مخطط على الشرقية ان شاء الله افيدوني

[السهران1]

السلام عليكم ورحمة الله وبركاته

اخواني انا مخطط ان شاء الله على رحلة صيد من الشاطئ في ثلاث مناطق في الجهه الشرقية من ثاني العيد وش تنصحوني فيه من ناحيه توفر الصيد

1- الدمام والخبر
2- البحرين
3-الجبيل

ولكم خالص التقدير

[ابوميدار]

ياهلا فيك
الدمام .. ورا الفنتايم بيتزا
الخبر .. ماعندي علم
البحرين .. ماعمري صدت من هنااك
الجبيل في اماكن كثيره ان شاء الله الشباب يفيدوك فيها

واذا تبي شي اوكي وان شاء الله ماترجع فااضي رأس بو قميص


تحياتي

[ابو شهد جدة]

بالتوفيق اخوي السهران. بس لاتنسى الصور.

[هدير الموج]

حظ سعيد وصيد وفير ومن الله التوفيق

[السهران1]

جزاكم الله خير جميعا

وان شاء الله يرزقنا ربي العالمين واصيد صيد يبيض الوجه

ماقصرتوا الله يعطيكم العافيه

[سلطان الأحساء]

والله اني مثلك جاي للشرقيه بس من 4 العيد

اذا ودك اخاويك للجبيل انا جاهز سنوركل

[السهران1]

هلا والله اخوي بحر و بحر ونعم فيك اخوي
ان شاء الله ان صارت للجبيل مالي الا الله ثم انت اخوي

تقبل تحياتي

[امير الخيال]

اذا تبي الجبيل قرب مرسى قوارب الفناتير على اليمين فيه قصه غير شكل والصيد هوامير وقدود تبي سبيتي وشعري وفسكر على يسار المرسى



تحياتي امير الخيال ( عاشق الحداق )

[نمط]

اخوي السهران1 / السلام عليكم ورحمة الله وبركاته
بخصوص محادق الشرقية فأفضلها تقريباً " الجبيل "
تلقى فيها الشعري والهامور والقد والفسكر
لكن الصيد الآن أصبح شحيح جداً , وحنا نحدق أحياناً سنة كاملة في الفناتير وغيرها وما يطلع معنا ولا حبة هامور

وفي العيد الأماكن تكون زحمة وضجة , وانصحك تروح الأماكن اللي تحتاج تصريح مثل "راس ابو علي"
فيها صيد واماكن هادئة

ومنيفة تبعد عن الجبيل تقريباً 150 كيلو , على خط الكويت , لكن فيها صيد وفير وخصوصاً لسبيطي متوفر فيها

انا لو كنت متواجد في العيد رافقتك لأي محدق تبيه خصوصاً في الجبيل وفي محادق القطيف مثل الرامس

لكن انا أخيم في منيفة لمدة أقلها 6 أيام
اذا ودك تشرفنا في منيفة أبشر بعزك , ولا تجيب معك شي , كل شي كامل والكمال لله سبحانه
لطعوم والسنارات ولخيوط لا تشيل همها
ومأكلك ومشربك ومسكنك
ما عليك اللا تجي واخاويك لأماكن تعجبك ونعمل اعدام للسبيطية
ننزل مدود حنا , وبعدها نطلع لجزيرة نمشي خباط عشر دقايق , وسباحة 15 متر تقريباً , ونزل خيطك واسحب
ونعاود في الثبر ونعاين المد ونطعمه ونرجع
وتصيد مثل هالزين في شكة وحدة وبيوم واحد
http://www.al-baharh.net/up/uploads/images/al-baharh5ad1ca62e9.gif

اطلع على هالموضوع وشوف صيدنا في منيفة بالتفاصيل:
http://www.mekshat.com/vb/showthread.php?t=144688 (http://www.mekshat.com/vb/showthread.php?t=144688)

وقت ما تعزم عطني خبر عالخاص واعطيك التفاصيل بإذن الله , انت أو أي احد من أعضاء مكشات
ماعليك اللي تشرفونا بس والباقي علينا , وبإذن الله تريح بالك وتوسع صدرك

[السهران1]

وعليكم السلام ورحمة الله وبركاته
مشكوووووووووووووور اخوي لي الشرف في اخوتكم وبيض الله وجهك عز الله انك طيب وهذا من طيب اصلك والكرم طبعكم . الصراحه اخوتكم ماتنعاف يالغالي
ان شاء الله ارد لك خبر على الخاص اذا مشيت من الرياض ثاني العيد

[عاشق تالا]

هلا وغلا اخوي في الجبيل مرسى القوارب

وفي الدمام شاطي العزيزيه
او قرب الفن تايم
وسمعت عن منيفه
وهذى وصف منيفه قد اخذته من اخوي

منيفه العضو المتألق
قبل كل شي لا زم تروح من الصبح بدري وأفضل يكون قريب من نصف الشهر الهجري والطعم راح يكون ربيان والأفضل يكون من ربيان المزارع ( لونه أخضر )وكل ما صار أصغر يكون أحسن ، والسيارة ما عندك مشكلة بس حاسب شوي ) وطريقة الصيد بالسنانير اليدوية والمجادير تكون متوسطة عشان الشعوم

موقع منيفه :
الموقع يبدأ من طريق ابو حدرية الدمام متجه إلى الكويت
بتجيك على يمينك محطة أسمها ( محطة أبو حدرية) اتعداها وبعد بـ 30 كيلو تقريباً بتشوف لوحة على يمينك مكتوب عليها مركزمنيفة تلف معاها يمين وبعد 1 كيلو تقريباً بيجيك على اليسار شارع جديد 15 كيلو تقريباً تروح وياه وخلك منتبه من اللفات وبعدين يقفل الشارع ويجيك أمامك شبك والبحر يسارك روح للبحر وخله على يمينك وأمش تقريباً 10 كيلو وهناك وبتجيك صخور على البحر وحزوم ( يعني جبال صغيرة ) وعقم تعداها وحاول تكون جنب البحر وإذا وصلت العقم أعتبر نفسك في منطقة محظورة وأسمها شوكة تعداها إلى أن توصل الراس

[السهران1]

هلا وغلا اخوي في الجبيل مرسى القوارب

وفي الدمام شاطي العزيزيه
او قرب الفن تايم
وسمعت عن منيفه
وهذى وصف منيفه قد اخذته من اخوي

منيفه العضو المتألق
قبل كل شي لا زم تروح من الصبح بدري وأفضل يكون قريب من نصف الشهر الهجري والطعم راح يكون ربيان والأفضل يكون من ربيان المزارع ( لونه أخضر )وكل ما صار أصغر يكون أحسن ، والسيارة ما عندك مشكلة بس حاسب شوي ) وطريقة الصيد بالسنانير اليدوية والمجادير تكون متوسطة عشان الشعوم

موقع منيفه :
الموقع يبدأ من طريق ابو حدرية الدمام متجه إلى الكويت
بتجيك على يمينك محطة أسمها ( محطة أبو حدرية) اتعداها وبعد بـ 30 كيلو تقريباً بتشوف لوحة على يمينك مكتوب عليها مركزمنيفة تلف معاها يمين وبعد 1 كيلو تقريباً بيجيك على اليسار شارع جديد 15 كيلو تقريباً تروح وياه وخلك منتبه من اللفات وبعدين يقفل الشارع ويجيك أمامك شبك والبحر يسارك روح للبحر وخله على يمينك وأمش تقريباً 10 كيلو وهناك وبتجيك صخور على البحر وحزوم ( يعني جبال صغيرة ) وعقم تعداها وحاول تكون جنب البحر وإذا وصلت العقم أعتبر نفسك في منطقة محظورة وأسمها شوكة تعداها إلى أن توصل الراس


جزاك الله خير اخوي وصف واضح بيض الله وجهك اخوي

ماقصرت

[صياد خليجي]

الجبيل والدمام والخبر الصيد خوش فيهم

[السهران1]

الجبيل والدمام والخبر الصيد خوش فيهم


جزاك الله خير اخوي الله يرحم والديك