إذا كنت من الصيادين الفطاحله أدخل وجاوب على السؤال

[السفاح 911]

واحد من الربع قالي بالسنه الماضيه بعد ما رزقنا بإدامنا بالقميري

ضبطنا الجلسه ونتفنى القميري إللي معنا

يوم جيت أحطها بالقدر علشان أكشن عليها قال لي ليه ما طلعت إللي ببطونها ؟؟؟

أنا دريت عليه بوقتها

وسؤالي هو

- هل تطلع إللي ببطن القميريه عند الطبخ ؟

أفيدونا علشان أخليه يخم شاشة الكمبيوتر أو أخمها أنا بداله ونغير اللآب توب

[cooc]

نعم لأنها تعطي مرارة في اللحم
بسبب العصارات اللي فيها

[الزايدي518]

بنسبه لي ماطلعها القميري بس
لانها تجي في القميري نظيفه ولا تغير الطعم
وكل واحد له رائي

[الباتريوت]

أخوي الفاضل النظافة عموما زينة مهما كانت الصيدة ولا ساعة ماتغلي الصيدة كل مافيها من جراثيم تموت
انتبة من الصتم اللي صدت به الصيدة والحمام لازم ينظف وخاصة الي فتحت بطنة ونظفته خله يغلي وبعدها عليك بالمقلي تراه ماله مثيل بعد مايخلص المقلي حطة في شاش او كلينكس علشان تقدر تزيل الدهون اللي نزلت يعني بالعافية عليك انت وخويك

[جب هآت ود عط]

بنسبه لي ماطلعها القميري بس
لانها تجي في القميري نظيفه ولا تغير الطعم
وكل واحد له رائي


^
^
^
^
^
انا مع اخوي كل واحد له ررائي اما انا اخليها ما انضفها وانواع المزمزه اممممممممممم

[بالون]

لا اخوي مايطلع الي في بطن القميري لانه نظف الطير وبعدين اذا طلعته يروح الشحم وانا استغرب من الي يطلع الي في بطنه >وجهت نظري وطريقتي تقبل مروري..بالون بالون

[Abu Mnsor]

السلام عليكم ورحمة الله وبركاته


أخي السفاح

انا لي 13 سنه اصيد قميري
مااذكر اني نظفت او طلعت اللي داخل بطنها
ممكن اكون خاطئ لكن انا افضلها كذا
عموما كل شخص وله طريقته فيه ناس حريصه شوي على النظافه
واللي يقول تسبب مراره بالاكل
بالعكس لم اذق طعم المرار نهائياً


تحياتي لك

[ضلع الرقيبه]

انا انظف كل الصيد الا الدخل لانه مايحمل من يشيل اللى في بطنه

[هيف الجوازي]

بالنسبه لي انا ما انظف اللي في بطن اي طر اصيدة ماعدا الدخل في هجرة العودة او كما يسميها البعض الهجرة الثانيه لانه يتغذى على نوع من الديدان ويسبب مرض والآم في المثانه تكرمون

[F J]

اي نعم ينظف

انت افتح فتحة صغيرة براس السكين تحت الفخذ(عشان ما يطيح الشحم) وطلع المصران ...
وخل القلب والكبده
والبعض يقول لا تغسل بطنه ..

بس على العموم انا مع خويك

[سوبر152]

انا لي 27 سنه اصيد قميري
مااذكر اني نظفت او طلعت اللي داخل بطنها والطعم المهووول والعجيب في مص عكرتها بعدقضمها وخاصة إذا طبخت مع المطازيز أو المرقوق مع قحشة حلب جربوها لن تملوها وفق الله الجميع

[سبيع الغلباء]

سوال جيد
عن نفسي القميري
لالاتنظف بطنه
وش الطعم

[البواردي75]

انا انظف كل الصيد القميري

[Hun_36RA_teR]

أقول يا الطيب نظفه ازينلك لانه اللي ببطنه الحمام يبي يطلعه نجي حنا ناكله؟؟؟
مع تمنياتي لك بالعافية ولكل الصيادين

[صبي مسرد]

اقول هد نفسك فالحليب قصدي الحليم عند الغضب وأنا من ناحيتي أفركه بفيري ههههههههههههههه اضحك عليك انظف كل الي ببطنه

[عفريت حرب]

عموما انا انضف بطنه وكل واحد له راي

[sultan22222]

انا مستحيل اكله قبل انظفه وش ابقى في مصرانه اهم شي النظافه .

[الخضور]

السلام عليكم
اخوي السفاح اهم شى بلقميري الاحشاء الدخليه لان القميري مايمديه يرعي واحشائه تكون نضيفه او فاضيه من الهجره

[الشامي1]

اهم شيئ تسئلون عنه من الناحيه الشرعية
لأني سئلت شيخ قبل كم سنه عن الأرنب قالي
مايجوز لازم تنظف الي في بطنها مهما كان أكلها!!!!!!

[قرموع]

اخواني الكرام يجب تنظيف الصيد وبعض الطيور تأكل حشرات ان لم تكن جميعها اما اني اقول الشحم يروح هذا الكلام غير صحيح اما ان كان الموضوع فيه نوع من التفاخر اجل ريشه بعد:d يهبل ومناقير الطيور مع الزبادي شي والرجول لا تفوتكم مع الجبنه....

[مدور الخيرة]

كما قال أخي الشامي , يجب البحث عن فتوى شرعية أولا .

أما أنا فلو لم يكن هناك مانع شرعي فلن آكلها بأحشائها , فكل مافي أحشائها هو ( ماسيخرج من الدبر ) أجلكم الله .
وبالإمكان فتح البطن وتنظيفه وعزل الأمعاء والمعدة ومجرى ( فضلاتها ) عن الشحم بكل سهولة , فقط جربوا.

[المخشب2000]

لا لا لا لا والف لا لان الطعم في الجوف حرام عليك // تدري رح اشر حمام عادي اذا كنت تبي تطلع الي في بطنها خربت القميري خلاص

[northstar46]

اللي ما ينظف بطن الصيد بصراحة طمل ويأكل قذارة الطير بكل صراحة وبدون زعل

[القناص 2001]

انا انظف كل الصيد الا الدخل لانه مايحمل من يشيل اللى في بطنه.

[رحال 6]

أنا مع الأخوان اللي يرون ضرورة تنظيف بطن الطير وبصراحه ما أذكر أكلت قميري بدون تنظيف بطنه.

[Y A S S E R]

من غير المعقول ان آكل فضلات !!

وانصحك تشيله اللي داخل ):

[ابوسلماااااان]

شف أخوي لازم اي طير سواء بري اوغير بري او جميع الحيوانات
لازم تنظف من الدماء ثم تنظف من التكوينات الداخلية التي بالاحشاء
فالذين يأكلون الصيده بدون تنظيف الاحشاء الداخليه اصلا مايحسون بالطعم لان الطعم الزين طغى
على الطعم الشين
اوظحلك الامر كله
فيه احد أخذ احشاءعشرين قميريه وطبخهن لحالهن انت شف الفرق
تخيل بس كرش ومصران مع أحشائهن تطبخهن لحالهن

[الخرب الازرق]

قالكم >>>> سوبر152 (http://mekshat.com/vb/member.php?u=75905) http://mekshat.com/vb/images/statusicon/user_offline.gif



انا لي 27 سنه اصيد قميري
مااذكر اني نظفت او طلعت اللي داخل بطنها والطعم المهووول والعجيب في مص عكرتها بعدقضمها وخاصة إذا طبخت مع المطازيز أو المرقوق مع قحشة حلب جربوها لن تملوها وفق الله الجميع ماعليك زوووووووووووووووووووووووود

[انتبة]

غير صحيح اني اطللع الي في بطنها
اطعم شي اذا قلعت الذنيبه ومصيت امرقتها الي داخلها
والمراره با لدخل مهيب با لقميري بس شفت بعض الناس يطبخها برجولها وهذا سبب المراره
ولك تحياتي

[شموخ الجبال]

أخواني
النظافه في كل شي زينه ولازم ننظف الي بالطير أي كان نوعه لانه قادم من مكان أخر من الارض ويوجد في بطنه عددكثير من الجراثيم والفطريات التي لاتموت بالنار وتكون سبب مباشر اوغير مباشر
في العديد من الامراض
حمانا الله وأياكم

[قناص سوريا]

التنظيف ضروري في كل الصيد اخي الكريم ...
النظافة ضرورية بكل القاييس
انا هذا اللي اسويي بصراحة
ومثل ما قالو الشباب كلواحد له طريقتو

[لاباس]

الي ينظف بطن القميرية مايعرف الصيد وشهو وأحسن له ياكل دجاج

[انذار]

اخي العزيز
عني انظف بطن الصيد بس شوي شوي ويغسل بماء بارد :good: علشان يطلع الطعم في الاكل

[الحرالاشقر]

القميري ما احرص انظفه بس لازم اقطع رجليه
اما الدخل لازم اشيل الكوره اللي ببطنه لانها تسبب المراره

[البستان]

طيب سؤال للاخوان اللي ياكلون بدون تنظيف
هل لو جبتلك خرى قمرية كذا لحاله تاكله ..؟

[مدهوش]

القميري مستحيل ينظف بطنه لأنه هو الطعم بدون (تكوخ او طعج) واللي مو مصدق إذا رزقه الله بقميري يمسك القميريه و (يمكها) مع ورى

[أسامي]

معذور خويك
الناس تأكل هالقاذورات ليِِِِِِِِِِِِِِِِِِِِِِِِِِِِِِِِــــــــــــــــ ـــــــــــــــــــــــــــــــــش
لكن قله/ مجتمع يمنعون غسل التمر وش ترجي منهم بالنظافه
والله اني اكلت مع ناس في الزمن الغابر طيور ماء ما نظفوا بطونهن
وكبسوهن بالرز والله الذي لا اله الا هو ان الرز لونه خضر وعععععععععععععععععععععععع
وكنت صغير جدا ما وعيت الا اليوم وش سبب ذاك اللون

[kal]

هل احد نفسه تقبل اكل فضلات الطيور!!! ونظافة الصيده ضروري للصحه وخاصة الأحشاء الداخليه وتنظيفها من الدم لأن الدم حرام وكذلك نصيحه مني أرجل الطيور المهاجره ممكن تنقل مواد مشعه ووجب أزالة ارجل القميري قبل الطبخ لعدم تلوث الطعام هذا من رأي ومعلومه ودمتم بصحه وعافيه

[عاشق الهيلا]

الي اعرفانهاء ماتطلع ولوطلعة خربت الشغل
:j

[ابو لارا]

أول مرة اسمع ان فية ناس ماتطلع اللي ببطن القمري

لكن

من اليوم ورايح اذا رحت عند احد ابي اتأكد قبل آكل

[مخطط 2008]

مساء الخير يالسفاح مع احترامي لاراء جميع الاعضاء ومنهم زميلك اسمح لي اقولك ان الطعم في بطن القميرية ليش تنضفها

[ابو جوري]

السلام عليكم

الصراحه اذا ما مكعت ذنب القميريه وبديت تشفط لين تطلع المصران تراك مااستطعمت بها .

[أبو محمود 70]

بالنسبة لنا ضرورى تنضيف اللى فى بطن القميرى كلة ماعدا الكبد والقلب والباقة يطلع برة

[عبادل العاصمي]

يالله لك الحمد ....

ياخوي مابقى ألا قذارة الطير علشان يكمل الطعم الزين ... معروف أن الطيور طعمها يجي من الشحم اللي فيها مهوب من زقانها ومصرانها

ولا أقول ... خلنا بكره نسمع لنا واحد يقول طعم لحم الوعل مايكمل ألا أذا طبخت كرشه معه ..."طبعا والفرث فيها"
ههههههههههههههههههههههههههه

[عبادل العاصمي]

مساء الخير يالسفاح مع احترامي لاراء جميع الاعضاء ومنهم زميلك اسمح لي اقولك ان الطعم في بطن القميرية ليش تنضفها
أجل لاتطبخ من القميريه غير مصرانها والباقي أحذفه لقطاوة الشارع

لأنه بكل بساطه ماله طعم

[sohib]

لوهو عصفور اودخل نضفت الي بطنه

[هاوي القمة]

السلام عليكم ورحمة الله وبركاتة
أن اقوال افضل تطلع الي في بطنه . ابي افيدكم لانه فيه حشره خطيره جداً تذهب الى المسالك البوليه وتسبب حسروام بالنسبه للي يقول لي عدة سنوات أحترمه لكن غريبه :confused:

[غيث الحيا]

تدري عاد أنا يضيق صدري إذا جت الطلقة في بطن القميرية لأنها أحسن ما تكون وهي مختووووومة :) ولاهو شرط إذا ما طلعت الكرشة والمصران أنك بتاكلهن يعني بعد الطبخ ممكن تطلعهن .
....

بس الشيء الغريب اللي لاحظته في ردود بعض الأعضاء تشنجهم وزعلهم من اللي يطبخون بدون تنظيف البطن ترى الدعوى حرية والمثل يقول :

كل مـــــــــــــــــــــــــــــا تشتــــــــــــــــــــــــــــــهي والبس ما يشتهي الناس.

وكل واحد حر ببطنه :) تحياتي للجميع

[عزام نجد]

السلام عليكم اقول ياالطيب انتبه تطلع بطن القميري تراه يروح طعمه

[صياد المزارع]

اهم شي يا طويل العمر تنزع الحويصله لانها تجمع الاكل فيها ولا تهضمه الا وقت الجوع على قولتهم تعبي القربه وتهاجر وهاذي ياجدي تخيس فيهاا فا ظروري انك نتزعها عشان ماتخرب عليك الطعم اما بالنسبه لتنظيف البطن واللي فيه هذا شي راجع لك شخصيا

[الحصاة الرقطا]

ياخوي لاطلعت بطنه

وشلوووووووووون تمكككككككككه :D ;)

[النايفLx]

اقول الناس اجناس واحترم جميع الاراء لاكن صحيا لاتأكل الكرشه لأي طائر لأن جميع مافيها من بذور وعصاره و خلافه يغير المذاق لذلك تجد من يطبخها يحطها في السفره مع العضامه ماياكلها هذا مجرد رأي من واقع خبره وتجربه واستشاره

[ردن]

شف أخوي لازم اي طير سواء بري اوغير بري او جميع الحيوانات
لازم تنظف من الدماء ثم تنظف من التكوينات الداخلية التي بالاحشاء
فالذين يأكلون الصيده بدون تنظيف الاحشاء الداخليه اصلا مايحسون بالطعم لان الطعم الزين طغى
على الطعم الشين
اوظحلك الامر كله
فيه احد أخذ احشاءعشرين قميريه وطبخهن لحالهن انت شف الفرق
تخيل بس كرش ومصران مع أحشائهن تطبخهن لحالهن



احسنت قولآ

:good: :good:

[راعي المعنَى]

انااقول تنظيف الصيد افضل مهما كان نوعة

[سلطان ال حسيان]

اخي القميري لويحصل يوكل هو وريشة
ومع احترامي الشديد لخويك اقول كلامة خطاء
اهل القميري المخضرمين ياكلون كلشي بالقميرية الى الكرشة الصغيرة الشديدة المرارة

هذارائي الخاص ولك التحية والتقدير

[الصقري2000]

اخوي
القميري والدخل لازم طلع بطونها
لانها تعطي مرارة في اللحم
والدخل يعطي مرارة ويصير الم في البطن

[عزام حائل]

تكفى اخوي القمريه لا تطلع اللى في بطنهااااا
يم يم هم هم
تقبل مروري

[راعي البندق]

ياخوان كان فيه موضوع قبل فتر قريته في المنتدي عن شباب دخلو المستشفي بسبت عدم تنظيفهم لطيور لان بعض الطيور تاكل حشرات سامه والنظافه طيبه

[جبل راف]

التنظيف ضروري وكل يبي ماتشتهي نفسه

[ابوسلماااااان]

شكرا أخوي ردن

[ذيب المقانيص]

اكيد لانه يطلع طعم الرز فيه مراره

[ريح الرمث]

لا ماينظف لأن اكله نظيف
هالمعلومه من واحد وهو راعي صيد محترف

[مكشاتي المدينة]

كل واحد لة طريقة وان اقول انظافة من الايمان

[مصوّب الدّخل]

.
.
.
أنا أتصيد ولكن مانيب فطحل على قولتك..

لكن بالنسبة للقميري .. ما ينجدع منها شي .. حتى ريشها حطه ليفة للدلة .. :)

.
.
.
أما إذا كان الرمي حايس بطنها يفضل إنك تنظفها..!!

[وائل علي]

الطعم با الي داخل
انتبه تطلعه

[راعي العشــه]

كل واحد له رايه

ورائي انا او اللي اسويه انا اني اخلي اللي في بطنها لان له طعم خاص في المزمزه :)

[عوكاس]

اخوي الفاضلانضافة من الايمان وهنك فرق بين القميري اذاكان حدر مثلا اذاكان مقناصك في الساحل فلا يحتاج تنضيف لانة يكون حدر يعني حديث الوصول امااذاكنت فيغير الساحل فلافضل انتقم بتنضيفة لانة ياكل بروض الطلح وبروض الطلح غالب ماسبب مرارة في الطبخ وسلاام

[ابو قفش]

خل عنك راعين المطاريس



احسن ما في القميريه احشائها


هي اللي تعطيك الطعم



واحلى اكله لها كالتالي:

اقضم المذمكا واشفط الطعم العذاب


تحياتي

[بنتررر]

لا والله ما أطلع اللي في بطونها لانه السر في النكهه وانظف الطيور القيري ولا يعطي اي مروره في الاكل والله لو انه صفاري يمكن . لكن احلى مزمزه في بطون القميري ترى اذا ما مزمزت بطونها تراك ما اكلت قمييييري .

[الجواد الاصيل]

اما انا من ناحيتي مااخلي شي في بطن الطير لان النظافه من الايمان