استفسار للطواريح وأهل الخبرة...... [الأرشيف]

مشاهدة النسخة كاملة : استفسار للطواريح وأهل الخبرة......

غاوي الراس

15/09/2008, 10:06 PM

السلام عليكم ورحمة الله وبركاته وبعد:
اسعد الله أوقاتكم جميعا

*ودي أسأل يالربع عن أفضل الأماكن لشبك الصقور المهاجرة(وهل يشتهر أي موقع في جنوب المملكة بعبور الطيور المهاجرة).

*أنا جديد على الشغلة وودي أجرب حظي ولكني أحتاج بعض النصايح عن المستلزمات المطلوبة ومن فين أجيبها, وعن طريقة التعامل مع الطير قبل وبعد الطرح.:confused:

جزاكم الله خير ومثوبه

القنــ أبو تركي ـــاص

15/09/2008, 10:28 PM

السلام عليكم )اول شي طالما إنك من ابها يعني بالجنوب عندكم الشياهين الجبلية والوكري تقدر تتعلم على طرحا والطريقة سهلة ولو تخاويلك صقار يوفر عليك الكثير (يعني رحلة برية تفي بالغرض)اوتتوجة لشمال اليث (مجيرمة)جنوب جدة وخل معك حمامة وشبكة واللة سميع الدعاء

غاوي الراس

15/09/2008, 11:24 PM

مشكور يا البايسن وصراحة اتشرف أخاوي أي صقار من حولنا
منها نستفيد خبره + معرفة الرجال شرف

جارح العين

16/09/2008, 12:15 AM

الله يرزقك بالنادر انشاء الله

محمد الصرير

16/09/2008, 01:15 AM

الله يرزقك بالطير الطيب اللي في البال والخاطر ، ويجعلك من المحترفين . ودمتم سالمين

أبوتركي

16/09/2008, 01:16 AM

حياك الله أخوي .. شغلة الطراحه مهيب سهلة .. تبي لها صبر وخبرة ..لكن أفضل طريقة تخاوي لك شباك .. وعسى الله يرزقك ..

الرجل الطموح

16/09/2008, 01:35 AM

خريطة عبور الطيور المهاجرة
http://img329.imageshack.us/img329/743/50996356nw4.gif

أبوعبدالله..

16/09/2008, 01:50 AM

حياك الله أخوي .. شغلة الطراحه مهيب سهلة .. تبي لها صبر وخبرة ..لكن أفضل طريقة تخاوي لك شباك .. وعسى الله يرزقك ..

هذا احسن حل

غاوي الراس

16/09/2008, 02:26 AM

جارح العين
محمد الصرير
الله يسمع لكم ومشكورين على شعوركم
أبو تركي
أبو عبدالله
جزاكم الله خير وصادقين والله بس المشكلة زي ما قلت "جديد على الصقاره" ولا لي معارف من الصقاقير واما المشقة فهي في كل شي والحمد لله عاركتنا الدنيا و عاركيهنا والله ويقسم لنا ولكم في الطيب
الرجل الطموح
جزاك الله خير على الخارطة وكفيت و وفيت

لعّاب المنايا

16/09/2008, 04:10 AM

فالك النااادر القاطع والله يوفقنا وإياك ,,,

غاوي الراس

16/09/2008, 05:13 AM

مشكور على مرورك لعاب المنايا ومشكور على شعورك
لكن كان ودي تضيف نصيحة على الماشي ومنك ومن شرواك نستفيد

فضلا لا أمراً:
اذا ما عليك كلافة ايها القارئ العزيز ولديك معلومة ولو بسيطة أفدنا (أبوك وأمك في الجنة....يارب)

نيار

16/09/2008, 05:29 AM

الله يرزقك !!!!

المريعي

16/09/2008, 05:49 AM

اماكن شبك الطيور عرعر الحماد ؛حفر الباطن الدبدبة ؛الصفيري فيه صيد طيب هذا بالنسبة للشمال وانا انشالله بروح مع العيد اذا تبي احداثيات ارسل رد

الذيب الجنوب

16/09/2008, 06:11 AM

عندك طال عمرك...الشمال كافة وعندك الساحل الغربي من الشمال إلى الجنوب خصوصا الحنو شمال ينبع الرايس جنوب ينبع..الشعيبة والمجيرمة جنوب جده..وجازان..

تحياتي

غاوي الراس

16/09/2008, 06:13 AM

اماكن شبك الطيور عرعر الحماد ؛حفر الباطن الدبدبة ؛الصفيري فيه صيد طيب هذا بالنسبة للشمال وانا انشالله بروح مع العيد اذا تبي احداثيات ارسل رد
جزاك الله خير ارسلها

غاوي الراس

16/09/2008, 06:15 AM

عندك طال عمرك...الشمال كافة وعندك الساحل الغربي من الشمال إلى الجنوب خصوصا الحنو شمال ينبع الرايس جنوب ينبع..الشعيبة والمجيرمة جنوب جده..وجازان..

تحياتي
مشكور على مرورك وبيض الله وجهك

غاوي الراس

16/09/2008, 06:17 AM

الله يرزقك !!!!
ويرزقك واخوانا المسلمين من واسع فضله آآآآآآآآآآمين

GX2007

16/09/2008, 06:36 AM

ترى الطرح مو سهل ماراح تتعلم الا اذا خاويت احد اللي يشبكون الطيور....... وفالك النادر

غاوي الراس

16/09/2008, 08:13 AM

ترى الطرح مو سهل ماراح تتعلم الا اذا خاويت احد اللي يشبكون الطيور....... وفالك النادر
ودي أعرف أحد يشبك في الجنوب لكن لا أخفي عليك ان الهواية ذي غير منتشرة عندنا,,,,,تدري اني ما لقيت براقع ولا شبك فضلاً عن بقية الأشياء الضرورية للشغلة
لكن لعل وعسى يزيدون الصقاقير والطواريح ونلقى اللي يهتم بهذه الهواية في الجنوب,,,,,,,,وشكراً على المرور

غاوي الراس

16/09/2008, 08:16 AM

ياشباب اذا فيه أحد من الجنوب يقدر يفيدنا أتشرف ان يراسلني على الخاص وشكراًًً

طير الهقاوي

16/09/2008, 09:18 AM

ماقصرو الشباب وتقبل مروري

الجير شفي

16/09/2008, 12:50 PM

أخوي ماقصرو الأخوان لكن الشغله مو سهله بالدرجه الي تكتسب بها من منتدى يعني تبي لها ايام وليالي ونضري وعملي.
وآخيرا اقول ( ليس من سمع كمن راى)

شبراق

16/09/2008, 02:05 PM

الله يرزك بالحر الطيب

مبحوح الحروف.

17/09/2008, 04:32 AM

أخي غاوي الراس ..

تحيه عطره ,,

اقرب محل يبيع مستلزمات القنص اشتر منه شبكه حمامه وقرشعه (قفص للجربوع والسمان يستخدم لشبك الطيور )

وبعدها اشتر حمامتين و 2 سمان (للاحتياط )

وادخل البر واعتبرها كشته اذا شفت طير يطير طير الحمامه وبظهرها الشبكه ان شافها الطير

وربك كاتب لك بتشبكه وان شبكته بشماغك مهده

والقرشعه أو المناشبيه ( القفص ) اذا لقيته على راس حزم نزل القفص بدون لا يشوفك وابعد عنه وراقب

وانشالله انه يشوف ويهد وتشبكه .. ( مو شرط تكون قريب منه من بعيد يشوف الطير ولاتقرب حتى لايرتبك )

الموضوع سهل لايغرك انه صعب ياما ناس طواريح ووخبره وشافوا طيور ولا صادوها وياما ناس عليميه

صادوا ,, أرجع وقول اعتبرها كشته واهم شي بالكشته انك مع الفجر تكون بالبر للساعه 11 وفترة العصر للمغرب

أخوك.. مبحوح الحرووف

غاوي الراس

18/09/2008, 08:31 PM

السلام عليكم ورحمة الله

الحقيقة يا اخوان ما قصرتم جميعاً (ونريد الأكثر لأن الموضوع يشاهده الجميع والفائدة تعم كل من أطلع والأجر لكل من أفاد)

:good: شكر خاص للأخ...مبحوح الحروف:good:
:good: كلامك مشجع :good: وشرحك سهل :good: ووجهك أبيض:good:

انا توي جاي من مجيرمة البارحة وقابلت بعض الشباب الطيبين ما قصروا أفادوني في شراء الحاجيات الأساسية للشغلة وجاهز أجرب حظي لكن........
سؤال:
_هل الأفضل أضع ثقاله في الحمامة ...أو... خيط وأمسكه بيدي ؟؟؟
أثابكم الله

صابي

19/09/2008, 05:04 AM

الله يرزقك ان شاء الله
الثقالة افضل اكيد
وخاصة للجديد مثلك
ومدام عرفت مجيرمة زورها بعد اجازة العيد لانة بداية الموسم للصقور في الساحل
تلقي اللي يسرك ان شاء الله وتتعرف علي القناصين
وتتعلم صح لان التجربة اساس المعرفة

غاوي الراس

19/09/2008, 07:28 AM

راعي انيسان

19/09/2008, 08:01 AM

ما قصرو

-

ولد الجنوب

20/09/2008, 10:46 AM

اخوي غاوي السلام عليكم ورحمة الله ماشاء الله عليك باين عليك متحمس لها الطرح هالسنه والله يرزقك بالنسبة لأي شيئ تبيه انا مستعد من ناحيه لوازم طرح الطيور راسلني على الخاص وانا مستعد وانا موقعي بالقرب من أبها وتقبل تحياتي ...............

غاوي الراس

20/09/2008, 09:37 PM

بيض الله وجيهكم جميعا على مروركم وودي أخص كل باسمه بس المعزرة يالربع
داخل من الموبايل

أصيل911

20/09/2008, 09:58 PM

السلام عليكم ورحمة الله وبركاته
اخوي ماشاء الله عليك دامك وصلت للمجيرمه وقابلت الطواريح هناك تراك وصلت لمنتصف الطريق
اهم شي اخوي اذا ودك تتعلم لا تستحي واسئل عن كل شي ماتعرفه فليس المرء يولد عالما
والاخوان بالمنتدى ماقصرو