استفسار وابي الجواب الحين لا هنتم لآني ناوي اشتري ساكتون هواء الليله

[آبو فيصل 511]

بسم الله الرحمن الرحيم
والصلاة والسلام على اشرف الانبياء و المرسلين سيدنا محمد
شلونكم يا الربع عساكم بخير
يا شباب انا رحت لبن حميد ولقيت عنده بنادق ساكتون هواء

لقيت عنده دينا الالمانيه 90 والرصاص كبير
ولقيت عنده دينا الالمانيه 70 رصاص في منه صغير وفي منه كبير على طلب الزبون
ولقيت عنده دينا الالمانيه 21 رصاص صغير

واحترت وش اشتري انا بيني وبينكم محتار بين ال 90 و ال 70 ومحتار بعد وش اخذ رصاص كبير ولا صغير

بالنسبه لصيدي صيدي انا قميري وسمان

وابي اعرف وش الفرق بين الرصاص الكبير و الصغير يعني هل الرصاص الكبير يعدم الصيد ولا
وش رايكم وش اخذ
ابي وحده زينه للصيد + خرابتها قليله

<< ادري انه زودها شوي بس استحملوه :D

تفكون ابي الرد بأ سرع وقت

[الكرتون]

نصيحه لك مني أشتر ال70
وتكون صتمه صغيره
لان مداها أبعد ورصاصها ارخص وتواجده
في أغلب المحلات اللي تبيع الرصاص
ولو إنه فيها شوي ثقل بس صدقني
إنها طيبه بلحييييييييل

[ابوعابد1996]

انا والله لقيت وحده عند الرميح اعجبتني مره حبه صغير ب1200 تقريباً
مقاس85 فيبر يعني خفيفه مره والنيشان فسفوري للصيد بالليل وشكلها انيق مره
تبي شوري خذها

والحبه الصغيرة احسن لانها موجوده بكل محل

[آبو فيصل 511]

جزاكم الله خير وما قصرتوا والله

بس حيرتوني والله هههههه لبى قلوبكم

ياليت اشوف اراء الاخوان

يا شباب والله الرد موب ماخذ منكم 5 دقايق

بنتظاركم واعيد واشكر الذيابه على الرد

[الصقري2000]

للدخب 27 فايروخ

[آبو فيصل 511]

مهيب فيه فايروخ ببن حميد

انا اسأل الحين شوركم وهداية الله وش تخيروني 70 ولا 90 ؟

والرصاص حبه صغير ولا حبه كبير

[محب الفتك]

نصيحتي خذ الفايروخ 85 من أحسن ما يكون للطيور اللي تبي تصيدها ، قوية وتتحمل ، وإذا ما كانت عند المحل اللي تقول دور عند غيره لا تفوتها وسعرها الحين 1500 بس تستاهل .
والرصاص صغير مهما كان نوع الساكتون ، رخيص ومتوفر بكل مكان ، والطيور اللي تبي تصيدها مثل القميري والسمان ، ما يحتاج رصاص كبير يفقع وجهه .

[حان الرحيل]

السلام عليكم
عندك الباتريوت مقاس 5,5لا تفوتك الاولى بلا منازع وفيها عيبين فقط الوزن والسعر

[ابو مشعل2]

يمكن ما ينفع رائيي الحين
لاكن حسب ما فهمت من الشباب ان الفايروخ حبة كبيرة مناسبة للطيور مثل القميري
والله اعلم

[فايروخ 80]

الفايروخ 80 لا تدور غيرها