خزان ماء لليوكن

[البدائع ديرتي]

السلام عليكم
وتقبل الله منا ومنكم صالح الاعمال
تكفون ودي اركب خزان للموتر فيبر او سانستل او المنيوم
وين الورشة الرخيصة والزينة
طبعاً السيارة يوكن XL

[البارق 2006]

حدد محلك وحنانفيدك :good:

[الوفي]

نصيحة وأنا أخوك وحاول تسمع مني

جركل جركل جركل

وابعد عن التوانكي

[يوكن 2001]

السلام عليكم مثل ماقال اخوي الوفي الجركل احسن من التانكي اول شي غاليه اما الجركل 70 ريال وانت ماشي

[فهد-بوعبدالله]

الجركل ممتاز مثل ماقالو الشباب ........ واذا بغيت خزان عندك خزان الوادي ممتاز وعليه ضمان ويركب على جميع السيارات

[ديزب]

جركل جركل جركل جركل جركل جركل

[المنيع]

السلام عليكم ...

الجركل أفضل من التانكي بكثير بس الجركل ممكن ما يكون دايم في السيارة وتحتاج للماء ..
أما التانكي فأنا من المؤيدين له والناصحين بتركيبه - هذا بعد ما خرج لنا أنواع خفيفة الوزن ولاتملح أو تصدأ ولاتثقل على السيارة مثل الألمنيوم والفايبر وغيرها - لأنك أحيانا تحتاج الماء بشكل مفاجئ ... مثلا تغيير كفر أو طلعت البر وجاء للماء حاجه وإلخ ...

هذا الكلام إذا كان مقاس التانكي صغير جدا يعني من 25 إلى 40 لتر

آمل ان الفكرة واضحة

[سوبر VTC]

لا تعدا الستيل او المنيوم
لك و للزمن
تحصله عند عروق الشمال او السنيدي
و اكيد يفصلون اللي تبي
بس ارخ الدراهم
تحياتي

[إعصار]

نصيحة لا تأخذ من السنيدي التانكي ,, شغلهم في التوانكي مش حالك ..


ما اقوله من فراغ هذا كلام الكثي ممن جربو حقتهم ..


نصيحة ركب عند عروق الشمال .. او الوادي بالرس ..

[B.A]

sztin10 وانا اخوك هنا موقع متخصص بالبر والرجال وعلومهم اذا ودك تعرض العاب المخبر كونان 1-660 رح للمواقع المختصة وخل عنك حركات البزران

[slman]

اللي اعرف ان لايمكن يركب تانكي في اليوكن بسبب الأسبير
ممكن تشيل الأسبير وتركبه داخل على جنب وتسويله تلبيسه
ولو سويت كذا بيركب عندك تانكي 120 لتر مكان الأسبير
وأنصح باليحيى اللي بحي السلام بجنب ركن العثيم وعليك بالألمنيوم

[عقرباء]

نفس التسائل؟!

التانكي ماعنه غناة نبي التانكي إلي يركب تحت وليس في داخل الموتر وعلا حسب علمي ان السنيدي وبرق الحيا ماعندهم إلا إلي يركب داخل الموتر..

[B.A]

خذ هالرابط والله يوفقك


http://www.t63ys.com/a3lan/yahya/yahya.htm