

السلام عليكم ورحمة الله وبركاته
أخوي عريدان هذه طريقة اللباة صناعية وهذا وجهي إذا حد عرف إنها صناعية بعد ما تسويها وإن شاء الله أصور طريقتها وأفردها بمشاركه .
الطريقة
1- تكسر 12 بيضة وتكرخهم جيد
2- 12 ملعقة متوسطة حليب نيدو أو أي حليب مثله وتكرخهم بالبيض
3- علبة روب مثل المراعي وتكرخها بالبيض والنيدو .
___

تجيب قدر تفوح فيه ماء وتحط فيه سكر مثل أقياس الشاي ، وزعفران ، ( وتقصر على النار ) لين يفور تكب الخلطة فيه بتلاحظ أن الخلطة تجمع يعني اللباة تستوي لين تحس أنها استوت تطفي النار ثم تنقلها وفيه العافيه .

عطارد

08/02/2004, 11:00 AM

السلام عليكم
فيه طريقه حلوه لعمل اللباة في اي وقت حتى لو ما عندك غنيمات مضنيه ......
جب حليب طازج وحط معه زلال البيض يعني بياض بس واخلطه بالخلاط تم اطبخه وحط عليه ملح وسويدا وحرك الين يعقد وعقبه سم بالله وافدع في اللباة وبالعافيه.,.,.,.,.,.,..,.,.,.,.,.,.,

عريدان

16/02/2004, 02:03 PM

السلام عليكم ورحمة الله وبركاته
جعل كل من رد وشارك يسلم. ومشكورين على الاهتمام بهذه الطبخة التراثيه.

ابومعاذ

03/04/2004, 12:19 PM

الأصل كُتب بواسطة الملثم

الطريقة
1- تكسر 12 بيضة وتكرخهم جيد
2- 12 ملعقة متوسطة حليب نيدو أو أي حليب مثله وتكرخهم بالبيض
3- علبة روب مثل المراعي وتكرخها بالبيض والنيدو .

السلام عليكم ورحمة الله وبركاته

الأخ الملثم ..................

هل نخلط البيض كامل (البياض + الصفار) ام البياض فقط

وشكررررررررررررا مقدما

ابومعاذ

05/04/2004, 12:42 PM

للرفع..................!!!!!!!!!!!!!!!!!!

بوعبدالله

20/04/2004, 11:09 AM

السلام عليكم
إخواني الأعزاء الموضوع قديم ولكن عندي طريقة نسويها في قطر عادة
وهي نحط الألبه في القدر ونخلط معاها كركم بحيث تأخذ اللون الأصفر ونحط معاها سكر حسب المذاق المطلوب وأيضا هيل بنسبة قليلة ونخلي الخلطة على نار هادية حتى تنضج وتكون بها قليل من الماء ليست ناشفة حيل .
وتؤكل عادة بالملعقة حلوة مرة .
تحياتي لكم .
بوعبدالله .
قطر .

شقردي ثاني

30/04/2004, 11:15 PM

والله يا جماعة الربع شهويتونا على اللباه..
لكن الي مثلي عايشن في الديره وشلون يحصل عليها ابي الاصليه ما ابي التقليد
هل فيه احد يبيع اللباه او محكوره على اهل الغنم

بوعبدالله

25/05/2004, 09:39 AM

الأخ العزيز
شقردي ثاني
أولا العذر على الإطالة وبما أنك أستفسرت وبحكم أني هاوي حلال وعندي مجموعة من المعز والضان فاللباه الأصلية تحصلها عند هل الحلال ولو عندك رفيق عنده معزة وفيه شي منها مقربه ومحدر فتطلب منه لما تلد يحلب لك من الباها وتسويه على طول ، ومافيه أحسن ولاأحلى من اللبا الطبيعي بما يحتويه من فوائد ومذاق حلو .
تحياتي .
بوعبدالله