المساعد الشخصي الرقمي

مشاهدة النسخة كاملة : يالغالين تكفون أدخلوا لأن أقتراحتكم معتمدة


عربوطة
15/09/2008, 08:30 AM
يالغالين:
ودي أشري هايلوكس بس متلخبط .أنا راعي جلد خفيف.
أيهما أفضل الفين أوخمسة أوالستة
وأيهما أفضل ديزل أو بانزيين
وأيهما أفضل غمارة أو غمارتين
‏@الله يجعلكم في الفردوس في أعلى الجنان
راعي صهيله
15/09/2008, 08:44 AM
السلام عليكم

هلا بك اخووي

الهايلوكس معروف بقوته وتحمله

بس مافهمت قصدك بي الفين وخمسه ولا سته

اما بنسبه لديزل ولا بانزين راعي بر بانزين احسن

على حسب من يركب معك لحالك غماره ناس غمرتين بس الغماره مركبها قاسي الغمارتين افضل

وبالتوفيق
سوبر VTC
15/09/2008, 09:17 AM
هلابك

الموتر انظر الى احتياجك و الانسب لك بشكل دائم فاذا كنت مرتبط مع الاهل فيفضل بلا شك الغمارتين
حتى ان الشيبان يمدحونه :D
يقولون غرفتين و سطح :p
ميزة اخرة عند السفر انت وربعك الخاصين تاخذ اربعة او خمسة مرتاحين اضف لذلك اذا كان معك اغراض خاصة شنطة,عزبة....الخ فانك تضعها في المرتبة الخلفية و لا تخاف من السرقة بعكس الغمارة لو وضعتها في الصندوق تسرق اضافة الى القش يزاحمك انت و الراكب و يضايقك اذا كانت غمارة
ميزة اخرى للغمارتين الراحة بعكس الغمارة تماما
***
لاشك ان الهايلوكس م2006 و طالع يميزها سعة غمارتها سواء غمارة او غمارتين و ايضا الراحة
و لكن يعيبها خفة البدي فهو قابل للطعج حتى و ان كانت صدمة خفيفة اضافة للصدام الامامي الفيبر و للاسف انه لايحمي اديتير المكيف و الماء و حتى المكينة اطلاقا بعكس الهايلوكس م2005 و تحت تماما من ناحية البدي و الصدام
***
انا شخصيا اميل للهايلوكس الغمارتين م2006 و طالع و الناس تلحق الجديد و الجديد يفرض نفسه و حتى لو شريت موديل 2005 و نازل يمكن تكره و تمله لكن عيب م2006 الشنيع صدام فيبر لذا يلزم وضع دعامية امامية من باب فعل الاسباب
***
انا اميل شخصيا للبنزين عزم قوي و خرابات اقل و له زبون عند البيع لكن اهم سي تاخذ بخاخ من م2002 و طالع اما م2001 و نازل كبليتر لا تقربه نصيحة لوجه الله خرابات مالذ و طاب و تقطيع و كتمه و الموتر يعي يشتغل و مادري ايش شرق الموتر من البنزين و كله بسبب الكبلتير
***
اذا تبي ديزل فان العزم ماحولك احد صح انه تيربو بس لا تحرص اذا مغنيك الله لو ما يجيك الا قرقشة صوت المكينة المزعج و عند البيع زبونه قليل جدا و تطيح قيمته بعد الاستعمال بعكس البنزين ماتخسر واجد عند البيع وله زباين واجد
***
اذا تبي الوناسة و راعي بر خذلك دفرنسين مستعملة واحد شرى م2008 دفرنسين غمارتين اصفار لكنه غالية جدا ب85000 الف
الصراحة مبالغ فيه السعر و اخذت اكثر من حقه
حتى مثبت السرعه مابه
***
تبي موتر رخيص و كويس ددسن غمارتين دفرنسين و اريح من الهايلوكس اذكر اخذه واحد ب 57 الف وكالة اصفار
***
امس صادفت حادث هايلوكس غمارة 2006 عند شارة طبعا واجهية الموتر منعدمة و لا توجد عليه دعامية لتخفيف الصدمة
انت اهم استخر
تحياتي
shaheenshah
15/09/2008, 10:10 AM
ارشح الغمارتين البنزين
إعصار
15/09/2008, 02:38 PM
خذ الجديد .. مهما كان الجديد يفرض نفسه ..



اما سالفة الصدام .. هذي حتى الجيوب .. الاف جي ..والفورشنر والاند الجديد .. كلها نفس الشي ..



الحل..:



- دعامية ..
- صاجة تحت اموتر .. اذا كان الوتر دفرنسين فيه صاجة ممتازة ..
- قاعدة أدتير حديد .. يركبونها اذا بغيت تحط مرواح كهرب .. ويطلع كذا ..




والله يعطيك خيره ويكفيك شره ..ومبروك مقدمآ..


:D