اهل الشرقيه افيدونا؟؟

[وَسَام!]

سمعت البارح خبر مفاده ان الساحل
جهة راس الزور ان ارامكو
قامت بشبك الجزء
الاكبر
منه
فهل لهذا الخبر صحة من عدمه؟
:confused:

[نيشان نجد]

والله ياخوك ما جاني علم بيفيدونا لاخوان

[جارح العين]

مايقصرون الاخوان يفيدون انشاء الله

[نبع الدموع]

كان ودي افيدك يابو صالح لاكن مقناصي الاسبوع الي طاف كلة قريب

[أبوتركي]

اخوي وسااام ... ذيك الجهة ماقصر واحد من الحبايب وحاميها كل سنة .. يعني شبكوها والا ماشبكوها ماتفرق ..

[alajmi110]

يا مرحبا فيك اخوي وسام
الكلام هذا نعم صحيح انا رجال اشتغل فا الخرسانيه فا المعمل الجديد
واعرف ناس يشتغلون في راس الزور مشروع جديد لاارامكو
والي انا اسمعه ان ارامكو راح تاخذ المناطق ذيك كلها
وعلى قولت ابو تركي غير الي حاميها بعد هههههههههههه

[سلطان 1]

يا وسام ابشرك صحيح والعلم وكاد 0
ياخوي خل الحبارا تحول وتريح وتمغط وتقلع يمنا واللي يقول طيره سبوق يهد عليها 0
ولا عاد يبيلها واحد يطيرها 0وخلها تكثر بعد 0

[قلب شاهين]

يابن الحلال اصبر وتشوف مابه صيد وحتى الي بيدعون يتعبون يدورون اماكن دعو :)

تحياتي / قلب شاهين ،،

[أبوعبدالله..]

مادرررررررري والله ..

[وَسَام!]

نيشان نجد لاهنت على كل حال
جارح العين ماقصرت
نبع الموع انت من لقاك بعيد ولا قريب:D
ابو تركي حياك الله وعلم عدوك ;)
العجمي ياهلابك ومسهلا شي اهون من شي
راعي فاروق مرحبابك واول البشرى مرورك والقلب على القلب شاهد عارف قصدي هو قصدك
قلب شاهين مرحبابك ويارجال الله لايبلانا والله انها مشاكال انا ندعي طيورنا في محل جنوب الخرج
في منطقه معروف انها مراعي يعني مااحد يتملك فيها ونشوف العقوم قامت تزحف زحف سلحفاه
ابو عبدالله شرفني مرورك

[ســـــــنافي]

نعم الخبر صحيح
والشبوك اخير من حاميها !

[راعي المغتر]

السلام عليكم ورحمه الله
العلم اللي جاك ياخوي صحيح ومن زمان يخططون فيه
اخي راعي فاروق الله يمسيك بالخير
ذكرتني بواحد من اخوياي الله يذكره بالخير يقول حبارى الشرقيه ماتطير ولاتروح ديره مع الطير ورزقه الله بصاروخ موجه حتى ماقدرنا نسبرها من السرعه

[الطبشي]

مشبك والله يرزقنا الصيد ......

[شنوان]

اشكرك يابوتركي جبت الصواب
زي ما تفضل اخي ابو تركي
شبكوها ولا ما شبكوها في كل سنه مشبكه
واتمنا من الله ان يشبك ساحلنا باكمله
لان ماحنا مستفيدين شي منه الى الدعو اول الوقت

[هاوي الربيع]

:D مرحبا ياخوان الصحيح ان الشبك لشركة معادن مش لارامكوا
وبعدين توهم بادين في الشبك يعني يتوقع الحبارى وبتصاد عد الشبك ما حماها
والسموحه:D

[مخلف الهقوات]

بيض الله وجهك يا راعي فاروق ودك الساحل ما ينقنص ابد لانة منطقة عبور وحبارى الساحل يصيدها الي ما يصيد ما تطير ابد حرام هدد عليها

[صقااارالدمام]

والله ماجانا علم لين الحين لاكن الله يعين وتقبل مروري

[مخلف الهقوات]

مساكم الله با الخير يا الربع وبصراحة الله يجعل الساحل كلة يحمى لانة عبور وانا من راي راعي فاروق.الاخ وسام الطير الي حاطة بتوقيعك تعرف من طارحة وعلرف شب عن الطير

[مكشاتي سابق]

أرحب فيك أخي ( وسّام ) وباقي الأخوة


العلم اللي جاك غير صحيح والمنطقة اللي ذكرت لم تشّبك بعد لكن سيتم تشبيكها في المستقبل
المصانع اللي في الخرسانيه شغاله الآن وعليها حرس أمن المنشئآت الله يحفظهم وباقي المناطق مفتوحه لكنها غدت خرايط من كثر خطوط الردميات
وللعلم أنا من أهل الشرقيه لكني ما أقنص المناطق تلك لأن المقناص فيها جهاد ماهب وساعة صدر
وإن حبارى وحده في السعه ابرك من10 وجي فيها حارش وارش
أتمنى إني أفدتك


فالي وفالكم التوفيق هالسنه وكل السنه

[راعي شلهوب]

أرحب فيك أخي ( وسّام ) وباقي الأخوة



العلم اللي جاك غير صحيح والمنطقة اللي ذكرت لم تشّبك بعد لكن سيتم تشبيكها في المستقبل
المصانع اللي في الخرسانيه شغاله الآن وعليها حرس أمن المنشئآت الله يحفظهم وباقي المناطق مفتوحه لكنها غدت خرايط من كثر خطوط الردميات
وللعلم أنا من أهل الشرقيه لكني ما أقنص المناطق تلك لأن المقناص فيها جهاد ماهب وساعة صدر
وإن حبارى وحده في السعه ابرك من10 وجي فيها حارش وارش
أتمنى إني أفدتك



فالي وفالكم التوفيق هالسنه وكل السنه

اشهد انه صاااااااادق يالربع والزور محمي بدون شبك