يوسف الخليفة1
12/09/2008, 05:27 PM
عقب الحلا حيرت عمري وانا حي=ما غير ادورج حنظل الوقت بالليل
طعم المراره دون سقمن ولا كي=مير انه الصدات تقبض على الحيل
اسج مع فكري واطالع ولا شي=ما غير شاقي واطلق الحبل واشيل
دليت ادافع كل قاصر ومنهي=غديت مثل اللي يسد الدحاحيل
اسابق المشماس وانزل على في=حالي كما فرخن بروس المطاويل
لا بارك الله بالخوي ياكل الني=لحم الرفيق امسا كما فطح الحيل
لا خايفن ربه ولا يرفق شوي=ينصب ضواريبه بقور الدحاميل
خليت حبلي مستقلن وملوي=وحطيته براس الركيه دهاديل
يا مخلف النيه ويا صارف الري=تضما زروع الحب وتمسي ذوابيل
البوم فوق بناه يصرخ ويلعي=والراي ما له مع مثاليه تحليل
ما يدرك الطولات لاهي ومقفي=الطيب يبغا له سنيع الرجاجيل
يالله عسى برق الحيا دوم يدني=يسير مع نون بشوف المخاييل
يسقي نباتن بالرقاريق جاثي=مضى عليه الحول ما جا له السيل
من الدلابح لين مرقا جبل طي=ومن الهميج اليا السهول القواحيل
واتربع الاوطان في كل سافي=يمسي خضارن عقب ذيك المماحيل
يظهر كثيث العشب شاتر ومروي=من طول ساقه يختفي به مخاتيل
يموج نواره بالارياح يثني=يلعب مع النسمات كنه خلاخيل
والذيب في روس المراقيب يقعي=شبعان وما به من عنا الجوع تطويل
بالارض خيرن ما غشاها تعري=دمثا غطاها العشب كنه شواتيل
تلقا النفل بين الدعاثير مرهي=طوله يجي شبرين مثل المذاييل
غطا عليه النقد باطراف جرفي=تخالف غصونه طوالن نواحيل
له زهرتن لونه يشادي لبرحي=تدلت براسه سواة الجلاجيل
والطيطا والعنيق ويا البختري=والمكر والعشرق وشيحن وفحيحيل
نبات دنيا له زمانن ويجلي=يقلب صفارن لو سقته الشهاليل
يا غافلن عن يوم الاهوال لاهي=حين البشر تاقف بيومه مذاهيل
هذاك يومن من زرع خير يجني=من حالي المذواق يلقا التساهيل
واللي زرع شرن على الشوك محفي=يلقا الخساره من حصيد المحاصيل
( يوسف الخليفة )
طعم المراره دون سقمن ولا كي=مير انه الصدات تقبض على الحيل
اسج مع فكري واطالع ولا شي=ما غير شاقي واطلق الحبل واشيل
دليت ادافع كل قاصر ومنهي=غديت مثل اللي يسد الدحاحيل
اسابق المشماس وانزل على في=حالي كما فرخن بروس المطاويل
لا بارك الله بالخوي ياكل الني=لحم الرفيق امسا كما فطح الحيل
لا خايفن ربه ولا يرفق شوي=ينصب ضواريبه بقور الدحاميل
خليت حبلي مستقلن وملوي=وحطيته براس الركيه دهاديل
يا مخلف النيه ويا صارف الري=تضما زروع الحب وتمسي ذوابيل
البوم فوق بناه يصرخ ويلعي=والراي ما له مع مثاليه تحليل
ما يدرك الطولات لاهي ومقفي=الطيب يبغا له سنيع الرجاجيل
يالله عسى برق الحيا دوم يدني=يسير مع نون بشوف المخاييل
يسقي نباتن بالرقاريق جاثي=مضى عليه الحول ما جا له السيل
من الدلابح لين مرقا جبل طي=ومن الهميج اليا السهول القواحيل
واتربع الاوطان في كل سافي=يمسي خضارن عقب ذيك المماحيل
يظهر كثيث العشب شاتر ومروي=من طول ساقه يختفي به مخاتيل
يموج نواره بالارياح يثني=يلعب مع النسمات كنه خلاخيل
والذيب في روس المراقيب يقعي=شبعان وما به من عنا الجوع تطويل
بالارض خيرن ما غشاها تعري=دمثا غطاها العشب كنه شواتيل
تلقا النفل بين الدعاثير مرهي=طوله يجي شبرين مثل المذاييل
غطا عليه النقد باطراف جرفي=تخالف غصونه طوالن نواحيل
له زهرتن لونه يشادي لبرحي=تدلت براسه سواة الجلاجيل
والطيطا والعنيق ويا البختري=والمكر والعشرق وشيحن وفحيحيل
نبات دنيا له زمانن ويجلي=يقلب صفارن لو سقته الشهاليل
يا غافلن عن يوم الاهوال لاهي=حين البشر تاقف بيومه مذاهيل
هذاك يومن من زرع خير يجني=من حالي المذواق يلقا التساهيل
واللي زرع شرن على الشوك محفي=يلقا الخساره من حصيد المحاصيل
( يوسف الخليفة )