سهيل واحد
18/01/2004, 10:32 AM
السلام عليكم ورحمة الله وبركاته
رحلتنا من الرياض إلى خط الرفيعه -- قريه العليا.
البدايه من الرياض الى رماح .. ثم إلى شويه .. ثم الشملول. وصلنا الشملول بآخر الليل تعشينا ونمنا. قمنا الصبح وصلينا . مشيت رجليه تقريبا 2 كم ما اقول إلا ماشاء الله. الرقروق طالع و إرتفاعه عن الارض تقريبا 20 سم. مشينا من فياض الشملول الى فياض بين الشملول وبين البويـبـيـات(فيه ردميه بينهن) لقينا راعي غنم بفيضه من الفياض اللي قبل البويـبـيـات يقول ان غنمه لهن سبوع شبعانات (دليل على زين منبت الفياض). من البويـبـيـات طلعنا الى الرفيعه (الاراضي غدران والربيع شوي). ومن الرفيعه إلى ام غور (ارض ام غور مربعه ربيعا زين) . من ام غور مشينا تقريبا 40 كم على خط قريه العليا والارض خضارها خفيف لكن رقروقها زين. يوم الجمعه تمشينا رجوعا الى الرفيعه ثم طلعنا شمال غرب و ماشاء الله الفياض و الخباري مليانه ماء والخضار (الربيع) من افضل ما شافت عيني في جميع انحاء المملكه خلال هاالموسم.
يعني من نهاية عرق الرحيلي من جهة الصلب و شمال او شمال شرق او شمال غرب افضل ربيع الله يديم علينا النعمه.
إسمحولي ي شباب ما عندي كمره.
وصيتي لكم يا النشامى :
عدم توصيخ الارض بمخلفاتكم.
اذا الله رزقنا بفقع انكم إذا حفرتوا الفقعه تحرصون إنكم تدفنون مكانها وما تخلونه حفره.
وإلا اللي ماهو نشمي ما علينا منه.
و الســــــــــــــــــــــــــــــــــــــلام خـتـــــــــــــــــــــــــــــــام.
رحلتنا من الرياض إلى خط الرفيعه -- قريه العليا.
البدايه من الرياض الى رماح .. ثم إلى شويه .. ثم الشملول. وصلنا الشملول بآخر الليل تعشينا ونمنا. قمنا الصبح وصلينا . مشيت رجليه تقريبا 2 كم ما اقول إلا ماشاء الله. الرقروق طالع و إرتفاعه عن الارض تقريبا 20 سم. مشينا من فياض الشملول الى فياض بين الشملول وبين البويـبـيـات(فيه ردميه بينهن) لقينا راعي غنم بفيضه من الفياض اللي قبل البويـبـيـات يقول ان غنمه لهن سبوع شبعانات (دليل على زين منبت الفياض). من البويـبـيـات طلعنا الى الرفيعه (الاراضي غدران والربيع شوي). ومن الرفيعه إلى ام غور (ارض ام غور مربعه ربيعا زين) . من ام غور مشينا تقريبا 40 كم على خط قريه العليا والارض خضارها خفيف لكن رقروقها زين. يوم الجمعه تمشينا رجوعا الى الرفيعه ثم طلعنا شمال غرب و ماشاء الله الفياض و الخباري مليانه ماء والخضار (الربيع) من افضل ما شافت عيني في جميع انحاء المملكه خلال هاالموسم.
يعني من نهاية عرق الرحيلي من جهة الصلب و شمال او شمال شرق او شمال غرب افضل ربيع الله يديم علينا النعمه.
إسمحولي ي شباب ما عندي كمره.
وصيتي لكم يا النشامى :
عدم توصيخ الارض بمخلفاتكم.
اذا الله رزقنا بفقع انكم إذا حفرتوا الفقعه تحرصون إنكم تدفنون مكانها وما تخلونه حفره.
وإلا اللي ماهو نشمي ما علينا منه.
و الســــــــــــــــــــــــــــــــــــــلام خـتـــــــــــــــــــــــــــــــام.