المساعد الشخصي الرقمي

مشاهدة النسخة كاملة : اللي عنده خبره بالشيروكي ابي اركب بعض الأشياء لا تبخلون علينا !!


صاحب هدد
04/09/2008, 05:39 AM
السلام عليكم ورحمة الله وبركاته .......

اخواني عندي شيروكي موديل 98 باب واحد ابيض ..

ابغى اغير النور الأمامي اللي عندي مثلج ابي احط له الكرستال اللي يجي شفاف وش افضل نوع ووين احصله ؟؟

ابي اركب له بوري وش تنصحوني ببوري زين وقوي ؟؟

ابي اغير مسجله وش افضل مسجل للشيروكي مع العلم ان مسجله اللي راكب فيه الحين مو حق الوكاله الظاهر لأن صوته يعني مو ذيك الصفاوه ولاهو بعالي مرره اللي عنده خبره بالمسجلات العمليه يفيدنا ولو فيه طريقه مثلاً اركب سمعات معينه او شي معين يفيدني جزاه الله خير مع العلم انه حدي قرآن - اناشيد - محاضرات ... (يعني اللي بيفيدني الله يعظم له الأجر )

جميع الأسئله لو سمحتوا ابيها بالأسعار تكفىhttp://www.t63ys.com/vb/images/smilies/119.gifhttp://www.t63ys.com/vb/images/smilies/119.gif

شاكر ومقدر تعاونكم
سوبر VTC
04/09/2008, 05:47 AM
اهلا بك
بالنسبة للنور انا حاط شمعات هيلا المانية و سعرهن ب120 ريال + لمبات اوسرام المانيات 80/100وات ب30ريال و انا اقول لا تعدا كبوس هيلا:good: + كتاوتين نور واطي و عالي ب50ريال بدون تركيب
***
البوري ما مثل بوري اللكزس بس مادري كم سعره
***
المسجل؟؟؟؟ لا اعلم
تحياتي
صاحب هدد
04/09/2008, 11:21 AM
جزاك الله خير اخوي سوبرفتك على الرد
بس عندي استفسار بسيط . وين القا الشمعات بالضبط + اذا ركبت لمبات اوسرام 80 / 100 لازم اركب كتاوت ؟؟
وايش فايدة الكتاوت بالضبط + هل لو ركبت كتاوت ما يضر ظفيرة الموتر والكهرباء ؟؟

شاكر مرورك
سوبر VTC
04/09/2008, 01:37 PM
الشمعات تحصله بالزينات كرتون ازرق مكتوب عليه شركة osram


80/100


لا يلزم تركيب كتاوت لكن اذا ركبت فهذا افضل لانه راح يطلع النور قوي و يطلع لونه ابيض و تستفيد منه خصوصا لا كبست النور العالي

و شرط تدعيلي:D

***
الكتاوت يكثف النور و يخليه واصل مئة بالمئة
مثال للتوضيح
هالحين اللي يركبون مرواح كهرب للسيارات سواءا لتبريد الاديتر او المكيف
يحطون كتاوت عشان يكون الكهرب واصل بالتمام و الكمال و فائدة ثانيه عشان ما تحتمي الاسلاك بسبب المروحة فالكتاوت يخلي الكهرب واصل مئة بالمئة
***
الان موترك به مروحة مكيف بلد و له كتاوت خاص بعلبة الفيوزات
***
اسلاك الكتاوت للنور لازم يصيرن عريضات من 2.5 ملي و طالع لانه كلما عرض السلك بردت الاسلاك و لا تحتمي و اهم شي تركب افياش خارجية للنور عشان اذا خرب الكتاوت مثلا تفصل الافياش و تركب افياش شد البلد و يصير كانك الغيت الكتاوتات و الاسلاك اللي انت حاط و رجعت الموتر لبلاده
***
لا تشري الكاتاوت الصفر اللي يجي معهن اسلاك من الزينات لانهن صينيات و يخربن
***
اهم شي الكهربائي يكون شغله مضبوظ و نظيف و يكون خبره بالتسليك عشان ما يخرب عليك الظفيرة او حدوث التماسات لا قدر الله
***
الكتاوت اشتر الياباني لونه ازرق
زي هذا









http://www.mekshat.com/pix/upload02/images78/mk53291_nvbn.jpg




هاه عساك فهمت و الا اجيب قلم و سبورة:D


تراي امزح اي شي اسال عادي






تحياتي لك
سوبر VTC
04/09/2008, 02:03 PM
لا تنسى تمر هالرابط عن تحديد الاعطال
تراه:good: :good:

تعلم كيفية تحديد العطل في سيارتك الشيروكي قبل الذهاب الى الورشة..!

تعلم كيفية تحديد العطل في سيارتك الشيروكي قبل الذهاب الى الورشة..! (http://www.mekshat.com/vb/showthread.php?t=76051)
بدوي جنوبي
04/09/2008, 03:26 PM
بوري اللكزس قيمته اذا ما نسيت 1000 او اكثر

واي شخص عنده لكزس انصحه يحط علي البوري سلاسل :D
لان الشباب طايحين فيها سرقه الله يهديهم وعليها طلب مب بسيط
تنباع في التشليح من 500 الي 800 ريال
ومحلات الزينه يبيعوها مستعمل وهي في الاصل مسروقه من سيارات
صاحب هدد
04/09/2008, 06:01 PM
ان شاء الله فهمت اخوي سوبر

وشاكر مرور الجميع
اخوي بدوي جنوبي شاكر لك بس انا لقيت بوري لكزس ب 500 ريال والله اعلم
عاشق الرفاليو
04/09/2008, 11:55 PM
المسجل نصيحه لاتحاول تغيره مسجل الوكاله لك والزمان قليل الاعطال
راعي طويلات
05/09/2008, 06:21 AM
أخوي سوبرvtc اختصر على الي كنت بكتبه الله يبيض وجهه ووجه من يقرا
والمسجل ركب مسجل الوكالة أبو كاسيت وسيدي يجي في السبورت الفل كامل
والبوري بوري فورد رخيص وزين وقريب من بوري الشروكي
صاحب هدد
06/09/2008, 03:03 AM
راعي الطويلات

وين القى مسجل الوكاله حق السبورت هذا وبكم سعره تقريباً .....؟؟
وبوري الفورد بكم سعره ؟؟

وشاكر لكم المرور جميعاً
راعي طويلات
08/09/2008, 08:45 AM
وين القى مسجل الوكاله حق السبورت هذا وبكم سعره تقريباً .....؟؟
تلقاه عند محلات المسجلات في الغرابي وسعره من 300 إلى ال450 ريال تقريبا بس اهم شيء خذ ابو كاسيت وسي دي :d
وبوري الفورد بكم سعره ؟؟
وبوري الفورد فيه أنواع والنوع الزين سعره من 50 إلى 70 ريال ;)
صاحب هدد
08/09/2008, 05:19 PM
جزاك الله الف خير اخوي راعي طويلات


واذا فيه ردود ثانيه نستقبل وينكم
تيرنيدو
09/09/2008, 03:03 PM
عجبني ردك يا سوبر كانك كهربائي شاطر والا من كثر ما فريت بالورش تحياااااااااااتي لك وللجميع
سوبر VTC
10/09/2008, 12:58 AM
http://www.mekshat.com/vb/images/frames/2_cur.gifhttp://www.mekshat.com/vb/images/frames/2_cul.gif
عجبني ردك يا سوبر كانك كهربائي شاطر والا من كثر ما فريت بالورش تحياااااااااااتي لك وللجميع

http://www.mekshat.com/vb/images/frames/2_cdr.gifhttp://www.mekshat.com/vb/images/frames/2_cdl.gif


هههههههههههههههه:D
يمكن من كثر الفرفرة استفدت و تعلمت:p
الحمدلله:j
ان كان ودك اركب مرواح ما عندي مانع
و الا اوضب لك موترك:D