رأس ابو قميص كيف كيف كيف الطريقة [الأرشيف]

مشاهدة النسخة كاملة : رأس ابو قميص كيف كيف كيف الطريقة

هاوي البر 999

20/09/2008, 09:10 PM

السلام عليكم ورحمة الله وبركاته اما بعد

ارجوا من الاخوة الكرام المساعدة من حيث الطريقة الوصول إلى رأس بوقميص وهل الوقت مناسب للذهاب إليه ثلاث العيد إنشاء الله

والله الموفق

السهران1

20/09/2008, 09:40 PM

وعليكم السلام ورحمة الله وبركاته

وانا ودي اضيف بعد اذنك اخوي ودي يفيدونا الاخوان هل يوجد هناك محلات او قرى قريبه للتزود بالماء او الاكل وهل المنطقه فيها تغاريز لانه سيارتي ليست دفع رباعي وودي اصيد هناك وكم المسافه بينها وبين الرياض

الله يوفق الجميع

صقر الشوق

21/09/2008, 03:44 AM

مشكورررررر

smara

21/09/2008, 05:34 PM

السلام عليكم
اذا تبي تروح بوقميص اول تمر مركز سلوى وترخص من سلاح الحدود
ثانيا تزود بالبانزين والماء والاكل من سلوى لانها تبعد عن بوقميص حوالي70الى80كم
وبالتوفيق انشاء الله

عاشق تالا

22/09/2008, 05:35 AM

السلام عليكم جميعا

بخصوص راس ابو قمبص كان من افضل الاماكن للصيد
لكن ايامنا هذي الوضع تغير جدا واصبح الذهاب غير مجدي
يعني اذا تفكر تروح لاتحسب على صيد ولا يكون همك الاول
طبعا كل كلامي من واقع تجربه وادمان للذهاب الى ابو قميص
وفي نفس الوقت اقول الرازق رب العالمين ومحد يعرف وشو رزقه

الطريق
من الاحساء متجهه الى دولة قطر او نقول مركز سلوى مركز سلوى مجاور للجمرك حق دخول قطر
تذهب هناك للتصريح للدخول ويكون عندك صور و(اكرر) صور لبطاقة الاحوال المدنيه واستمارات السيارات
ورا تاخذ تصرح لمدة72 ساعه

بعدها تعمل رجوع وكأنك رايح للامارات متجه الى منفذ البطحاء وهذا الطريق مسافته 80 كيلو الى ان تصل الى دخلت راس ابو قميص وتكون على جهة اليسار وراح تشوف لوحه مباشره مقابل الدخله مكتوب عليها راس ابو قميص تدخل معاها وهذا الطريق سيء جدا من كثر الحفريات مسافته 33 كيلو الى ان تصل الى نقطة التفتيش وهنا لازم يطلعون على التصريح ويمكن ويمكن يفتشون السياره وكثير من الاحيان ما يكون تفتيش
بعدها اعتبر نفسك في راس ابو قميص وخير نفسك وين تبي تخيم وتراني ما انصح بالراس شوف لك مدخل 29 وهذا المدخل قبل الراس

طبيعة المنطقه ا
المنطقه صخريه وفيها تغريزات بس لو مشيت على الطرق اللي مرسومه من مرور السيارات مافي مشكله
وكن حذر ياحلات الدبل هناك تمشي وانت مطمئن وانصحك لوكانت هذي اول مره تروح فيها حاول واجتهد تكون بالنهار يعني لايصادفك ليل عشان تعرف وين تروح ولا تنسى انك بتروح اول الشهر يعني يدك ممكن ما تشوفها من الظلام والمنطقه موحشه جدا وفيها الحصني بس ماعندك مشكله
وانتبه من الزواحف

بخصوص السقيه والثبره
انا اعتبر هذه المنطقه ما فيها قانون للثبر او السقيه
مره السقيه عاديه ومره تكون غير عاديه ويوصل الماي الي الزفلت والثبره توصل الى 300 متر واكثر

بخصوص الطعم
انا ما عجبني غير الخثاق واذا ودك تضمن بأذن الله صيد استخدم التطير واذا على السنانير ترى الوضع صعب الا ما شاء ربي

التجهيزات
في مركز للتموين قبل ما توصل الى الجمرك ممكن تقضي مقاضيك وتعبي بانزين
يعنني محطه متكامله ولازم تعرف ان
المنطقه تفتقر الى ابسط الامور
لازم تكون محتاط للثلج والماء والاكل وياريت تاخذ معك جركل بانزين ممكن تصرفون لانك جديد على المنطقه
والاكل وكل شي لازم يكون متوفر

وعسى ربي يوفقكم وتصيدون صيد وفير

واذا ما كان هناك صيد حاولو تروحون الكويفريه
وطريقها وكأنك بتروح البطحاء تبعد عن مدخل بوقميص 42 كيلو بعدها بتشوف رصيف اعمل معاه يو تيرن وكأنك بترجع سلوى 50 متر وتدخل يمين في مبنى والتصريح من عندهم وسريع جدا ياخذ منك بطاقة واحد منكم واذا طلعتو ترجعون تاخذونها
والمنطقه احلى مافيها الجسر لسلاح الحدود
والبحر مفتوح وماعمري رحت الا وربي يزقنا وصيدنا وفير بس المشكله التخيم ممنوع والجلوس على الجسر ممنوع
عندك الى الساعه 6 المغرب فقط
والجسر اذا تعرف احد يمكن يخلونك تصيد لان في وقت سابق كان الصيد مسموح
وانتبه للزواحف لان المنطقه مليانه من الحيات والعقارب

وعسى ربي يحفظكم

ولك مني الف تحيه
واذا بغيت اي استفسار تفضل وانا بالخدمه

300SL

22/09/2008, 06:06 AM

اعتقد بعد
هتوصيف والشرح الاكثر من رائع
ماعاد عندك اخوي اي مشكله
اخوك عاشق الله يعطيه العافيه كفى وفى
ماقصرة اخوي
احس اني
رحة ابو ميص
بعد التوصيف الجميل والمفصل
ومره ثانيه احب اقول الله يعطيك العافيه اخوي عاشق
وعساك على لقوه

الجنك

22/09/2008, 02:56 PM

الله يعطيكم العافيه واتمنى الفائدة للجميع

ابو عبدالرحمن جدة

22/09/2008, 08:13 PM

انتبه لنفسك والله يخليك لعين ترجيك وانا اخوك وعليك بالاذكار اهم شي

منصور الفايز

22/09/2008, 09:32 PM

ما ودي احبط بك يا بعدي ....
لكن اذا تعرف احد هناك يتوسط لك .... رح
واذا مافيه لا تروح ...

وسلامك يا بعدي

هاوي البر 999

28/09/2008, 01:28 AM

السلام عليكم ورحمة الله وبركاتة

شكراً على الردوود الجميلة الوافية والله يوفق من شارك ومن فاد وستفاد

الله يتقبل صيامكم وقيامكم وجعلنا من المقبولين ويوفقنا بقيام ليلة القدر

والسلام عليكم ورحمة الله وبركاته

هاوي بو قميص

29/09/2008, 06:36 AM

ا خواني الاعزاء بحر ابو قميص من افضل البحار في الشرقيه بحر لم ولن ارى مثله ومثل نظافته الصيد فيه وفير والاسماك تكون با حجام كبيره والبحر جدا ممتع وبتوفيق للجميع

am2006m

29/09/2008, 08:46 PM

ا خواني الاعزاء بحر ابو قميص من افضل البحار في الشرقيه بحر لم ولن ارى مثله ومثل نظافته الصيد فيه وفير والاسماك تكون با حجام كبيره والبحر جدا ممتع وبتوفيق للجميع

اسمحلي اخوي هذا الكلام قبل 3 سنوات كان صيد مو طبيعي اما الان صحراء مغطاه بماء
فيه لنا اخوان يغوصون يحلفون بالله انه شي مو طبيعي 3 ايام يغوصون ولا سمكه صادو ويجون في اوقات الموسم ماشاء الله عليهم 13 سنه في راس ابو قميص عارفين اوقات الصيد

ورعيان المدات والسنانير يرمون ويرجع الطعم زي ماهو واعرفلك مكان طلعنا منه خير بالسنانير سبيطي وشعوم وشعري ساعتين الثلاجات فل والله مايمديك تقط الاوتجاوب العصي بالمخدات ( الشعري الكبير )ويجاوب ظهرك معاها اما الان خلاص فقر x فقر لايوجد سمكه ترد الصوت سبحان الله وش السبب هل من الصيد الجاير والشباك هل من نقص الاكسجين هل بفعل فاعل الله واعلم

اخوي عاشق تالا يوجد مكان لسنانير مثل ماذكرت عند الغرف القديمه اماكن الصيادين سابقاً قبل الجزيرة وكان فيه خير بس وقف نهائيا

اخوي هاوي البر 999 لمانع من التجربه واخونا عاشق تالا ماقصر واضيف لابد عند القدوم على التصريح ان تلبس ثوب لانهم لن يصرحولك بدون ثوب حسبي الله عليهم الواحد يدق مشوار 360 كيلو وطالع كشته ويقلون وين الثوب مالك تصريح وايضا وقت التصريح يبدء من الساعه 10 صباحاً الى 6 المغرب وإذا عندك فيتامين واو ( الواسطه ) تمشي امورك اعرف شباب من الدمام يرسلون بطاقات الاحوال بالفاكس ويجون يلقون التصريح زاهب

الطعم نصيحه لك غير الخثاق لادور جميع الاسماك هناك تعشق الخثاق والله واعلم السبب ان لايوجد طعم للاسماك غيره فمتعوده عليه ولامانع من تجربت السلس او الميد الصغير جداً

سقا الله ايامك يابو قميص نتمنا ان يكون الموسم هذا يبشر بالخير لراس ابو قميص وغيره

تحياتي لك وتمنياتي لك بالتوفيق

طحنون

29/09/2008, 09:06 PM

am2006m

29/09/2008, 09:39 PM

من دكريات ابو قميص
من زود الصيد كنا ماندري وين نوديه كل الثلاجات متروسه على الاخر

حتى مر علينا وقت نجلس فقط من اربع ساعات الى 6ساعات ونمشي الدريه
الوضع تغير
قبل المشاكل كنا نروح الى اي مكان في رأس ابوقميص
حتى الاماكن المحظوره اللي فيها الخير الوفير
لاواسطه ولهم يحزنون لاكن من جاء مشاكل الارهاب والامور ماش

تصدقون اني لي مايقارب سنه واربعه شهور ماطبيته
وكل اللي راحو مايمدحون الوضع سيئ جداجدا

تصدق اخوي كان فيه ارانب وصيد بري وعلى كلام الشباب كان فيه امير يجي يخيم فيه

بس على قولتك كل المواقع وليس ابو قميص فقط صار فيها تشديد غير مبرر وحصلوها عذر وقبل فتره بسيطه كان بيتسكر راس ابو قميص ولاكن تغير الحال مع الجيران والغي قرار إنشاء اكبر قاعدة بحريه في المملكه العربيه السعوديه

عاشق بليزر79

01/10/2008, 03:58 AM

السلام عليكم ورحمة الله وبركاتة ...
كل عام وانتم بخير
اخي وصف عاشق تالا في غاية الوضوح
وراس بو قميص مثل ما ذكرو الاخوان مو مثل قبل 3 سنوات ولاكن الان فية صيد رحت يا طويل العمر قبل رمضان بسبوع وجينا بثلاث حبات شعري وزن الوحدة 3 كيلو غير الربيب والضلوع
المهم انا بروح في ثالث العيد انا وشباب يحبهم قلبك ان بغيت تخاوينا اتصل على جوالي وحياك على فكرة انا من الاحساء ورحت بو قميص اكثر من 25 مرررررة
هذا جوالي 0501909979

solt

04/10/2008, 03:25 AM

السلام عليكم ورحمة الله وبركاته
فعلا كلام الاخوان صحيح انا تونى جاى من راس ابو قميص رحنا يوم العيد ورجعنا ثالث العيدولا كان الصيد زى مانبى معنا 13 صنارة وشبوك ومد وكل صيدنا اغلبه حواقيل ماعد كم ثلاث شعريات بالصنارة وشعمتين
وتكلمنا مع ناس اخبر منا اللى هم الصيادين اللى بعد مركز السلاح وقالو لنا ان الصيد ماهو مثل الاول فى المنطقة بس الحمد لله المنطقة ونيسة ونظيفة ولاتخليها فى خاطرك رح جرب والارزاق بيد الله وان شاء الله يرزقك بالصيد الوفير