ماهو نوع الأسماك اللي بالصورة؟؟

[حداق مبتدئ]

السلام عليكم ورحمة الله وبركاته


اخواني المكشاتية هذه أول مشاركة لي للمنتدى الرائع والذي استفدت منه كثير في تعلم الحداق


هذي صورة لسمك صطدته أمس ودي أعرف وش نوعه خصوصا هذا المخطط لأني صطدت منه كثير ياليت تفيدونا بعد إذا تؤكل أو لا أو ممكن تصلح طعم؟


http://www7.0zz0.com/2008/09/17/22/879399638.jpg (http://www.0zz0.com)


ودمتم بخير

[باترول 82]

حياك الله بالمنتدى بين اخوانك وإن شاء الله تفيد وتستفيد اخوي

والصور ماعرف منها غير السمك المخطط ونسميه عندنا بالغربية جعبول وطعمه طيب
بالهنا والعافيه على قلبك

[ابو شهد جدة]

ما في معلوم.

ممكن باقي نفرات جيب خبر.

[omer 2007]

هلا والله فيك بالمنتدى

ياخوي انا ما أعرف الا اول سمكه ويسمونها بالشرقيه((كليب الدو)) احذر منها فهي سااااااامه في الشوكه الي فوقها
وهذا ماعندي

وشكرا وانشأ الله الاخوان يفيدونك:)

[هدير الموج]

ليست من اسماك البحر الاحمر لذلك لا اعرفها

ربما هناك من يعرفها من الاخوة ( وفوق كل ذي علم عليم )

دمت بحفظ اله ورعايته

[العبقري 1]

الأربع اللي من تحت اسمها ( قضوم )

[am2006m]

اولاً هذي من اسماك الخليج العربي
الصورة الاولى : شليب الدو
الصورة الثانية : حاسون
والبقيه : زمارير ( زمرور )


تحياتي

[( برى بحرى)]

الاول ( جليب الدو ) له 3 شوكات حارين وموجعين جدا وليست سامه

الثانى حاسوم او حاسون

الباقى كلهم زمرور

تحياتى

[حداق مبتدئ]

اخواني ماقصرتوا ويعطيكم العافية كفيتو ووفيتو

جليب الدو هذا جرح خوينا يمني كان جنبنا لم كنا نصيد قال خلني أجرب أفكها من السنارة إلا وتفتح شوكاتها الثلاث وتجرح خوينا مسكين كان يبي يتسلى معنا من الصبح مو جايه نوم ونزف نزف مسكين الله يساعده خذت تلفونه وتطمنت عليه بعدين أوكي ( يعني شكلها مو سامة زي ماقال أخونا بري بحري )

طبعا هذا جليب الدو مايوكل بس الباقي شلون أجهز الفحم واشويهم والا طعمهم مو شي أو أستخدمهم طعم أقصد الزمارير طبعا

ومشكورين على ردودكم السريعة

[فهد-بوعبدالله]

الاول........ شليب الدو لايأكل بس مو سام
الثاني ....... حاسوم يستعمل اكثر الوقت طعم
الثالث.......... زمرور صغير الحجم يعني ماتقدر تقليه ولا تشويه

[صياد بس هاوي]

آخر أربع "زمارير" أعرفهم عدل لأني ياما ابتلشت بهم
دايماً يطلعون لي
بحر الشرقية مليان منهم الظاهر هههه

والباقي أول مرة في حياتي أشوفهم

[حداق]

السلام عليكم جميعا //صحيح بالنسبه للسمكة الاولى كليب الدو اضافه الى ما تفضل به الاخوه فهي ليس لها صدف بمعنى مثل جلد القرش وعليها ماده مخاطيه لزجه عند صيدها صعب فكها من السناره وتستطيع ان توقفها على شوكات بطنها على الارض وتكثر في هاف مون بالشرقيه ايام البرد البقيه حاسوم وزمارير بس حجمهم طيب لانو في الغالب يكونوا اصغر بكثير من هالحجم والزمرور عادة يخرج صوت عند خروجه من البحر يمكن اللي يصيده اول مره يستغرب وشكراا واااسف على الاطاله

[القبقب]

اولاً هذي من اسماك الخليج العربي



الصورة الاولى : شليب الدو
الصورة الثانية : حاسون
والبقيه : زمارير ( زمرور )



تحياتي


أتفق معاك لكن
الصورة الاولى كليب الدو
الصورة الثانية هو سمك الحاسوم

[حصيات الشهب]

السلام عليكم اخوي الصوره الاولى معرفها والثانيه تصلح لعف
والثالثه اسمه جعبوب احلى لعف مايسمعبه الهامور والحوت الكبير ودمتم سالمين...,

[الجنك]

ما اعرف منهن غير الجعبول اللي تحت