شاهين عمان ينتظرفزعة النشامى السعوديين

[شاهين عمان]

كل عام والجميع بخير:
يا اخوان انا اخوكم من سلطنة عمان ومن هواة الرحلات وطلعات البر ولكن في عمان نفتقر حقيقة للادوات اللازمة لتجهيز السيارات لرحلات ،، ورحت لامارةدبي حقيقة وماحصلت الموجود اللي معاكم ولا اهل الخبرة ايدلوني على اجود هذه المعدات والادوات واغلبها صناعه صينيه وربما تكون تقليد،،او اذا كان احد فيكم راح دبي ويعرف انه هذه الدوات موجوده في محل معين يدلني عليها بعد،،،محتاج الى محول كهربائي جيد+ والى منفاخ هواء للكفرات +وغطاس ماء... كيف احصل عليها ولا تهم الفلوس ،،، ايخبرني بالطريقة وراح ارسله ولتواصل في ذلك يرسلي على الخاص وراح نتواصل في ،،،،
تحياتي

[قرناس حائل]

حياك الله اخوي شاهين عمان

صراحة انا ما رحت للأمارات ولكن اخواننا الإمارتيين موجودين هنا بالمنتدى

وأن شاء الله يفيدونك هم والاخوان هنا

ملاحظة : المواطير غالبا ما تأتي صينية حتى عندنا هنا بالسعودية

تقبل تحياتي

[a.n.a.kh]

والله ما عندي علم

لاكن الشباب يفيدونك

[منتعش]

حي الله أخوي الغالي والمحب : شاهين عمان
يوجد في الإمارات سوق ( التنين ) الصيني
على طريق حتا
أنا رحت له منذو سنتين ولقيت عندهم بعض الأشياء الجيدة
ويمكن أهل الإمارات يفيدونك أكثر
والله يوفقك ويحفظك ويرعاك

[عاشق السيل]

أخوي شاهين حياك الله وبياك ،،

بالنسبة للإمارات فأكيد عندهم أشياء رائعة بأنواع كثيرة بحكم أنهم أصحاب رحلات ومقانيص ،، بس أعذرني لأني ماأعرف شي بالإمارات ،،

لكن عموما لو تكلفت شوي ومديت خطوتك وجيت للرياض أنا مستعد وبنفسي أوديك لكل المحلات اللي تبي تلقى حاجتك فيها وترى أسعارنا معقولة بعض الشي ومالك إلاّ اللي يسرك وتراك تشرفنا بزيارتك !!

[شاهين عمان]

قرناس حائل:شكرآلمرورك ويجزاك الله خير
a.n.a.khشكرآلمرورك اخوي

[شاهين عمان]

منتعش:ياهلا بخوي ،، بس رحت التنين وخذت الحقيقة بمقلب اشتريت معاهم منشار ماتور لكن شغلته مره وحده وخربوعاد من يومها مااشتري معاهم شي:no2:

[شاهين عمان]

عاشق الليل:بيض الله ويهك يالنشمي ويجزاك الله خير

[بواسامه]

هلا بالشاهين
من الحلول المقترحه
اذا تعرف احد من اهل عمان الحبيبه نازل للعمره في مكه ومابعد رد للبلاد
ضروري انه يمر على الرياض في العوده
فحدد وش تبي وخلنا نجهزه له وهو على الطريق
وابشر باخبارك بما تريد مما في بالك
وتحياتي لك ولاهل عمان

[شاهين عمان]

ابواسامه:الله يجزاك خير يالطيب ،،،حبيت اسئل يعني عن المحول الكهربائي (موها)يتبع لاى وكاله والغطاس اللي الشباب يمدحونه بأنه جيد يتبع ايضآ لأي وكاله لانه حاولت اكثير اسئل عنهن في السوق وماحصلتهن،، وشكرآ اخوي لتجاوبك معي ولا قصرت وماتقصر يالغالي

[بواسامه]

المحول ولا قصدك مولد كهرباء ياماها
وكيله عبدالله هاشم في الرياض وعموم المملكه وكيل هوندا موتورز
او قصدك محول من دي سي الى اي سي من 12 فولت حق السيارات الى 220 او 110 فولت

[أبو رداد]

الله يحيك اخوي
تجد معدات الرحلات في دبي / ند الشبا / مركز الصقور والرياضات التراثيه
وهذا المركز يشبه المول ..
يحتوي على 20 محل يبيعون ادوات الرحلات والصيد بالاضافه للصقور
وكل ماموجود في السعوديه تحصله هناك ...
لان هناك وكلاء للسنيدي وغيره من مصنعي ادوات الرحلات

[شاهين عمان]

ابواسامه:ودي اشغل لمبات من بطارية السياره ويكون قوي وشكرآلتجاوبك

[شاهين عمان]

ابو رداد:الله لايحرمني منك ياخوي ،، ومشكور يالغالي على العنوان

[شاهين عمان]

forااخي العزيز اولآ: اسف لعدم تمكني من الرد عليك بالخاص وذلك لاني عضو جديد في هذا المنتدى ولا تتعدى مشاركاتي 12 مشاركه،،، وثانيا لم استغرب هذه الردود والتجاوب من الاخوه السعوديين ومنك انت خاصه ومشكوريالغالي وعلى عيني وراسي يالنشمي

[عجزت القا اسم]

ياليت اقدر افيدك انشا الله يفيدونك الشباب