ابتهاليه بقرب طلوع نجم سهيل

[غلطة عمر]

يالله يالمعـبـود وال التصـاريـف
يالله يالمعـبـود رب الـجـلالـي
امرك بكاف ونون للكون تصريـف
امرك برحمه منـك ياخيـر والـي
تنشـي خيـالٍ مثقـلاتٍ مناكيـف
يعـم خيـره للأهـل والخـوالـي
يالله بنـوٍ المرهشـات المقانـيـف
من نوض برقه يندهش كـل خالـي
ونخيل بـراق المـزون المراييـف
وتروي ضماع قاعٍ الصهود المحالي
واشوف خلقك بيـن وراد ومريـف
وكلـن يشيـر باصبعـه للخيالـي
كريـم يابـرقٍ سـرا لـه تناتيـف
منشـاه جـدّه وارتكـى للشمالـي
الين حقل وشرق ذيـك الاطاريـف
ورسومه الحرّه وغـرب الرهالـي
واجنب بنوضه بامر والي التصاريف
يزمى السراه وفوقهـا كـل جالـي
يالله بنو تشوف سيلـه حفاحيـف
در المـزون الناهيـات الثقـالـي
عساه من صنعاء الى ديرة طريـف
للشرق والعارض وذيـك الرمالـي
يعـم سيلـه لابسـات المغاديـف
امن الحفر الـى الحسـا باجتوالـي
من غب سيله كلها تنقلـب ريـف
المملكـه دار القـروم الرجـالـي
وننعم بغب العشب مشتاه ومصيـف
يرعى الدبش فيها بزيـن المفالـي
ونلقى النفل به والزبيدي بتوصيـف
وريح الخزامى والبختـري تلالـي
والديدحان نشـوف ورده مراهيـف
بوادي تبلّ لامـن تفحّـل وسالـي
وأختم بيوتي صدق ماهو بتزييـف
بصلاه من رب السمـا رب عالـي
على النبي اللي لنا فيـه تشريـف
اعـداد ماصلـو وحجـو مـوالـي


منقوووول

[صقااارالدمام]

الله لايهينك وتقبل مروري

[غلطة عمر]

شكراً على الرد

[لبا كبدش]

شموخ من قايلها فديتك

[مطلاع]

صح لسانك {يا شموخ حائل}
وصح لسان قايلها
تمنيت لوتم التنويه عن القائل
على العموم الف شكر

[غلطة عمر]

عذراً اخي لباكبدش لا اعرف من القائل.
وجدتها في جوال اخي ونقلتها لكم

[غلطة عمر]

صح بدنك اخي مطلاع

واعتذر عن كتابة قائل القصيده لأنني لااعرفه

شكراً للرد

[شيخ القرينه]

صح لــــــــــــــــسانك

[غلطة عمر]

صح بدنك ياشيخ القرينه

شكراً على الرد

[عبدالرحمن الخالدي]

شموخ حايل تسلم يمناك على النقل .

[غلطة عمر]

وتسلم يمناك اخي عبدالرحمن الخالدي على الرد

[يوسف الخليفة1]

أخي العزيز شموخ حايل شكرا لك على هذا النقل وحياك ربي

[غلطة عمر]

انا اخت ياابو عبدالله

وشكرن لك على الرد