أسعار بريمس السويدى الاصلي

[الكويتي 777]

السلام عليكم


بدايتا احب ابارك لاخوانى الاعضاء والمكشاتيين بهذا الشهر الفضيل اعادة الله علينا

اخوانى

ودى اعرف اسعار البريمس السويدى الاصلي فقط السويدى ان وجد الراس والدبة الصغيرة والكبيرة
2 و 5 كيلو

واماكن تواجدهم

ولكم منى كل الشكر والتقدير


اخوكم ابو حمود

[صقااارالدمام]

يفيدونك الأخوان

[سرهيد]

السلام عليكم

تجده عند البرية

5 رطل بـ 150

10 رطل بـ 200

الرأس الظاهر لوحده 150 ومبالغ فيه

عندي رأس بريمس الهندي حليو بس لك عليه اشوفه يضعف من نفسه

تقبل احترامي

اخوك

ابو عبدالله

[( برى بحرى)]

اخى الغالى الكويتى

روح الوكيل عندنا بالكويت شركه الرخيص بمنطقه حولى شارع تونس بالضبط بجانب شركه ابل والشايع

فى حولى ( محلات بيع الادوات الصحيه ) بجانب منطقه القادسيه

تحياتى

[عجزت القا اسم]

اخوي بري بحري بكم سعره عندكم في الكو يت

[الكويتي 777]

السلام عليكم

شكرا يا صقار الشرقية

سرهيييييد شكرا لهذة الاجابات الوافية وكنت متوقع انك واحد من اثنين ففقط اللي راح القا الجواب عندهم وكلكم ابو عبداللة فلك شكر خاااااص يابو عبدالله
واتمنى انك تسجلنى معاك برابطة اصحاب البريمس وصوتى لك للرئاسة ولا مهونة لباقي لاخوان

برى بحرى اشكرك علي هذي المعلومة الطيبة ولكن للاسف دايمن يقولون الطلبية بالطريق وماتوصل لانى لي كم شهر وكل ماكلمهم يقولون ماوصلت

واخص بالشكر اخوانى الصامتووووون المطلعوووون فقط واللي تجاوز عددهم 220 مطلع بصمت وهدووووووء

اخوكم ابو حمود

[سرهيد]

السلام عليكم
سرهيييييد شكرا لهذة الاجابات الوافية وكنت متوقع انك واحد من اثنين ففقط اللي راح القا الجواب عندهم وكلكم ابو عبداللة فلك شكر خاااااص يابو عبدالله
واتمنى انك تسجلنى معاك برابطة اصحاب البريمس وصوتى لك للرئاسة ولا مهونة لباقي لاخوان



ولو طال عمرك ما طلبت شيء جعلك تسلم

وصفه المحل اذا تبيه ابشر بسعدك

مخرج 15 الدايري الشرقي وانت باتجاه الشمال تطلع المخرج ويلزمك يمين تروح يمين وترجع تمسك الدايري بس مع الخدمة يجيك شارع سيدين على يمينك عليه دايرة حكومية اعتقد انها مصلحة الزكاة تلف من قبلها وتخلي الدايرة الحكومية على يسارك يصير اتجاهك شرق تسير في هالشارع الى ان تجيك اشارة قبل الاشارة شف المحل على يسارك البرية

وهذا وصف آخر



في شرق الرياض حي الروابي شارع الزبير بن العوام مع تقاطع شارع عنيزة

اترك اولاد علي على يمينك وبعد الاشارة تلقا محل البرية للرحلات

وتراني اتصلت على المحل تأكدت لك من وجود الدبات

وتقبل احترامي

[سرهيد]

اخي الكريم

هذي صورة لمحل البرية

http://www.mekshat.com/pix/upload02/images79/mk40450_albryah.jpg

اليك صورا عن منتجات البريمس التي يبيعها محلات البرية

http://www.mekshat.com/pix/upload02/images79/mk40450_albryaah2.jpg


http://www.mekshat.com/pix/upload02/images79/mk40450_albryaah3.jpg


http://www.mekshat.com/pix/upload02/images79/mk40450_albryah4.jpg


http://www.mekshat.com/pix/upload02/images79/mk40450_albryah5.jpg

http://www.mekshat.com/pix/upload02/images79/mk40450_albryah6.jpg

http://www.mekshat.com/pix/upload02/images79/mk40450_albryah7.jpg

تقبل احترامي

اخوك

ابو عبدالله

[الدهاس]

اخوي عند الوكيل بادحمان الصغير الحجم العادي بـ 125 ريال مع الراس

[سرهيد]

اخوي عند الوكيل بادحمان الصغير الحجم العادي بـ 125 ريال مع الراس

اخوي الدهاس

صحيح كلامك لكن اللي عند الوكيل هندي وليس سويدي الاصلي

وهذا هو الفرق

تقبل احترامي

[( برى بحرى)]

اخوي بري بحري بكم سعره عندكم في الكو يت

يعتمد حسب الحجم

من 8 دينار كويتى الى 14 دينار اعتقد او شويه ارخص

طبعا حسب حجم الدبه

[الكويتي 777]

السلام عليكم

اشكرك يابو عبدالله علي هذا الوصف الكافي رايتك بيضة وعساك قوى

برى بحري شكرا

وشكرا لمن حضر

اخوكم
ابو حمود

[عجزت القا اسم]

جزاك الله خير

بري بحري ما قصرت

[سيف الظفير]

سرهيد




الله لايحرمك الاجر وان يجعلك من اهل الجنة

[سرهيد]

سرهيد

الله لايحرمك الاجر وان يجعلك من اهل الجنة

تسلم الله يرضى عليك والله ما سوينا شيء جعلك تسلم

تقبل احترامي

اخوك

سرهيد

[راعي ساموده]

اخوي سرهيد الله لايهينك ولايهون الاخوان بما انك خبير بريموس مافيه شي كذا الواحد يشخص فيه قدام الربع من منتجات بريموس ؟؟؟ يعني شي تضمن انه مهوب موجود مع احد ثاني ؟؟
ودي اسكتلي واحد مزعجني دايم يشخص علينا بعزبته ؟؟ هههههههههههههه

[سرهيد]

اخوي سرهيد الله لايهينك ولايهون الاخوان بما انك خبير بريموس مافيه شي كذا الواحد يشخص فيه قدام الربع من منتجات بريموس ؟؟؟ يعني شي تضمن انه مهوب موجود مع احد ثاني ؟؟
ودي اسكتلي واحد مزعجني دايم يشخص علينا بعزبته ؟؟ هههههههههههههه

عندي العنكبوت جعلك تسلم تبيه سلف تشخص فيه وترجعه :) امزح

http://www.mekshat.com/pix/upload02/images71/mk40450_dsc02676.jpg

وللآسف هذا النوع حاليا ما ينباع وبحثت وقلبت الدنيا وما لقيت انه ينباع

لقينا ما يقضي اللزوم وبعض الاخوان دلنا على بعض الاماكن اللي اشترينا منها

لكن لا يوجد حاليا

والا اقولك يفداك اللي عندي جعلك تسلم وتامر عليه وعلى راعيه فديتك

اخوك

ابو عبدالله

[راعي ساموده]

عندي العنكبوت جعلك تسلم تبيه سلف تشخص فيه وترجعه :) امزح

http://www.mekshat.com/pix/upload02/images71/mk40450_dsc02676.jpg

وللآسف هذا النوع حاليا ما ينباع وبحثت وقلبت الدنيا وما لقيت انه ينباع

لقينا ما يقضي اللزوم وبعض الاخوان دلنا على بعض الاماكن اللي اشترينا منها

لكن لا يوجد حاليا

والا اقولك يفداك اللي عندي جعلك تسلم وتامر عليه وعلى راعيه فديتك

اخوك

ابو عبدالله

ونعم والله اخوي ابو عبدالله يفداك اللاش انا خابر انك لحيتن غانمه وعلومك طيبه ,وجعلك دوم غانم

[الدهاس]

امس لقيت الراس الاصلي لحاله بدون دبة بسعر 90 ريال السويدي الاصلي

[سرهيد]

امس لقيت الراس الاصلي لحاله بدون دبة بسعر 90 ريال السويدي الاصلي


اشتره وانت مغمض

لان سعره الحالي فوق الميئة تقريبا من 120 الى اكثر

[النديم2007]

مشكور ماقصرت

[حان الرحيل]

السلام عليكم
والله يا جماعه ظني ان الاصلي ما فيه جديد لان الوكيل يبيع هندي اجل وشلون غيره يبيع اصلي

[ابوفهيدان]

لاهنت ياسرهيد كفيت ووفيت ليتني اعطيك وكالة بريموس واقضب بادحمان الباب

[سرهيد]

لاهنت ياسرهيد كفيت ووفيت ليتني اعطيك وكالة بريموس واقضب بادحمان الباب

الظاهر اني انا وابو فهد العافور راسمين على طرد الوكيل الحالي وبنحل محله ;) ;)

اذا منتجات مثل الصورة التالية

http://www.mekshat.com/pix/upload02/images71/mk40450_dsc02676.jpg

لا تلومني في البريموس ومحاولة الدفاع عنه والوقوف ضد الوكيل الحالي اللي ما غير بس يبيع وحتى قطع غيار ما يجيب

لكن اتمنى ان يكون لنادينا دور في ايقاف مثل تصرفات هالوكيل

تقبل احترامي