المساعد الشخصي الرقمي

مشاهدة النسخة كاملة : وشلون اعرف موتري يبي شنبر ولا


عزيزو
07/09/2008, 11:56 AM
السلام عليكم ورحمة الله وبركاته

الشهر مبارك عليكم
بصراحه معي هايلوكس موديل 94ومدري احس انه ينقص لاحظت من قريب تقريبا ربع علبه وشوي اذامشا الزيت1300ك ومره خليت الزيت 3000ك ونفس الحركة طلع ناقص تقريبا علبه بس ما انقد عليه دخان ووش الحل يا اخوان؟؟؟ ووشلون ادري انه يبي شنبر او توضيب .
مدهوش
07/09/2008, 12:08 PM
عمومآ يمكن المسألة ما تبي كل هالأمور يمكن عندك صوفة تهرب أو تبخير بالماكينة وإذا السيارة كانت واقفة
لمده ربع ساعة وهي شغالة وعطيتها دوسة بنزين بسرعة ودخنت فهذه تبي إستشارة ميكانيكي جيد
ابوعقل
07/09/2008, 12:24 PM
علينا وعليك ان شاء الله

فيه زيت يبيعونه اسمه ستوب Stp

نص لتر صبه بالمكينه ويبي يخف حرق الزيت

اذا الهايلكس ياخذ 4 علب زيت

حط بالمكينه 3.5 لتر زيت عادي

ونص لتر من زيت Stp
E7saas
07/09/2008, 12:35 PM
اخوي الستوب ممكن يكون حل

بس حل يجر لك مشاكل ع المدى البعيد:no:

المشكله الي عندك والله أعلم ربلات البلوف<جلد البلووف :j
عزيزو
07/09/2008, 01:14 PM
الاخ /مدهوش
بس مافيه تهريب زيت ولاشي ويعطيك العافية.
مخطور
07/09/2008, 10:19 PM
السلام عليكم ورحمة الله وبركاتة ،،،،
المسئلة بسيطة ولا يبيلها مكنيكي هذه مشكلة بسيطة هي عبارة عن ضعف في شنبر الزيت واذ خليتها مع الوقت راح تزود وراح يشفف عندك السلندر واذا رحت لمكنيكي كويس ميحتاج ينزل المكينه كلها راح يفك الراس ويفك لك الكرتير من تحت ويطلع لك البساتم ويركب لك شنبر وسبايكة متحركة وجلد بلوف وراح تنتهي المشكلة مع العلم مراح تكلفك اكثر من 1400 ريال وتقبل مروري
الثويرات
07/09/2008, 10:23 PM
السلام عليكم ورحمة الله وبركاته

الشهر مبارك عليكم
بصراحه معي هايلوكس موديل 94ومدري احس انه ينقص لاحظت من قريب تقريبا ربع علبه وشوي اذامشا الزيت1300ك ومره خليت الزيت 3000ك ونفس الحركة طلع ناقص تقريبا علبه بس ما انقد عليه دخان ووش الحل يا اخوان؟؟؟ ووشلون ادري انه يبي شنبر او توضيب .

حياك اخي الكريم
اجابت سؤالك سهله
خل الموتر شغال وفك غطى الزيت الي تعبي معه الزيت حق المكينه اذا كان ينفخ هوى معناه ان الشنبر عندك تعبان
بدوي جنوبي
08/09/2008, 01:32 AM
تقدر تفحص ضغط الشنبر بواسطة الكمبيوتر

يقرأ لك نسبة الضغط

او فك احدى البواجي وشف فيه زيت عليه
الثويرات
08/09/2008, 04:35 AM
تقدر تفحص ضغط الشنبر بواسطة الكمبيوتر

يقرأ لك نسبة الضغط

او فك احدى البواجي وشف فيه زيت عليه



الزيت الي على البوجي ماهو دليل على ضعف الشنبر

فأحياناً جلب البلوف تصير تلفانه وبذلك يكون فيه زيت البوجي
adil33
08/09/2008, 04:50 AM
اخي الكريم الموضوع يحتاج صبر وفك راس للماكينه عشان نقرر توضيب او شنبر فشفه السلندر هي الحكم هنا ولكن اخي الكريم اذا كنت تتحمل كلفه علبه زيت كل 3000 كم فتوكل على الله واترك الماكينه كما هي لكن ان كنت تبي تعدل وضع الماكينه فعليك اخي الكريم على الاقل بالشنبر بس الرجاء التاكيد على الميكانكي بان يتاكد من قبول السلندر للشنبر فاحتمال يكون للسلندر شفه تمنع راحه الشنبر بعد التركيب وما تكون استفدت شيء تتوقعه انت وانتبه لا يقولك توضيب وتوافق بسرعه وان قرر على سبيل الافتراض انه يبي يوضب قول اوكيه وضب ما عندي مانع بس التوضيب هنا يكون فقط بمسح السلند مسحه خفيفه ما تتجاوز ال 15 &1000 يعني تقريبا نقول تنظيف ولا يقر ب العمود فقط شنبر وجلد بلوف وانتبه يقولك ابي اخرط الراس او غيره كل شيء فيه خرط ممنوع وطبعا هذا كله الحكم فيه السلندر كما قلت
لا تنسى اخي الكريم تكشف على المويا فنقصها وحرارة السياره في الهايلوكسات ما تبين معاك انها مرتفعه كباقي السيارات فالكشف عليها ضروري جدا جدا لانه نقص المويا يسبب صرف الزيت بمقدار علبه او نصف علبه في مده لا تتجاوز شهرين ونصف والله اعلى واعلم
سوبر VTC
08/09/2008, 04:51 AM
الزيت الي على البوجي ماهو دليل على ضعف الشنبر

فأحياناً جلب البلوف تصير تلفانه وبذلك يكون فيه زيت البوجي


طيب يالثويرات
اذا فتحت الغطاء و لقيت تبخير طبعا عقب ما تجلد الموتر بمشوار 5دقايق و ثم لقيت على الغطاء تبخير ابيض تقل حليب وش يصير؟
توضيب و الا شنبر و الا خالط الماء مع الزيت يعني شعر خفيف
الثويرات
08/09/2008, 04:33 PM
طيب يالثويرات



اذا فتحت الغطاء و لقيت تبخير طبعا عقب ما تجلد الموتر بمشوار 5دقايق و ثم لقيت على الغطاء تبخير ابيض تقل حليب وش يصير؟


توضيب و الا شنبر و الا خالط الماء مع الزيت يعني شعر خفيف



عندك اما الراس خربان او وجه الراس واحيانا يكون من الثلاجه حقت الزيت لان بعض السيارات يجي لها تبريد زيت مع السيفون زي الباترول
Bader-M
08/09/2008, 04:59 PM
من كلامك اعتقد

ان السيارة شارفت على تخبيط ولكن لا تستعجل الامور اصبر حتى تنقص علبة كل الف كليو

اذا ان احد الشباب معه مثل موترك ولكن مديل (1991) وهي نفس المحرك 22R

استمر المحرك ينقص علبة كل 1000 كم ولكن لم يقم بتوضيبه الا بعد 3 سنوات

ادخل هذا الرابط سوف يفيدك ان شاء الله

http://www.mekshat.com/vb/showthread.php?t=30226

تحياتي اليك
عاشق الهجوله
09/09/2008, 12:57 AM
اسلام عيكم ورحمة الله وبركاتة
اخي الكريم مع احترامي لجميع المشاركين وجميع الارا لنه لابد من عرض السيارة على مكنيكي جيد لن الحلول جميعها مبنيه على كلامك وعلى خبرات وتجارب شخصية وقد تكون صحيحه او غير صحيحه ولكن اذا شاف السيارة شخص له خبرا في المكنيكا يكون الحل اقرب لصواب
سوبر VTC
09/09/2008, 05:05 AM
عندك اما الراس خربان او وجه الراس واحيانا يكون من الثلاجه حقت الزيت لان بعض السيارات يجي لها تبريد زيت مع السيفون زي الباترول


تسلم يالثويرات
طيب و اذا كان شيروكي 6 سلندر وش يصير
شكلك مالك خلق الشيروكي:D
عزيزو
15/09/2008, 02:40 PM
يعطيكم العافية وماقصرتو