اسـمـعـوا نـقـطـة قـبـل مـسـك الخـتـام ...<اللغز محلول>,,,,,(صاحب الحل:ابو ماجد2)

[أقلط]

السلام عليكم

هلا وغلاااااا بالجميع

جديد اخوكم ويتشرف بطرحه بين ايدكم الكريمة

ولا اوصيكم خلوا الرمية بين الحاجبين ;)

ويش عودٍ من جهل به مايلام=من جماعة شايبٍ في أقصى الوطن
له سمي ابنفس نطقه بالتمام=في كتاب الله ودوّر يالفطن
اسمعوا نقطة قبل مسك الختام=عودنا ياتي في آخر هالزمن

وسلامتكم

:)

[ابو ماجد 2]

اخوي اقلط صح لسانك
نفتتح الرمعات
حرف النون
في اقصى الوطن ومن جماعة حرف الضاد
سميه..نون والقلم ومايسطرون
وياتي آخر هالزمن

[النمرالتميمي]

الدابه وش رايك

[أقلط]

اخوي اقلط صح لسانك
نفتتح الرمعات
حرف النون
في اقصى الوطن ومن جماعة حرف الضاد
سميه..نون والقلم ومايسطرون
وياتي آخر هالزمن

صح قلبك استاذي ولاهنت

مالك لوا يالغلاااااااااااا

واذا كانت الرمعة حرف النون .. معناه هو نفسه وليس من

جماعة الشايب اللي في اقصى الوطن

أبحر أبحر يالغلاااا في غبات الفكر وهات القاتلة

تبارك الله

انتظرك على شوق

تلميذك

:)

[أقلط]

الدابه وش رايك

هلابك يالتميمي

ومالك لوا يالغالي

ننتظرك على شوق

هلا بك

[النمرالتميمي]

طيب المسيح الدجال

[أقلط]

الذين يشاهدون محتوى الموضوع الآن : 5 ( الأعضاء 5 والزوار 0)
‏أقلط, ‏النمرالتميمي, ‏الكنور+, ‏ابو ماجد 2+

راح اللغز طشاش هههههههههههههههههههههه

تبارك الله

لا وحتى طرجم موجود انا اشوفه عندي كاشف ههههههههههههههههه

مرحبا والله وغلا بالجميع أسماء تخوف اللغز ولا راعيه ينبسط ههههه

[أقلط]

طيب المسيح الدجال

مالك لوا يالغالي

تحياتي

[torrjom]

الذين يشاهدون محتوى الموضوع الآن : 5 ( الأعضاء 5 والزوار 0)
‏أقلط, ‏النمرالتميمي, ‏الكنور+, ‏ابو ماجد 2+

راح اللغز طشاش هههههههههههههههههههههه

تبارك الله

لا وحتى طرجم موجود انا اشوفه عندي كاشف ههههههههههههههههه

مرحبا والله وغلا بالجميع أسماء تخوف اللغز ولا راعيه ينبسط ههههه
صح السانك
ابي كاشق زيك:D هههههههههههههههههه

[أقلط]

صح السانك
ابي كاشف زيك:D هههههههههههههههههه

لا ممنوع :D هههههههههههههه:D

صح قلبك وعجل عطنا الحل ;)

[ابو عبدالملك 2]

ياجوج وماجوج

[أقلط]

ياجوج وماجوج

مالك لوا يالغلاااااااااااااا

[torrjom]

ماعندي حل الحين لاني ابطلع للبر لاكن اغدي اخر مشاركه بلغز اللي راح ترضيك انت وابو ماجد
وكانه لقيته حي الى جيت احاول اذبحه

[أقلط]

ماعندي حل الحين لاني ابطلع للبر لاكن اغدي اخر مشاركه بلغز اللي راح ترضيك انت وابو ماجد
وكانه لقيته حي الى جيت احاول اذبحه

تروح وترجع بالسلامة وصايد وفايد يابوالعوايد تبارك الله

كفو وننتظر لغزك

والظاهر بترجع على خير وتلقى هاللغز مذبوح ومصلوخ ومعلق على عنوانه اسم ذباحه

ياهلا يالغلااااااااااا

[ابو عبدالملك 2]

خروج الشمس من مغربها

[أقلط]

خروج الشمس من مغربها

مالك لوا يالغالي

:)

[جبل راف]

صح لسانك اخي العزيز اقلط
وش رايك بحام وبداية الاية حم

[ابو ماجد 2]

محاوله
زلزال الشعر .لقب ناصر الفراعنه
او الشاعر.زلزال الحربي
ونهاية هالزمان زلزال
والزلزال مذكور بالقران

[أقلط]

صح لسانك اخي العزيز اقلط
وش رايك بحام وبداية الاية حم

صح قلبك يالغالي

وياهلا بالجوف واهلها . الا يامال السيل وكل مملكتنا الغالية

مالك لوا يالغلااااااااا

وهاللغز مبروك اللي شفناك

تحياااااتي

[أقلط]

محاوله
زلزال الشعر .لقب ناصر الفراعنه
او الشاعر.زلزال الحربي
ونهاية هالزمان زلزال
والزلزال مذكور بالقران

هلا وغلا استاذي

مازلت انتظر يالغلاااااااااا

المحب

:)

[ابو ماجد 2]

اخي اقلط
ماعليش بالسؤال هل هو مشهور والكل يعرفه والاسم يميزه عن غيره
محاوله
اسم جمعه
وجدت بالبحث اكثر من شاعر ومؤلف يحمل هذا الاسم
وجمعه...ذكر بالقرآن
والساعة تقوم في يوم الجمعه
تحيتي لك وتقديري

[جبل راف]

وش رايك بالدخان اخوي اقلط بضم الدال

وبالنسبة للتواجد اجي بعد مايحل اللغز والصيد ذبحنا ماهنا وقت

[ابو ماجد 2]

اخوي اقلط
السلام عليكم واسمح لي بمرماع ثاني
حشر بن مكتوم..وهو في الامارات اي اقصى الوطن العربي
الحشر ذكرفي بالقرآن..{وَحُشِرَ لِسُلَيْمَانَ جُنُودُهُ مِنَ الْجِنِّ وَالْأِنْسِ وَالطَّيْرِ فَهُمْ يُوزَعُونَ}
الحشر في آخر الزمن
تحيتي لك

[أقلط]

اخي اقلط
ماعليش بالسؤال هل هو مشهور والكل يعرفه والاسم يميزه عن غيره
محاوله
اسم جمعه
وجدت بالبحث اكثر من شاعر ومؤلف يحمل هذا الاسم
وجمعه...ذكر بالقرآن
والساعة تقوم في يوم الجمعه
تحيتي لك وتقديري

هلا وغلا استاذي

مالك لوا يالغلااااااااا

وبالنسبة للسؤال نعم مشهور جدا والكثير يعرفونه

ونعم اسمه يميزه عن غيره

مرحبا الف استاذي

:)

[أقلط]

وش رايك بالدخان اخوي اقلط بضم الدال

وبالنسبة للتواجد اجي بعد مايحل اللغز والصيد ذبحنا ماهنا وقت

الصيد ذبحكم ولا انتم اللي ذبحتوا الصيد :p تبارك الله

بالعافية على قلبك صايد وفايد يالغلاااااا

ومالك لوا يالغالي

ومرحبا الف

:)

[أقلط]

اخوي اقلط
السلام عليكم واسمح لي بمرماع ثاني
حشر بن مكتوم..وهو في الامارات اي اقصى الوطن العربي
الحشر ذكرفي بالقرآن..{وَحُشِرَ لِسُلَيْمَانَ جُنُودُهُ مِنَ الْجِنِّ وَالْأِنْسِ وَالطَّيْرِ فَهُمْ يُوزَعُونَ}
الحشر في آخر الزمن
تحيتي لك


وعليكم السلام

هلا وغلا استاذي

ومازلت انتظر يالغلاااااا

المحب

:)

[ابن الراوي]

حياك ربي اقلط وش رايك بسد مارب وسد جوج وماجوج ذكر في القران ويفتح اخر الزمان

[ابن الراوي]

اقلط على الرمعة الثانية وش رايك بعرش بلقيس والعرش مذكور بالقران

[أقلط]

الغالي ابن الراوي

مالك لوا في الرمعتين يالحبيب

وحياك ربي

[أقلط]

هل من مبارز ..؟؟؟؟

:j

[torrjom]

مجرد مداعبه قبل ماروح للبر
لغزك اللي ماعرفناله مرام......مكتسي بريش ولا بلقطـن
فيه ناس اتقول انه ماينام......لاولا يشرب ولايرطن رطن

[أقلط]

مجرد مداعبه قبل ماروح للبر
لغزك اللي ماعرفناله مرام......مكتسي بريش ولا بلقطن
فيه ناس اتقول انه ماينام......لاولا يشرب ولايرطن رطن


ايـه حـوبـط يـــاخطيرٍ بالكلام . . . حوبطتكم فتنةٍ من هـ. الفتن

لاينام ولاعرف شرب وطعام . . . ولارطن مرة ولا طب البطن

مداعبة خطير جدا ومافيا الالغاز :D

[torrjom]

ايه حوبط ياخطيرٍ بالكلام . . . حوبطتكم فتنةٍ من هـ. الفتن

مداعبة خطير جدا ومافيا الالغاز :D
لاكن انته ياولد خلك تمام ....كان به توضيح ياقلط عطن

[torrjom]

لاكن انته ياولد خلك تمام ....كان به توضيح ياقلط عطن
كان ماودك توضح ماتلام....رمعتن ترقاه ورمعاتن وطن
مير مظني نفع فيك الكلام....بال مرتاحن وبه بال شطن



اخوي اقلط
ابروح الحين ودي ان معي وقت كان اكتبلك معلقه
لانك تستاهل ومجاراتك تسعدني

[أقلط]

لاكن انته ياولد خلك تمام ....كان به توضيح ياقلط عطن
كان ماودك توضح ماتلام....رمعتن ترقاه ورمعاتن وطن



لجل عينك لو تبي زبد النعام . . . والحجر لو تامرن يعجن عجن

يارفـيـقـي انت للخـوة سنـام . . . جعلها . حجة لجـنـات العـدن

[torrjom]

لجل عينك لو تبي زبد النعام . . . والحجر لو تامرن يعجن عجن

يارفـيـقـي انت للخـوة سنـام . . . جعلها . حجة لجـنـات العـدن


ومن يقول ماعليك زود

[أقلط]

ومن يقول ماعليك زود

اللهم امين ومن يقرأ

:)

[torrjom]

هلا بقلط
عندي ارميعه
ممكن ايكون جبل احد
والجماعه الجبال التى تحيط بلمدينه
مذكور فى الفران (قل هو الله احد)
والرسول صلى الله عليه وسلم قال ان احد جبل يحبنا ونحبه

[أقلط]

اللهم صلي وسلم على نبينا محمد واله وصحبه اجمعين

هلابك اكثر يالغالي

ومالك لوا

تحيااتي

[torrjom]

صبح الخير
طيب قل رمعه قل وجه قل بعيد
ياسلام الله عليكم ياسلام.....عد السحاب وكل نقطه ينقطن

[أقلط]

صبح الخير
طيب قل رمعه قل وجه قل بعيد
ياسلام الله عليكم ياسلام.....عد السحاب وكل نقطه ينقطن

صباح الورد وصح قلبك

بعيد يالغالي

مغليك

[يوسف الخليفة1]

عندي رمعة أخي العزيز أقلط ما تقول في الميزان من جماعة الطن والشكر الجزيل

[ابو عبدالملك 2]

وش رايك في المهدي اسمه محمد يوافق اسم النبي واسم النبي موجود في القران

[أقلط]

عندي رمعة أخي العزيز أقلط ما تقول في الميزان من جماعة الطن والشكر الجزيل

هلا وغلا يابوعبدالله

ياحلو هالرمعة تبارك الله

انتظر الذابحة

تحياااتي

[أقلط]

وش رايك في المهدي اسمه محمد يوافق اسم النبي واسم النبي موجود في القران

هلا وغلا يالدكتور

مالك لوا يالغلاااا

تحياااتي

[ابو ماجد 2]

اخوي اقلط
السلام عليكم ورحمة الله وبركاته
محاوله اخرى
المن وحدة قياس 4 كج وتستخدم للاسماك
المن مذكور بالقرآن الكريم( وظللنا عليهم الغمام وأنزلنا عليهم المن والسلوى)
وموجود في آخر الزمن
تحيتي لك وتقديري

[أقلط]

اخوي اقلط
السلام عليكم ورحمة الله وبركاته
محاوله اخرى
المن وحدة قياس 4 كج وتستخدم للاسماك
المن مذكور بالقرآن الكريم( وظللنا عليهم الغمام وأنزلنا عليهم المن والسلوى)
وموجود في آخر الزمن
تحيتي لك وتقديري

نعم كذا ريحتني الله يريحك من كل هم استاذي

الطن =1000كيلوغرام
والمن = 240كيلو من التمر

وكم مرة اشوف اهل النخيل بالقصيم والاحساء يبيعون به

والمن له احكام شرعية

واليكم هذا الرابط للاستفادة وكله فوائد انظر الرد رقم 8 ورقم المن 24

من هنا (http://www.ahlalhdeeth.com/vb/showthread.php?t=95720)

نعم رمعة استاذ وخبير تبارك الله

والغالي ابوعبدالله ماقصر

صح قلبك وفكرك استاذي

نعم المن من جماعة الطن وكلهم وحدات قياس

لاهنت ولاهان غاليك

المحب دائما

[أقلط]

وهذا شرح للغز

ويش عودٍ من جهل بـه مايـلام = نعم ماعليه اي ملامة


من جماعة شايبٍ في أقصى الوطن =من نفس الفصيلة للمقاييس والاوزان


له سمي ابنفـس نطقـه بالتمـام
فـي كتـاب الله ودوّر يالفـطـن = المن والسلوى


اسمعوا نقطة قبل مسـك الختـام
عودنا ياتي فـي آخـر هالزمـن =وهو من المقاييس الشرعية

تحياااااتي

[ابو ماجد 2]

اخوي اقلط
صح بدنك وصح لسانك
والمن من بعد رمعتي لحرف النون اتت ببالي رمعته ولكن ماادري ويش اللي خلاني اصر ان المقصود رجل حقيقي لذلك عدلت عن رمعتها وهذا قصور فهم مني.. ولكن بعد ردك على ابو عبدالله عرفت ان رمعة المن راكبه صح لسانك وصح لسان ابو عبدالله على التمهيد للحل
تحيتي لك وتقديري

[northstar46]

منفذ سلوى والسلوى بالقرآن وش رايك بين العيون والا من جنب الاذان

[torrjom]

كفو يابو عبدالله 1وكفو يابوماجد على الحل الوافي الدقيق بيض الله وجيهكم
منكم نستفيد
كفو ياقلط والله انك منتب سهل (ماشاء الله عليك)الحل بين عيوننا ولانشوفه
قمة التلاعب فى الالفظ .... بيض الله وجهك

[ابو ماجد 2]

اخوي اقلط
صح لسانك يالغلا رجعت لمعطيات اللغز والآن انتبهت لعيال شايب بقصى الوطن
مايحتاج يالغالي لو فطنت لها ماترددت برمعتي لغز مليان وجزل من جزيل
وننتظر اخوانه

[أقلط]

اخوي اقلط
صح بدنك وصح لسانك
والمن من بعد رمعتي لحرف النون اتت ببالي رمعته ولكن ماادري ويش اللي خلاني اصر ان المقصود رجل حقيقي لذلك عدلت عن رمعتها وهذا قصور فهم مني.. ولكن بعد ردك على ابو عبدالله عرفت ان رمعة المن راكبه صح لسانك وصح لسان ابو عبدالله على التمهيد للحل
تحيتي لك وتقديري

صح قلبك استاذي

نحاول نستفيد منكم

;)

[أقلط]

منفذ سلوى والسلوى بالقرآن وش رايك بين العيون والا من جنب الاذان

هلا وغلا اخوي

اللغز محلول يالغالي

وياهلاااا

[أقلط]

كفو يابو عبدالله 1وكفو يابوماجد على الحل الوافي الدقيق بيض الله وجيهكم
منكم نستفيد
كفو ياقلط والله انك منتب سهل (ماشاء الله عليك)الحل بين عيوننا ولانشوفه
قمة التلاعب فى الالفظ .... بيض الله وجهك

هلا وغلا اخوووي طرجم


ماعليك زود يالغالي

لازم نتلاعب ونجيب كل جهدنا لتغطية اللغز لانكم بوارديه تبارك الله

وجهك ابيض دنيا وآخرة بإذن الله

تحياتي يالغلاا

[أقلط]

اخوي اقلط
صح لسانك يالغلا رجعت لمعطيات اللغز والآن انتبهت لعيال شايب بقصى الوطن
مايحتاج يالغالي لو فطنت لها ماترددت برمعتي لغز مليان وجزل من جزيل
وننتظر اخوانه

هلابك يالغلاااااا

نعم من جماعة شايب بأقصى الوطن

والطن = في اقصى كلمة الوطن و=1000كيلوغرام

وعودنا يأتي في آخر هالزمن

والمن = في أخر كلمة الزمن و=240كيلوغرام

وأنت عندما رمعت حرف النون قلت بلاشك الرمعة القادمة هي القاتلة

وحتى ردي على تلك الرمعة كان توضيح مبطن لان حرف النون هو نفسه وليس سمي له

سوا في القران او الكتاب او القصيدة ... الخ

ويبدو لي ان الكثير لم ينتبه لعلاقة الطن بالمن ولم يربطهم باللغز وعيونه !!!

ولا اخفيك اتصل بي احد الاخوه وقال لغزك مدفون بالحيل .وقال من بيطري على باله

المن والسلوى اللي في القرآن والمن المعروف بالاوزان . وقلت له ارجع وتفحص اللغز

جيدا وعطني ملاحظاتك كلها وفعلا اتصل وقال نفس الملاحظة السابقة .


قلت طيب .. اليست كلمة طن في اقصى كلمة الوطن .؟!؟ قال نعم

وقلت اليس من المقاييس قال نعم . قلت اليست كلمة من في أخر كلمة الزمن.؟!؟!

قال نعم . ؟!؟؟! قلت اليس من المقاييس قال نعم .. قلت اليس المن مذكور في القران

بنفس النطق والحروف قال بلى . قلت هل يلام من يجهل المن بالاوزان..؟!؟ قال لا

قلت هذه عيون اللغز هل لغزي حتى الان مدفون ..؟؟ قال بل واضح وضوح الشمس

ولكن طريقتك كانت ذكية للغاية وفعلا لغز مكشوف وواضح ويملى العين

قلت له . اجبروني الاخوان في قسم الالغاز على هذا الغطو والفكرة . ماشاء الله عليهم

مايخلون اللغز يمسي ليلة واحدة :p

":"
ابوماجد

بيض الله وجهك ومرورك وثناءك لتلميذك تشجيع وطيب منك

تحيااااتي للجميع

[ابو ماجد 2]

اخوي اقلط العفو يالغلا انت الاستاذ والشاهد هاللغز بارك الله فيك
بس عندي مداخله وهي للفائده فقط
المن.بالاسماك اعتقد اربع كيلو ونصف
والمن بالتمر..كما تفضلت 240 كيلو
تحيتي لك وتقديري

[torrjom]

هلابك يالغلاااااا

نعم من جماعة شايب بأقصى الوطن

والطن = في اقصى كلمة الوطن و=1000كيلوغرام

وعودنا يأتي في آخر هالزمن

والمن = في أخر كلمة الزمن و=240كيلوغرام

وأنت عندما رمعت حرف النون قلت بلاشك الرمعة القادمة هي القاتلة

وحتى ردي على تلك الرمعة كان توضيح مبطن لان حرف النون هو نفسه وليس سمي له

سوا في القران او الكتاب او القصيدة ... الخ

ويبدو لي ان الكثير لم ينتبه لعلاقة الطن بالمن ولم يربطهم باللغز وعيونه !!!

ولا اخفيك اتصل بي احد الاخوه وقال لغزك مدفون بالحيل .وقال من بيطري على باله

المن والسلوى اللي في القرآن والمن المعروف بالاوزان . وقلت له ارجع وتفحص اللغز

جيدا وعطني ملاحظاتك كلها وفعلا اتصل وقال نفس الملاحظة السابقة .


قلت طيب .. اليست كلمة طن في اقصى كلمة الوطن .؟!؟ قال نعم

وقلت اليس من المقاييس قال نعم . قلت اليست كلمة من في أخر كلمة الزمن.؟!؟!

قال نعم . ؟!؟؟! قلت اليس من المقاييس قال نعم .. قلت اليس المن مذكور في القران

بنفس النطق والحروف قال بلى . قلت هل يلام من يجهل المن بالاوزان..؟!؟ قال لا

قلت هذه عيون اللغز هل لغزي حتى الان مدفون ..؟؟ قال بل واضح وضوح الشمس

ولكن طريقتك كانت ذكية للغاية وفعلا لغز مكشوف وواضح ويملى العين

قلت له . اجبروني الاخوان في قسم الالغاز على هذا الغطو والفكرة . ماشاء الله عليهم

مايخلون اللغز يمسي ليلة واحدة :p

":"
ابوماجد

بيض الله وجهك ومرورك وثناءك لتلميذك تشجيع وطيب منك

تحيااااتي للجميع

اخوي اقلط
اللغز اذا اندفن او انقبر قبر احسن
لان اللي اسوي اللغز يتعب على اللغز وذا كان واضح
بعد التعب وش الفايده ينرمع ابثواني
وتعبك يروح ببلاش
اهم شي اذا انرمع الرمعه وارده ميه بلميه
لو يقعد سنسن ماانحل
ولغزك راكب ميه على ميه

ادفن دفن ولاخلص ادفن ارجع وقبر قبر اذا فيه شى واضح

لاكن لاتخلى لاحد مدخل عليك
ونت تعلم ما تعلم
انا مع اللغز المقبور قبر ولا له ملامح
لاكن بنفس الوقت راكب زي لغزك هذا

عندي اللغاز له حوالى ثمان اسنين الى الحين مانحلت
يعني انا ماعرف اركب اللغز؟؟؟؟؟؟؟
لك كل الشكر
تلميذك طرجم