ماطور كهرب

[abos3d]

بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
يا شباب اذا ممكن تذكرون لي ماطور كهرب صغير حق 7 - 10 لمبات ومعليش ديزل او بنزين ويكون ماطور موب الله يهديكم واحد يكتب لي محول وسلامتكم

[مهراس]

روح لموضوع ( وش افضل مواطير الكهرب .......؟؟ ) في نفس الخيمه

[عوج]

أخي تلق العلم عند القصيبي
وشكراً

[abos3d]

ما فهمت قصدك يا اخ عوج

[راس البر]

ماطور كهرب صغير صيني

لاكنه يشتغل بالبانزين و الزيت تخلطهم مع بعض في تعليمات موجوده في الكتلوج معه والماطور جيد اذا مشيت على التعليماته ماراح يعطل معك ابدا ورخيص سعره (300 ريال) و يباع في الحراج في الكرتون جديد وليس مستعمل.

[abos3d]

اشكرك اخوي راس البر على تجاوبك

[السحلي]

الماطور طال عمرك
تروح شارع الريل كلشي معروض هناك

افضل المواطير مواطير هوندا ياباني هناك الوكاله
عندهم من 700 شمعه الى 1800 شمعه
المواصفات
خفيف الوزن 5 كيلو
كاتم للصوت
له فتحه للزيت وفتحه للبنزين
لو تشوف شكله تشريه كأنه جركل ماء
الســـــــــــــــــــــــــــعر
من 1500 اللى 2000 وانت وشطارتك بالمكاسر
والصيني ماهو عملي
فية سزوكي و ياماها

[abos3d]

اخوي السحلي اشكر لك مداخلتك لك شارع الريل وينه فيه لاني يمكن اعرفه بس بمسمى ثاني

[السحلي]

ياخوي هاذا شارع عريق وقديم وان كان غيرو اسمه اكتب علينا السلام


رح للغرابي اقرب منطقه له واسأل عنه
وسأل عن وكالة هوندا لبيع المواطير

:good:

[abos3d]

الله يعافيك اخوي السحلي انا اعرف ذيك المنطقه زين لكن ما اعرف هالشارع لكن بأسأل عنه واكرر شكري لك اخوي السحلي

[السحلي]

العنوان
http://www.hondapowerequipment.com/eu1000.htm

[s7aab20]

حاسب من المطور الصيني الي ايجي لونه ازرق ترى عمره الإفتراضي يوم بالكثير و يا مكثرهم عند المصلحين لكثر خرابهم
img]http://www.mekshat.com/pix/upload/images3/الفارس.jpg[/img]

[ريح الخزامى]

السلام عليكم ورحمة الله وبركاته

بسم الله الرحمن الرحيم


اخوي ابو سعد الاخوان ماقصروا بس انحششششششششششش عن هاللي تسنه جررررركل والله ان تقعد تطارد انت وياه في هالبر مايررررررررررررركد في مكانه هو زين ووذف تحطه في مكان مايخالف بس وانا والله رحت شفته في الحراج ونويت اشريه بس يوم رحت ونشدت واحد منا لجماعه عنه قال انحشششش ولاتنهبل والله يروح ليلك وانت وياه في هالبر مطارد هو شاريه يقول والله اني رابطه بحبل في الموتر ومرتن مثبته باطناب ( طالعن تسنه خيمه ) اول ماتشريه مهوب مخالف معك بيركد بس مع الوقت بيقعد يطامر

وعقب ماقال لي هالحتسي ماش هونت عنه والله اشتر لك روبن زين وقيمته الظاهر بحدود 1600 وانا والله مثلك ادور اللي يشغل خمس لمبات ومايزعج بس عجزنا مالنا الا هالمحول والمواطير ماهنا شي صاحي
وان لقيت لك شي صغير على طلبك تكفى علمني لاني ادور من مبططططططططططططي وعلمني من وين شاريه وبكم لااااااااهنت


وسلامتكم :) :D

[راعي المجاهيم]

الله يعطيك العافيه



مقدرين جهدك




ودايم جمهورك

[abos3d]

اخواني اعتذر منكم على التأخر في الرد نظرا لظروف روحتي للبر وابشروا بالصور
اخوي السلي لك كل الشكر ومعليش تعبناك معنا
اخوي سحاب جعلك عالي دوم مثل السحاب ابشر ببعد عنه اصلا من يوم شفته وانا حاس ان فيه بلا شكله مستنكر
اخوي ريح الخزامى الي تقول عليه خبل ويبيله تسويه ( كويه ) على رقبته ويعقل وابشر
اول ما القى شي زين ابشر بالمعلومات عنه كلها
اخوي راعي المجاهيم الله يسلمك شرفتنا
شرفتونا يا اخواني ولكم جزيل الشكر

[abos3d]

أخوي ريح الخزامى قصدي بالخبل الماطور موب خويك حبيت انبهك عشان ما يروحك فكرك بعيد

[abos3d]

اخواني لقيت ماطور هوندا 1800 شمعه لكنه بحبل موب سلف الي ابيه يكون 2000 - 2500 شمعه وسلف وبنزيم وسلامتكم

[rayes3]

السلام عليكم ورحمة الله وبركاته

اخواني يوجد في الغرابي جهاز صغير الحجم اسود اللون ياباني اصلي 200 وات يشغل 15 لمبه تقريبا من النوع الاقتصادي اللمبه تأخذ 15 وات وتعطي اضاءة 70 وات صح ان اللمبه غالية لكن لك وللزمن وتاثير الجهاز على البطاريه لا يذكر لكن في حالة تشغيل السيارة لازم تطفي الجهاز


وعيدكم مبارك وتقبل الله منا ومنكم صالح الاعمال

[abos3d]

الله يبارك فيك اخوي ريس 3 لكن الي تتكلم عليه محول موب ماطور وهذا يشغلك لازم كل شوي تشغل السياره والا يشفط البطاريه عليك

[سلكي نت]

السلام عليكم
ياخوي اذا كانت الدعوه 10 لمبات
شف ترا فيه مجول 600 واط من البطارية يعطيك 110 و 220 فولت وان كانت خايف يضعف البطارية عليك ببطارية احتياطية 30 او 40 امبير سعرها يمكن 70 الي 100 ريال

ترا انا اشتريت هلمحول وبعده مريحني وقاضي حوايجي من الكهرب علية من 6 سنوات والله انه مايحتاج لا بنزين ولا زيت ولا رجة ومطامر مثل ما قالو الشباب .. ولازين فية لمبه وجرس اذا ضعفت البطارية يدق الجرس وتي فيه مقاسات 100 و 200 و 250 و ....... 600 واط ويمكن اكثر انا من زمان اخذه

مره شغلنا عليه رسيفر و تلفزيون و 3 لمبات و كلو تمام

وسلامتكم

[سلكي نت]

الاخوان abos3d و rayes3

اسف جداً :

ترى ما انتبهت لردودكم و افكاركم

[abos3d]

اخوي سلكي نت وش دعوه عادي نستقبل كل الاقتراحات لكن بفضل الله شريت اليوم ماطور روبن 3510 شمعه ياباني اصلي من الفانوس الي في شارع الريل لقيت عندهم انواع المواطير ما فيه شي ما جابوه لذلك انصح الاخوان الي يبي يشتري يروح عندهم ولا هوب خسران وسلامتكم

[اسير الجراح]

الله يعطيك العافيه ..مجهود يستحق الثناء