ايش الأفضل اخلي الثقل تحت الخطاف واللى الž

[رابح حمامة]

السلام عليكم

انا ابغا اسأل ايش الأفضل اخلي الثقل تحت الخطاف واللى الخطاف تحت الثقل

الرجاء الرد في اسرع وقت:confused:

[المعلاوي]

المعروف لدي أنك تجعل الميدار تحت الثقل ..

لأنه والله العالم إنه بسبب إن الميدار هو أول من يصل للشعب ..

تمنياتي لك بالتوفيق ..

[sultan22222]

احسن شي تخلي الخطاف تحت الثقل مثل ماقال اخوي المعلاوي.

[الكونتر]

والله انا اشوف اذاكان معك القصبة تجعل الثقل الاول
واذا جلب عادي تجعل الخطاف لاول بعدين الثقل

[monther]

السلام عليكم ورحمة الله وبركاته .
شوف ترى يعتمد اذا كان في تيار ولا مافي يعني يسمونه مايه قويه ولامايه خفيفه , اذا كانت المايه قويه احسن اتخلي الميدار تحت وتعطيه باع ولا باعين عن (البلد) او الوزن واذا كانت المايه ضعيفه خلي (البلد) الوزن تحت والميدار ولا ميدارين ولا اكثر فووق ... وشكرا

[ارض الشروق]

شوف اخوي اعتقد افضل شيئ انك تخلي الثقال تحت والخطاف فوق يعني السناره

السبب في اعتقادي ان اي نقد يعني ضرب على الخيط على طول ستشعر فيها لان ليس هناك اي ثقل بينك وبين
السمكه علىذاللك اقل حركه ستشعر فيها
تحياتي

[جمعان 22]

الاخ ارض الشروق

البعض يجعل الثقل فوق الخطاف ... ويكون الثقل ذو فتحتين على كل جانب ....ويكون بين الخطاف و الثقل قطعة حديدية صغيرة على شكل رقم 8 ... بحيث انه اذا سحبت الخيط ستكون هناك مسافة بين الخطاف والثقل تحدده انت ...... واقل حركة ستشعر بها

[بحر البسيط]

أن برأيي أن الوضع يعتمد على نوعية المكان من قارب أو من شاطئ
إذا من قارب خلي الخطاف تحت وإذا من شاطئ يكون الثقل أول عشان لو كان الخطاف أول يعلق بالشعب بسرعة هذا والله أعلم

[spearo]

السلام عليكم ورحمة الله وبركاته .
شوف ترى يعتمد اذا كان في تيار ولا مافي يعني يسمونه مايه قويه ولامايه خفيفه , اذا كانت المايه قويه احسن اتخلي الميدار تحت وتعطيه باع ولا باعين عن (البلد) او الوزن واذا كانت المايه ضعيفه خلي (البلد) الوزن تحت والميدار ولا ميدارين ولا اكثر فووق ... وشكرا

كلام 100%

واضيف على ذالك اذا كانت ليلة قمرة خلي البلد (الثقل) تحت والعكس

[غسان]

اذا كان بوت الميدار اول واذا كان جلب او قصبة تخلي البلد اول ولكن تركب دوار ثلاثي وتخرج نص متر للميدار ونص متر للبلد وتخلي خيط الميدار نفس الخيط الاساسي وخيط البلد اضعف علشان لو شعب يقطع وتغير نص متر بس والله يرزقك

[اول القطري]

اذا اتحدق على السيف المدار اول اذا في طراد البلد اول خصوصا في الهيرات

[حوات جده]

كها مثل بعض ما في مشكلة

[ali200m]

كلها مثل بعض بس للسبيطي ابعد الثقل عن الطعم لانه حساس هالسمك

[بحر غامد]

أنا أفضل
وهو في اعتقادي الافضل
الثقل وتحته السنارة أو(الخطاف)

[عاشق الشعري]

السلام عليكم ورحمة الله وبركاته .
شوف ترى يعتمد اذا كان في تيار ولا مافي يعني يسمونه مايه قويه ولامايه خفيفه , اذا كانت المايه قويه احسن اتخلي الميدار تحت وتعطيه باع ولا باعين عن (البلد) او الوزن واذا كانت المايه ضعيفه خلي (البلد) الوزن تحت والميدار ولا ميدارين ولا اكثر فووق ... وشكرا
كلام جميل واحب اضيف ايضاً على حسب نوع السمك ان كنت في منطقه المعروف عنها احجام بسيطه فأفضل يكون الثقل آخر شي واذا المنطقه فيها احجام كبيره وانواع اسنانها حاده مثل البركودا والكنعد وغيره فأفضل يكون الثقا أول وبعده الميدار يعني يكون الطعم اخر شي وبرضو السبيطي افضل شي له انك تخلي الميدار اخر شي