ولدالديرة
20/01/2004, 03:49 AM
وشرايكم يالربع الي بيكشت في الطرفية او النابغية او الركبة والي بيتعب يروح للبعيثة, القبة والاسياح.....هل تستاهل هذه العنوة .
والا فيه احسن منها قريبة من بريدة.
ا بي رايكم ياذيابة وكرم خوينا الحاتمى,,,,,
ولاتنسوا ولد ديرتكم
وابوصالح سري ليلة ,,,,,,يحط الطيب في عوينة
مشكورين,,,,,,,,,
الحاتمي
20/01/2004, 05:56 AM
اخوي ولدالديرة
بما انك وصلت لبريده خلاص وصلت لقبه وماتسمى عنوه
مشوارساعه وشوي من بريده
وتستاهل لومشواره ثلاث ساعات
شاهد عيان
20/01/2004, 10:19 AM
هلا بولد الديره
بالنسبة للطرفية : قريبة لبريدة تقريباً 35 كيلو وتصلح للعوائل والذي يطلعون لتغيير الجو فقط ... لكن مافيه ربيع وتصلح للعب بالدبابات ، وفيها مخيمات للعوائل ومخيمات للاجار اليومي .
بالنسبة للنابقية : تبعد حوالي من 45 - 50 كيلو عن بريدة تتميز بأنها قريبة من روضة اللغف ( روضة مهنا ) وفيها ماء وعند الرمال والطعوس النظيفة وقريبة من المحطة والبقالات وتصلح للعوائل والتخييم ، والربيع زوين شوي ... وأنا أنصح بها للأسباب أعلاه
بالنسبة للركية : هي قريبة من النابقية لكن عندها مزارع .
بالنسبة للبعيثة : سوف يقومون شباب القصيم بالتخييم هناك لكن بعيده عن بريدة حوالي 150 كيلو أسفلت ثم 40 كيلو طريق ترابي ( جَلَد ) ولاتصلح للعوائل وإذا تعطلت سيارتك أجلس ناظرها فيها حطب قليل يصلح لشبة الغداء ، لكن موارد الماء قليلة ..
بالنسبة لقبه : فيها طعوس كثار وطعوس نظيفة تبعد 150 كيلو والبعيثة تبعد عنها 40 كيلو فيها حطب قليل لكن يصلح لشبة الغداء ، الربيع خفيف .
هذا وصف موجز عن المطلوب وآمل أن أكون وفقت في ذلك .
تحياتي .
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir