* رمش العين *
21/01/2004, 08:40 AM
بسم الله الرحمن الرحيم
السلام عليكم ورحمة الله وبركاته
اخواني في دارنا العامره ( منتديات مكشات ) حبيت اقدم لكم رأي متواضع جداً اتمنا ان يلقى منكم الاهتمام ....
في يوم من الايام كنت متضايق ومحتار بسبب موقف حصل من احد الزملاء المقربين وموقفه هذا سبب لي جرح في العلاقه معه المهم كنت اسولف مع مديري في الشركة وقالي انه ملاحظ علي تغير واني سرحان شوي وحاول يفهم وش السبب اذا ماكان عندي مانع ومن حسن اسلوبه في التعامل وثقتي بمقدرته بعد الله على مساعدتي في حل الاشكال الي انا فيه شرحت له وش السبب بالتفصيل وش توقعون كان الرد ( قالي يوم زميلك وجه لك الكلام الي ازعلك وش كانت ضروفه وكيف كانت نفسيته ؟ ) صراحه انا وقفت شوي وتعجبت من السؤال وحاولت اتذكر في ذيك اللحظه وش كان وضع زميلي المهم جاوبت جواب (( يفشل )) وقلت تصدق يابو فلان مادري . ( رجع واحرجني بسؤال ثاني وقال هل هاذي اول مرة يتعامل معك زميلك بهذا الاسلوب ؟) قلت نعم تدرون وش قالي ( قال يابو متعب اول ما تطلع من العمل مر على تسجيلات اسلاميه وخذ سلسلة اشرطة ( دعوة للنجاح ) الدكتور طارق السويدان تجي في علبه وحدة بعدد ستة اشرطة ) لاحظتوا ان الرجال ما جاوب على اسئلتي ,,,,,
المهم رحت واخذت المطلوب ( ومديري مثلنا راعي بر قالي ان حصل تبعد عن الديرة وتشب اضويه وتتسمع للاشرطة بتركيز وبدون ازعاج احد ) نفذت المطلوب يوم جا الليل نصيت الثمامه وصار الي صار """
بعد كل هالمقدمه الطويله الممله ابغا اختصر الزبدة من ( دعوة للنجاح )
سمعت مقطع يحاول من خلاله الدكتور السويدان تعويد المستمع على انه يفهم نفسيت الناس الي حوله قبل ما يحكم على تصرفاتهم ( وهذي مشاكل قد تواجه كل واحد منا وهي الاستعجال في الحكم وعدم تحمل تصرفات الزملاء في الكشته وغيرة ) المهم يقول الدكتور طارق ( ان استاذة في الجامه في امريكا الي جلس يدرس ويبحث في موضوع النجاح 25 عام صار له موقف انه كان راكب قطار والعربه الي هو فيها هاديه جداً الي معه كتاب يقرا فيه والي معه الحاسب يشتغل عليه بكل هدؤ المهم وقف القطار في محطه ونزل ركاب وركب غيرهم وفي هذي العربه الي فيها البرفسور ركب رجال ومعه اولادة الثلاثه اطفال صغار الي حصل ان الاب جلس بجنب البرفسور وغمض عيونه ولكن اعيالوه انطلقو بالعربه يزعجون وايطامرون والاب ما جاب خبر ( لو كنت عزيزي القارء لهذه المشاركة ياعضو مكشات مكان البرفسور وش اتسوي - تكفى جاوب بينك وبين نفسك قبل ما تكمل )
<<<
"""
<<<
>>>
<<<
>>>
المهم البرفسور زعق على الرجال وقال له قم شف عيالينك وش يسوون بالعالم ازعج وحوسه لابارك الله فيك وفيهم المهم عصب عليه حيل لكن وش كان رد الرجال ( قال - انا اسف اسف اسف لكن انا ماكنت حاس بالي حولي ولا منتبه لازعاج ابنائي لأني قبل ساعه وحدة بس دفنت زوجتي الي ماتت بعد عشرت عمر كان نتيجته هالعيال ) وبعد ما سمع البرفسور هالكلام ودوه ان الارض تنشق وتبلعوه .
الزبدة ياخوان بما اننا على وجه مكاشيت وراح نطلع مع زملاء لنا قد يكون لهم ضروف لانعلمها وقد تكون هذة الضروف تشغل بالهم وتخليهم بمزاج غير صافي احياناً فلازم الرفيق يتحمل رفيقه لا ومهب بس يتحمله بل لازم يحاول يساعدة في حل مشاكله مهب بس خوي كشته وبعدين الوجه من الوجه ابيض .
((((( اخيراً ليت كل واحد منا ياخذ معه "" دعوه للنجاح """ ويتسمعها في البر بيكون فيه وقت فراغ كثير )))
السلام عليكم ورحمة الله وبركاته
اخواني في دارنا العامره ( منتديات مكشات ) حبيت اقدم لكم رأي متواضع جداً اتمنا ان يلقى منكم الاهتمام ....
في يوم من الايام كنت متضايق ومحتار بسبب موقف حصل من احد الزملاء المقربين وموقفه هذا سبب لي جرح في العلاقه معه المهم كنت اسولف مع مديري في الشركة وقالي انه ملاحظ علي تغير واني سرحان شوي وحاول يفهم وش السبب اذا ماكان عندي مانع ومن حسن اسلوبه في التعامل وثقتي بمقدرته بعد الله على مساعدتي في حل الاشكال الي انا فيه شرحت له وش السبب بالتفصيل وش توقعون كان الرد ( قالي يوم زميلك وجه لك الكلام الي ازعلك وش كانت ضروفه وكيف كانت نفسيته ؟ ) صراحه انا وقفت شوي وتعجبت من السؤال وحاولت اتذكر في ذيك اللحظه وش كان وضع زميلي المهم جاوبت جواب (( يفشل )) وقلت تصدق يابو فلان مادري . ( رجع واحرجني بسؤال ثاني وقال هل هاذي اول مرة يتعامل معك زميلك بهذا الاسلوب ؟) قلت نعم تدرون وش قالي ( قال يابو متعب اول ما تطلع من العمل مر على تسجيلات اسلاميه وخذ سلسلة اشرطة ( دعوة للنجاح ) الدكتور طارق السويدان تجي في علبه وحدة بعدد ستة اشرطة ) لاحظتوا ان الرجال ما جاوب على اسئلتي ,,,,,
المهم رحت واخذت المطلوب ( ومديري مثلنا راعي بر قالي ان حصل تبعد عن الديرة وتشب اضويه وتتسمع للاشرطة بتركيز وبدون ازعاج احد ) نفذت المطلوب يوم جا الليل نصيت الثمامه وصار الي صار """
بعد كل هالمقدمه الطويله الممله ابغا اختصر الزبدة من ( دعوة للنجاح )
سمعت مقطع يحاول من خلاله الدكتور السويدان تعويد المستمع على انه يفهم نفسيت الناس الي حوله قبل ما يحكم على تصرفاتهم ( وهذي مشاكل قد تواجه كل واحد منا وهي الاستعجال في الحكم وعدم تحمل تصرفات الزملاء في الكشته وغيرة ) المهم يقول الدكتور طارق ( ان استاذة في الجامه في امريكا الي جلس يدرس ويبحث في موضوع النجاح 25 عام صار له موقف انه كان راكب قطار والعربه الي هو فيها هاديه جداً الي معه كتاب يقرا فيه والي معه الحاسب يشتغل عليه بكل هدؤ المهم وقف القطار في محطه ونزل ركاب وركب غيرهم وفي هذي العربه الي فيها البرفسور ركب رجال ومعه اولادة الثلاثه اطفال صغار الي حصل ان الاب جلس بجنب البرفسور وغمض عيونه ولكن اعيالوه انطلقو بالعربه يزعجون وايطامرون والاب ما جاب خبر ( لو كنت عزيزي القارء لهذه المشاركة ياعضو مكشات مكان البرفسور وش اتسوي - تكفى جاوب بينك وبين نفسك قبل ما تكمل )
<<<
"""
<<<
>>>
<<<
>>>
المهم البرفسور زعق على الرجال وقال له قم شف عيالينك وش يسوون بالعالم ازعج وحوسه لابارك الله فيك وفيهم المهم عصب عليه حيل لكن وش كان رد الرجال ( قال - انا اسف اسف اسف لكن انا ماكنت حاس بالي حولي ولا منتبه لازعاج ابنائي لأني قبل ساعه وحدة بس دفنت زوجتي الي ماتت بعد عشرت عمر كان نتيجته هالعيال ) وبعد ما سمع البرفسور هالكلام ودوه ان الارض تنشق وتبلعوه .
الزبدة ياخوان بما اننا على وجه مكاشيت وراح نطلع مع زملاء لنا قد يكون لهم ضروف لانعلمها وقد تكون هذة الضروف تشغل بالهم وتخليهم بمزاج غير صافي احياناً فلازم الرفيق يتحمل رفيقه لا ومهب بس يتحمله بل لازم يحاول يساعدة في حل مشاكله مهب بس خوي كشته وبعدين الوجه من الوجه ابيض .
((((( اخيراً ليت كل واحد منا ياخذ معه "" دعوه للنجاح """ ويتسمعها في البر بيكون فيه وقت فراغ كثير )))