ست الليالي والنبي فيه صلى...؟؟؟.<اللغز محلول>00000(صاحب الحل:مخاوي الذيب 2 )

[ابو ماجد 2]

السلام عليكم

شدتني معلومه شاهدتها قبل قليل وحبيت اصيغها في لغز

ست الليالي والنبي فيه صلى=ينسب على اللي نازلٍ فيه تحريم
لو يتصف به حي وصفه تجلا=تلقى البلاده خيمت فيه تخييم



تحيتي وتقديري للجميع

[قرناس صلا]

صح لسانك يا ابو ماجد

وش رايك بشوال

[ابو ماجد 2]

اخوي قرناس صلا
صح بدنك والرمعه مالك لوى يالغالي
والمطلوب اسمه مركب. وما يميزه واسباب وضع اللغز هو نسبه
تحيتي لك

[أقلط]

وعليكم السلام

صح السانك يالغالي

رمعة عربون . غار ثور

تحيااااااتي

[ابو ماجد 2]

اخوي اقلط
صح بدنك يالغلا
والرمعه ماصابت ولا تنسى ينسب على اللي نازل فيه تحريم
انتظر مرماعك القادم

[الكنور]

صح لسانك اخوى الغالى ابو ماجد

ووش رئيك فى علامات الوقف الست بالقرآن الكريم

[ابو ماجد 2]

صح بدنك يابو منصور
والرمعه مالك لوى يالغالي
تحيتي لك وتقديري

[nomas2002]

صح لسانك أخوي أبو ماجد
وش رايك بسورة البقرة
وتقبل مني كل ود واحترام

[أقلط]

اخوي اقلط
صح بدنك يالغلا
والرمعه ماصابت ولا تنسى ينسب على اللي نازل فيه تحريم
انتظر مرماعك القادم


لا والله مانسيته لكن وين المعلومة هالحزة :p

اللغز واضح وكني ماسكه بيدي لكن المعلومة باااح;)

مكان صلى فيه النبي صلى الله عليه وسلم ست ليالي واسم المكان

بأسم شى محرم ولو نوصف احد بأسم ذلك المكان يطلع بليد وغبي

مثل حمار خنزير اكرمكم الله

خلن افطر لعل المعلومة تهضل :p

ان ماسبقني احد

[ابو ماجد 2]

صح لسانك اخوى الغالى ابو ماجد

ووش رئيك فى علامات الوقف الست بالقرآن الكريم


صح بدنك يابو منصور
والرمعه مالك لوى يالغالي
تحيتي لك

[ابو ماجد 2]

صح لسانك أخوي أبو ماجد

وش رايك بسورة البقرة

وتقبل مني كل ود واحترام



هلا بك يالغالي
والرمعه مالك لوى
تحيتي لك

[ابو ماجد 2]

لا والله مانسيته لكن وين المعلومة هالحزة :p

اللغز واضح وكني ماسكه بيدي لكن المعلومة باااح;)

مكان صلى فيه النبي صلى الله عليه وسلم ست ليالي واسم المكان

بأسم شى محرم ولو نوصف احد بأسم ذلك المكان يطلع بليد وغبي

مثل حمار خنزير اكرمكم الله

خلن افطر لعل المعلومة تهضل :p

ان ماسبقني احد


هلا بك اخوي اقلط
وما شاء الله عليك
انتظر رمعتك
ولكن اسمح لي عقب كلمة تهضل ابعتبرك من عداد الشيبان مع اخيك والشيخ مسكين والكنور ههههههه
تحيتي لك وتقديري

[أقلط]

ههههههههههههههه

لاتكفى لاتعتبرني مع الشيبان الشيخ مسكين والكنور

اخاف تظلمهم ههههههههههه

الظاهر اني اكبر منهم سنا ههههههههههههه

تحياااااتي

[torrjom]

صح السانك
حمرا الاسد

[ابو ماجد 2]

اخوي طرجم
صح بدنك يالغالي
والرمعه مالك لوى
تحيتي لك وتقديري

[ولد صقار]

الشباب مايقصرون

[torrjom]

اخوي طرجم
صح بدنك يالغالي
والرمعه مالك لوى
تحيتي لك وتقديري

انا قلت (حمرا الاسد ) بعد غزوة احد الرسول وعد كفار قريش بحمرا الاسد بعد سنه وبعد مرور سنه
راح الرسول الى حمرا الاسد وكان الجو شديد الحراره وجلس ست ليالي والكفار كعادتهم اخلفو الوعد
ثم عاد الرسول....... وحمرا الاسد تنسب للاسد ولاسد محرم اكله وبنفس الوقت الاسد بليد (كسول)

[ابو ماجد 2]

اخوي طرجم
الف شكر على المعلومه التي ماشاء الله عليك ينطبق عليها اللغز ماعدا اللفظه حمرا الاسد اعتقد تعتبر مؤنث فنقول هذه حمرا الاسد ولا نقول هذا حمرا الاسد وانتم ابخص يالغلا
تحيتي لك وتقديري

[torrjom]

اخوي طرجم

الف شكر على المعلومه التي ماشاء الله عليك ينطبق عليها اللغز ماعدا اللفظه حمرا الاسد اعتقد تعتبر مؤنث فنقول هذه حمرا الاسد ولا نقول هذا حمرا الاسد وانتم ابخص يالغلا

تحيتي لك وتقديري

بعد ماكتبت المعلومه انتبهت لكلمة فيه للمذكر لاكن لقيتك داخل بعد رمعتك بلغز اقلط ولا عاد يمديني اعدل
وخابرك ماتجيب الا الجزل ولاتفوتك ولاكن فاتتني انا هذى المره ولك الشكر على رحابت صدرك

[ابو عبدالملك 2]

وش رايك في ايام التشريق في منى وما قبلها من ثمايه ذي الحجه الى ثلاثة عشر ذي الحجه الناس يسمون محرمين

[ابو ماجد 2]

بعد ماكتبت المعلومه انتبهت لكلمة فيه للمذكر لاكن لقيتك داخل بعد رمعتك بلغز اقلط ولا عاد يمديني اعدل
وخابرك ماتجيب الا الجزل ولاتفوتك ولاكن فاتتني انا هذى المره ولك الشكر على رحابت صدرك

الخطأ يالغالي لايستبعد من اي عضو بالمنتدى ولكن الجميع يبذل مجهوده وحرصه والتوفيق من الله
بارك الله فيك اخوي طرجم ورمعتك بالحقيقه لم آخذ حسابها وانا اضع لغزي لانه ليس لدي اي معلومه عنها والحمدالله انها صارت مؤنث ليصبح لغزي ساري المفعول ههههههههه
تحيتي لك وتقديري

[الخيال2006]

صح لسانك اخوي ابو ماجد على اللغز الطيب...ورمعتي طال عمرك هي الروحاء افضل اودية العرب والتي صلى بها النبي صلى الله عليه وسلم,,,

[ابو ماجد 2]

د . احمد 2
حياك الله وايام التشريق مالك لوى
تحيتي لك وتقديري

[ابو ماجد 2]

مشرفنا الغالي
صح بدنك يالغالي ووادي الروحاء مالك لوى

[ابو عبدالملك 2]

وش رايك بايام الحج

[ابو ماجد 2]

د. احمد 2
مالك لوى يالغالي والمطلوب موقع معين
تحيتي لك

[ابو عبدالملك 2]

وش رايك في منى او المشاعر المقدسه

[ابو ماجد 2]

منى والمشاعر المقدسه
تحيتي لك

[ابو عبدالملك 2]

صح يابوماجد والا لا اشوفك كررت الكلام ولا علقت

[ابو ماجد 2]

د احمد 2
مالك لوى يالغالي ولم اطلع على مشاركتك الا هاللحظه
تحيتي لك

[ابو عبدالملك 2]

وش رايك في بدر وهي الغزوه اللي وقعت هالمره مانتب قايل لا

[الخيال2006]

وش رايك اخوي ابو ماجد2 بوادي عرنه

[مخاوي الذيب 2]

صح لسانك يابو ماجد

ممكن مسجد الفَضِيخ

والفضيخ - بفتح الفاء وكسر الضاد - وهو الخمر المستخرج من التمر. سمي المسجد بذلك؛ لأن النبي ـ صلى الله عليه وسلم ـ عندما حاصر بني النضير في ربيع الأول عام 4هـ ضربت قبته قرب هذا الموقع. وكان أبو أيوب وبعض الصحابة جالسين غير بعيد عنه، ونزل تحريم الخمر ومعهم قربة بها خمر الفضيخ، فأمر أبا أيوب بسكبه فاشتهر المسجد بهذا الاسم. ويعرف أيضاً بمسجد الشمس، ولعله بسبب شروق الشمس عليه أولاً قبل بقية مباني المنطقة

[ابو ماجد 2]

وش رايك في بدر وهي الغزوه اللي وقعت هالمره مانتب قايل لا

مع الاسف مالك لوى يالغالي

[ابو ماجد 2]

وش رايك اخوي ابو ماجد2 بوادي عرنه


مشرفنا الغالي مالك لوى
تحيتي لك

[ابو ماجد 2]

صح لسانك يابو ماجد



ممكن مسجد الفَضِيخ



والفضيخ - بفتح الفاء وكسر الضاد - وهو الخمر المستخرج من التمر. سمي المسجد بذلك؛ لأن النبي ـ صلى الله عليه وسلم ـ عندما حاصر بني النضير في ربيع الأول عام 4هـ ضربت قبته قرب هذا الموقع. وكان أبو أيوب وبعض الصحابة جالسين غير بعيد عنه، ونزل تحريم الخمر ومعهم قربة بها خمر الفضيخ، فأمر أبا أيوب بسكبه فاشتهر المسجد بهذا الاسم. ويعرف أيضاً بمسجد الشمس، ولعله بسبب شروق الشمس عليه أولاً قبل بقية مباني المنطقة


ياسلام عليك يالغلا

صح لسانك ملايين
رمعه مايحتاج بالصميم

وحتى بالشرح ماشاء الله عليك ماقصرت
حبيت اضيف ان النبي صلى الله عليه وسلم صلى فيه ست ليالي

واذا قيل لاي شخص فضيخ او فضيخ قلب اي متبلد لاتحركه المشاعر والاحاسيس ولا مبالي بما حوله
لله درك وبيض الله وجهك

[a11a]

صح لسانك
........................

[الكنور]

كفوو والله اخوى الغالى مخاوى وجبته ياذيبان لله درك عز الله ان هاللغز حيرنى ودخت ادور عن هالمعلومه وبيض الله وجهك ياغالى ووجه ابو ماجد وجميع من شارك

[مخاوي الذيب 2]

صح بدنك يالغلا

وعاداتك ماتجيب الا الجزلات

=============


اخوي الغالي ابومنصور ووجهك ابيض

صح بدنك يالغالي ووماعليك زود يالحبيب

تحياتي

[ابو ماجد 2]

اخوي ابو منصور
بارك الله فيك يالغلا والمعلومه ماكنت اعرفها ولكن اخذتها من التليفزيزن وتأكدت منها بالبحث بالانترنت
ومثل هالمعلومه جميل ان نعرف عنها خاصة انها تتعلق بالرسول صلى الله عليه وسلم
وتتعلق بكلمة نستخدمها ولا نعرف اصلها بالعربيه

[ابو عبدالملك 2]

صح لسانك مخاوي الذيب والله جبتها هبلت بي يعوني احولت من كثر التدوير والتفكير وماشاء الله عليك يا ابو ماجد2 الله لايضرك

[أقلط]

السلام عليكم

شدتني معلومه شاهدتها قبل قليل وحبيت اصيغها في لغز

ست الليالي والنبي فيه صلى=ينسب على اللي نازلٍ فيه تحريم
لو يتصف به حي وصفه تجلا=تلقى البلاده خيمت فيه تخييم



تحيتي وتقديري للجميع


الله الله الله علييييك يالزعيم

الله لايحرمك اجر هاللغز اللي جبرنا نبحث في السيرة ونستفيد منها

انتفخ راسي وانا ابحث في النت وبعض الزملاء ..والان

بعد معرفت الحل من الغالي والمبدع/ مخاوي الذيب

حبيت اضحك شوي على معنى البيت الاخير من لغزك :p

الفضيخ :p :p :p :p :p

بيض الله وجهك استاذي

وصح قلبك على الابداع الفريد

وصح لسان اخوي مخاوي الذيب

وبيض الله وجيهكم جميعا

تحااااااتي

[ابو ماجد 2]

اخوي
د احمد 2
حياك يالغالي وما قصرت بالمحاولات بارك الله فيك

[ابو ماجد 2]

اخوي اقلط
حياك يالغلا وصح بدنك
وهالالغاز جعلتنا نكتشف ان اكثر الكلام اللي نعتبره هرج شيبان وماعاد يستخدم هو بالحقيقه اغلبه له اصل بالفصيح
تحيتي لك وتقديري

[مخاوي الذيب 2]

اخوي د أحمد 2

اخوي أقلط

صحت ابدانكم وماعليكم زوووود

تحياتي