حصريا على مكشات...( فوائد الشماغ ) + الطبيب...... بالصور

[الطبيب]

السلام عليكم ورحمة الله وبركاته

اخواني الاعزاء علشان نبعد عن الكلام وكثرته

هذه بعض فوائد الشماغ ( المجربه )

اولا :- عند القنص خصوصا وقت القميري والدخل والجو الحار يستخدم الشماغ كواقي من الشمس

http://www.mekshat.com/pix/upload/images3/shmgh1tm.jpg

ثانيا :- عند الشعور بالبرد او الصداع يمكن لفه على الراس كما في الصوره

http://www.mekshat.com/pix/upload/images3/shmgh3h.jpg

ثالثا :- عند الاصابه ( لاسمح الله ) يمكن استخدامه مثل الضماد كما في الصوره

http://www.mekshat.com/pix/upload/images3/frstaid1.jpg

رابعا :- يمكن تتحزم فيه وقت الشيل والحط والبرد كما في الصوره

http://www.mekshat.com/pix/upload/images3/7zam.jpg

خامسا :- اللثمه وقت البرد كما في الصوره

http://www.mekshat.com/pix/upload/images3/letham.jpg

سادسا وهو الاهم :- استخدامه وقت الصيد للتخفيف من رجف الشوزن على الكتف كما في الصوره

http://www.mekshat.com/pix/upload/images3/hunting1.jpg

وارجوا ان يكون الشرح والتصوير واضح

هذا والله اعلم

والسلام ختام

اخوكم

الطبيب>> عضو ما يخاف يبين وجهه لباقي الاعضاء:D

[خشم الحصان]

الاخ العزيزالطبيب
مشكور اخوي علي الموضوع بس اخوي نسية شي مهم وهو انك تستطيع التلطم به ادا اقبلة علي احد الدحول
وفيه جيف ميتة الله حسيبهم
اخوك
خشم الحصان:D

[بن سليم]

بعد التحية والاحترام :

أخوي العزيز :

الطبيب ...:love2:

كل الشكر والتقدير على ماقمت به في سرد موضوع فوائد الشماع ...


الله يعطيك العافية ....

حبيت أضيف شئ بسيط من فوائد الشماغ أيضاًَ ......

لامريت إحد نقاط التفتيش وتكون النية للقنص : تشخص وترسم بالشماغ منعاً للتعطيل ... :burnout2:

ونت خابر علومهم الله يحفظهم ...

وأخيراً تقبل مني احلى تحية ......

أخوكم : بن سليم:D

[معمرها]

......)(بسم الله الرحمن الرحيم)(........



.............)(السلام عليكم ورحمة الله وبركاته )(.............


ــــــــ:: يعطيك ألف عافيه اخــي



(((( الطبيب ))))

على الموضوع


شـــكـــراُ

[الحاتمي]

مشكور يالطبيب اللي مايخاف وماقصرت على فوائد الشماغ
واضيف على كلامك
1/ يمكن ان تستخدمه لفك غطى الراديتر اذافورت السياره
2 / يمكن ان تستخدمه لمنع مرور الدم في حالة لدغة الثعبان لا قدر الله
3/ يمكن ان تستخدمه بالتلويح به الى اعلى في حالة اردت تنبيه شخص بعيد
4/ يمكن ان تستخدمه كوسيلة تبريد في الحر(وقت الضبان) وذلك بغسله بالماء وفله ثم لفه على الراس
5/ يمكن ان تستخدمه بيز للبريق والدله
6/ يمكن ان تستخدمه لتكتيف اي شخص سواء عدو او واحد من ربعكم مانفذ اوامر الاميروترك المواعين ماغسلهن:D
وباقي فائده من فوائد الشماغ كانت قديما منتشره والان لاتستخدم الا وقت الزنقات اذا تعذر وجود
منديل;) ;)

[أبو يوسف]

مشكور اخوي الطبيب على سرد الفوائد وحصرها


تحياتي

[ابو سمر]

الله يعافيك ياخوي على التذكير واحسن من طواقي الشباب هااليومين وكل سنة وانتم في ربيع ان شاء الله ودمتم ..

[الطبيب]

السلام عليكم ورحمة الله وبركاته

اخوي خشم الحصان

عز الله انك صدقت الدحول مليانه جيف والمصيبه الابار ما سلمت من الجيف
-----------------------

اخوي ابن سليم

اثريك تكشخ واترزز قدام نقط التفتيش;)

يعني امير بالفطره ( اجل ما الوم حفرلوجيا يوم نصبك امير ) وتستاهل يا الغالي

--------------------

اخوي
معمرها شكرا لمرورك

-------------------

اخوي المثقف الحاتمي

شكرا على المرور والاضافه لفوائد الشماغ اللتي لا تحصى ( خصوصا عند عدم وجود مناديل:D )

------------------

اخوي ابو هديل شكرا لمرورك وتعليقك على الموضوع

-----------------------------------
-----------------------------------

اخواني

حبيت اطرح هذا الموضوع لاني لا حظت في الاونه الاخيره ان قراشيعي الخاصه بالبر واجد وكلفتني الكثير بينما فيه البديل اللي يغنيني عن اغلبها وهو رخيص كما تعلمون وله اكثر من فائده

شكرا مرة اخرى لمروركم على الموضوع واضافاتكم وملاحظاتكم اللتي لا استغني عنها


اخوكم

الطبيب>> توه يدري وشهو الشماغ

هذا والله اعلم

والسلام ختام

[عبد الله الفايز]

لاتنسون بارك الله فيكم انه يصلح منشفة يعني غسلت وجهك وايديك ولا حولك منديل ولا منشفة عليك بشميغك الله لايهينك هذا إذا ماكان جديد وحسافه طبعا.

[الخبير]

شغل نظيف والله يالطبيب

وباتوفيق وعجل علينا بالمواضيع إلي تقول لي عنها.

[حفرلوجيا]

عاد تبون الصراحة .. ترانا محظوظين بها ( الشماغ ) عن بقية الشعوب والفوايد اللي طرحها أخوي الطبيب وبقية الاخوان دليل .. خاصة إذا زودنا ان الشماغ ( يستر عوافي الله ورحمته ) يعني اللي قذلته على أول نقصانها ويبي يصير أصلع .. واللي على رأسة أثر الطفولة الهادئة ;) ..ساترهن الشماغ .
عموما تشكر أخوي الطبيب اللي ( مايخاف يبين وجهه لباقي الاعضاء ) .. صحيح منتدانا بعيد عن ( دنفسة ) المنتديات اللي خبركم .. إذا لا مشكلة :good:

[هواوي]

صراحه موضوع رائع

واحب اضيف فوائد جديده

1- واير وقت الزنقه اذا ما فيه حبل
2- تربطه من ورى ظهرك وتلفه على ركبك وانت جالس القرفصاء زي ما يسوون الاخوه اليمنيين لكي يصبك زي الكرسي او المساند
3- اذا قابلت احد وما تبيه يعرفك طق اللطمه:D
4- اذا تبي تنوم وفيه نور قوي ازعجك فبامكانك تلف الشماغ على عينك وتنام وكانك وسط الظلام
5- تغطيبها القزاز الي من جهه الشمس اذا كانت الشمس قويه وحارقه ومزعجه

[ابو شكاع]

وممكن تستعمله اذا ما كان عندك محارم

وممكن تستعمله اذا نسيت حبل الماطور

ـــــــــــــــــــــــــــــــــــــــــــــ

موضوع ضريف وجميل

شكرا لك

[fares_2003]

يا هلا وغلا بالطبيب

كيف االحال بصراحه ما قصرت والله يعطيك العافيه

والشماغ ما يقصر له اكثر من استخدام حتى اذا تبي تلشط خويك فيه بس اعكفه عكفتين والللشط :D

على العموم الله يعطيك العافيه

[مفتش الريضان]

مشكوريييييييييييييييين على عرض فوائد الشماغ وممكن أضيف إحدى اهم فوائد الشماغ وهو في حالة الدفاع عن النفس أو الهجوم وهذي طريقه لا يتقنها غير المحترفين في فن (التمصيق) أو اللسع وهو ان يأخذ طرف الشماغ ويلفه على الأرض وبعدين يمصق بطرفه الثاني اللي ما يعجبه . وأخوكم مجرب التمصيق بالمدرسة :D ولا ينسى حرته:mad:

[مفتش الريضان]

مشكوريييييييييييييييين على عرض فوائد الشماغ وممكن أضيف إحدى اهم فوائد الشماغ وهو في حالة الدفاع عن النفس أو الهجوم وهذي طريقه لا يتقنها غير المحترفين في فن (التمصيق) أو اللسع وهو ان يأخذ طرف الشماغ ويلفه على الأرض وبعدين يمصق بطرفه الثاني اللي ما يعجبه وكل ما صار صوت المصقة قوي كل قويت الضربة. وأخوكم مجرب التمصيق بالمدرسة :D ولا ينسى حرته:mad:

[مراكي الذيب]

مشكور اخوي الطبيب على هالشغل الطبي.


اضيف على فوائد الشماغ , اذا شفت واحد حايسن الفيضه اويفحط بوسطها او تقل دبشه فضلاته كلها تحته تربط طرف الشماغ بخشمه والطرف الثاني برجوله وتعلقه بالشجره تقل صميل:D .

[بــرق الشمال]

الله يعطيك العافيه اخوي الطبيب انت او باقي الشباب

[الطبيب]

وفعلا فوائد الشماغ لا تعد ولا تحصى

الا تعليقة الصميل حقت مراكي الذيب

هذا والله اعلم

والسلام ختام

[ابو مساعد]

السلام عليكم ورحمة الله وبركاته

ربي يخليك يالطبيب على المعلومات وتشكر والله .

تحياتي

[عاشق الصفاري]

Originally posted by ابو شكاع
وممكن تستعمله اذا ما كان عندك محارم

وممكن تستعمله اذا نسيت حبل الماطور

ـــــــــــــــــــــــــــــــــــــــــــــ

موضوع ضريف وجميل

شكرا لك

[النبراس]

مشاء الله الشباب خبره
لكن الحين انا اشوف الناس مخليه الشماغ واللي على باله لابس طاقيه
احب اظيف تستخدم الشماغ كحبل في شيل الحطب او ربط اي شي
وإذا عندك اشياء كثيره تبي تشيلها حطها وسط الشماغ وشيل (بكشه حجه) .
وتسلمون على هالمضوع الرائع

[الجنوبي]

موضوع رائع....
وتعليقات اروع...
مشكورينيا شبابز