يا الصقاقير عطونا رايكم

[مخلف الهقوات]

اول شي مساكم الله با الخير والله يقبل من الجميع الي حبيت اعرفة وشلون تقدرون تعرفون فرخ الشاهين هي تفريخ؟ يعني تفريخ شاهين بشاهين ؟ او طرح الشبك يعني وحش

[بن عويان]

سهله ههههه اذا تفريخ اكون فيه حجول و اذا وحش مافي حجول

[مخلف الهقوات]

ما فهمت القصد يا ابن عويان يجي فروخ شياهين تفريخ والي خبرتة وسط يحسبها طر ح الشبك ويمكن الربع يوظحون احسن مني

[بن عويان]

السموحه عيل اذا انا ما فهمت

[المزروعي]

هذي أمور تعرف بالخبره !!! الفرق بين التربيه و الوحش يعرفها الصقار بأمور ممكن تكون خافيه على ناس كثر . الفرق الاول يكون في الريش التربيه تكون ريشته نعيمه و ملساء بينما في الوحش تكون محثبره يعني شبه محروقه و هذا بسبب تعرضها لعوامل الطقس من برد و حر . و أيضا هناك فرق تجده في صوايد الطير . التربيه صوايده أيضا نعيمه و ملساء بينما الوحش تجد أرضيته كأن بها تقشير . و أم شي شوف نهاية أطراف الذيل . الوحش تجد نهاية أطراف ذيله متكسره و هذا بسبب كثرة صيده و تعاركه مع القنيصه . و أيضا بسبب مواكره على الجبال تحصل ذيله متأكل من نهايته . كل هذي الامور تعرفها بالممارسه و الخبره .
أرجوا أن أكون وفقت في توضيح بعض الامور لك .

أخوك المزروعي

[جارح العين]

انشاء الله يفودونك اكثر

[صقااارالدمام]

ان شاء الله يفيدونك الأخوان وتقبل مروري

[مخلف الهقوات]

بيض الله وجيهكم وبيض اللة وجهك يا المزروعي اتمنى راي الربع الباقين للفائدة للي تنقصة الخبرة اما عن نفسي انا اعتبر نفسي من اهل الخبر المتواضعة والحمد لله

[سلطان 1]

يالله حيه يا مخلف الهقوات \ انشهد انه غزتنا التفاريخ من شاهين بحري بشاهين بحري والله انك ما تفرق بينها وبين الوحش 0
وانغشو صقاقير كبار بالشي هذا وشروها على 20 و25 وطلعت تفريخ 0
والله يعين 0

[مخلف الهقوات]

بيض الله وجهك ياراعي فاروق عزاله ان الواحد معك ما يبلش تفهم الي با الخاطر ولا يهونون الربع بس تبي الصدق الكلام الصحيح يزعل واجد الي ما يعترف ويقول والله انغريت

[@قرناص@]

,,

الاقشر شبك

والناعم تفريخ

ههههههه

والله مآندري..

,,

[مخلف الهقوات]

يالربع نبي ارائكم

[أبوإبراهيم1]

هذي أمور تعرف بالخبره !!! الفرق بين التربيه و الوحش يعرفها الصقار بأمور ممكن تكون خافيه على ناس كثر . الفرق الاول يكون في الريش التربيه تكون ريشته نعيمه و ملساء بينما في الوحش تكون محثبره يعني شبه محروقه و هذا بسبب تعرضها لعوامل الطقس من برد و حر . و أيضا هناك فرق تجده في صوايد الطير . التربيه صوايده أيضا نعيمه و ملساء بينما الوحش تجد أرضيته كأن بها تقشير . و أم شي شوف نهاية أطراف الذيل . الوحش تجد نهاية أطراف ذيله متكسره و هذا بسبب كثرة صيده و تعاركه مع القنيصه . و أيضا بسبب مواكره على الجبال تحصل ذيله متأكل من نهايته . كل هذي الامور تعرفها بالممارسه و الخبره .
أرجوا أن أكون وفقت في توضيح بعض الامور لك .

أخوك المزروعي

باعتقادي انه عين الصواب

[بوخالد الكعبي]

مرحبا اخوي مخلف الهقوات


الطير الوحش ينعرف اذا كان ايراني او عراقي او سوري او باكستاني من الريشه و ظبة الطير ( الباذره ) و كفوفه


اما التفريخ سهل يخلف عن اللى ذكرته من ناحية الباذره او الريشه


هذا اللى اعرفه انا ويمكن في غيرنا يفهم اكثر


والدنيا كلها تجارب و تعلم - اتعلم مني وانت اتعلمي اشياء مانعرفها


ومبارك عليك الشهر الفضيل

[راعي مطروح]

مثل ماقالوا الشباب وتقبل مروري

[قلب ذيب]

ماذكره المزروعي هو عين الصواب .
طيب كيف تفرق بين الباكستاني والفارسي والليبي وما الى ذلك من شياهين الوحش ! مافي شك ان الطيور تفرق في ريشها وفي شكلها ايضا ----------- من الافضل ان يستشير الصقار قبل ان يشتري .

[الخرب الازرق]

السلام عليكم وأنا ما أزود عن كلام أخوي أبو محمد المزروعي وكذلك أبو خالد الكعبي يعطيهم العافيه على التوضيح

[سيل قطر]

اخ ياراعي فاروق جبتها على الجرح 00تفريخ تتتتتتتتتتتتتتتتتتت تفريخ لاهنتو ياالمزروعي وصفك جيد جدأ في الوحش والتفريخ00

[عاشق المخيله]

هذي أمور تعرف بالخبره !!! الفرق بين التربيه و الوحش يعرفها الصقار بأمور ممكن تكون خافيه على ناس كثر . الفرق الاول يكون في الريش التربيه تكون ريشته نعيمه و ملساء بينما في الوحش تكون محثبره يعني شبه محروقه و هذا بسبب تعرضها لعوامل الطقس من برد و حر . و أيضا هناك فرق تجده في صوايد الطير . التربيه صوايده أيضا نعيمه و ملساء بينما الوحش تجد أرضيته كأن بها تقشير . و أم شي شوف نهاية أطراف الذيل . الوحش تجد نهاية أطراف ذيله متكسره و هذا بسبب كثرة صيده و تعاركه مع القنيصه . و أيضا بسبب مواكره على الجبال تحصل ذيله متأكل من نهايته . كل هذي الامور تعرفها بالممارسه و الخبره .
أرجوا أن أكون وفقت في توضيح بعض الامور لك .

أخوك المزروعي

كلام ســـــليم

[GX2007]

والله ماقصرو الاخوان كفو وفو

[صافى السريره]

كلام المزروعي صحيح ولاكن يبي له عين خبيره ربما يسمح لي أزيد عليه ان الريش اللي يغطي الساق في الوحش يجي لونه بالطول والتفريخ بالعرض وان كانت النسب في التفريخ لها دور