يوسف الخليفة1
31/08/2008, 03:16 PM
http://www.mekshat.com/pix/upload01/prof002/mk67513_5117_1164219498.jpg
اواه يا عينن جفونه مقاييف=نومه شلافيحن عساها عوافي
تسهر سواة اللي بغوه الحياييف=ما له سوا عشرين شاتن ضعافي
الحر طول واحتمى واهج الصيف=ما تدرك اوصافه طروق القوافي
ما للفتى رغبه بجلسه ولا كيف=عند المكيف عقب طرق الفيافي
لفح السمايم في هبوب الهفاهيف=كنه لهيب النار قلي القرافي
سهيل بان وما بقولي خذاريف=عقب الفجر نجمه جنوبن يشافي
قد راحت الطرفه سواة السواليف=تتبع لها الجبهه جداد الخرافي
متى تجينا حزة الطل والطيف=فيها نشوف بروق مزنن رفافي
ضيق الوبل يرشق على عالي النيف=وعمق الثرا شبرين فوق الشعافي
تظهر زماليق الخزامى بلوا السيف=ريانتن مثل الخيوط الرهافي
تلمع نواقيط الندا حزة الريف=وقت الشروق بساعتن ما تعافي
اليا غديت بشرعن تنظم القيف=في معزلن ما دوجته الخفافي
تدير شوفك بين ذيك الطواريف=ما زاد نسناسه به الجو صافي
جلسة خلا ما كدرته الصواديف=ولا بها عوج العلوم الصلافي
ناسن مذاهبهم على غير تهديف=صاروا على طية خفوسن مهافي
من شب في عمره على غير تهديف=يمسي كما الحنظل بقاع السوافي
اللي بدا باول حياته عجاريف=تاليه غثرب يقطع الوعر حافي
المرجله ما تاتي الشخص توليف=المرجله فودن بكف السنافي
يحجن عليها من صباه بتغاليف=شبلن ينميها بطيب السلافي
يرقا بها موج الحياة بمجاديف=ثابت على القرقور للعز لافي
مشى بها بحر العسر والتكاسيف=رسى على شطن وسيعن ودافي
القاف وزنيه ولا فيه تطفيف=القاف دلون في مجمن يلافي
اما يجيب الما قراحن بتلطيف=والا يجيب من الهماج الزعافي
( يوسف الخليفة )
اواه يا عينن جفونه مقاييف=نومه شلافيحن عساها عوافي
تسهر سواة اللي بغوه الحياييف=ما له سوا عشرين شاتن ضعافي
الحر طول واحتمى واهج الصيف=ما تدرك اوصافه طروق القوافي
ما للفتى رغبه بجلسه ولا كيف=عند المكيف عقب طرق الفيافي
لفح السمايم في هبوب الهفاهيف=كنه لهيب النار قلي القرافي
سهيل بان وما بقولي خذاريف=عقب الفجر نجمه جنوبن يشافي
قد راحت الطرفه سواة السواليف=تتبع لها الجبهه جداد الخرافي
متى تجينا حزة الطل والطيف=فيها نشوف بروق مزنن رفافي
ضيق الوبل يرشق على عالي النيف=وعمق الثرا شبرين فوق الشعافي
تظهر زماليق الخزامى بلوا السيف=ريانتن مثل الخيوط الرهافي
تلمع نواقيط الندا حزة الريف=وقت الشروق بساعتن ما تعافي
اليا غديت بشرعن تنظم القيف=في معزلن ما دوجته الخفافي
تدير شوفك بين ذيك الطواريف=ما زاد نسناسه به الجو صافي
جلسة خلا ما كدرته الصواديف=ولا بها عوج العلوم الصلافي
ناسن مذاهبهم على غير تهديف=صاروا على طية خفوسن مهافي
من شب في عمره على غير تهديف=يمسي كما الحنظل بقاع السوافي
اللي بدا باول حياته عجاريف=تاليه غثرب يقطع الوعر حافي
المرجله ما تاتي الشخص توليف=المرجله فودن بكف السنافي
يحجن عليها من صباه بتغاليف=شبلن ينميها بطيب السلافي
يرقا بها موج الحياة بمجاديف=ثابت على القرقور للعز لافي
مشى بها بحر العسر والتكاسيف=رسى على شطن وسيعن ودافي
القاف وزنيه ولا فيه تطفيف=القاف دلون في مجمن يلافي
اما يجيب الما قراحن بتلطيف=والا يجيب من الهماج الزعافي
( يوسف الخليفة )