يقولون شافو أثر حباري

[الباتريوت]

السلام عليكم ورحمة الله وبركاته اسمحولي بهذه السالفة
كنت في الدمام في محل طيور ليلة الخميس وجائنا رجال يقول انه شاف أثر حباري علي الساحل هو وخوياه قبل اسبوع بين الدمام والجبيل يالربع يمدي هالحباري توصل بهالسرعة والجو والله حار ورطوبة
واحد يسئل يقول والله ماأشفت كثر العقبان والعيزا في الجبيل الصناعية ويرد علية واحد عاملا نفسة فاهم أيوه صحيح انا برضة لاحظة هالشي بالجبيل الصناعية وهذه الطيور جايبتها شركة من سنة تقريبا وفاكتها بالمصانع بعد كثرة الحمام في المنطقة الصناعية علشان تصيد الحمام
يالربع وشرايكم ؟؟؟؟؟؟؟؟؟؟؟
نقنص يعني الحباري يعني وصلت
ولا نروح ونشتري حمام قبل تقضي عليها هالعقبان
مع اطيب تحياتي لكم

[أبو أمين]

يمكن انها مستوطنه لكن مهاجرة توها

[NooNo Go MezZ]

كل شي جايز العام نفس الوقت مشيوفه درج عندنا
صحيح انه بدري على وقتها بس انا ما استبعد يكون الكلام صحيح

[طارق الحربي]

كل شي جايز مايندرى

[عصام البلادي]

سلام عليك

اخوي انا ابي اعطيك معلومه السنه ذي وباذن الله الحبارى راح تكون كثيرة بالحيل يعني لازم تجهز الطيور لان في الامارات على ماسمعت فكو اكثر من500جوز حبارى

[الساجي1]

كان الحبارى مقيظه معقول
قال قوه قال توه سهيل ماله الا عشره ايام ويقول بعد قبل اسبوع ولاجانا شمال يشعاها ولاقمرى كان هذي موديل السنه
والله يعطيك العافيه

[راعي شلهوب]

والله يالغالي هاذي دايم (اشاعات ) تطلع خاصه في
شهر 9 انجليزي اليوم شافو ثرها بكره بيجيك واحد بيقولك صدنا
بالمطار والي بعدهم في مزرعه عينوها وصادوها بعدين لقوها مفرخه
وفي النهايه كلش جايز

[قلب ذيب]

هذه مداعبات بداية الموسم ! حد يقول عين جرتها وحد يقول ذكروها ! وبكره بتسمعون خبر صادوها !! وهكذا .
ياجماعه مازلنا في القيض وسهيل توه طالع والكراوين تو ها في اللفو , يعني الامور سهالات .
هذا نوع من التفريح والتحفيز للقوانيص ونقالة الطير .
اللهم ارزقنا الغيث والوسم المبكر , وتقبل صيامنا وقيامنا , وارحم عبادك المسلمين .

[جارح العين]

ماعتقد اوصلت اذا ماشفتها بعيونك او سمعته من واحد تاثق به لا يهمك لكلام
والله يرزقك بالخرب

[alajmi110]

انا اقوول كل شي جاايز
ولكن عاد الوقت بدري وحر ورطوبه
وعسى الله يرزق الجميع

[عاشق الصقاقير]

اسمع مني هالكلام الي سمعته اشاعه ولا تو الناس يا خوي عالحباري

[بالون]

ياجماعه اهل الشرقيه كل سنه يجيبون اشاعه عت الحباري الحبارى من 15عشره ونتطالع..

[فداع]

كل شي جايزفي هل يومين صدق اي شي الي جاب الطير الحر قبل الشياهين والقميري يجيب الحباري ليش لا ولا توقيتها توه

[@قرناص@]

,,

الله يرزقنا ويآك بالخرب!!

,,

[راعي مطروح]

اذا وصلت الحباري طلع العلم الصحيح لاتاخذ الكلام ماعندهم الا الحكي

[لعّاب المنايا]

يمكنها مرت بالحلم ..,,

وعموما توقع أي شي ..,,

بالشمال الحين من شهر اتصل علي رجال وقالي عنده حبارى شوف العين .,,وبالنهايه طلعت مستوطنه ..

[عبرود الشمال]

هذه مداعبات بداية الموسم ! حد يقول عين جرتها وحد يقول ذكروها ! وبكره بتسمعون خبر صادوها !! وهكذا .
ياجماعه مازلنا في القيض وسهيل توه طالع والكراوين تو ها في اللفو , يعني الامور سهالات .
هذا نوع من التفريح والتحفيز للقوانيص ونقالة الطير .
اللهم ارزقنا الغيث والوسم المبكر , وتقبل صيامنا وقيامنا , وارحم عبادك المسلمين .
كلام سليم مافيه غيرة

[القطاوي 2008]

ماعتقد اوصلت يعني أشاعات

[الباهي]

معروف شهر تسعه

( بشهر الكذب ) فلا تصدق القيل والقال الا من نهايه الشهر

تحياااااااااااااتي

[الباتريوت]

لاهنتم جميع كلا باسمه بصراحة سوالف ونستنا لو ماهي صحيح فال حلو انشالله بس المؤكد فية عبور الايام اللي طافت وشافوا الربع فرخ شاهين وافية بالجبيل يوم الخميس عابرة وماحد قدر يطرحها وربنا يرزق الجميع يارب ودمتم

[ابرق العزاف]

انالاااااااااااااااااااااعتقد

[امير الرفيعه]

كل شي جايز

[ابو عايد]

السلام عليكم ورحمة الله وبركاته

هذا يسمونها الحبارى الكذابه

أن شفت ثر نحسبة كروان ولهي ثر حبارى وسط مزرعه ودورناها ولا شفناها
3 / 9 / 2008م

[قلب شاهين]

هذه مداعبات بداية الموسم ! حد يقول عين جرتها وحد يقول ذكروها ! وبكره بتسمعون خبر صادوها !! وهكذا .
ياجماعه مازلنا في القيض وسهيل توه طالع والكراوين تو ها في اللفو , يعني الامور سهالات .
هذا نوع من التفريح والتحفيز للقوانيص ونقالة الطير .
اللهم ارزقنا الغيث والوسم المبكر , وتقبل صيامنا وقيامنا , وارحم عبادك المسلمين .

:good: :good: :good:

[التميمي بندر]

انا اقوول كل شي جاايز
ولكن عاد الوقت بدري وحر ورطوبه
وعسى الله يرزق الجميع



الله يرزقك يارب:D

[زرياب 15]

ان كانها جايتن تقضى مقاضي لرمضان وترجع ما ندري !!!

[أبوعبدالله..]

هذي اذا كانت حبارة فهي مستووطنه ودمتم ؟؟وأغلب الشباب مستغرب من الحباره عشانها متقدمه ,, مع انه عادي تشوف المستوطن منها ... والطير الحر اللي انطرح قبل وقته ... مر مرور الكرام ؟,,,,,

[شواااش]

حدث العاقل بما يعقل
ايامنا هاذي محد يمشي الا بجوال ابو كامره
لو ان كلامه صحيح
كان صور على الاقل اثرها
هاذي وكاله ( يقولون )
حق اللي يبي ياخذ راحته لا سولف

[صقااارالدمام]

الله يرزقنا الخرب وتقبل مروري

[فهد الميموني]

كل شي جايز والوكاد بأذن الله القمرا الجايه والخبر يكون من اكثر من مصدر
من اهل الشرقيه والله يرزقنا بالوسم الطيب ........