شكشوكة بدون بيض

[عبد الله الفايز]

بعض الناس يحب الشكشوكة بالحيل ولكن إلى كشت يبلش يتكسر البيض ماوصل مكشاته .
فيه طريقه حلوه تعوض وهي طريقه مجربه وناجحة ... كيف ؟
سو البصل والطماط مثل العادة هذهن زين ثم احمسهن بشوي سمن والى قرب يستوي ............
المفاجأة......... كب عليهن كم علبة قشطة التاج أو بوك أو أي شي وحرك الخلطة حتى تتحول إلى شكشوكة وأضف الملح والبهارات والفلافل حسب الرغبة وقدمها ساخنه للجياع اللي قاعدين يحترونك تخلص وبالهناء والعافية . مع تحيات الشيف عبدالله
علما بأن العلبة الواحده قدر خمسة أشخاص ... جرب وشف قبل تحكم

[أبو داحم]

شي غريب نجرب ونشوف

[الحاتمي]

التجربه خير برهان
مع العلم انها غريييييييييييبه لكن مانحكم قبل نجرب
ومشكور اخوي عبد الله ماقصرت

[ابو مساعد]

السلام عليكم ورحمة الله وبركاته

الاخ العزيز { عبد الله الفايز } وربي شي عجيب اذا ضبطة صح بطعمها .

تحياتي .

[الملثم]

أقول الله يسامحك ياعبد الله الفايز وهاك السالفة من أولها .
أمس قريت مشاركتك قلت مابي أجربها من أول كشته ، خل أجربها بنفسي ، زين كشتنا مع الشباب وأعلمهم بالخلطة ولا ربعك من شمالي بوداحم وين البيض من القشطة وين الثرى من الثريا ورفيقي مايبي يقتنع قلت له هذا أنت ميت على المنسف ( أكله شاميه يطبخون اللحم في اللبن ) وين اللبن من الماء عموما قلت أجرب أحسن أصبحنا اليوم وحن معودين وأنا هالشكشوكة بين عيوني ،وصلت البيت أدور قشطة مالقيت رحت البقالة القريبة ماعنده الثانية ماعندة رحت الجمعية ( مجمع مثل البندة ) وثيابي الله لايرويك بعد الكشته . خذت القشطة وعلى البيت بسرعه ، والله واقطع البصل والطمام وأسوى الحمسة وأكب القشطة وأحمسها وأحمسها ،يوم استوت كان أقرب ملعقة صغيرة وانا نفسي مسدودة من كلام خويي بسم الله اول مرة قلت لا الطعم مابين المرة الثانية ياسلالالالالالالالالالالالالالالالالالام عجيبة انا أموت على الشكشوكة اذا صارمعاها جبن وهذه طعمها جاهز .وبعد ماكلت وشبعت قلت :
الله يجزيك خير يالفايز بس الله يسامحك ليش ما طرحتها من زماااااااااااااااان :p
محبك الملثم

[عبد الله الفايز]

للرفع

[كوال]

السلام عليكم

والله ماندري عن الطريقة الجديدة .....ولكن التجربة خير برهان

وهل طعم الشكشوكة..الجديدة..نفس طعم المتعودين عليها...؟؟؟؟؟؟؟؟؟؟؟:rolleyes: :rolleyes: :rolleyes: :rolleyes: :rolleyes:

[أبو يوسف]

طريقة غريبة

ولكن هل طعمها مقبول

أخاف أسويها وامسك بحق من الربع


مشكور أخوي على الطريقة


تحياتي

[قصيمي دب سريع]

ابجربه وهنه ماتطلع زينه
ترا قوطي القشطه بربعت اريل واريل والا تايد
تدري هونت ماني مزينه اخاف تخرب قشطتنا وكشنتنا الي هي الطماط والبصل
مير ابقدم الفطور كشنه وقشطه .........بدل نوع يصير عندي نوعين
هااااااااااااااااااااااااااه وشتقول بي ذهين

[لهيب الشوق]

مشكور أخوي عبد الله الفايز على الطريقة

[maxima20009]

شي غريب نجرب ونشوف ومشششششكور