عدة أسئلة منوعة وودي بأجوبة ياوجيه الخير !!

[فحيحيل]

السلام عليكم ورحمة من الله وبركة

حيا الله الأخوان ...

أنا عضو جديد في مشاركةً وقديم في القراءة ويعلم الله كم استفدت منك راعكم الله ...

في الحقيقة توني شاري جهاز FPSmap176 ...

وعندي ثلاثة أسئلة :

الأول : حملت برنامج الماب سورس وحدثته بس مع الأسف يعطيني هالمسج :

http://www.7lol.com/pic/garmin.jpg

وش الحل ؟

الثاني : وش رايكم في الصمان هالوقت هل هي مناسبة للكشتة ولا لا ؟ وإذا نعم فياليت تزودونا بإحداثيات مواقع عليها الكلام وتستاهل الكشتة هناك مثل اللي حطها أخونا أبو فهد هنا :

http://www.mekshat.com/vb/showthread.php?s=&threadid=15339

الثالث : وأنا عارف أني طولت عليكم :) وشو برنامج الأوزي ؟

والله لا يحرمكم الأجر ياأخوان ...

وبيض الله وجيهكم من هالحين ...

أخوكم/ فحيحيل

[كشات]

بسم الله الرحمن الرحيم

السلام عليكم ورحمة الله وبركاته

الغالي فحيحيل

اول شي مبروك عليك هالجهاز
وعساه اول خير يارب

اخوي
ابي اعرف هل اشتريته مع شريحة(خرائط الصحراء)؟

اذا كان جوابك نعم فاقول لك ونعم الاختيار

الحمد لله انا مثلك ماشريت ال 176 الا من كم يوم بس
وقاعد اتعلم عليه

وبصراحه
الشباب اللي هنا ماقصرو جزاهم الله خير
السمح ,العازمي , السعلو, نبراس وكثير غيرهم الله يكثر من امثالهم



اذا تبي شرح للبرامج او اي مساعده
عندك باعلى الصفحه موضوع ثابت (المواضيع المميزه بالمنتدى)
ادخل وبتشوف الروابط اللي فيها كل شي عن الاجهزه وبرامج الماب سورس والاوزي وتحديثها وتعربيها بعد

ارجو انك تجد مبتغاك

واذا مالقيت اللي تبيه حط سؤالك بالموضوع المخصص له واكيد بيتلقاك واحد من هالشقرديه وبيعطيك الجواب الشافي
تراهم كذا :good: يعجبونك بالفزعات
الله لا يخلينا منهم ومن علومهم الغانمه
لا خلا ولاعدم

[السعلو]

عليكم السلام و رحمة الله وبركاته وبعد :

اخي الواضح من الرسالة التي ارسلها لك برنامج المابسورس انك تحاول تحميل خريطة من المابسورس الى جهاز جي بي اس لا يوجد به ذاكرة لتحميل الخرائط . او انه من الاجهزة التي تحتاج بطاقة ذاكرة خارجية .

اخوك
السعلو

[فحيحيل]

وعليكم السلام ورحمة الله وبركاته

شكراً لكم هلى هذه الردود المنصّـفَة :)

أخوي كشات ...

آمين يارب وإياك والقراء

الجهاز فعلاً لا يحوي ذاكرة خرائط يعني سياحي :)

ويتضح من ردك ورد الأخ الفاضل أبو عبدالعزيز أنه من الضروري وجوده في الجهاز علشان أقدر أتعامل معه بسهولة ومرونة

خلاص باشتريه مع الخطة الخمسية السابعة :) إن شاء الله

سلمت أناملك ياطيب الفال

هلا بالسعلو كثر ماسالت سيول

كلامك صحيح لكني قدرت أحدث الاحداثيات من دار الموجة بدون الحاجة للكرت

وودي أحمل من الجارمن المواقع والمسارات مريتها علشان أرتبها وأرفعها للقارمن مرتن ثانية وغير كذا أحفظها بالجهاز وقت العازة

فهل يلزمني كرت خرائط للقيام بهذه العملية البسيطة ؟

وماقصرت

أما سالفة الصمان مع أن الجماعة يقولون أنه مطينة اللحين ولا يندخل إلا بغثا !! وهنا أبغى رايكم

والأوزي نخليه على جنب الظاهر مالنا حظ فيه

فزعة طيبة من ناس أطيب

والله لا يحرمكم الأجر ياوجيه الخير

أخوكم فحيحيل

[السعلو]

اولا لازم نعرف نوع جهازك الله لا يهينك

حيث ان بعض الاجهزة لا تقبل تحميل حتى النقاط الا بوجود كرت ذاكرة

اخوك
السعلو

[فحيحيل]

هلا أبو عبدالعزيز

الجهاز الله يرعاك هو جهاز قارمن GPSmap176

سياحي بدون ذاكرة

واعذرني على التأخير

مع وافر الشكر