الخبير
14/01/2004, 02:56 PM
هذي القصة صارت لي يوم الإثنين 20/11/1424هـ، دق علي واحد من الشباب وانا توني داخل أسلم على المدير الساعة 8:00 صباحاً، وطلع واحد من الشباب العزيزين.
ولا الرجال مرتبش؟
وش بلاك يا فلان ؟
قال تكفى، لك ولا للذيب !!!!!!
قام وربشني معه قلت له وش بلاك إخلص علي.
قال أنا من أمس و أنا مغرز في روضة يقال لها روضة النظيم وراء أم سدرة على طريق الأرطاوية! وابيك تجي تطلعني ترى ما معي ولا حتى ماء ، وما معي إلا علبة عصير.
هذي صورة لها يوم الأثنين
http://www.jkdman.com/images/salvar/RE4.jpg
الصراحة ما ادري وش أقول الرجال بعيد حول 200 كلم ، والشيء الثاني توني داخل للدوام.
وش وداك يا شين؟
قال أمر ربك.
والأفكار تبترم في راسي اروح ولا لا، الصراحة منحرج مع المدير لأنه ما مثله. قلت ما بدهاش.
ابو فيصل ودي استأذن الله لا يهينك.
قال سلامات ، قلت ظرف طارئ ولازم أمشي.
قال توكل على الله ( بيض الله وجهه ).
رحت للبيت وأخذت الشاص.
وانا رايح إلا ويتصل علي ثاني مرة ويقول تكفى الحق علي المطر المطر.
وامغط على الموتر. في هذي الأثناء دقيت على شقران ويوم درى ما قصر قال ابي أجي معك. قلت وين تجي انا ابعد عن الرياض الآن 100 كلم. قال أجل أبي اكلم واحد من شباب المجمعة. وفعلاً دق على واحد من الشباب ( برضو عسل ) ياقل له في الكنوود سكود.
موتري وأنا في الطريق أحس إنه مهوب مضبوط. لأني إلا مني كبست طفأ.
قلت أجل منيب مطفي السيارة لين أطلع الرجال. وفعلاً رحت للرجال ولكن المشكلة هي كيف أبي آصل له والطين مالي الروضة؟؟
قمت الله يعفو عني وكسرت جذع شجرة بالسيارة وجيت في مكان إستراتيجي.
http://www.jkdman.com/images/salvar/RE1.jpg
http://www.jkdman.com/images/salvar/RE2.jpg
http://www.jkdman.com/images/salvar/RE3.jpg
ناظرت موتر الرجال أثرة صاقط من يسار ولا أمل يتحرك إلا بالونش. ويجيك الخبير ويشبك الونش. اسحب لا تسحب الونش ما يشتغل. حسب الله ونعم الوكيل وش النكبة ذي.
قلت للرجال الشكوى لله ابي أحاول أسحبك وفعلاً سواها الشاص و أثبت جدارته وطلع الرجال.
قمت وطلعت أنا وخويي برى الروضة نفطر ونحتري سكود لايدخل ويقعد بالطين. احتريت ماجاء. قلت نمشي وندق جوال.
حاولت أشغل الشاص ما أشتغل، اشتراك مافاد نتش برضو. يا والله النشبه. قلت لخويي يا ابو حمد جاء دورك يالله إسحبني للمجمعة.
وشف ياضحك.
والله وفعلاً سحبني لين قبل المجمعة ب20 كلم قلت خل نحاول بالبطارية ونشوف، قمنا وفككنا الأسلاك ونظفنا الأصابع ورجعناها وإشتغل الشاص. ( الحمد لله ).كلمت سكود وقال لي إنه جاء مع درب ثاني وواجهه السيل وكسر العكس حق الاندكروزر. لكنه ما قصر رحناله في المجمعة وعلمنا بالمشكلة وهي إني محمل البطارية أكثر من طاقتها ( مع إنها 95 أمبير) صارت المشكلة في إن الدينمو ما يستحمل واجد.
عموماً انا الآن قاعد اركب بطارية إضافية للشاص. وابي اوريكم الصور بعدين.
http://www.jkdman.com/images/salvar/RE5.jpg
ولا الرجال مرتبش؟
وش بلاك يا فلان ؟
قال تكفى، لك ولا للذيب !!!!!!
قام وربشني معه قلت له وش بلاك إخلص علي.
قال أنا من أمس و أنا مغرز في روضة يقال لها روضة النظيم وراء أم سدرة على طريق الأرطاوية! وابيك تجي تطلعني ترى ما معي ولا حتى ماء ، وما معي إلا علبة عصير.
هذي صورة لها يوم الأثنين
http://www.jkdman.com/images/salvar/RE4.jpg
الصراحة ما ادري وش أقول الرجال بعيد حول 200 كلم ، والشيء الثاني توني داخل للدوام.
وش وداك يا شين؟
قال أمر ربك.
والأفكار تبترم في راسي اروح ولا لا، الصراحة منحرج مع المدير لأنه ما مثله. قلت ما بدهاش.
ابو فيصل ودي استأذن الله لا يهينك.
قال سلامات ، قلت ظرف طارئ ولازم أمشي.
قال توكل على الله ( بيض الله وجهه ).
رحت للبيت وأخذت الشاص.
وانا رايح إلا ويتصل علي ثاني مرة ويقول تكفى الحق علي المطر المطر.
وامغط على الموتر. في هذي الأثناء دقيت على شقران ويوم درى ما قصر قال ابي أجي معك. قلت وين تجي انا ابعد عن الرياض الآن 100 كلم. قال أجل أبي اكلم واحد من شباب المجمعة. وفعلاً دق على واحد من الشباب ( برضو عسل ) ياقل له في الكنوود سكود.
موتري وأنا في الطريق أحس إنه مهوب مضبوط. لأني إلا مني كبست طفأ.
قلت أجل منيب مطفي السيارة لين أطلع الرجال. وفعلاً رحت للرجال ولكن المشكلة هي كيف أبي آصل له والطين مالي الروضة؟؟
قمت الله يعفو عني وكسرت جذع شجرة بالسيارة وجيت في مكان إستراتيجي.
http://www.jkdman.com/images/salvar/RE1.jpg
http://www.jkdman.com/images/salvar/RE2.jpg
http://www.jkdman.com/images/salvar/RE3.jpg
ناظرت موتر الرجال أثرة صاقط من يسار ولا أمل يتحرك إلا بالونش. ويجيك الخبير ويشبك الونش. اسحب لا تسحب الونش ما يشتغل. حسب الله ونعم الوكيل وش النكبة ذي.
قلت للرجال الشكوى لله ابي أحاول أسحبك وفعلاً سواها الشاص و أثبت جدارته وطلع الرجال.
قمت وطلعت أنا وخويي برى الروضة نفطر ونحتري سكود لايدخل ويقعد بالطين. احتريت ماجاء. قلت نمشي وندق جوال.
حاولت أشغل الشاص ما أشتغل، اشتراك مافاد نتش برضو. يا والله النشبه. قلت لخويي يا ابو حمد جاء دورك يالله إسحبني للمجمعة.
وشف ياضحك.
والله وفعلاً سحبني لين قبل المجمعة ب20 كلم قلت خل نحاول بالبطارية ونشوف، قمنا وفككنا الأسلاك ونظفنا الأصابع ورجعناها وإشتغل الشاص. ( الحمد لله ).كلمت سكود وقال لي إنه جاء مع درب ثاني وواجهه السيل وكسر العكس حق الاندكروزر. لكنه ما قصر رحناله في المجمعة وعلمنا بالمشكلة وهي إني محمل البطارية أكثر من طاقتها ( مع إنها 95 أمبير) صارت المشكلة في إن الدينمو ما يستحمل واجد.
عموماً انا الآن قاعد اركب بطارية إضافية للشاص. وابي اوريكم الصور بعدين.
http://www.jkdman.com/images/salvar/RE5.jpg