يوسف الخليفة1
05/09/2008, 11:36 PM
شفت الخلق لولس على جرمة الرمث =تلعب به الارياح غرب وشمالي
جرمن يبس واشتاله الموت واخرث=وانخرته الدوده وصفر النمالي
هدبها يذراه الهوا في وطا دمث=تلبد بدحمول عقب المحالي
وقلب اللي اشرك بالصمد صار منجث=جثت جذوع ارطا بقاع الرمالي
غدا كما حب المعيه اليا عث=تفتها العثه بسود الليالي
والقلب مما يفعل البعض منغث=وسريب نفسي بين مرن وحالي
القلب كنه يا فتى الجود يفرث=فرث الدمن لصار يابس وبالي
والفكر مع موج الخواطر تريث=تشابكن عوج السبل بالعدالي
قد قيل لو تحمل على الكلب يلهث=ولو تركته يلهث ولا هو يبالي
ولا تمشي بين الخلق والثوب منرث=ثوب الدنس ما يسير فيه العدالي
اللاش دايم بالعوايق تعلث=والحر ينهض لين روس العوالي
احدن يجي قلبه سويدن ملوث=واحدن تقين خاف من ذي الجلالي
ماجور يا قلبن نظيفن مايرفث=ويحب درب الخير واهل المعالي
وازرع على درب الرقاريق واحرث=لا تقرب الحره وريغا دهالي
والهيبان احذر اليا بالعلف كث=مثله رفيق السو يا هملالي
ترا شيطان الانس شرن ومخبث=يعدم فؤادك مثل هجر الدلالي
يعدم قلوبن صافياتن ويعبث=كما الرطب لمن نقدها قحالي
احذر تجاذبك الحيايا وتنفث=سمه بدمك لين تصبح ذبالي
لا تمشي في دنياك عجلن كما شبث=شالوا عليه القوم فرد النعالي
وافحص نواياك البعيدات وابحث=وانفض حتاويت الشوايب بجالي
واياك بانشود الفتاوي تعبث=اليا غدا فكرك من العلم خالي
ترا ان دربت بقول ظنك غدا غث=كما غثا سيلن يشيل الدمالي
ترا الجراذي بالخفاره تنبث=والحر يسكن فوق روس الجبالي
والطيب ما هو للبرايا مورث=الطيب في يمناك ويضا الهبالي
اما تجي نفسك على خيرن تحث=ولا تحث لمخلفات المقالي
( يوسف الخليفة )
جرمن يبس واشتاله الموت واخرث=وانخرته الدوده وصفر النمالي
هدبها يذراه الهوا في وطا دمث=تلبد بدحمول عقب المحالي
وقلب اللي اشرك بالصمد صار منجث=جثت جذوع ارطا بقاع الرمالي
غدا كما حب المعيه اليا عث=تفتها العثه بسود الليالي
والقلب مما يفعل البعض منغث=وسريب نفسي بين مرن وحالي
القلب كنه يا فتى الجود يفرث=فرث الدمن لصار يابس وبالي
والفكر مع موج الخواطر تريث=تشابكن عوج السبل بالعدالي
قد قيل لو تحمل على الكلب يلهث=ولو تركته يلهث ولا هو يبالي
ولا تمشي بين الخلق والثوب منرث=ثوب الدنس ما يسير فيه العدالي
اللاش دايم بالعوايق تعلث=والحر ينهض لين روس العوالي
احدن يجي قلبه سويدن ملوث=واحدن تقين خاف من ذي الجلالي
ماجور يا قلبن نظيفن مايرفث=ويحب درب الخير واهل المعالي
وازرع على درب الرقاريق واحرث=لا تقرب الحره وريغا دهالي
والهيبان احذر اليا بالعلف كث=مثله رفيق السو يا هملالي
ترا شيطان الانس شرن ومخبث=يعدم فؤادك مثل هجر الدلالي
يعدم قلوبن صافياتن ويعبث=كما الرطب لمن نقدها قحالي
احذر تجاذبك الحيايا وتنفث=سمه بدمك لين تصبح ذبالي
لا تمشي في دنياك عجلن كما شبث=شالوا عليه القوم فرد النعالي
وافحص نواياك البعيدات وابحث=وانفض حتاويت الشوايب بجالي
واياك بانشود الفتاوي تعبث=اليا غدا فكرك من العلم خالي
ترا ان دربت بقول ظنك غدا غث=كما غثا سيلن يشيل الدمالي
ترا الجراذي بالخفاره تنبث=والحر يسكن فوق روس الجبالي
والطيب ما هو للبرايا مورث=الطيب في يمناك ويضا الهبالي
اما تجي نفسك على خيرن تحث=ولا تحث لمخلفات المقالي
( يوسف الخليفة )