كيفية إزالة السدد من فتحات الدافور ... مسااااااااعدة

[الفردوس]

السلام عليكم ورحمة الله وبركاته :
فقد قدر لي وأن اشتريت رأس دافور بريميس والذي له وصلة
وهذه صورته :

http://www.primus.se/IMG/omnifuel_matterhorn.jpg

لكن المشكلة في الدافور غالي فوجدت عند أحد المحلات وصلة تركبها على دبة الغاز الزرقاء الكبيرة وتركب بعد ذلك رأس بريميس لكن المشكلة أنه تسدد على ولم أستفد منه الآن
فهل أستطيع إزالة السدد منه

[شاهد عيان]

هلا بالأخ الأسعدي

بغيت أعرف وشلون يتسدد ؟
هل السدد جاي من داخل الدافور مثل ( رايش ) أو من الخارج مثل ( الرمال ) ؟

تحياتي

[الملحق]

حتى انا عندي دافور عادي . بس الحقيقة قديم جدا :) وشغال بس ولعته مهيب هاك الحد قوية :)


وش الحل الي يخلي فتحات العين ترجع مثل اول ؟

[محتار]

حبيب قلبي
اول شي جهز مفتاح 8 و10
فك الراس تبي تلقا مسمار فية فتحة بالوسط تفحة وتجهز كاس فية قاز وتحطة فية
وبعدين تجرب تشوف العز يطلع بعد فك الصامولة والا لا
اذا ما طلع صب مكت الصاموله قاز وخلها عشر دقايق
وبعدين فك الغاز وافتح المحبس
وجب علية تعبية ولاعات الغاز يمكن بريالين تلقاها عند محلات ابو ريالين لنا شاريها من ياسلام
تجيب علبة الغاز وتدخلها مكان المسمار (تختار الراس المناسب ) وبعدين تضخ الغز بطريقه عكسية وتحاول اكثر من مرة اذا شفت الغاز بدا يضح مكان الاسطوانة اعرف انك نجحت
نرجع نحط اسطوانه جديد او اذا كانت بريمس نعيد شبك الاسطوانة ونجرب دفع الغاز اذا كان جيد اعرف انك نجحت
نرجه للمسمار ونحاول بنفس الطريقة الاولى ضخ الغاز بالمسمار بطريقة عكسية
ونرجع نركبها اذا شفنا الغاز طلع من الجهه الاخرى
اما اذا ما طله فنروح لمحلات الغز الي بالديرة ونشتري المسمار بخمسه ريال بس لا ننسا ناخذ المسمار علشان المقاس
الطريقة انا مجربها على اكثر من دافور والله واحد منهم البريمس القديم اصفر وبرتقالي وله 4 سنوات ما اشتغل


ولكم الود والاحترام

[laith]

ماعليك سوى .......:rolleyes:

ان تذهب الى اقرب بنشر وانفخ داخل الثقوب ب هوز الهواء وبكذا تنتهي المشكله "مجربه". :good:

[الفردوس]

جزاكم الله خير
المشكلة أن السدد في العين وليس الدافور نفسه ولا أدري هل السدد من الرمل أو من الدافور نفسه

[طلال]

الاخ الاسعدي
اذا كان السدد من الرأس بفعل الرمال او الدهون فعندي طريقه جربتها وزبطت معي ويمكن تزبط معاك وهي انك تغلي ماء على نفس الدافور ونفس الراس بحيث لما تنتهي من غلي الماء يكون الراس حار جداً وتجيب وعاء يكون اكبر من الراس وتصب فيه الماء الحار وبسرعه تفك الراس وتضعه بنفس الوعاء الي فيه الماء الحار وتقلبه بحيث يكون الراس مغمور بالماء الحار ، حيث ان الماء الحار يحل الدهون المتراكمه وينزل بالوعاء وبعد ربع ساعه تجرب وتشوف000