المساعد الشخصي الرقمي

مشاهدة النسخة كاملة : معرفةالطريق الي القصيم؟


ولدالديرة
15/01/2004, 03:35 AM
اودالذهاب الي القصيم واماكن كشتاتة فهل من دليل يااخوان........تكفون الحقوني..
الحاتمي
15/01/2004, 11:12 PM
ولدالديرة الغالي القصيم كله مكاشيت
وانت ماحددت من وين تبي تجي او وين مكان اقامتك حتى نشوف لك المكان القريب
او وش طلبك نفود؟ او شعبان؟او مناطق جبليه؟
عموما انا انصحك بالذهاب الى شرق القصيم (منطقة قبة)
180 كيلومن بريده
امسك طريق الاسياح واتبع لوحة قبه يتوقف بك الطريق في نفس قبه كل الاماكن اللي هناك زينه وتستاهل العنوه
واتمنى لك كشته ممتعه....
ولدالديرة
15/01/2004, 11:49 PM
اخوي الحاتمى.......
انشهد انك اسم على مسمى.... اشكر مرورك واهتمامك بالموضوع...
اخوك جاى من طريق المدينة واحب اعرف المكاشيت الزينة الي علي طريق المدينة القصيم ولا ودي اتعدي القصيم حيث المسافةطويلة والوقت قصير .
راكب الهلي
16/01/2004, 02:48 AM
السلام عليكم ورحمة الله وبركاته

أولاً اوافق اخوي الحاتمي في ان القصيم كله مكاشيت

عاد اذا بغيت مكشات حليل ومهب بعيد عن عنيز-عروس نجد- رح للمغيسليه

وهذا وصفها بالتفصيل:-
اول شي وانت حول دوار الساعة خل بنده على يمينك والدوار قدامك وبعدين خذ معه يسار وابتل سيده لك شوي وبعده بتجيك اشاره رح يمين معه وابتل سيده بتجيك اول اشاره خله والثانيه خله لما يجيك الكبري حق طريق المطار واللي سيده يودي على الرس والبدايع وانت رايح
وبعدين رح مع الكبري يسار وابتل لك شوي لما تجيك اشاره- للمعلومية اذا رحت يسار مع الاشاره فأنت تعتبر بالدائري حق عنيزه وفيه دجة شوي على آخر الليل أما اذارحت يمين فإني ذاك اليوم شفت ربع يشل بذيك المنطقة - عاد المهم انت رح سيده معه والشارع بيكون ظيق بعدين يعني رايح جاي لما يقابك مفرق عاد انت خذ اليسار - وللمعلومية بالركن حق المفرق فيه لوحه محكحكه مكتوب عليه الظاهر استراحة الليالي - المهم عاد انت رح يسار وابتل وتشوف الطعوس يمينك ويسارك لما عاد تجيك لوحه مكتوب عليه منتزهات الغظا ومكتوب بعد تحذيرات وخرابيط. عاد انت اذا وصلت هالمنطقه فهي تقريباً من ازين المناطق اللي بالمغيسليه عاد انت عمج لك شوي وتلقا مكان زين لك انت وخيامك

المهم عاد طعس المغيسليه الكبير تلقاه بالجهه اللي على اليمين وهو طعس يتجمعون فيه كل شباب القصيم واوقاتهم يعني يوم الخمي , الجمعة... وتراهم بعظ المرات تصنيفات يعني . ويجتمعون بالعصر وشغلتهم هالمراقا

عاد نصيحتي لك لا تتحمس وتقطع من هالغظا وتظفه معك لأنه فيه غرامه 10آلاف وسحب سياره والبحث هناك كثير
لأن اعرف واحد والله راحت عليه . استانس يوم شاف هالغظا وصادوه وراح فيها



وتمنياتي لك بالتوفيق

وآمل ان يكون الوصف واظح

واعذرني على الاطالة
اخوك راكب الهلي( يابعدي):) :) :) :) :) :) :)
الحاتمي
16/01/2004, 06:45 AM
ولدالديرة الغالي
المكان اللي وصفه لك راكب الهلي يعد من احسن مكاشيت عنيزه..
ولكن بما انك تبي المكاشيت اللي على طريق المدينه القصيم
عندك جبل (قطن) افرق من السريع واتجه لعقلة الصقور عقلة الصقور تيعد عن السريع في حدود 10 كيلو
يسارك وانت جاي من المدينه..
اذا دخلت العقله امسك طريق القصيم القديم باتجاه الشرق يوازي الطريق السريع
وبعد تقريبا 15 كيلو تشوف الجبال بيسارك هذا طبعا بعد ماتطلع من العقله وتتركها وراك..
انزل يسار واتجه للجبال المسافه ليست بعيده كل المناطق هذي تعجبك اذا كنت تبي جبال ......
واذا كنت تبي نفود وحطب اتجه لعطا وعطي وافرق لهن من الطريق القديم يجي مفرقهن على يدك اليمين
بعد ماتفرق لهن تمشي مسافه تجيك ديره اسمه اللغفيه النفود على يمينك
ولك تحياتي
مع تمنياتي لك بكشته طيبه يالغالي
أبرق الضيان
17/01/2004, 12:40 AM
فعلا لاتفوتك جبال قطن و تراه ينزل لها طريق مزفلت .
و النفود أيضاً نفود العريق . و كلهن قريبات من طريق المدينة .

و نتمنى لك رحلة موفقة .