أحسن طير حق الكراوين؟؟؟

[القناص2004]

السلام عليكم ورحمة الله وبركاته

ياليت تجاوبن على السؤال





أي طير أحسن حق الكاراوين؟؟؟؟

:confused:

[تواق]

والله اخوي قناص في نظري ان افضل طير لكروان هو مثلوثه فرخ شيهان بحريه
ماادري وش راي الاخوان

اخوك/ تواق

[ابو سلطان العتيبي]

عليكم السلام ورحمة الله وبركاته

اخوي القناص2004

اذا اردت انسب طير للكروان فقط فأعتقد فرخ الشيهانه الجبلية،
لسرعتها و خفتها في المناوره.

ثم كما قال اخونا تواق المثلوثه البحريه

هذا حد معرفتي وشكراً

أخوك/ عقاب

[ميراج]

الاخ قناص 2004

انا مع رأى الأخ عقاب شيهانه جبليه ولا شيهاته مثلوثه بحريه

[ابو عايد]

أخوي قناص 2004

انا مع راي اخواني عقاب وميراج والشيهانه الجبليه الفارسيه تراها طيبه

وتقبل تحياتي

[عزالخوي]

الاخ / قناص 2004
في رايي ان الشيهانه الجبليه هي الانسب للكرواين.
تقبل تحياتي

[شَعَّـاااال]

مع تحياتي
انا لست من هواة تجميع الطيور طير واحد يكفيني

بس يكون فعله طيب ويصيد حباري وسمقان وارانب .


انا اقول الطير المناسب هو اللي يونس راعيه شاهين ولا طير

بس لاحظ ان كل نوع فيه مميزات وعيوب قارنها ببعضها ورايح تعرف المناسب بنفسك .

[المري]

أنسب شي للكروان هو الشاهين السريع ان كان جبليه او بحرية

ام الحر فتجد الغالب منها مايحب الكراوين واذا طرد اكروان واحد الثاني مايطرده

الا بعض الحرار تحب الكراوين بس اذا صادت اثنين ولا ثلاثه تشوف التعب بين

فيها, اما الجبلية اذا كثر عليها الهدد يصير فيه فركة اما الفرخه البحرية القاطع

فلا تسأل كم كروان قدامها .

هذا مالدي ودمتم سالمين.

اخوكم / المري

[ضاري بن طوالة]

السلام عليكم ورحمة الله وبركاته

ودي أضيف سؤال ثاني لسؤال الأخ .. كم تترواح أسعار الشياهين تقريباً ؟ سواء جبلية أو بحرية
وهل هي أفضل شيء لواحد عليمي ( يبي يتعلم ) ؟

ومشكورين :)

[شَعَّـاااال]

السلام عليكم ورحمة الله وبركاته

اخوي حسب عرفي القيمه بالنسبه للبحريه تختلف حسب (( العمر ، والحجم ، والنوع ))

هي ثلاث / السوداء والحمراء ويقولون ان فيه نوع ثالث يسمونه البيضاء او ام نقطه ولا عندي اكيد .

المهم السوداء اغلاها ثم الحمراء .
ومنها ( كامله فرخه ويمكن تتراوح بين 20000 و 30000 ويمكن تزيد .
( مثلوثه واظن انها هي والقرنا سه واحد في السعر يعني مافيه فرق كبير
من 1500 الى 2500 حسب كبرها في المثاليث . وعندنا واحد شراها قرناسه ب 3500 .
( محقوره وهذي في ظني لا تزيد عن 1000 ريال لانها صغيره وما تنفع في شي الا يمكن
الكروان والحمام يعني طرّاد .

والفرق في القيمه غالبا ما يضهر في الكمّل اما المثلوثه والمحقوره اقيامهن متقاربه .
اما القرانيس دائما اقيامها اقل (( القرناسه الكامله ما تتعدى 10000 ريال او اكثر شوي ))
والجبليه لك عليها هي تمشي وتطرد بس؟؟؟؟؟؟؟؟؟؟

لكن مدام تبي تعلم خذ لك جبليه مثلوثه قيمتها يمكن من الالف وتحت .

لكني انصحك ان تقيس قبل تغيص يابن طواله ترى الدعوى تعب ومكدّه .

عسى الامور واضحه ويمكن الشباب اعرف مني اسأل المري ترى مهو بسيط .

[ضاري بن طوالة]

السلام عليكم ورحمة الله وبركاته

أخوي برد الحماد .. الله يعطيك العافية على هالمعلومات , ومشكور وماقصَرت يالغالي
ومادامك تقول إن الدعوى تعب وشقى .. شكلي أبشوف الجبلية , لإن المقصد منها التعلم وسعة الصدر .. وتعرف مقبلين على الكراوين , واللي فهمته إن الشيهانة مافيه أحسن منها بالكراوين . :)

وإن كان أخوي المرَي عنده نصيحة بعد , فالله يجزاه خير .

فمان الله :)

[مولع بالصقور]

زي مالقالو الاخواااان الشاهين الجبلي او البحري

وهاذا راي المتواطع