حياكم يا الربع على كبسه لحم الكنغر تفضلوو يا رجاجيل يا الله حيهم يا الله حيهم ....

[ساروت]

بسم الله الرحمن الرحيم


قال رسول الله صلى الله عليه وسلم:

" كل عمل لم يبدأ باسم الله فهو أبتر " ومعنى أبتر: أي ممحوق البركة.

والبركة: ثبوت الخير الإلهي في الشيء.
اما بعد .....

يا شباب هاذا المنتدى الرائع بقولكم شي لو يقلعونى فى زحل والى عطارد كابس كابس ومبهر الدله مبهرها وعاداتنا وتقالدينا ما نحب مخلينها ولا مغيرنها والى يعجبه الله يحيه والى ما يعجبه الى يحيه بعد .... الدنيا تساهيل

المهم يا شباب انا مغترب عن وطنى الحبيب مغترب عن فوق هام السحب
مغترب عن ليالي نجد (( سعودي يا وطنااا ))
يا شباب الديره الى انا فيها كلها كناغر تقل قطاوه استراليا المهم رمضان وغربه
قلنا يا ولد نطلع للبارك ونزبط الكبسة على لحم الكنغر ونجربه طبعا سبق وذكر لى ان شباب جربوه مشوي وجربوه كبسه وقالو لا تجربه صنقه وريحه ولحمه يابس
قالو لي اكبسلك على عصاقيل دجاج ابرك لك قلت يا ولد كابس كابس لو على كوالا مهوب كنغر المهم واشتريلي لحم اوصال مثبل بثوم واعشاب قلت يا ولد غديه يوخر الصنقه .....
والله يا ولد زبطت الكبسه وسمينا واكلنا يا ولد والحمد لله الطعم كويس لحمتة اقرب شي لحمة ظبي طبعا الظبي افضل طعم للي سبق وجرب والى سبق وجرب النعام
النعام افضل بس اللهم عليه ريحه فى اليد تجلس فتره زى زفره السمك ريحتة السمك واللحمه لونها اسود وقاسيه شوي ... والمختصر المفيد لحمه الكنغر كويسه
ولها فوائد وتستاهل التجربه بس حنا ناس ما تعودنا عليه غير الحاشي مانبي ....

صار لى موقف فى الحديقه والكاتم يتستس مر جنبى واحد خواجات يمارس رياضه المشي وذب على قالي وين الباربكيو احلى شي الشوي مع ( ..... ) قلت هاذا يكفى بالغرض وملينا من اكل المشوي وانا اقول فى قلبي وش عرف امك انت فى الكاتم
واللبن خلك بستيكك وشوكتك وسكينك عاد شوفو صور الكبسه واعذرونا ترانا فى غربه ورمضان يعنى لا احد يدقق والى يحرم والديكم .....


http://www.mekshat.com/pix/upload02/images80/mk17809_kabsatkangar (1).jpg


http://www.mekshat.com/pix/upload02/images80/mk17809_kabsatkangar (2).jpg


http://www.mekshat.com/pix/upload02/images80/mk17809_kabsatkangar (3).jpg


http://www.mekshat.com/pix/upload02/images80/mk17809_kabsatkangar (4).jpg


http://www.mekshat.com/pix/upload02/images80/mk17809_kabsatkangar (5).jpg


لا تنسون يا شباب لحم الكنغر يخفف من الاحتباس الحراري
ترا ما هوب مزح العلماء اثبتو ذلك ..... :D

[السمح]

ساروت وين أنت فيه .. أستراليا
تنغش من الكناغر .. بعذرك لو كبست على لحمته
ولكن ليش ما اخترت لحمة فيها عظم
ألا تعلم يا بني أن أفضل اللحم ما جاور العظم ؟ http://www.getsmile.com/emoticons/energizer-smileys-51935/laughing1.gif
بس تبي الصدق شغل متكتك وكبسة محترمة
وبعد العيد إن شاء الله أبروح أدور في شعبان
الطيري والشوكي وما جاورها كنغر جذع
مذكور لي رعية هناك وأجرب الكبسة عليه وأعلمك
حياك الله أخوي ساروت ولك الشكر
والتقدير على مشاركتنا هذه التجربة الفريدة

تحياتي

[فل اوبشن]

والله احسبك تمزح هههههه يالله جعله بالعافيه

اما ونت تقول كابسينكابسين لو على كوالا هههه

[دهران]

الأخ الغالي / ساروت

:good: :good: :good: :good:

كبسة ولا أروع .... وفكرة جديدة بعد .

س: كم هريفيات الكناغر تسوى ؟؟؟؟؟ :D

طلب: المرة الجاية نبي قصديرة كنغر ;)

مشكور على الموضوع الرائع .

وتقبل أعذب وأرق تحية .

[أبوعمر السليطي]

بارك الله فيك ومشكور على لحمة هالكنغر ...ان شاء الله تكون لذيذة

[الصمان 2]

أول مرة اشوف كبسة كنغر


بس شكلة فلة :)



.

[اول 111]

جعله بالعافيه

[مسفر الاكلبي]

وش سويتوا بالجيب اللي في بطنه ترى يوزي فيه مصاقيل ههههههههههههههههههه


عساه بالعافيه

ولاهنت على الموضوع

[ابو صقر 111]

لاتنسى اذا جيت للسعوديه تجيب باخرة مملوءة بالكناغر وسوف نكون من الزبائن ومشكور على الموضوع الجديد

[مجنون الكشتات]

مشاءلله من وين جبتها الحمع شكله أعجبني ودي أطلع أنا وشباب وطبخه لهم

[مكشاتي غير]

اول مره اعرف ان الكناغر تاكل

يعطيك العافيه اخويه على ذي الطبخه

بس كيف تم الذبح

[اشهب]

الكنغر له مخبات يتغبى فيها ولده
لو انا مكانك ضبطت الكبسه بالمخبات
وخليته مفطح كنغر والي يبي الرز يلفز ايده بالمخبات
كنغر!!!!!!!
والله ماكله الا اذا اتراهن مع واحد ويمكن يفوز بالرهان

[وَسَام!]

والله لو اني من اخوياك ان اطردك منه لو بالمشعاب !
كنغغغغغغغغغر الله يعز النعمه لا وبعد تبقى الزفره في اليد منه !

[اورنس الشرق]

كبسه جديده

ومشكور عليها

الى على كم مخبات الكنغر ابيلي وحده اجمعبها الدخل وانا اصيد ههه

تحياتي لك

[شاص2006]

عافاك الله طبخه موفقه................

[ساروت]

السمح :
يالله حيه تقولها صادق والى سمعت ان عندهم ارانب اكثر وانهم يعدمونهم
ويحطون مفجرات فى جحورهم ودانيمايت لقتلهم ..... فى ولاية كوينزلاند
اما لحمة العظم فللاسف ما لقيت اغلب اكلهم الخواجات ستيك مشوي....
شرفتنا يا الحبيب وعقبال ما تكبس على كناغر الشوكي ....

فل اوبشن :
يا هلا وسهلا كابس كابس الله لايعوق بشر والكوالا جعلك ما تشوفه
يموت الحيل مره شفته يقطع الشارع انواااع البرود يا الله يتحرك حيوان غريب ....

دهران :
يا الله حيه ارخص اللحم لحم الكنغر رخيص مره
والله انك حطيت القصديرة براصي قصديره كنغر
والى مندي كنغر ....

سدا السحاب :
يا الله حيه
مالعيها يا رجال طيبه طيبه

الصمان 2 :

تقولها صادق شويه فله بعد الاكل تحس ان فيه واحد يلعب ملاكمة
ويناقز فى بطنك ...

اول 111 :

عفاك ربي
يامال الغنيمة والله

[ساروت]

مسفر الاكلبي
كيس بطنه ياخى غريب سبحان الله
واذا شفت ولده الصغير يوايق منه كلام ثاني
كل شوي يطلع راسة منك الكيس

ابو صقر 111
باخره شويه باخره يمكن عشرين باخره
الكناغر هنا كنك فى البطحاء يوم الجمعه ما تقدر تمشي
تمشي وتعكرف بكنغر

مجنون الكشتات
يا الحبيب اللحم هاذا من خارج دوله خادم الحرمين الشرفين
غير متوفر فى الاسواق المحليه

مكشاتي غير

نعم يجوز اكل الكناغر اى حيوان نباتى ياكل النبات يجوز يوكل حصان
زرافة نعامة كلها يجوز اكلها وانا ما ذكيته شريته من السوق جاهز
والطبخه حليوه يا مال العافيه

اشهب

المخباة هاذى كلام الجراب هاذا سبحان الله لو تشوف ولده شلون يجي مسرع وينقز يتخبا فيه وبعدها شوي يطلع عيونه ويناظر يمين ويسار

وَسَام!
لو انى داري انه بتحوم تسبدك ما نزلت الموضوع
بسم الله عليك لايكون بس سديت نفسك عن العشا او السحور
انبنى ضميرى

صقار الشمال

والله انها فكره شكلى بشتري بخمباة كنغر من هنا
واجمع فيها طيور عاد تباع هنا زى التذكار

شاص 2006

عفاك ربي

[هداج7]

الله يجعله بالعافيه ....
ماشاء الله عليك ساروت ..... مانسيت الكاتم حتى في استراليا ؟؟؟؟؟؟
الله يرجعك لأهلك سالم غانم .

[coll747]

مشأالله عليكم وصلتوهناك ...كفويالنشاما

[علم199]

عساه بالعافيه

[ابو تمام]

مشكور يالغالي بالنسبه للأرانب وش رايك اجي انا والربع معنا السلق مانبي الا الارانب بسسسسسسس

والله من شكل الكنغر لحمته مهيب طيبه

[بيضا القاع]

والله حسبالي تمزح الى طلع هرفي كنقر هههههههههه

بالعافيه عليك اخوي

[تأبط سهما]

ياخوي كل يوم يجيني دليل عقلي ونقلي بان السعودي مهوب صاحي !!!

السعودي هذا جيناته غريبة جدا مهما تحاول تعدلها الا ترجع وترتكز علي قدر ضغط - شبة ضو - شوزن - مركى - ابريق شاهي تلقيمه - شعيب - وهلم جرا

الحين مرسلينك استراليا تدرس والا تهبل بالخواجات بقدرك اللي شكلك ما تغسله الا في الشوكي والا الحيسية لاسالت ؟!!؟

يالربع صدقوني السعوديين في كروموسوم زايد جاي شتله تقول قص عرق في النفود



لاتزعل ساروت حبيبي بس ابي اونس صدرك بالغربة والله العظيم تخنقتني العبرة تذكرت رحلة علاج سافرتها لوحدي جعلك ولا من يقرا الكلام يشوف مثلها !!

الله من ضيقة الصدر

والله لاشفت العربي تسني شايفن ابوي والا عاد السعودي شي ثاني والله ما يروح الا بعد فنجال قهوة ( قهوتهم مهيب مهيلة ) وسالفة

الله يردك علينا سالم وكل عيلانا وانتم بخير

[أبشر بعزك]

عليكم بالعافيه بس ورى ماعزمتن

[مجازف2010]

بس اهم شي هو ذبح حلال ( مذبوح على الطريقة الاسلامية )

لانهم ما يعرفون الذبح الاسلامي

[شامخ ألهيلا]

ياجعله مهابيط العافيه

اخوي ساروت قسم بالله اول مره ادري انه يوكل

هل يسمحون بصيدها في استراليا ؟؟؟

[مازن_55]

هههههههههههههه

والله حسبتك تمزح

الله يعطيك العافية

[ABOZYAD]

والله يمال العافية اخوي ساروت
والله يردك لوطنك سالم غانم
موفقين انشاء الله

[أبو الحارث 4]

الحمدلله أنه لم يكن بأرض قومي، عليك بالعافية، ويارب لاتغير علينا في بهيمة الأنعام.

[ابوناصرالبدراني]

والله لو يصير الي يصير ما كلت بس بلعافيه

[سفاري]

ياشين الغربه

وأسال الله ان يردك سالم غانم

وموضوع حلو وجديد وان كاني ما دخل مزاجي لحم الكنغر لانه حيوان كله عضلات

[بني حسن]

file:///C:/DOCUME%7E1/Emad/LOCALS%7E1/Temp/moz-screenshot-10.jpghttp://www.mekshat.com/pix/upload02/images80/mk36337_kangaroo2%20pic003.jpg

[رحال]

تسلم الايادي ياغالي
جعل مداخيله العافيه

[اشعل]

الله يوفقك ويرجعك لديرتك سالم


لكن هل كان اللحم حلال؟

[ساروت]

سلام عليكم ورحمة الله وبركاتة
ياهلا بكل الشباب المكشاتية اليوم كان الكاتم يتستس على عصاقيل دجاجة المهم هاذا رد بس للشباب الى استفسرو هل الاكل حلال ان حرام ....

كل المغتربين يعانون من المشكلة هاذى ويصير جدل ونقاش وفتاوى
هاذى فتوى انا اتبعها وفيه ناس هنا ما يتبعونها وانا والله ما احب افتح
مواضيع زى كذا علشان ما يكون فيه خلافات وفتن ...

وهذه فتوى الشيخ ابن عثيمين رحمة الله عليه من موقع الاسلام سؤال وجواب رقم الفتوى 88206
قال الشيخ ابن عثيمين رحمه الله : ' ولا يلزم السؤال عما ذبحه المسلم أو الكتابي كيف ذبحه ، وهل سمى عليه أو لا ؟ بل ولا ينبغي ، لأن ذلك من التنطع في الدين ، والنبي صلى الله عليه وسلم أكل مما ذبحه اليهود ولم يسألهم . وفي صحيح البخاري وغيره عن عائشة رضي الله عنها أن قوما قالوا للنبي صلى الله عليه وسلم : إن قوما يأتوننا بلحم لا ندري أذكروا اسم الله عليه أم لا ، فقال : ( سموا عليه أنتم وكلوه ) قالت : وكانوا حديثي عهد بكفر . فأمرهم النبي صلى الله عليه وسلم بأكله دون أن يسألوا مع أن الآتين به قد تخفى عليهم أحكام الإسلام ، لكونهم حديثي عهد بكفر ' انتهى من رسالة في أحكام الأضحية والذكاة ، للشيخ ابن عثيمين رحمه الله .


الى انا اعرفه اذا الشباب راحو لصين او كوريا او الفلبين وفيه ناس بوذية او ليس لهم ديانات ما يجوز اكلهم اما اكل اهل اكتاب والمسلمين فيجوز ...

الله يرحم الشيخ ابن عثيمين ويجعلة فى جنات النعيم والله انى احبه فى الله
وعندي صورة له قديمة مع اللمك عبدالله حافظها فى جهازي ...


لى عودة اخرى مع الردود .....

[ساروت]

معليش يا شباب رمضان ولا فيه تركيز ارد على كل واحد بحده
واشكر كل من رد على الموضوع او اضاف شي جديد
المهم يا شباب المقنايص هنا باستراليا متوفره وبكثرة

هاذى مواصفات كانغروو في اكس ار

http://www.mekshat.com/pix/upload02/images79/mk17809_kangoro (1).gif


http://www.mekshat.com/pix/upload02/images79/mk17809_kangoro (2).jpg


هاذى صورة لحم التمساح ما يجوز اكله طبعا يا شباب
http://www.mekshat.com/pix/upload02/images79/mk17809_kangoro (3).jpg


هاذى صور لحم ثعابين

http://www.mekshat.com/pix/upload02/images79/mk17809_kangoro (4).jpg

حمار وشحى زبراااا الى مخطط بابيض واسود

http://www.mekshat.com/pix/upload02/images79/mk17809_kangoro (5).jpg

يا شباب الفرنسيين فرنسا باريس عاصمة الى ما ادرى وشو
عندهم اكله على كيف كيفكم ضفادع فروق ضفادع فووق فووق

وش رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟

[((( الحر)))]

كنغر

والله مادريت ان الكنغر يوكل الا هالحين

الله يحمانا..... ويديم نعمته علينا ..

[ضلع الرقيبه]

الا الكنغر اكله حلال لأنه ما يوجد عندنا ولا وجد لا قدديم ولا حديث وشكله ما ياهل انه يوكل

وانا اتوقع ان طعمه مهوب زين اذكان مخباه دايم فيها عياله قلق شكله

[حامى الخبرا]

السلام عليكم ورحمت الله ....أولا أتمنا لك التوفيق والنجاح بدراستك كما أتمنا عودتك لأهلك ووطنك ووفقك الله لما تصبو له من مراتب عليا لخدمت بلدك السعوديه أعزها الله بدين ثم بشباب اللى مثلك وشرواك الذين ينقلون ثقافتهم معاهم ولا يتأثرون بلغير وهذا يدل على قوت الشخصيه والثبات بلمبادء وفقك الله وتحياااتى لك ولكل شاب سعودى يتحلا بنفس صفاتك الطيبه والأخلاق العاليه التى أتضحت لى من خلال ردودك على الأخوه أقسم أنك سوف تكون من الأناس الذين سوف يشار لهم بل بنان (لست منجمن والعياذ بالله ولااكن هى فراست الرجال )........تقبل تحياتى وتمنياتى لك بتوفيق لك ولكل زملائك الطلاب بلخارج ...أما بخصوص الكبسه هنى وعافيه..تقبل مرورى أخوك :حامى الخبرا

[-b 4 love-]

السلام عليكم ورحمة الله وبركاته

يا حيا الله :D ساروت والله زمان له القمر ما بان الله يذكرك بالخيير
وين الناس والله وسويتها في البارك مسوي غداك والله انك علي خبري قرم :good:
والله ونعم بالرجال اللي شرواك والله يا هيك الرجال يا بلا الا اقول حط اسمي بالصور الجاية وقل لعيون الزقرت ابو سمير
والمره الجاية ابي ارسلك صاجة ان شاء الله ;)

الا اذا جيت تبي تزينلي مقلقل لحم كنغر والا لا وابشرك ترا الصيد هالسنة
واجد والحمدلله والخير واجد تبي ارسلللك دخل والا تبي قماري والا تجي تاكلهم عندي بالشعيييييييب فاتت على ما معى كمرة والا كان نزلت الصور ايه الله يذكرك بالخير ويوفقنا واياك اخوك ابو سمير منتظر ردك على احر من الجمر

[الودعانيه]

ماشاء الله كنغر بعد ......


بس طعمه حلو او نص ونص او تبون تجربون شئ جديد


والله مو باقي شئ

ومشكور على الطبخه يامال العافيه

[جبل راف]

الا ياربي لحم كنغر اللي ينوقز:j
يارجال وش لك غرض فيه :eek:
ماكثر الله الا اللحم اللي متعودين عليه
كبه عنك
ياخوي النفس صاده واحس لحمه قاسي من كثر المناقز
الله يديم علينا النعمة

[abo rimas]

الكنغر حيوان ليس من حيوانات بلدك فأكله خطر جدااا على جسمك لان جسمك مهيأ لما تخرجه ارضك

[Just Cavalli]

الكنغر حيوان ليس من حيوانات بلدك فأكله خطر جدااا على جسمك لان جسمك مهيأ لما تخرجه ارضك

هلا حبيبي..
الكلام هذا غير صحيح مع احترامي لك.
يعني ما فيه حتى الان اثبات على صحته (طبيا).

كانت أبرز اللحوم التي يأكلها اهل الحجاز (في عهد صدر الاسلام ومابعد الهجره النبويه الى المدينه) هي لحم الإبل والبقر والضأن وما يتم صيده من طيور السماء أو المباح من صيد البر.

ولكن في أحد السرايا التي بعثها الرسول صلى الله عليه وسلم، قذف البحر للصحابة رضوان الله عليهم برحمة ربي العنبر(الحوت) واكل منه الصحابة وادهنوا، وحين قصوا الخبر على الرسول عليه الصلاة والسلام بعد عودتهم سألهم إن كان معهم من لحم الحوت شيئا.

المقصد، أن لحم السمك يعتبر غريب على اهل المدينه في تلك الفتره، ومع ذلك أكلوه وصحت ابدانهم.

اعتقد أن الاهم في الامر والمقياس مسألة الحلال والحرام.
فإن كان لحم الكانغرو محرم (وهو ليس بذلك) فيجب الامتناع عنه.

اما عداه ففي الامر يسر وسعه:)

اعتذر على هذا التعقيب اخي الغالي.
وجزاكم الله خيرا.

.,.

بالتوفيق اخوي ساروت.
دعواتك وشد حيلك

[no fear 78]

تسلم http://http://www.mekshat.com/pix/upload02/images79/mk90965_nissan.jpg]

[فتى الوادي]

ما ادري عن الذنب ( الطرف ) يجمل ؟

[اااانور]

ياشباب على طاري الكنغر واستراليا
الي يروح منكم بريطانيا لا تفوته لحمة الهرافي هناك
يلقاها طازجه عند بقالات المسلمين
والله طعم لا يوصف احلى من كل الانواع الي عندنا
لا وكل طبخه احلى من الثانيه يعني تبيه مضغوط ولا مشوي ولا مندي ولا باي طريقه
وهو اكثر شي راح تفتقده اذا رجعت :d :d

[ابو نايف00]

هاه وشلون طعم لحم الكنغر للي جربه؟؟

[ساروت]

السلام عليكم ورحمة الله وبركاتة

اول شي تقبل الله منا ومنكم صالح الاعمال وأن يختم لنا هذا الشهر الفضيل، وقد أعتق رقابنا من النار ، وتقبل في الصالحات أعمالنا، وأن يجعل رمضان حصنا يحمينا به من الزلل والانتكاس بعده.. آمين. ...
واحب ان اذكركم فى قول الله عز وجل: (ولا تكونوا كالتي نقضت غزلها من بعد قوة أنكاثا) اللهم ييا مقلب القلوب والابصار ثبت قلبي على طاعتك ....

حامى الخبرا (http://www.mekshat.com/vb/member.php?u=85831)

يا مال الجنه , ونعم والله بصراحه ردك يخلي الواحد يتفائل خير ويفعم بالحيوية يا شيخ تعال هنا ونقلطك على مفطح كنغر تستاهل والله حمر النعم والى الكنغر مهوب حقك لاكن من باب العيش فى دوله استراليا
بالله كان عندك فراسة والى شي راسلنى على الخاص قلي اي شي الله يرضي عليك .....

-b 4 love- (http://www.mekshat.com/vb/member.php?u=10580)
هاي ماي كزن بالانقليزي يعلم الله انى فرحت يا ابن ناخى يوم شفت ردك
الله يرضي عليك واعذرنا على التاخير فى الرد لانشغالنا فى الجدول الدراسي الرمضاني دراسة ودوام وباصات و تصليح قهوه وفمتو مشوار طويل المهم المره الجايه لك وشكلها يا قصديره ككنغر يا ستيك مشوي والصاجة موجوده عندنا
الى على طاري الصاجة تذكر مقلقل الدجاج الى كله ملح ههههههههههههه
واذا ما عجبتك يا شيخ انا براسي ضفادع بفرنسا بس من يطول فرنسا انا ادور هنا اتلفت اذا لقيت بلعب لعبتي عبسي لعيون ابوسمير

abo rimas (http://www.mekshat.com/vb/member.php?u=88902)

يا عزيزي ردك بعد ما قريته ولعت لمبه صفرا فوق راسي وعلامه تعجب واستفهام جلست تدور فوق راسي .....
يعني فيه ردود من الشباب الى حامته سبده والى ما تقبل والى تقشعر جلده والى ما تقبل نفسه يعني كلها تقدر تفهمها فى منطقيه مثلا فيه ناس اذا شافت دم انغمى عليها فيه ناس ما تتحمل الذبيحة تنذبح قدامه فيه ناس ولد نعمه ما ياكل الى لحم حاشي طول عمره فطور وغدا وعشى
فيه ناس ردو على بالحلال والحرام وهاذا شي منطقي بحكم انا مسلمين

لاكن ردك انت غريب يا اخوى :
انا الى فهمت انى لو اشرب شاي مضر لجسمي لانه مهوب من بلدي لانه من سيلان
وفهمت لو اكل داجاج فرنسي مضر لجسمي لانه من فرنسا بس داجاج الوطنيه يختلف
فمت لو ابهر الكبسه ببهرات هنديه مضر لنه من غير بلدي
فهمت لو اكل عسل الماني مضر لحسمي لانه مهوب من بلدي

بلاه والى يرحم امك فهمنى يا انا متنح وما فهمت كلمتك :
"جسمك مهيأ لما تخرجه ارضك"
او فيه لبس فى الموضوع



يا شباب ترا ما يصير الكلام هاذا انتز جس كنغر
لو باكل ضفدع وش تبون تقولن هاه يا شباب مافيه ضب ما جبتو اخرته
يا شيخ الجربوع اعدمتوه عدم , يعني مسكت غلط على الكنغر والله وانى مشتهي مرقة ضبان بعد صلاة العشاء احلى توقيت ...

على العموم هاذا ضب استرالي بس ما يجوز اكله لانه ياكل لحم وجاي البحث عن ضب استراليى ياكل النبات لكي يتم تستست الكاتم عليه
http://gallery.marchergesell.de/albums/oz_sydney_cairns/Australia_zoo_Lizard_001.sized.jpg

[هدير الموج]

عافيه وهنا بس عسى بعد ما اكلها اقوم انط بالحوش ههههه :d

[اسير الغضا]

الله يرجعك سالم غانم عطنا ابو الطبخات الي تطبخهن هناك
yes.ths.as
سذا هي

[Just Cavalli]

ورى مارديت علي ياسويريت؟

الا حبيت اسالك عن اسعار الاسترالي هناك؟ وكيف طعمه؟وهل يوجد خيول مذبوحه بطريقه اسلاميه؟
وكيف حواشيهم ام سنامين؟

[ساروت]

;كل عام وكل المكشاتية بخيررر

هلا والله بكل الشباب الذبايح هنا كاملة تقريبا ثمانين دولار من ملاحم المسلمين الجزائرين والاتراك والعراقيين نروح للمقاصب وتاخذ ذبيحة كاملة ابرومكستلى ثمانين دولار بالحدود

والطعم يا ولد لا تسئل اشتر وانت مغمض
ذبايح صح لحم ما تذوقه ولا بعرس امك

والخويل ما لى خبر بها ولا الجمال ابو سنامين

والسلام خير ختام
ونراكم فى الافراح والليالى الملاح

[ابوقاسم]

اقول ترى عبسي ما ذاق هاللي تقول
والا هو اكل التماسيح والضفادع ولا خلا الفرنسيين يسبقونه فيذا
بس لو شايف لك لحم غزال ما هو اطعم منه
تحياتي

[مصوّب الدّخل]

.
.
.
.
كنغر:p

هو يوكل مير والا لأ..؟؟

[sultan22222]

الله يعطيك العافيه وبالف عافيه .

[مداحش]

ياشيخ حرام عليك . والله يوم قريت العنوان قلت الاخ يمزح لكن بعد ماشفت الطبخة ما اقول الا بالعاااااااااااااااافية , أما أن حرام علي إذا تذوقته بس ذواقة , ماقول إلا يازين الهرفي يوم يجيك مفطح تفطيحا ممزوجا بالذ النكهات ولا التيس يوم يجيك حنيذ , واقل شي دجاج على الفحم وريحنا , أما كنغرررررررررر !!!!!!!!!!!!!!

[الكشاف الذهبي]

أول مرة أسمع إن الكنغر يؤكل

بس شكل الطبخة حلوووووووة

[قناص خلاوي]

الله يوسع صدرك بالعافية اخوي ساروت
عز الله جمعت الزين كله بموضوعك
طبخة جديدة ، خفة دم ، ذرابة لسان ، سعة صدر
الله يكثر جنسك ويعينك بسفرك وينولك مطلوبك ويحفظك ويرجعك لاهلك سالم غانم

[abo rimas]

السلام عليكم ورحمة الله وبركاتة

اول شي تقبل الله منا ومنكم صالح الاعمال وأن يختم لنا هذا الشهر الفضيل، وقد أعتق رقابنا من النار ، وتقبل في الصالحات أعمالنا، وأن يجعل رمضان حصنا يحمينا به من الزلل والانتكاس بعده.. آمين. ...
واحب ان اذكركم فى قول الله عز وجل: (ولا تكونوا كالتي نقضت غزلها من بعد قوة أنكاثا) اللهم ييا مقلب القلوب والابصار ثبت قلبي على طاعتك ....

حامى الخبرا (http://www.mekshat.com/vb/member.php?u=85831)

يا مال الجنه , ونعم والله بصراحه ردك يخلي الواحد يتفائل خير ويفعم بالحيوية يا شيخ تعال هنا ونقلطك على مفطح كنغر تستاهل والله حمر النعم والى الكنغر مهوب حقك لاكن من باب العيش فى دوله استراليا
بالله كان عندك فراسة والى شي راسلنى على الخاص قلي اي شي الله يرضي عليك .....

-b 4 love- (http://www.mekshat.com/vb/member.php?u=10580)
هاي ماي كزن بالانقليزي يعلم الله انى فرحت يا ابن ناخى يوم شفت ردك
الله يرضي عليك واعذرنا على التاخير فى الرد لانشغالنا فى الجدول الدراسي الرمضاني دراسة ودوام وباصات و تصليح قهوه وفمتو مشوار طويل المهم المره الجايه لك وشكلها يا قصديره ككنغر يا ستيك مشوي والصاجة موجوده عندنا
الى على طاري الصاجة تذكر مقلقل الدجاج الى كله ملح ههههههههههههه
واذا ما عجبتك يا شيخ انا براسي ضفادع بفرنسا بس من يطول فرنسا انا ادور هنا اتلفت اذا لقيت بلعب لعبتي عبسي لعيون ابوسمير

abo rimas (http://www.mekshat.com/vb/member.php?u=88902)

يا عزيزي ردك بعد ما قريته ولعت لمبه صفرا فوق راسي وعلامه تعجب واستفهام جلست تدور فوق راسي .....
يعني فيه ردود من الشباب الى حامته سبده والى ما تقبل والى تقشعر جلده والى ما تقبل نفسه يعني كلها تقدر تفهمها فى منطقيه مثلا فيه ناس اذا شافت دم انغمى عليها فيه ناس ما تتحمل الذبيحة تنذبح قدامه فيه ناس ولد نعمه ما ياكل الى لحم حاشي طول عمره فطور وغدا وعشى
فيه ناس ردو على بالحلال والحرام وهاذا شي منطقي بحكم انا مسلمين

لاكن ردك انت غريب يا اخوى :
انا الى فهمت انى لو اشرب شاي مضر لجسمي لانه مهوب من بلدي لانه من سيلان
وفهمت لو اكل داجاج فرنسي مضر لجسمي لانه من فرنسا بس داجاج الوطنيه يختلف
فمت لو ابهر الكبسه ببهرات هنديه مضر لنه من غير بلدي
فهمت لو اكل عسل الماني مضر لحسمي لانه مهوب من بلدي

بلاه والى يرحم امك فهمنى يا انا متنح وما فهمت كلمتك :
"جسمك مهيأ لما تخرجه ارضك"
او فيه لبس فى الموضوع



يا شباب ترا ما يصير الكلام هاذا انتز جس كنغر
لو باكل ضفدع وش تبون تقولن هاه يا شباب مافيه ضب ما جبتو اخرته
يا شيخ الجربوع اعدمتوه عدم , يعني مسكت غلط على الكنغر والله وانى مشتهي مرقة ضبان بعد صلاة العشاء احلى توقيت ...

على العموم هاذا ضب استرالي بس ما يجوز اكله لانه ياكل لحم وجاي البحث عن ضب استراليى ياكل النبات لكي يتم تستست الكاتم عليه
http://gallery.marchergesell.de/albums/oz_sydney_cairns/Australia_zoo_Lizard_001.sized.jpg
عذرا اذا كان لديك قصور في المعرفة هذا لا يعني تسفيه ردي او لانك في استراليا انا اخذت ردي هذا من خلال اطباء باحثين ومجربين وليس متلقين يعني عكفوا على هذا البحث عمرهم وابحث وسوف تجد العجب في هذا المجال ؟؟؟؟

[أبومنصور]

تبارك الرحمن

اجل اشتر واحد والثاني بالمخباة مجاناً :)
عله مداخيل العافيه بس اسأل يجوز ام لا
ترجع بالسلامه يالغالي

[abo sal7]

والله انك فلته الحياة تحارب

[abo rimas]

للمعلومية الكنغر أنثاه ( تحيظ )

[ABUSARAH]

ماقصرت ايااخ ساروت كفيت ووفيت واشكرك بعنف على اهدائي هذه الطبخه شكررررررررررررا

[Just Cavalli]

عذرا اذا كان لديك قصور في المعرفة هذا لا يعني تسفيه ردي او لانك في استراليا انا اخذت ردي هذا من خلال اطباء باحثين ومجربين وليس متلقين يعني عكفوا على هذا البحث عمرهم وابحث وسوف تجد العجب في هذا المجال ؟؟؟؟

نيابة عن الاخ ساروت اجيبك سيدي ابوريماس
حشاك عن التسفيه، ومايجمعنا هاهنا رباطة اسلام واخوة فيه تعلو كل رابطة، فان بدر مني أو من الفاضل ساروت زلل، فآمل منك العفو والصفح.

كنت قد عقبت لك برد منطقي، وانتظر منك ردا علميا من المجربين والباحثين في مجال الطب.
وشكر الله سعيك أخي الكريم وسيدي الفاضل.

محبتي ومودتي تسبق بعقيبي عليكم وفقكم الله

[tosulait]

بس اهم شي هو ذبح حلال ( مذبوح على الطريقة الاسلامية )

لانهم ما يعرفون الذبح الاسلامي
يابو الشباب الكنغر 24 ساعه ينط وين تمسكه عشان تذبحه أسلامي
ويا أخي في الغربه , ومن أكل النصارى سم وأكل بلاش تدقيق ماله لازمه

[tosulait]

أول مرة أسمع إن الكنغر يؤكل

بس شكل الطبخة حلوووووووة
\اهم شيئ اتكون مستانس ههههههههههههههههههههههههههههه

[ديرتي]

الكنغر مثل الجربوع بس فرق الحجم !!!!!!!!!!

[شعيب فياض]

:d ساروت يامقلع مكتوب على الغلاف كباب وانت قلبتها كبسة
لكن مشكور على المحاولة وتجربة الغريب مطلوبة طبعآ حلال
بالمناسبة انت في برسبن او بعيد ؟

[ساروت]

abo rimas /

يارجال ارسلى عنوانك على الخاص خلنى ارسلك كم كيلو كنغر تزبط عليه الكبسة وخل عنك الخبراء والدكاتره ما عليك من وكالة يقولون كلن يقول

Just Cavalli /
ثانكس دالى على التعقيب والرد , وانا مقتنع وخصوصا بعد ذكرك لقصة السريه التى اكلت من لحم الحوت والرسول الهم صلى وسلم عليه بعد عودتهم سألهم إن كان معهم من لحم الحوت شي , وهاذا ان دل يدل على مشاء الله على ثقافتك وعلمك الله يزودك ان شاء الله شرفتنى بمرورك .

tosulait (http://www.mekshat.com/vb/member.php?u=52382)

ياخى ما ادرى ليش يوم شفتك راد على موضوعى استانست
يمكن علشانك سبق وزرت التشيك والديره نفسي اسافر لها
على العموم اذا زرت استراليا ان شاء الله انك رجال تبي تقلط عندي على كنغر واذا ما دسم شواربك لامب يا بعدي

اولى /
ههههههههههههههه حلوه يا مقلع من زمان عن السوالف
الله ياخذهم ها الخواجات كل سوالفهم وكلاهم حرف الفاء

ياخى انا اخذت كباب علشانه مبهر فيه هيرب وقارلك يوخر زنخه الكنغر
ومقطع وخالص ولا لقيت الى كباب وستيك عند كولز ابو علامه حمرااا

وبالنسبه انا فى برزبن حياك اخوى قهوه وتمر سكري وخلاص ومعمول وبالدله مع ليفتها مهوب ثلاجه ولا ترمس وبعدها كاتم السيف يتستس على لحمه لامب يحبها قلبك وبعدها براد شاهى محكور والعزبه لو تشوفها كان تحس انك بالصمان قل تم
تبيها فى الصن شاين او نوسا فى الويكند
انا احس انك حولى برزبن او القولد كوست ......

[ابو صعب]

بارك الله فيك ومشكور على لحمة هالكنغر

[ساروت]

حياك الله اخي ابو صعب وكل المكشاتيين
والقادم اذهل

[TIGER SHARK]

أخي ساروت، شكرا على الموضوع و بالهنا و العافية

بالنسبة للضفادع فانسى الموضوع أكلها حرااااااااااااااااااااااااااام قطعا

http://www.islamweb.net.qa/ver2/Fatwa/ShowFatwa.php?lang=A&Option=FatwaId&Id=543

[سيف الظفير]

مشكور يالذيب على هالموضوع






سلامي لربعنا والله انهم ذياااااااابة بكل مكاااااااااااان

[سطام vip]

انا اقول الرجال يمزح اثرك صادق

يا ولد نبي كنغر الله لا يهينك ارسل لنا كم كيلو نبي نجربها

ما شاء الله عليكم ياخوي ما عندكم غنم ضاقت الا كنغر

الج ننتظر الكوالا والمدرع ههههه
بالعافيه عليكم

وتقبل مروري والرد
دمت بخير

(اتمنى من المشرفين تعديل الكلمه الاخيره في الموضوع
كاتب الله يحرم والديكم واهو يقصد الله يرحم والديكم)

[محب الماحي]

يوم خلصت أكل اعترف ما قمت تناقز:D


اخوي ساروت اشكرك على التميز


و بودي انك توضح لنا طعم اللحم هل في فكرة هل هو أحلا من لحمنا؟


و هل بإمكانك تشبيه طعمه بطعم أحد اللحوم المتداولة عندنا


الله يرجعك بالسلامة

[اذكر ربك]

ياملا العافيه والله يوفقك ان شاء الله ...

[سعد الاحمد]

عسى فيه العافية ...
والله انك نشمي ..

ذيبان ما شاء الله عليك ..

[ساروت]

ناسف على التاخير يا شباب ....
بالنسبة للاستفسارات الطعم اقرب ماله طعم الظبي او النعام
والصراحه مهوب احلى من لحمنا بس انه طيب وصحي بالحيل
وهاذا والله الموفق ....

[ف.البشري]

مشكور

هالكنجر شكله جربوع 1000 اكس لارج .


تسلم .

[أخت مبارك]

والله كشخه بعد كنغر عليكم بالعافيه
ماقول غير ياحظكم
وياحضنا اللي ماحصل لنا ناكل حتى غزاله وارنب بري

اللهم ارزقنا فقعا زبيديا وارنبا بريا وغزالا وكدري وقميري لذيذن شهيا
وفوقهم كنغر بعد

[شمري كويتي]

حكم الشريعة في اللحوم الحيوانية






للكاتب : الشيخ الدكتور بسام خضر الشطي (http://www.al-forqan.net/articles/writer-6.html)







د. بسام الشــــطي




رئيس قسم العقيدة والدعوة بكلية الشريعة جامعة الكويت






استشكل على العديد من المواطنين حكم لحوم بعض الحيوانات التي يتم الإعلان عنها في بعض المطاعم كالغزلان والنعام وغير ذلك من الصيد البري، فضلا عن أن هناك حيوانات غير معروفة لدى الكثير من الناس يمكن أن يتسلل لحمها إلى مطاعمنا بسبب الجهل بحرمتها كلحوم الفيلة والقردة والكنغر وغير ذلك، وقد ورد إلينا استفسار يتعلق بحكم بعض هذه الأطعمة من مدير إدارة التغذية وكانت الإجابة وفق الآتي:

- فيما يتعلق بالضفادع والتماسيح والكنغر، هل يجوز أكلها؟ وما الدليل على صحة القول؟

- يحرم أكل لحوم التماسيح والكنغر؛ لأن الله حرم أكل كل ذي ناب قوي من السباع ولحديث الخشني: «نهى النبي صلى الله عليه وسلم عن أكل كل ذي ناب من السباع » متفق عليه.







وقال أبو هريرة رضي الله عنه إن رسول الله صلى الله عليه وسلم قال: « أكل كل ذي ناب من السباع حرام »







قال ابن عبدالبر: هذا حديث ثابت صحيح مجمع على صحته، وهذا نص صريح يخص عموم الآيات؛ فيدخل في هذا الأسد والفهد والذئب والكلب والخنزير، وروى الشعبي أيضاً أن النبي صلى الله عليه وسلم نهى عن لحم القرد؛ لأنه سبع يدخل في عموم الخبر وهو مسخ أيضاً فيكون من الخبائث المحرمة، والفيل يحرم أكله، قال أحمد وغيره: ليس هو من أطعمة المسلمين، وقال الحسن: هو مسخ والحال نفسه للدب، فهو محرم أكله؛ لأنه ذو ناب يغرس به.
ولقد نهى الرسول صلى الله عليه وسلم من حديث ابن عباس رضي الله عنهما عن كل ذي ناب من السباع وكل ذي مخلب من الطير
وعن خالد بن الوليد رضي الله عنه قال: قال رسول الله صلى الله عليه وسلم : « حرام عليكم الحمر الأهلية وكل ذي ناب من السباع وكل ذي مخلب من الطير » رواهما أبو داود.


وأما الثعلب فأكثر الروايات على تحريمه، وهذا قول أبي هريرة ومالك وأبي حنيفة وأحمد، ويحرم من الطيور أكل العقاب والبازي والصقر والشاهين والباشق والحدأة والبومة وأشباهها.


كما يحرم منها ما يأكل الجيف كالنسور والرخم وغراب البين - وهو أكبر الغربان - والزبقع، قال عروة: ومَنْ يأكل الغراب وقد سماه رسول الله صلى الله عليه وسلم فاسقا

والله ما هو من الطيبات ولعله يعني قول رسول الله صلى الله عليه وسلم : «خمس فواسق يقتلن في الحل والحرام: الغراب، والحدأة، والفأرة، والعقرب، والكلب العقور».


ويحرم أكل الخفافيش وهو مستخبثة ويحرم أكل الزنابير واليعاسيب والنحل، ويحرم أكل السنجاب لأنه ينهش نابه فأشبه الجرذ، كما يحرم أكل الجلالة ( التي تتغذى على النجاسات ) ويحرم أكل لحوم الميتة وغيرها مما لا يذكر اسم الله عليه
ويحرم الضفادع لأنها تعيش في المستنقعات وتأكل من النجاسات والقاذورات، وجاء نص التحريم على أكلها، وحرم الرسول[ قتل الضفدع، وحرم أكل التمساح والكوسج؛ لأنهما يأكلان الناس ويحرم أكل سباع البر.


والحلال أكل الأنعام من الإبل والبقر والغنم والظباء وحمر الوحش والتيتل والوعل والمها، ويباح أكل النعام ولحوم الخيل والفرس والدجاج والحباري والأرنب وما يعتلف النبات والبقول ويباح غراب الزرع وهو الأسود الكبير، ويباح أكل الحمام والعصافير على اختلاف أنواعها والقطا والكركي والجراد والأوز والغرانيق والطواويس وما يشبهه، أما الهدهد والخفاش والزنابير والخطاف والقنفذ والببغاء وجميع أنواع الحشرات محرمة، ولا بأس بأكل الضب ويجوز أكل الضبع لقوله صلى الله عليه وسلم : «الضبع صيد وجزاؤها كبش مسن وتؤكل» رواه البيهقي.


وقال الإمام الشافعي : « لا زال الناس يأكلونها ويبيعونها بين الصفا والمروة من غير نكير ».
هذا وجزاكم الله خيرا على حرصكم وفقكم الله وبارك جهودكم وسدد خطاكم وأصلح بالكم.

[Al3rands]

انا اللي قاهرني شلون صدتوه

[ابو ريان 2011]

الله يعطيك العافية على هذا الموضوع

[saleam0s]

السلام عليكم..
أولا...بعد 8سنوات أتوقع اï»·خ اﻵن في سلك العمل وخلص دراسة بعد أستراليا...فتهانينا على التخرج ومبروك الوظيفةلك يا أخي...
ثانيا:..واضح ان ريحة الكبسة سافرت عبر الزمن فما زالت عابقة في اï»·نوف..ههه������..
وعليك بالعافية..
ثالثا:هل نما لعلمك وأي أي أحد وجود لحم الكنغر في بلادنا مجمدا وحلالا؟وهذا ليس بغريب فأنواع اللحم متوفرة عندنا من كل بلاد...فلله الحمد والشكر..

[أ.الخالدي]

تبله قبلها بيوم بالخل والثوم تروح زنخته
ولو تجربه مندي أو مدفون وتعلمنا
الله يوفقك وترجع للوطن سالم وغانم

س/ بعارينهم كثار وموذيتهم .. جرب الحاشي حقهم وعلمنا مع الشكر سلفا

[زيد الزميلي]

:jههههههه الله يسعدك والله على قولت خويانا احسبك تمزح تدري لوني معك وربي غير نعمله مندي ازين من هالجرابيع وهالضبان ولاتهون الوبران هالي ناكل:p:p

[الصيادالمليح]

هل يجوز أكل لحم الكنغر؟الإجابــة
الحمد لله والصلاة والسلام على رسول الله وعلى آله وصحبه أما بعد:

فالأصل في حكم أكل لحم الحيوان أنه حلال ما لم يرد دليل يمنع من أكله، وحيث إن الكنغر ليس سبعاً، ولا يعدو بنابه، وإنما يأكل الأعشاب، فلا حرج في أكل لحمه.
والله أعلم ........ الرابط

http://fatwa.islamweb.net/fatwa/index.php?page=showfatwa&Option=FatwaId&Id=9091



فتوى رقم : 6913

مصنف ضمن : الأطعمة والأشربة والصيد والذبائح (http://www.salmajed.com/fatwa/findlist.php?typeno=81)

لفضيلة الشيخ : سليمان بن عبدالله الماجد

بتاريخ : 14/05/1430 11:00:47

س: ما حكم أكل لحم الكنغر؟



ج: الحمد لله وحده أما بعد .. الكنغر حيوان عاشب ، لا ناب له وليس بسبع مفترس ، ولم ينص على حرمته في الشريعة ؛ فبناء على ذلك فإن أكله حلال ، والله تعالى يقول : "قل لا أجد فيما أوحي إلي محرما على طاعم يطعمه إلا أن يكون مينة أو دما مسفوحا أو لحم خنزير " الآية . والله أعلم.

[jdrv]

ماشاء الله تبارك الله بالعافية

[مركاتو]

وعليكم السلام ورحمة الله وبركاته
ما شاء الله تبارك الرحمن

جرب التماسيح عطنا الاخبار هههههه