المساعد الشخصي الرقمي

مشاهدة النسخة كاملة : أكشت وأكسب - لا يفوتك للإستثمار يا شطار


عقيد القوم
18/01/2004, 11:48 PM
قام أحد المكاشيت الاذكياء - ما شا ء الله عليه - بعمل رحلات مكشاتيه لمرتين في الاسبوع مقابل اشتراك شهري مقداره 1600 ريال مقابل أن يقوم بتوفير جميع متطلبات الكشته بما فيها السيارات المجهزة والخيام وتبدأ في الصباح وتنتهي في المساء .
رحلة في الاسبوع تطعيس وتكون بدون تخييم ورحلة أخرى إلى منطقة جميلة وتكون بتخييم .

أنا لا أدعوكم للمشاركة فيها ولكن أدعوكم إلى عمل مثلها واستثمار خبراتكم الرائعة وامكانياتكم الكبيرة ، وأقترح أن يتم تعاون الاخوة في عدة مناطق مع بعضهم كما يحصل في خرائط الصحراء .
مع تمنياتي لكم بالرزق الوافر .
الحاتمي
19/01/2004, 03:38 AM
عقيد القوم الغالي تكفى لاتفتح علينا باب مصكوك
بكرى تلقى التجار فاتحين وكالات للكشتات
بدل وكالات السفر والسياحه
تحت شعار(كشتات ممتعه بدل الختات) عرفت الختات ;)
وتعرف جشع اغلب التجار وترويجهم لتجارتهم طبعا يبي يكون على
حساب البر والحياة الفطريه....
واللي يبي يسجلون بهاالرحلات اما ان يكونو وافدين او ناس ماتدري معين هي هابه
ولا يطلعون الا مره بالسنه ولا يعني لهم البر شي
والنتيجه تكون
(( كشتات بدون تنضيف المكان والتخلص من النفايات))
لا بعد اذا ماكانت هالرحله فيها مسابقات وجوائزبالبر وش تتوقع تصير المسابقات
مثل لعبنا بالبروتحدياتنا (مطارح او مسابق حفيانين اواذا خربناه تطعيس
تبي تكون المسابقه
اللي يجمع اكبر غمر حطب يحصل على الجائزه..
او اللي يجمع عدد 100 ورده بزمن قياسي قدره دقيقتين
له كشته قادمه مجانيه...
يله عاد شف البر عقبهم والله ان تقول رايح لمحرقه ماهيب روضه
هذاغير ان التاجر فلان اوعلان حامي مثلا روضة التنهات او خريم
اوالشوكي بطريقة خذ الامر وانا شريك لك بالنص؟؟ ولا يدخل الروضه
اي شخص مادفع لنا الرسوم وحجز مسبقا.....
آسف على الاطاله ولكن تخيلو ان ماذكرت صار واقعا كيف يكون البر
وطعمه بعد هالمهازل.....
تحياتي لك عقيد القوم
راعي عنيزة
19/01/2004, 07:49 AM
اخاف تغدي مثل الكشتات الي يسوونه بالامارات للسياح
النهار تطعيس وتزلج على الطعوس ومسيان بوفيه نصه خمر وبالليل يقلبونه دسكو وسمردحه
وقال ايش قال طالعين بهم يستكشفون الصحراء ويعيشون حياة الباديه :D
المربد
19/01/2004, 09:30 AM
يا اخوي الدنيا بخير والحمد لله واذا فينا طاقة زايدة ليش ما ناخذ شباب حلقة التحفيظ بالمسجد ونروح بهم ونونسهم ونعلمهم العلوم الزينة. ونحصل اجرهم !!!
عقيد القوم
19/01/2004, 07:15 PM
ولماذا لا تنظم رحلات وكشتات تتأدب بآداب الاسلام ولجميع فئات المجتمع لماذا تنحصر في فئة فقط
لماذا لا تكون بأجر يغطي التكلفة ويساعد على التطوير؟؟؟؟

الكشتات نوع من السياحة فما المانع من الكسب الحلال ؟
عقيد القوم
20/01/2004, 09:28 PM
ما رأيكم بالسعر هل 1600 ريال كثير أم قليل ؟
أفكر في تنفيذ مشروع مشابة