يوسف الخليفة1
10/09/2008, 05:28 PM
http://www.mekshat.com/pix/upload01/prof002/mk67513_16052007(002).jpg
ودع سنين الظل ما فيه تشجير=عشرين عامن كل شغله خساره
غزوا عليها حاملين المواطير=والشيول الهدار باول نهاره
تحاملوا يم الشجر بالسواطير=كلن معه منجل وفاتح زراره
قاموا عليها بالعتل والمناشير=هدوا على الاشجار في كل حاره
قالوا ترا البرسوبسه ما بها خير=مدري صحيح العلم والا قشاره
منولن ظلن وملفى العصافير=واليوم قيضن تقتفينا الحراره
قلنا وراكم فاتحين المناقير=قالوا لنا الريس موقع قراره
الشكوا لله تعجب النفس واتحير=اختلفت الدنيا بدا به دماره
هذا ظلال الناس ما فيه تعكير=وش غير المفهوم واخلف مساره
منين ظلن غير ظل المقاصير=عن واهجن حره سواة الشراره
سياج واعقومن ردايم عن الحير=وصياهدن ما فيها كود السماره
منين ظلن لاهل ذيك المشاوير=اهل المدارس والنقل والاداره
احسن نخلي شغلنا تالي عصير=حين المسا يقبل ويبدا حماره
وانصير لجا الليل مثل السنانير=كلن يراكي صابره في زباره
يا حلوها ذيك الديار المزاهير=في غابة الادغال دايم انهاره
فيها المها تارد على الما طوابير=ما هوب كلبن مقتفيله حماره
هي جنة الدنيا ولا هي تخاسير=يالله باجنانن تدانت اثماره
هي منوة المومن سليم التفاكير=اللي ترك درب الردا والدشاره
ما تفلح اقوامن دروبه عثامير=حياتهم صارت ضلال ودعاره
( يوسف الخليفة )
ودع سنين الظل ما فيه تشجير=عشرين عامن كل شغله خساره
غزوا عليها حاملين المواطير=والشيول الهدار باول نهاره
تحاملوا يم الشجر بالسواطير=كلن معه منجل وفاتح زراره
قاموا عليها بالعتل والمناشير=هدوا على الاشجار في كل حاره
قالوا ترا البرسوبسه ما بها خير=مدري صحيح العلم والا قشاره
منولن ظلن وملفى العصافير=واليوم قيضن تقتفينا الحراره
قلنا وراكم فاتحين المناقير=قالوا لنا الريس موقع قراره
الشكوا لله تعجب النفس واتحير=اختلفت الدنيا بدا به دماره
هذا ظلال الناس ما فيه تعكير=وش غير المفهوم واخلف مساره
منين ظلن غير ظل المقاصير=عن واهجن حره سواة الشراره
سياج واعقومن ردايم عن الحير=وصياهدن ما فيها كود السماره
منين ظلن لاهل ذيك المشاوير=اهل المدارس والنقل والاداره
احسن نخلي شغلنا تالي عصير=حين المسا يقبل ويبدا حماره
وانصير لجا الليل مثل السنانير=كلن يراكي صابره في زباره
يا حلوها ذيك الديار المزاهير=في غابة الادغال دايم انهاره
فيها المها تارد على الما طوابير=ما هوب كلبن مقتفيله حماره
هي جنة الدنيا ولا هي تخاسير=يالله باجنانن تدانت اثماره
هي منوة المومن سليم التفاكير=اللي ترك درب الردا والدشاره
ما تفلح اقوامن دروبه عثامير=حياتهم صارت ضلال ودعاره
( يوسف الخليفة )