البر .. مكرمة جديدة من شخصية معروفة

[حفرلوجيا]

سلام يالربع
لفت إنتباهي بكاريكاتيرات الساخر عبد السلام الهليل بجريدة الرياض انه ينتقي في أيام الإربعاء ( احيانا ) موضوعات تهم الكشاتة .
واليوم طرح شخصية ( حمد المصرقع (http://www.alriyadh-np.com/Contents/21-01-2004/Mainpage/CART.php)) في الكاريكاتير الساخر التالي :


http://www.mekshat.com/pix/upload/images3/CART2[1].gif

وكان بعض المكشاتيين هنا قد تناولوا شخصيات من هذا النوع .. وفيما يبدو لي أن ( المصرقع ) هذا اللي مليان ( ثقة في غير محلها ) يوحي لربعه ( موهوما) بهذه ( الثقة ) بأنه مكسب بكشتتهم .:mad: ويحرص هذا ( المليح ) من بداية التفكير بالكشتة على التمتع بـ( مزايا خاصة به) .. هذا في حالة ان القطة لك عليه .. لكن لو هو ( قاط بالكامل ) كان علوم ! .. يعني ياويل ربعه بهالحالة عند ( أدنى الدون ) يردد : ترانا مثلكم قاطين ماحنا نشحذ من مخابيكم ) .:(
عموما حمد المصرقع وهو يقدم مكرمته في أن تكون قطته البر ( شخصية معروفة ) لدى المكشاتيين بـ( مزاياها الخاصة ) التي منها ( الربادة , والتناحة متوجة بالإستدلاخ ) .
وغالبا اللي مثله طوال الكشتة لابس فروته ( والمنقاش مايفارق سنونة ) :D
وسلامتكم

[شاهد عيان]

هههههههههه

ياكثرهم مثل كذا ..

شكراً لك

[Bader-M]

هههههههههههههههههههههههه
.......
والله ان الهليل
مصرقع
ويعرف وشلون يدق
...........
اقول
لا يكثر هذه الاشكال
........
والله يكون في عون من طلع معهم مثل هذه العينه
.......

[عاشق الشروكي]

السلام عليكم ورحمة الله وبركاته
الاخ العزيز ابو سليمان كنك داري عندي واحد من الربع اول ما نقول بنكشت هو اول واحد يركب وقدام واذا وصلنا ينزل ويحط يدينه في وسطه وتبدأ التعليمات شيلو ذا وحطو ذا هنا ويقولها وهو مبتسم زود على الغلاسه
مثل هذا وش نسوي به وتقبل شكري

[الطبيب]

حفرلوجيا عليه العزبه

شاهد عيان عليه الخيمه


طاير بالعجه عليه الموتر

عاشق الشروكي عليه جراكل الماء والماطور

وانا بحكم انكم ما خلليتولي شي

علي السوالف والاماره

========================

فعلا اخوي حفرلوجيا

ياكثر ها النوعيات والله انهم اكثر من الهم على القلب

خصوصا اللى اذا قرصه الجوع قال منهو عليه العشاء


دائما متألق اخوي ابو سليمان

وراجع رسائلك الخاصه



اخوك

الطبيب>>>> مزعج جدا بالرسائل الخاصه

هذا والله اعلم

والسلام ختام

[مراكي الذيب]

الله يعطيك العافيه اخوي المبدع حفرلوجيا.


فعلا بعض الناس حتى النفس يبيك تنفخ بوجهه والا مايتنفس ,,,, لكن هالاشكال ذي ماتعدى الديره .

[راعي عنيزة]

يا كثر ذا الجنس يابو سليمان ;)

والي اردا منهم نوعية قطتهم العذرايب :d
مثل واحدن بذي الدنيا قد سمع شريط للروايه الشرهان يتكلم فيه عن واحدن يقاله علوش يبخص بالقهوه
ومن عقبها واخينا بالله متقمص شخصيه علوش ومبلشنا ومن يوم تطلع دلتك من العزبه وهو يعذرب الدله هاجره القهوه فاثله الهيل مبطي قهوتك صايده

وهو ياشيخ قهوته من شينها تعافها البقر :D

[الحاتمي]

تسلم والله يالغالي حفرلوجيا
ووالله فرق بين حمد المصرقع
وبين واحد عرضت عليه كشته معنا
قال
بشرط علي مصاريف الكشته من الى....
قلت ترى الدعوى قطه ووش يبقى لنا؟
قال يبقى لكم المؤذن والامام والاميرمنكم واذا مارضيتوا
الله يستر عليكم بكشتتكم ويسهل دربكم....

[عجاج]

صح السانك اخوي حفرلوجيا
فعلا الناس اجناس ومثل ماقال احد الشعراء
ااشفق ام ارثي لحال صويحب ***** يرى انه المتبوع والكل تابع
اذكر واحد من الربع اذا بغينا نكشت قال مانروح الا بموتري ( الرجال كريم) المهم مره من المرات نبي نكشت وموتره متعطل طلعنا بموتر احد الشباب يوم انتصفنا بالطريق وقفنا نعبي بانزين الا يوم طمر بمرتبة السواق اخينا الكريم قال مايسوق الا انا.. صاحب الموتر قال ابد انا ابسوق ماتعبت.. رفيقنا الكريم رفض النزول من الموتر وقام يزنبنا انا اطلع بكم بموتري دايم واكشت بكم قلنا صح بس هذي رغبك انت الي تشرط علينا موترك
بالنهاية اتفقنا ان الطلعة كل مرة على سيارة وعسانا نسلم .
^
^
الموضوع شيق ويخلي الواحد يهيض عن الي بخاطره والقصص كثيرة ..........

[Bo Rashed]

السلام عليكم ورحمة الله وبركاته

اخوي حفرلوجيا الظاهر ان الرجال اسمه الاستاذ حمد المصرقع لاحظ الالف قبل الاسم يعني خوينا ما هوب سهل ويحق له انه بس البر اللي يكون عليه.

لكن كله كوم ووقت التحميل كوم تلقى اللي يتصدد واللي يتهرب واعذار تطلع ما تدري من وين، واغرب عذر مر علي في حياتي قاله واحد من الشباب الله يذكره بالخير يوم جا وقت التحميل وبنمشي قلت يله يا فلان حملنا وكان الوقت علينا صيف والشمس تشوي العلبا قال والله يا بو راشد انا "هو" فيني شحطه في بلعومي ومقدر احمل معاكم انا انسدحت من الضحك ولا قلت له شي يكفي الوناسه اللي سواها لنا.

تحياتي لشخصك الكريم

[حفرلوجيا]

عندما نقطف من الصحف أو من المصادر الأخرى .. قد يكون من الأنسب أن نوجه أو ( نصبغ ) مانقطفة برأي أو إضافة أو إضاءة أو معلومة .. بمعنى ألا يكون ( القطف ) جامدا .. وأستثني إذا كنا نورد أخبارا أو حقائق ( مجردة ) .. تهم المكشاتيين.... هذه ( وجهة نظر ) ليس إلا ..
والمصرقع في كاركاتير الهليل ( في إطار ) ذلك ..
ولاأظن أننا بحاجة للتأكيد على أن يكون الضابط الرئيسي إهتمامات منتدى مكشات .. حتى لانتعرض لدخول ( المشرفين الشرس ) .. :p
-------------
أخوي شاهد عيان : شكرا .. ونرجو ألا يكون أمثال حمد المصرقع أغلبية .
أخوي طاير بالعجة : شكرا.. اللي يجرب يرافق مثل المصرقع مرة أظن مايكرر يخاويه إلا إذا كان مثله أو مجبور فيه ( حكم القوي ).
أخوي عاشق الشروكي : شكرا .. الله يعينك على خويك اللي ذكرني بسالفة قالها أخونا راعي الحزم عن خوي لهم ماسك عليهم ( دامك واقف هات ... ) وكل من قام في كشتتهم قال له ( دامك واقف عطنا ... ) والأخ جالس ومتبختر.
أخوي الطبيب : شكرا .. وتسعدني برسايلك .. تمام أمير وطبيب .:good:
أخوي مراكي الذيب : شكرا .. إما عاد اللي تقول عليه حتى النفس لازم تنفخ له ... مصيبة . :D
اخوي راعي عنيزة : شكرا .. :D:D:D .. الله يعين اللي يخاويك ولا يتسنع :D ومع ذلك رحمت اللي تقول عليه متقمص الشخصية من ( رجدك ) به .. ياحول .. ( تعافها البقر !!:D )
أخوي الحاتمي : شكرا .. ورفيقك مكشاتي حقيقي .. يازين الكشتة معه ..
اخوي عجاج : شكرا .. ومن قال .. على سوالفك شكلك انت وربعك ترجعون من مكشاتكم متنكدين ..
-
-
-
على شان ودكم تكسبون وقت أكثر مع بعض .:good:

أخوي Bo Rashed : شكرا .. حمد أو أحمد المصرقع بلانا من شخصيته .. أما رفيقك أبو شحطة .. الله يضحك سنك :D