تعال وشاهد اغرب طريقة لتوليد الكهرباء ومن تجربة شخصية(يوجد صورة)

[تميم]

في عام 1413 هـ عام الخير والربيع والامطار عسى الله يعيده علينا ان شاء الله عملنا مخيم شباب في جنوب الرس وكان عددنا كبير المهم اننا احتجنا الى كهرب عشان الانارة والملعب..
والمواطير ذاك الوقت كانت كبيرة وضخمة وكانت ايضا غالية وحنا تونا طلاب ومثل ما يقولون الاولين ( الحاجة ام الاختراع) المهم فكرنا وشلون نحصل على الكهرب بطريقة سهلة وبعد التفكير حصلنا عليه بطريقه بدائية ولكنها كفتنا حاجتنا وزيادة وهي توليد الكهرباء عن طريق السيارة والاستفادة من حركة الكفرات لتوليد الطاقة وذلك برفع الكفر وتركيب الماطور الخاص بالمزارع وتحريكه عن طريق استدارة الكفرات وربطه بالماطور بسير .
وكذا نكون حصلنا على الكهرباء وبدون فواتير ولا عدادات :no2: .

صحيح ان السيارة تظل شغاله فترة طويله ولكن البانزين كان رخيص ذيك الايام:good:








صور السيارة والماطور ويربط بينهم سير لتحريك الماطور وتوليد الطاقة ولاحظ الكيبل الابيض تحت السيارة كهرب خط 220:alarm:

http://www.aboyzeed.info/kh/saheqan.jpg

شركة كهرباء مصغرة :D :D :D :D :D :D


اتمنى الفكرة اعجبتكم؟؟؟
























.

[سندباد الخليج]

ماشاء الله تبارك الله

طريقه ذكيه .............. وكما قيل الحاجه ام الاختراع

تحياتي لك اخوك ابو مشاري

[calm down]

ماشاء الله عليهم والله يالاولييين ماخلوووا لتالييين شئ وقسمن بالله اللي قايلن ذي ان صااااااز.

[السحقان]

الأخ الغالي... تميم تحية طيبة
ما أجمل الصورة... وما أجمل تلك الأيام...
وما أجمل مشروع الكهرباءالذي قمتم بتشييده
تقبل مروري

[ابو عبدالملك 2]

ماشاء الله تبارك الله اثر عندنا ادسون ما درينا ادسون سعودي والله كفو وعطنى مبتكراتكم القديمه زودنا بالجديد الله يعافيك

[كشات 1985]

مشكور اخوي الغالي تميم

[ابو انس2006]

ماشاء الله تبارك الله

[ديزب]

شكرا على الطريقة ولو انها قديمة شوي
انا شفنها عام 1397 وفيه كمان تطوير حيث يربط المولد من الخلف بحبل مزدوج يثبت بوتد في الأرض ويوضع بين الحبلين عصا يدور عرضيا بين الحبلين بحيث يكون شداد للسير في حالة ارتخائه ومن عيوب هذه الطريقة تردي عزم السيارة في حالة تحميل المولد حيث لا يوجد تروس تفاضلية لزيادة السرعة اثناء التحميل كما في المولدات المدمجة بمحركات لكن انها تحل مشكلة الأضاءة وما شابهها
تحياتي ....

[الصمان 2]

ماشاء الله تبارك الله

الشباب عندهم مواهب وطاقات ... الله يعطيكم العافية .


وسبق وان شاهدت نفس هذه الحركة في مخيم له تقريباً ست سنوات ومازال قائماً حتى الآن

يشغلون عليه النور و التلفزيون .

بس السيارة قديمة جداً وماتتحرك من مكانها .



.

[ناصح]

فكرة رائعة جدا

لكن ربما لو مركبين السير على جنط بدون كفر يمكن أثبت للسير ..

عموما تسلم على هذه الفكرة

ونسأ الله أن يعيد علينا سنة طيبة مثل عام 1413 هـ

[اول 111]

مشكوووووووووووووووووووووووووووووور

[azd]

السلام عليكم
انا شاهدت محطات الطرق القديمه قبل 30 سنه تعمل على مطور السياره مثل الصوره

[خيال الغلبا]

ما قستوا الأنبير ... كم يستطيع يغطي

[ديزب]

فعلا اخي ناصح ليس من راى كمن سمع
عملية الكفر اسهل من الجنط لأنه في النهار تستخدم السيارة ، كل ما في الأمر اجدع السير ونزل العفريتة وامش ، لكن لو فيه تبديل كفر وجنط تطول المسألة وعلى العموم حكينا هذا مثل كلام الخواجات عن القطار البخاري (ولى زمانه) والحمدلله الذي انعم علينا بنعمة الكهرباء وغيرها

[فهد-بوعبدالله]

مشكور ويعطيك العافيه

[ابو مشعل2]

والله فكرة حلوة

شكرا لك

[سوبر VTC]

على طاري الددسن :)
الله يرحم ايام الهايلكس 77
كان اذا نام عمي الله يرحمه جبنا ملعقة و نقزنا الباب و السويتش و شغلناه :d
***
عموما فكرة ممتازة تنم عن عقلية مفكرة :)
لكن سؤالي اذا اشتغل الكهرب 220فولت
كم تكون سرعة الددسن ؟
على اي نمرة القير ؟
تحياتي

[وَسَام!]

نفس الفكره كان مسويها شخص يسكن الحي اللي بجوار اسكان البحريه جنوب الرياض قبل وصول
الكهرباء لهم بس كان هو مثبت الدنمو بقاعده في الحوض وتستطيع تحريك الدنمو وشده
ومفتوح الرفرف من فوق والسير موضوع على جنط فاضي وكانت شغلة السياره لتوليد الكهرب !
وكانو ابناء هذا الشخص يركبون الجنط الثاني الموجود به الكفر ويلحقون بالغنم اذا كان ابوهم غير موجود!

[رسلان]

الله المستعان يابو عبد الله
فعلا ً طريقة عملية و أذكر الشباب في المطية سوو مثل الطريقة لنور الملعب برمضان
عافية على الصورة والطريقة
والدينمو هذا في الأصل لإيش ؟

[ثورة الشك]

هذي الطريقه مسوينها قبل حوالي 25سنه بس كان دينمو مثبت بالصندوق ومقصوص الدبه اللي تجي فوق الكفر الخلفي

والطريقه هي رفع السياره بالعفريته وتوضع السياره بالنمره الرابعه ويتم زياده السرعه عن طريق زياده وزنيه البنزين بالكلبليتر وكانت لاتريح الافتره بسيطه جدا
ولكن الدينمو اللي كان راكب وكيله البسام وكان مزعج بعض الشي
وكانت السياره المستخدمه ددسن 78

الله يذكر ذيك الايام بالخير ياليت الزمن يرجع بس

[العجمي9]

الله يععطيك العافيه ومشكور على الاختراع

صدق لاقالو العرب ماخلو للانجليز شي

[ابو زكي]

فعلاً الحاجه ام الاختراع
يعطيك العافيه على هالمشاركه

[speed 557]

ماشاء الله تبارك الله

[its right]

شغل عدل
تشكر على الفكرة الجميلة

[ابوفهيدان]

هاذي انا شفتها بسوريا بس يجيبون مكاين سيارات صغيرة مع قيرها ويركبون عليها دينمو اكبر من اللي عندك ويشبكونه بعمود من القير ويقعد يبدل بالقير لين يوصل سرعه معينه ويثبت الدعسه وتنور الضيعه يعني الهجره

[تميم]

الشكر كل الشكر لمن شرف الموضوع

[ابوغلاب]

مشكووورر فكرة حلوة وكانت تطبق عندنا ايضا الى قريب

[سيف الظفير]

الله يذكرك بالخيـــــــــــــــــر

[ماجد 9]

والله اخوي تميم اني مستحي اقول انها قديمه
لانها فعلا قديمه لأني انا مسويها عام 1409 بنفس الطريقه بس اني رابط الدينمو بالصندوق وفاتح من عند الرفرف ولا يتحرك
لان حسب الصوره يمكن يتحرك وبعدين ينفك السير
على العموم هي فكره حلوه وتقبل مروري

[المحاارب]

ممتازه الفكره ومجربة

مشكور اخوي لاهنت

[جمران]

فكرة حلوة يبو عبدالله بس ماتكفي هالصورة نبي صورة المخيم
واعضاء المخيم ومطبخ المخيم وملعب الطائرة وووووالخ ;) ;)
الله يجزاك عنا كل خير

[تميم]

بارك الله فيكم اخواني على مروركم الكريم

وتشريفكم لهذا الموضوع

[منتعش]

بارك الله فيك أخوي : تميم
وفكرة حلوة وممتازة
ومثل ما قال مشرفنا الغالي : ناصح لو كان على الجنط أفضل
الله يوفقك ويسعدك ويبارك في جهودك
وننتظر جديدك .

[سعودي نت]

الحاجة ام الاختراع

[ابو شهد جدة]

ما شاء الله فكرة ممتازة.

بس كم تكون السرع عشان تنتج الكهرباء من الماطور؟؟

[برنو بيشة]

يعطيك العافيه وألف شكر

[سرهيد]

الله يذكر زمان طاف

الله المستعان

الحقيقة اذكر هذي الطريقة وانا عمري تقريبا 10 سنوات كنت اجي للغنامية وفيه بيوت مشغلها كهربها بالطريقة هذي

الله المستعان

تقبلوا احترامي

[بـلـيـهـان 1]

طريقه طريفه و رائعه جدا :) و الحاجه أم الاختراع فعلا ً :)
تحياتي الجزله لك

[ولد صقير]

ماشاء الله عليكم
تحياتي ........

[سهم VTC]

فكره رائعه..

يعطيك العافيه..

[راعي المجمعة]

فكرة ممتازة بس على ماسمعت لها تأثير بالكارونة

[الوافي2006]

اخي الغالي فكره جيده0 يعطييك العافيه

[أبن حرب]

بارك الله فيك أخوي ..
وفعلاً الطريقة رهيبة ..
وذكرتني أيام المزرعة ...
لا تعطلت المكينة حقة الماء ..
رفعنا السيارة ( 79 ) م ...
وركبنا الجنط بدون كفر ...
وحطينا السير عليها ...
وفك أزمتك ...
.......

[تميم]

الشكر الخالص لجميع أصحاب الردود

مع التحية

[القمري]

طريقة ممتازة وحل ممتاز خاصة اذا تعطلت الماكينه سؤالي
كم تعادل القوة هل تزيد عن 50 كيلو وات مثل الدينمو البرتقالي
ننتظر الاجابة من المختصين

[nono2020]

يعطيك العافية بس الى ما عنده هايلكس وش يسوي

[nono2020]

يعطيكم العافية على الفكرة
واللي معه دفع رباعي وشكرا وش يسوي

[nono2020]

مشكوررررررررررين ويعطيكم العافية مجرد مزحه بدون زعل

[إلياس المطلق]

بارك الله فيك أخوي ..
وفعلاً الطريقة رهيبة ..
وذكرتني أيام المزرعة ...
لا تعطلت المكينة حقة الماء ..
رفعنا السيارة ( 79 ) م ...
وركبنا الجنط بدون كفر ...
وحطينا السير عليها ...
وفك أزمتك ...

.......

ممكن مزيد من الشرح بالتفصيل ,,

[crash.mad]

ما شاء الله عليكم والله رجال

[روحي شمالية]

هذ زمان جدي كان يجطها اول بالديرة
اول مافيه كهرب بس كانت على جيب شراع وكان اول واحد بالديرة سواها هو
والناس مستغربين كنا نحط السير على الجنط ونعشق الموتر برابع والموتر مايطفي الصبح
شغال والليل كهرب يوم كانت المواتر متعددة الاستخدامات خههههههههههههههه

[سال السيل]

ما شاء الله تبارك الله..
ههههههههههههههههههههههه..
والله يا أنتم منسمين يالرساوية..
كفو والله الاختراع طيب الصراحة..
تعجبني المواهب الشبابية..

مشكور أخوي الغالي تميم على هالفكرة الرائعة..
** تقبل تحيات وتقدير أخوك سال السيل **..