خالد الوقيت
29/08/2008, 03:59 PM
.
متكاي مـع رفقتـي شرقـي فغّانـه
......... يلوي فـؤادي الـى منـي تذكرتـه
لو كان لي من هموم الوقت واحزانه
......... وقتٍ مثـل متعتـه ماظـن غادرتـه
على الرهو يوم شفت الربع شفقانـه
..........غصبٍ عليّه هوى الحذرات غيّرتـه
وصرت اتحمس على تمتير خليانـه
........ وتهون عندي غرابيلـه ومشورتـه
بتالي أغسطس بداية أول أزمانـه
........ وحروة رجوعه بمارس آخر اشهرته
ندور لاجلـه مـن اكتيفـه ومرّانـه
........ الى العجاجه ولانتعب مـن ادورتـه
يازين لاجت تهيـل القلـب فرقانـه
......... مثل الحبال الطويلـه يـوم ناظرتـه
يرسم بجـو السمـا لوحـات فنانـه
...... لولاك تختب بشوفه كـان صورتـه
يموج مثل البحر في وقـت هيجانـه
........ مرّ يميـل ليميـن ومـر بايسرتـه
لامرحـوه النشامـى فـي امسيانـه
.......وتنزّحوا عنه لا يسمع مـن اذيرتـه
وتواعدوا بالكنـاود وسـط قيعانـه
....... وشبّوا لهم نار كـل الليـل نورتـه
عقب المشاوير روس الربع عمسانه
....... هات الطرا يابو جامع كـان بهرّتـه
قدوعهـم سكـريٍّ طابـت الـوانـه
....... يـرد روح المعنّـى طعـم سكّرتـه
والليل كلـه سواليـفٍ علـى شانـه
....... هـذا يخطـط وهـذا يغيـر اكفرتـه
ويوم استوت للمنـادي حـزة اذّانـه
....... صلّوا وتقهووا وقصّوا للونَس كَرتـه
وتجمّعوا يوم باح الشـوف بوزانـه
....... صفّ السباقات قبل تحيـن صافرتـه
وفي ساعة الصفر صاح الذيب بعوانه
...... وتزارقوهن ... وكلٍ طارت اغبرتـه
وتفاقعن يوم جُوهـن مثـل دخانـه
........ ولجّن وكلٍّ جعـل حيلـه بحنجرتـه
وثار الرمي والسوابر زادت اثمانـه
.......وراع البلاجك يقول البندق اقهرتـه
وطاح اربعه والبقيّه صـك جنحانـه
....... يم السما والصويب يطيـر بآخرتـه
وتحامدوا ثم داجـوا وسـط ميدانـه
....... وعلى الكروكي رسم كـلٍ مناورتـه
وعقب انتهوا قالوا الموعد امغدّانـه
....... في مزرعتنا جنوب وسيط واحجرتـه
هذي تعابير قلـبٍ فاضـت اشجانـه
....... ذكرى الرهو ياجماعه جات واحشرته
نظمتهـا نظمـة الصًّـوّاغ مرجانـه
....... ولاهل البدايع تراي اليـوم سطرتـه
.
متكاي مـع رفقتـي شرقـي فغّانـه
......... يلوي فـؤادي الـى منـي تذكرتـه
لو كان لي من هموم الوقت واحزانه
......... وقتٍ مثـل متعتـه ماظـن غادرتـه
على الرهو يوم شفت الربع شفقانـه
..........غصبٍ عليّه هوى الحذرات غيّرتـه
وصرت اتحمس على تمتير خليانـه
........ وتهون عندي غرابيلـه ومشورتـه
بتالي أغسطس بداية أول أزمانـه
........ وحروة رجوعه بمارس آخر اشهرته
ندور لاجلـه مـن اكتيفـه ومرّانـه
........ الى العجاجه ولانتعب مـن ادورتـه
يازين لاجت تهيـل القلـب فرقانـه
......... مثل الحبال الطويلـه يـوم ناظرتـه
يرسم بجـو السمـا لوحـات فنانـه
...... لولاك تختب بشوفه كـان صورتـه
يموج مثل البحر في وقـت هيجانـه
........ مرّ يميـل ليميـن ومـر بايسرتـه
لامرحـوه النشامـى فـي امسيانـه
.......وتنزّحوا عنه لا يسمع مـن اذيرتـه
وتواعدوا بالكنـاود وسـط قيعانـه
....... وشبّوا لهم نار كـل الليـل نورتـه
عقب المشاوير روس الربع عمسانه
....... هات الطرا يابو جامع كـان بهرّتـه
قدوعهـم سكـريٍّ طابـت الـوانـه
....... يـرد روح المعنّـى طعـم سكّرتـه
والليل كلـه سواليـفٍ علـى شانـه
....... هـذا يخطـط وهـذا يغيـر اكفرتـه
ويوم استوت للمنـادي حـزة اذّانـه
....... صلّوا وتقهووا وقصّوا للونَس كَرتـه
وتجمّعوا يوم باح الشـوف بوزانـه
....... صفّ السباقات قبل تحيـن صافرتـه
وفي ساعة الصفر صاح الذيب بعوانه
...... وتزارقوهن ... وكلٍ طارت اغبرتـه
وتفاقعن يوم جُوهـن مثـل دخانـه
........ ولجّن وكلٍّ جعـل حيلـه بحنجرتـه
وثار الرمي والسوابر زادت اثمانـه
.......وراع البلاجك يقول البندق اقهرتـه
وطاح اربعه والبقيّه صـك جنحانـه
....... يم السما والصويب يطيـر بآخرتـه
وتحامدوا ثم داجـوا وسـط ميدانـه
....... وعلى الكروكي رسم كـلٍ مناورتـه
وعقب انتهوا قالوا الموعد امغدّانـه
....... في مزرعتنا جنوب وسيط واحجرتـه
هذي تعابير قلـبٍ فاضـت اشجانـه
....... ذكرى الرهو ياجماعه جات واحشرته
نظمتهـا نظمـة الصًّـوّاغ مرجانـه
....... ولاهل البدايع تراي اليـوم سطرتـه
.