صقار جديد ومحتاج مساعدتكم

[عمر الميموني]

السلام عليكم
اخواني انا بشتري صقر بس مو الحر ولا هذول الغالي بشتري واحد رخيص عشان اتدرب عليه
لانه حرام اشتريه غالي وابتلش فيه
عندي سئال وهو شنو يحتاج الصقر حسب الي اعرفه
1 - البرقع
2 - الكفوف
3 - الي يوقف عليها الصقر نسيت اسمها
4 - حمام او جرابيع او او يعني الاكل
5 - بيطري

[عمر الميموني]

قولي لي شنو بعد ويا ليت تقولولي متى ياكل ومدة التدريب والتدريب شنو
واكون شاكر لكم
واكثر واحد راح يجيبلي معلومات راح ادعليله

[خالد السويط]

السلام عليكم::اخوي الطير يـبـيـله نص حمامه باليوم الواحد وتكون متحسنه وماتكون مريضه خلك علا هذا الموال مدة ثلاث ايام وبعدين تشتري خيط ويكون من النوع الجيد وتاخذ حمامه وتربط رجل الحمامه وتلوح لطير من بعد 150 متر او 250 متر لأنك جديد علا حسب كلامك وبعدين تلوح لطير عن بعد هذي المسافه كل مايجيك يبي الحمامه اسحب الحمامه قبل الجيه عليها ثلاث مرات وبعدها عن يوم ورا يوم زيد اشوي اربع خمس تتم علا هذي الحال لمدة اسبوع وانشاء الله يكون الطير يبيض وجه راعيه

[جارح العين]

هلابك اخوي
ادخل الرابط هذا معلومات تنفع الصقار الجديد
http://www.mekshat.com/vb/showthread.php?t=140625

[صقااارالدمام]

أفادوك الأخوان وتقبل مروري

[مدماك]

جارح العين افادك

[لعّاب المنايا]

ما قصروا الربع افادوك ,,

[شاص المقناص]

انشاءالله ينفعونك الاخوان

[صافى السريره]

اخوي حنا ملينا من الصقاره وانت جاي في الوقت الضايع انصحك ترتاح لان ماعاد فيها غير التعب والشقا عليك بالنت والكافي شب

[ihw]

ولا يهمك كم يوم وتصير احسن صقار,, الشباب ماراح يقصرون.....

[اعقاب]

حياك الله
ولا قصروا الاخوان

[عاشق الصقاقير]

ما قصروا
الاخوان تقبل مروري

[عمر الميموني]

مشكورين كلكم وجزاكم الله الف خير

[عمر الميموني]

اخوي حنا ملينا من الصقاره وانت جاي في الوقت الضايع انصحك ترتاح لان ماعاد فيها غير التعب والشقا عليك بالنت والكافي شب
انت مليت بس انا ما مليت

[المزروعي]

اخوي حنا ملينا من الصقاره وانت جاي في الوقت الضايع انصحك ترتاح لان ماعاد فيها غير التعب والشقا عليك بالنت والكافي شب


أفا عليك أشهد أنك ما نصحت خويك يوم أنك تحده صوب الكوفي شوب و النت !!!!
يا خوي كل حاجه إذا عطيتها حقها ووقتها ما تملها .

[نيار]

أفا عليك أشهد أنك ما نصحت خويك يوم أنك تحده صوب الكوفي شوب و النت !!!!
يا خوي كل حاجه إذا عطيتها حقها ووقتها ما تملها .
والله إنك صادق يالمزروعي كلامك عدل
لكن أنصح أخوي إذا أراد أن يتعلم الصقارة قبل مايشتري طير يشوف الصقاقير وشلون يتعاملون مع الطير وإن لقى صقار يطلع معه زين على زين لأن الطير يبيله نقل وتدهيل وتعليف ماودك يخرب طبع الطير من أول شيء الله يوفقك لمافيه خير.. لاتنسنا من دعواتك
محبك: أبوعبدالرحمن

[قلب ضبع]

انا انصحك تخاوي صقاقير اكبر منك وتتعلم منهم,