فزعتكم يا اهل اخبرة ؟؟؟؟؟؟

[بسام55]

سلام عليكم ورحمة الله



عندي لاند كروزر في اكس ار قير اتوماتيك موديله 97


والمشكلة انه يطق عندما يغيرالقير


خاصة اذا كنت مهدي ماني مسرع


ماادري وش المشكلة


افيدوني جزاكم الله خير

[مواسي الطعوس]

اذا طق (افتح له)هههههههههههههههههههههههه . مفطر ومستانس ........الحمد لله .

وين الميكانيكيين يعطوننا الحل ؟ انا دخلت علشان ارفع الموضوع .

[سوبر VTC]

اخوي بسام
اذا قصدك ان الموتر اذا غير من الاول الى الثاني او حتى الى الثالث تحس ان الموتر (ينتع او بمعنى يفز)
فهذه صارت بموتري جمس 2001 و الان راحت الطقة اللي عندي
طبعا الاحتمال ان فلتر القير مسكر من الرايش كما ان الزيت احتمال ان موسخ و تعبان و هذا ياثر على القير و يقلل من عمره و يخرب عليك الكلتشات لان الرايش اللي هو رايش الكلتشات و التروس يعدم عليك القير الافضل تغير الزيت و الفلتر كل 40000الف او بعد 35000الف و يطلع القير جديد
الاحتمال الاخر ان حساس النمرة الاولى او الثانية خربان طبعا بعض الورشات يسون تنظيف للحساسات و يظبط الموتر باذن الله
***
لكن ارى افضل حل الان انك تغير الفلتر و الزيت
مع غسيل القير اذا كان تعبان و مليان رايش تحصل على نفس كرتير القير ماص او حتى الصرة و هذا يمسك الرايش و حط زيت جديد و عشق جميع النمر عشان يدور الزيت على جميع الكلتشات و هو بنفس الورشة او خله اسبوع و بعد اسبوع فرغه و حط زيت جديد مع الفلتر
ايضا افصل البطارية لانه اذا فصلت البطارية يفرمت الكمبيوتر من جديد لانه احيانا اللخبطة من نفس الكمبيوتر
تحياتي

[بسام55]

شكرا اخوي مواسي الطعوس

على مرورك

[بسام55]

اخوي سوبر Vtc

شاكر لك اهتمامك

المشكله عندي اذا بدت تمشي السيارة وما اكون داعس البنزين لاخر شيء

يطق القير عند التعشيق

مع العلم اني غيرت الفلتر والزيت اصلي من الوكالة

بس لسى الطقه موجودة ممكن تكون فضاوة بالتروس

[بدوي جنوبي]

اخوي بسام
اذا قصدك ان الموتر اذا غير من الاول الى الثاني او حتى الى الثالث تحس ان الموتر (ينتع او بمعنى يفز)
فهذه صارت بموتري جمس 2001 و الان راحت الطقة اللي عندي
طبعا الاحتمال ان فلتر القير مسكر من الرايش كما ان الزيت احتمال ان موسخ و تعبان و هذا ياثر على القير و يقلل من عمره و يخرب عليك الكلتشات لان الرايش اللي هو رايش الكلتشات و التروس يعدم عليك القير الافضل تغير الزيت و الفلتر كل 40000الف او بعد 35000الف و يطلع القير جديد
الاحتمال الاخر ان حساس النمرة الاولى او الثانية خربان طبعا بعض الورشات يسون تنظيف للحساسات و يظبط الموتر باذن الله
***
لكن ارى افضل حل الان انك تغير الفلتر و الزيت
مع غسيل القير اذا كان تعبان و مليان رايش تحصل على نفس كرتير القير ماص او حتى الصرة و هذا يمسك الرايش و حط زيت جديد و عشق جميع النمر عشان يدور الزيت على جميع الكلتشات و هو بنفس الورشة او خله اسبوع و بعد اسبوع فرغه و حط زيت جديد مع الفلتر
ايضا افصل البطارية لانه اذا فصلت البطارية يفرمت الكمبيوتر من جديد لانه احيانا اللخبطة من نفس الكمبيوتر
تحياتي



يا سوبر فتك لا توهق الرجال :D
فرق بين النتعه (الفزة) وبين الطقه
فيها اختلاف كبير مثل الشمس والقمر :good:

الطقه : عند انتقال الترس من سرعة لسرعة تظهر صوت طقة
تصافق حديد في حديد
الاسباب:
*صليب العمود
*وجود فضاوة في الكرونا

النتعه (الفزة) : عند انتقال القير من ترس لترس (سرعه لسرعه)
تحدث نتعه او فزة ،، تحس القير كأنه كان محشور وبعدين فك النمره
الاسباب:
* وجود خلل في حساسات نفس السرعه اللي ينتع عندها مثل ما قال
الاخ سوبر فتك وتحتاج الي تشييك .
* وجود انسداد داخل المخ مجاري الزيت يحتاج الي تغيير فلتر وزيت وتنظيف،،

[سوبر VTC]

يا سوبر فتك لا توهق الرجال :D
فرق بين النتعه (الفزة) وبين الطقه
فيها اختلاف كبير مثل الشمس والقمر :good:


كلامك صحيح :(
ابقرب الوصف للرجال و لعله هجت بي :)
مكثر من السمبوسة :D

[سوبر VTC]

* وجود خلل في حساسات نفس السرعه اللي ينتع عندها مثل ما قال
الاخ سوبر فتك وتحتاج الي تشييك .



تاكد من هذه اولا



* وجود انسداد داخل المخ مجاري الزيت يحتاج الي تغيير فلتر وزيت وتنظيف،،


و هذه ايضا
احتمال القير يحتاج غسل
اسحب العيار و امسحه بمنديل يبين معك الزيت اذا كان فيه سواد او لا
او عندك انسداد بخريطة القير او مخ القير :)

[بسام55]

سلام عليكم

شاكر لكم يا اخوان على اهتمامكم

القير تغييره طبيعي لكن المشكلة بالطقة عند التغيير

والكرونة ما فيها فضاوة وتوي مغير الرمانات الدخلية وصوفة الكرونة

ومغير عامود الدوران جديد وكذلك عامود الدبل يعني المشكلة بالقير

وشاكر لكم مرة اخرى

[عاشق الجمري]

الله يفرج همك ،،ن
انا اعاني من مشكلة في سيارتي تاهو قريبة من مشكلتك
وكالات ترفع الضغط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

[مسايف الطعس]

تدري وش مشكلتك والله اعلم تكلفك 10 ريال

رح لم مشحمه وشحم الصلبان وعامود الدبل وعامود الكردان

هذي الي تسبب طقه في اكثر السيارات وماتخذ من وقتك 5 دقايق جرب وشف ترا لها

اثر كبير

وان شاء الله ييضبط معك