يوسف الخليفة1
30/08/2008, 01:37 PM
فرحان يا وقتن بطول المدادي=عمرك يعادل عمر الاوادم كله
مير انها الدنيا جنوده سرادي=ما سرت الشيطان طوله مذله
الا على طاعه كلامن وكادي=دينن سماوي عزنا تحت ظله
يا ما حلا الساحل به الجو هادي=في ليلتن خرمس مع قروم شله
ما ثار موجه من رياحن شدادي=ولا ذرا سافي رماله تهله
جذب السوالف جت قبيل الرقادي=بها وناسه وانبساطه وفله
في جال شطن طوقته الوهادي=تسمع نغيرن للنوارس صدن له
وتهاجر طيورن تمر البلادي=وقت المصيد الله حكيمن يدله
وليا اسفرت نطرد وراها اجتلادي=وارزاقنا عند الولي في سجله
حدرن ونزلن او كرورن يصادي=قمري او قميري ترا ان شيت قله
النوع واحد والاسامي عدادي=كل ديرتن تلهج بلهجة محله
ربشا الجناح معتمه بالسوادي=مرغوبتن مملوحتن ما تمله
وصغارها لونن يشادي رمادي=الصدر يسطع من بياضه تدله
يا ما حلاها لقتفاها البرادي=مكنفشه قبل الشروق بخلا له
تطبخ بقدرن حط فوق الهوادي=سمرن حطبها بيمن النار دله
ولنش رزه خل ناره ركادي=ثم اسحب الضيان ما غير مله
ماالين لحمها مثل لين الزبادي=دهنه كما زبدن ذوا وسط حله
غظن لحمها هبرها بالثنادي=مع مزة المزمكا فاهي يتله
مزن كما مز الثمان الكرادي=من مبسمن للي رموشه مظله
مزن حلالن بالزواج انعقادي=ماهو حرامن مير زوجه وحله
قير الدبل زادن به اليسر بادي=من دونه المركوب يبرك بهله
الجيب طيرن حين وقت الهدادي=ينسف غرازه لتزايد متله
يشمر على الحره سواة القرادي=يشفي غليلك بالدروب المعله
والباث فندر هو رفيق الطرادي=مع كل نجاعن يوافق هوا له
سرندله سته شبيه الجوادي=يسري لدون ما رعت فيه بله
سرية سحابه لهتشت بالبوادي=تلقا لها رسومن توالت خطا له
وليا مشى بالقار مشي الجرادي=ينساب لجت له رياحن تخله
( يوسف الخليفة )
مير انها الدنيا جنوده سرادي=ما سرت الشيطان طوله مذله
الا على طاعه كلامن وكادي=دينن سماوي عزنا تحت ظله
يا ما حلا الساحل به الجو هادي=في ليلتن خرمس مع قروم شله
ما ثار موجه من رياحن شدادي=ولا ذرا سافي رماله تهله
جذب السوالف جت قبيل الرقادي=بها وناسه وانبساطه وفله
في جال شطن طوقته الوهادي=تسمع نغيرن للنوارس صدن له
وتهاجر طيورن تمر البلادي=وقت المصيد الله حكيمن يدله
وليا اسفرت نطرد وراها اجتلادي=وارزاقنا عند الولي في سجله
حدرن ونزلن او كرورن يصادي=قمري او قميري ترا ان شيت قله
النوع واحد والاسامي عدادي=كل ديرتن تلهج بلهجة محله
ربشا الجناح معتمه بالسوادي=مرغوبتن مملوحتن ما تمله
وصغارها لونن يشادي رمادي=الصدر يسطع من بياضه تدله
يا ما حلاها لقتفاها البرادي=مكنفشه قبل الشروق بخلا له
تطبخ بقدرن حط فوق الهوادي=سمرن حطبها بيمن النار دله
ولنش رزه خل ناره ركادي=ثم اسحب الضيان ما غير مله
ماالين لحمها مثل لين الزبادي=دهنه كما زبدن ذوا وسط حله
غظن لحمها هبرها بالثنادي=مع مزة المزمكا فاهي يتله
مزن كما مز الثمان الكرادي=من مبسمن للي رموشه مظله
مزن حلالن بالزواج انعقادي=ماهو حرامن مير زوجه وحله
قير الدبل زادن به اليسر بادي=من دونه المركوب يبرك بهله
الجيب طيرن حين وقت الهدادي=ينسف غرازه لتزايد متله
يشمر على الحره سواة القرادي=يشفي غليلك بالدروب المعله
والباث فندر هو رفيق الطرادي=مع كل نجاعن يوافق هوا له
سرندله سته شبيه الجوادي=يسري لدون ما رعت فيه بله
سرية سحابه لهتشت بالبوادي=تلقا لها رسومن توالت خطا له
وليا مشى بالقار مشي الجرادي=ينساب لجت له رياحن تخله
( يوسف الخليفة )