يامكشاتيين نخيتكم وما نخيت الذيابة ......... مهم .......... لو سمحتوا

[ابو شكاع]

السلام عليكم ورحمة الله وبركاته

اخواني

لدين نية للقيام برحلة في العيد .................

استلزم الأمر انا نشتري اجهزة ارسال ................ شرينا من ماركة كنوود

المهم

طلبنا من الكهربائي انه يوصل الكنوود مباشرة بالبطارية ..............الموتر هو يوكون 2002

جلس يبحث يمين ويسار ما لقى محل

قال لازم اسوي فتحة في احد المداخل اللي فيها مجموعة اسلاك .....................


هنا ان قلت له اصبر ................... انتظر .................. حاول يمين او يسار لا تفتح اي فتحه حاول بدون ما تخرب الموتر

قال ما لقيت

قلت له اصبر خل انشد المكشاتيين............... اكيد عندهم حلول لمثل هالأمر

ياشباب اللي يعرف طريقة توصل الكنوود بالبطارية من غير تخريق وحوسة يدلنا

الصراحة الموتر جديد وما نبي انه يخرب

*ايضا اسال عن اهمية التأريض ؟؟

وش فايدته ؟؟

وايضا عن سعر القاعدة اللي تركب بالباب الخلفي للجيوب بدون تخريق ......... وكم سعرها وكم سعر متر السلك حقها ...... لان واحد قال له سلك خاص

وابي اسال عن احسن واحد بالقصيم يركب اجهزة ارسال

وشكرا لكم

[ابو شكاع]

للحذف

[تالي الاولين*]

.


هلا بالغالي

والله وانا اخوك ماني راعي خبره بس ابت

نفسي امر الموضوع وامشي ابقول الى عندي

... اول شي لا تروح لكهربائي عادي فيه

محلات تخصصها هالشغله ... واكيد بيلقون لك

طريقه جيده ...


.

[ابو شكاع]

الله يجزاك خير

ما قصرت

لاهنت

[GroupWar]

يا طويل العمر

روح لاي محل متخصص في تركيب المسجلات والامبلفايرات للسيارات (يفضل يكون محل معروف ومتخصص وينشد به الظهر :) )

وقول له ابيك توصل لي سلكين (سالب وموجب) من البطارية الى داخل السيارة وتركبهم في الجهاز .. وقول له الجهاز يلزم له سلك يتحمل قوة 15 امبير .

وبالتوفيق

[ابو شكاع]

GroupWar


desprado


مشكورين وما قصرتوا .................

بإذن الله راح آخذ بنصايحكم ......

وازودكم بالنتيجة

واذا احد عنده زيادة ايضاح فما نستغني عنكم

شكرا لكم

[الهوك]

والا في طريقه هناك

وانا مسويها بموتري


واللي هي

انك تدخل السلك من داخل الرفرف وتجيبه مع فصّالات الباب وتدخله داخل السياره وهذه اسرع واوفرلك واضمنلك من تخريب السياره


انشاء الله اني وفقت في خدمتك


تحياتي لك

الهوك
الظهران

[راعي عنيزة]

ابو شكاع كان ودك تطمر لعنيزه خابر لك كهربائيين ممتازين بالحيل
وانا مشبك عندهم سيارتين ولا عندك ازين من تشبيكهم مع ان مداخيل الاسلاك ضيقه وحوسه

عندك البسام للزينات ، طريق الزلفي - الصناعيه - بعد محطة اليحيى امش شوي ويجونك على اليمين
واحرص ان الي يشبك لك هندي اسمه بتيل
وتراهم زحمه يعني كود تجيهم بدري او عقب صلاة


واما القواعد والاسلاك تلقاهن جاهزات عند ابو عبدالله البتار


وكانك تبي شغل صح خذ القاعده وكيبله اول وخل الكهربائي يظبطه ويغبي السلك ويصير شغله مرة وحده مع التشبيك

[الـ ع ـارض]

شف يا الغالي
تمد سلك من تحت الطبلون ويجي من ورا دعاسة البنزين والفرامل الى زاوية الباب (المفصلات) ومن هناك تمد السلك ما بين زاوية الباب مع الرفرف والكبوت من الداخل الى البطاريه .

وان ما عرف يمده وانت لك جيه للرياض علمني ومالك هم انشاء الله .

لا تخرم ولا تحوس شي حتى في تركيب الجهاز نفسه له مكان

شف الموضوع هذا اتمنى انه يفيدك

ارعص هنا بقوووووه (http://www.mekshat.com/vb/showthread.php?s=&threadid=14321)



<=== معه يوكون وعارفه مسمار مسمار:D

[ابو شكاع]

الهوك


راعي عنيزة


العــارض

الله يجزاكم الجنة ما قصرتوا جميعا والشكر ما يوفيكم

انا توي الحين جاي من المحل

هو محل جوالات ......... قلت له ابيك تركبة من دون اي تخريم ...... قال زين

دخل سلك من بين مجموعة كبيره من الأسلاك ........ ولها بالكبوت ما يشابه السدة علشان ما يدخل غبار وخلافه

وربطها بشطرطون وسحبها .......... وصار تمام بدون تخريم

مع انه اغلا بضعفي المبلغ ................ لكن احسن من التخريم لاني الصبح مريت كهربائي غيره ثاني غير الأول وقال لي لازم تخريم السدة هذي


عموما كان شغله احترافي وجيد ............ وأخذت منه اريل قصير اسود كوميت...... وقاعدة تركب بالباب الخلفي

جازت لي شفتها في جيب ..........

بحيث الانتل ما يظهر في حال وجود نقطة تفتيش مثلا

باقي ...... ناحية تثبيت الجهاز

بالنسبه لي ياخوي العارض موتري مهوب فل كامل ........ يعني ما فيه الكونسول اللي بالوسط ......... فيه فراغ كبير

هل تنصحني بطريقه غير هذي ؟؟

او لازم ابيع يوكوني واروح اشتري فل كامل علشان الكونسول :)

على فكرة

ما احد قال لي اهمية تأريض الجهاز ؟؟ وش فايدته؟

شكرا لكم

[الـ ع ـارض]

ابو شكاع
الله يسلمك من كل شر

من ناحية التأريض مهوب هو ركب سلك الجهاز الاسود والاحمر ؟؟؟

خلاص الاحمر هذا الكهرباء اللي هو + والاسود هو الارضي اللي هو ــ وما تحتاج تأريض للجهاز وتأريض الاريل هو بدي السياره .

اما بالنسبه لمكان الجهاز هذا يا خالي سيارتي مهيب فل كامل وديكور السي دي هذا انا شاريه من الجميح بـ 450 ريال كامل ومهوب محتاج تخريم ولا شي اما اذا كنت ما تبي تتكلف على الديكور رح لمحلات تركيب الجوالات ويزبط لك قاعده ارضيه او قاعدة تتثبت تحت غطا ولاعة الدخان اللي تخت المسجل تراها تنفك بمسمارين من تحت والباقبي مسامير بلاستك كبس تشدهل بشويش وتطلع معك .

وهناك مكان اخر وهو اذا كان مراتبه مفصوله (ملكي) فعندك الدرج اللي بالنص بين المرتبتين وبعد محل الاكواب بتلاقي مكان مغطى بقطعه مربعه ممكن تثبته عليها . شيل محل الاكواب ( ارفع الديكور بالشد للاعلى) وبتلاقي تحته فراغ كبير ومنه تقدر تفك القطعه المربعه اللي بصدر الديكور وتركب الجهاز عليها بس بيكون وضعه غير مريح لك .

اتمنى ان يكون شرحي واضح ....

تعال للرياض ومالك هم .

[ابو شكاع]

تسلم

تسسسسسسسسسسسلم

ياخي اي ارعي يوكون تلقاه راعي فزعة :)

<<<< راضعن مع عزبة مصاريا مليسين

طيب ابسألك عن ديكور السي دي ........... كم يكلف مع جهاز السي دي ؟؟

اذا عندك اي فكرة

وتسلم

[الـ ع ـارض]

اكيد اي راعي يوكون يكون سنافي وراعي فزعه

<=== سبق المصاريه

الديكور يا باشا بـ 450 ريال اما للسي دي فما نصحك فيه لانه غالي على غير سنع فيه انواع بالسوق تنحط محل المسجل من نوع سوني بحوالي 1000 ريال واهم مافيه انه يشغل mp3

اي اوامر تاني يا باشا ؟؟؟؟

[ابو شكاع]

طيب ليش الأهمية انه يشغل mp3


تراي ما من عرف

بعدين هل تقصد اني اجيب الديكور من الجميح واركب السي دي اللي هو ماركة سوني فيه ؟؟

<<<قلبوا الموضوع 180 درجة

لاهنت على سعة صدرك

ياحبي لك

:)

[الـ ع ـارض]

اهمية mp3 هي ضغط الاغاني يعني بدل ماتشيل اسطوانة السي دي 15 او 16 اغنية
تشيل 60 او 70 اغنية على هيئة mb3

انا اقصد جيب الديكور من الجميح او العيسى وركب مكان السي دي جهاز الايكوم ومكان المسجل ركب مسجل وفيه سي دي يشغل mp3 والا تراه مهوب لازم السي دي من وجهة نظري وانت براحتك شف وش انت تحتاج اكثر .

ويا عزيزي انا في خدمتك وخدمة اعضاء المنتدى

ويا حبي لك انت انت .

[ابو شكاع]

http://www.qosman.com/ubb/graemlins/cc11.gif

تسلم

انا عندي كنوود مهوب آيكوم

الظاهر انه فيه فرق بالأبعاد

اجل فيه شي ثاني بالسياره مدري وش الغرض منه

ابصوره لك بعدين واسالك عنه

سلام ياصاحبي

[الـ ع ـارض]

ايكوم او كنوود ما فرق واجد كلهم تقريبا نفس المقاس

شف وش تبي وانا حاظر

[ابو شكاع]

yasir1423@hotmail.com

هذا مسنجري

يشرفني التواصل معك ومع الجميع

ولاهنت

[الـ ع ـارض]

الشرف لي وانا اخوك

ارسلت لك طلب اظافه اتمنى انك تقبله

[ابو شكاع]

تم


تم


تم


:)