اصحاب الجيب سفاري ؟؟؟

[azoz111]

السلام عليكم ورحمة الله وبركاته عندي استفسار وابي الفزعه ولا رايكم

ابي ورشة متخصصه في النيسان والسفاري بالذات لان الحمراني الله يهديه

ماعنده في الوكاله الا سواطير شلخني تشليخ والله الراتب صار للصيانه مع العلم

ان السيارة موديلها 2003م بس بعض الملاحظات تقصم الظهرمثل فحص زيت

القير (لان سيارتي اتوماتك) تشحيم العكوس وغيره من هالتشييك ؟

المهم مالكم في الطويله الي يعرف ناس متخصصه في النيسان والسفاري بذات

يعلمنى وش اسم الورشة وموقعها والله يجزاكم خير .


:( :( :( :( :( :( :( :( :(

[أبو مسفر]

صراحة انا رحت لورشة الشنيفي في صناعية الدايري
عند ابو سليمان
الورشة متخصصة للباترول القديم والجديد
وانا عايرت عنده زيت القير وغلقه لي
وغير البواجي وصمغ مسامير الثلاجة

[azoz111]

الله يعطيك العافية يابومسفر مشكور على ردك
وعسى بس مو غالين

[الفتكي]

السلام عليكم
اذا انت في القصيم فيه احسن من الوكالة ورشة العثمان في التشاليح متخصصه في القيور التماتيك وخاصه التويوتا والنيسان ما يحتاج

[azoz111]

يعطيك العافية يالفتكي ومشكور على مرورك
لاكن انا بالرياض

[سوبر VTC]

السلام عليكم
اذا انت في القصيم فيه احسن من الوكالة ورشة العثمان في التشاليح متخصصه في القيور التماتيك وخاصه التويوتا والنيسان ما يحتاج

كلامك صحيح نوعا ما
لكن اختصاص العثمان بالدرجة الاولى بالجموس و الفورد لانه منذ اكثر من 17 سنة و هو مختص بالامريكي و خصوصا توضيب القير و اصلاح الدبل و الكارونة:good:

[حامى الخبرا]

السلام عليكم ورحمت الله وبركاته.........اخى العزيز أحذرك من العبث بهلقير:no2: نصيحه لوجه الله عزوجل لان هلقير غير القيور اللى اتعرفهن اذا سيارتك على ماقلت 2003 معناه ان القير (تب اترونك)وهذا القيرمايحتاج اى صيانه أو دهن مثل باقى القيوروانا اتحدااا أى مكاانيكى يقولك غير هلكلاااام ولاى استفساار أخر انا حاضر .....:no: :no: :no2: :no2: :no: :no:

[المميـز]

فيه ورشة بالرس

وعندهم محل قطع غيار تابع لهم بنفس الورشه وعندهم تشليح عند الورشه

كل هذا خاص بسيارات نيسان بس

ياليت من يعرف لهم رقم يفيدنا فيه عاجلا غير اجل

حتى والله ان اسمها ناسيه

مكانها بالصناعيه حقت الرس القريبه من معارض السيارات

وعلى ما اعتقد ان اسمها البحر والله اعلم

[مقلع الرمث]

اخوي الحين كانك انت محتاج معايره زيت القير رح واشتر من الوكاله اعيار زيت القير تحصله عند وكيل نيسان الجبر بالشرقيه وعاير وانت مرتاح اما تشحيم ومدري ايش اي ورشه يسويلك اياه وخذها مني مجرب انا كا معي باترول نفس سيارتك ماشحمت ولا سويت فيه شي بس عامود الكردان عشان الطقه لا جيت تاقف اشحمه اما الباقي والله جلده جلد وين مايوجعك بس سنه كامله ماطفى ابد وتقريبا كل يوم امسكبه خط ولا غيرتها الا بواجي وصفاي بنزيم وكفرات وبس ومساعدات انا ركبتها كذا ولا مساعداته مافيها شي والباترول حبيب يعني انت تقدر تسويله صيانه بدون الوكاله ولاغيره ولا يحتاج شي الا كان موترك عوكاس هذا شي ثاني انحربه المعارض هههههههه المهم طولت عليك وهي قصيره تبي ورشه انت صح هههههههههه فيه ورشه الحسن بالصناعيه القديمه يعايرلك زيت ب 50 ريال فقط وانت واقف بس لا تقعد تسولف عليه تراه نماك يعني (نصاب ) واسف اذا كنت طولت عليك والله يكون بعونك على القراءه هههههه

[azoz111]

الله يعطيكم العافية وماقصرتو جميعاً

[أبو مسفر]

اسمع يا عزوز
بالنسبة للاسعار عند الشنيفي
فك الثلاجة مع التصميغ بـ 300 ريال
على دربه غير البواجي بـ50 + 210 قيمة ستة بواجي ( بقول لو تغير البواجي لحالها فقط بـ150 ريال شغل يد )
وعلى دربه غلق زيت القير بـ 50 ريال + 75 قيمة واحد لتر زيت قير
غير صفاية البنزين بـ50 + 25 قيمة الصفاية
المجموع بعد المكاسر = 750 ريال
ويقول كل 120 الف كيلو سو الصيانة هذي

[e.j]

انا على ماقال اخوي ابومسفر اقوووول الشنيفي ممتاز ورجال واضح وسعره معقول وبعدين يشتغل بيده هو.