سلقة ضايعة يا خوان

[عبد الله راشد]

السلام عليكم ورحمه الله وبركاته
مساكم الله بالخير جميعا
انا يا خوان لقيت لي سلقة ( ضارية ) ضايعة تدور حول مخيمنا في الرياض
فقلت احط صورها في المنتدى لعل الله يردها لراعيها
ويبشر راعيها من يجيبها له لين بيته ولا مكانه كل ما عليه انه يحدد مكانه وماله الا انها تاصله
واذا كان راعيها مهوب موجود ولا ما احد عرف السلقة منهي له بصراحة انا بربيها :rolleyes:
لان في خاطري اربي سلق الله يكرم الملايكه ويكرمكم
لان بصراحة كل ما بغيت لي سلقة ما القى الا واحد يبي يبيع وبيعهن حرام مثل منتوا عارفين
وبصراحة محد يرخص حلاله فمحد متجمل مع احد ما يعرفه :confused:
ويهديه سلقة
فالمطلوب جعله ما يامر عليكم عدوا يارب
اللي يعرف راعي السلقة ولا منهي ليه يرسلي خاص ويبشر من يوصلها لين مكانه
والحاجة الثانية السلقة طيبة ولا لا :D بصراحة
والعذر والسموحة ما صورتها الا في الليل :(
http://www.mekshat.com/pix/upload02/images79/mk91663_1.jpg


http://www.mekshat.com/pix/upload02/images79/mk91663_2.jpg



http://www.mekshat.com/pix/upload02/images79/mk91663_3.jpg



http://www.mekshat.com/pix/upload02/images79/mk91663_4.jpg



http://www.mekshat.com/pix/upload02/images79/mk91663_5.jpg


ترى يا خوان ما عليش حركتها واجده عشان كذا ما عرفت اصورها زين :D
الله يردها لراعيها يارب
وانا بيعوضني الله اخير منها انشاء الله

[مجندل]

والله انها نفس شكل السلقه حقتي ..
منحاشه مني قبل 5 شهور تقريبا ..

..

ولكن فيها علامة فارقه ..
..

العلامه هي / جرح خفييف مرشوش بالبخاخ الأزرق ..
على جنب السلقه ( مدري الايمن او الايسر ) ..!

إذا لقيت هذي العلامه فأخبرني :)

..

الله لايحرمك الأجر
:)

[عبد الله راشد]

والله يا خوي ما لا حظت عليها لون بخاخ ولا شي واذا كان فيها فهو قد راح مع الوقت
والله لا يحرمنا ولا والدينا من الاجر ولا كل مسلم
وشكرا لك

[ذيب عتيبه]

ياولد ياولد الحق أحذف الصور ... لايجيك وآحد يقول انها لي ويكذب عليك


أكتب أن فيه سلقه ضايعه ولونها أزرق ... بس واللي له شي ظايع خله يكتب موآصفاته

[عبد الله راشد]

اشهد انك ذيب يا ذيب عتيبة بس اللي بيقول انها له يعلمني وين ضايعة منه فيه بيجيه كم سؤال حاسب حسابها الله لا يهينك على مرورك الكريم
بس يا ذيب ما قلتلي هي طيبة ولا لا ؟ ولا سياحية ؟ بالعربي
ما تسوى من يشوف لها ذيخ طيب ويا خذ نسلها ؟
الله لا يهينك يالغالي

[ذيب عتيبه]

اشهد انك ذيب يا ذيب عتيبة بس اللي بيقول انها له يعلمني وين ضايعة منه فيه بيجيه كم سؤال حاسب حسابها الله لا يهينك على مرورك الكريم
بس يا ذيب ما قلتلي هي طيبة ولا لا ؟ ولا سياحية ؟ بالعربي
ما تسوى من يشوف لها ذيخ طيب ويا خذ نسلها ؟
الله لا يهينك يالغالي



حيآك الله يالغالي

ماعليك زود وجعلني مابكيك يابو راشد ... مير خبرك الناس هالزمن ماعاد همها الا الكذب والاحتيال الا من رحم الله .. وأحيي فيك والله يابو راشد قلبك الصآفي .. ولكن الزمن وانا خوك تغير


والله يالغالي من ناحيه السلقه .. فتقاسيمها ضعيفه شوي .. مهيب على ماقالو اللي تطمح لها .. ولكن ماعليك من الشكل بالمقام الاول عليك من الفعل .. جربها وبيوضح طيبها من ردآها


وكم من سلقه شفنا شكلها مابعده شكل ووصف مامثله .. والفعل ماعندك احد .. والعكس صحيح



ولكن بشكل عاد .. ان كانت حليو فعلها خلها تتقنص فيها وتستانس لكن أنك تنتج منها وتحافظ عليها ماأنصحك



في امان الله

[بوعلي قطر]

يعطيك العافيه يابوراشد على لاامانه
والله يكثر من امثالك

[عبد الله راشد]

مساك الله بالخير يا ذيب عتيبة وبيض الله وجهك وما قصرت على كلامك ونصايحك وكثر الله من امثالك وانا اخوك والله لا يهينك على الرد والاهتمام والله لا يهينك على مرورك الكريم


بو علي اشكرك على مرورك يا لغالي والله يجزاك كل خير وكل مسلم
ولا هنت على الكلام الحلو

[خياله الجدعا]

بيض الله وجهك ياالذيب والله يكثر من امثالك احذف الصوره وراعيها يوصفها0شكراعلى الامانه0

[راعي سبحة]

الله يعقلها لصاحبها

[ولد غامد]

والنعم فيك والله

زميلي النيوزلندي جمبي
وترجمت له كلامك وانبسط بالمرة من امانتك
لكن تراه يقول انها ضايعة منه !!

[راعي عدلى]

ولد غامد نزل بالمنتدى صور لها و تكون الصور واضحه و طبعها يعني جفولها راعيه لعب سريعه ولا كذا
و من مته ضايعه و بأي مكان ضايعه و عمرها ان حصل

[ولد عنيزة]

تسلم يابو راشد على هالأمانه والله يكثر من أمثالك
ولو إنك مانزلت صورتها بس بلغت عنا يكون أحسن

[الوافي4482]

الله يعقلها لراعيها

[دواس الضلما]

الله يجزاك خير يبو راشد والله يكثر من امثالك

[مدامع الحر]

السلقه طيبه اخوي ماعليها دورلها ذيخ طيب وتراها عربيه اصيله دورلها ذيخ مثلها بس السلقه جروه ماقد اجعرت للحين عمرها اقل من سنه

[هاوي سلق]

بيض الله وجهك ياالذيب والله يكثر من امثالك

[مدامع الحر]

هاذي سلقتي اخوي رجعها يااخي

[مخطط 2008]

ياولد ياولد الحق أحذف الصور ... لايجيك وآحد يقول انها لي ويكذب عليك





أكتب أن فيه سلقه ضايعه ولونها أزرق ... بس واللي له شي ظايع خله يكتب موآصفاته

صادق والله وبعدين اذا ماجاك احد بعد سنة تملكها

[عبد الله راشد]

اشكركم يا خوان على المرور وعلى الكلام الحلو
وبالنسبة لصور ما انيب خايف من اي احد بيكون كذاب وانشاء الله ما فيه احد منكم بيكون كذاب وبيكذب ولا انشاء الله احد بيدني نفسه ويكذب عشان سلقة الله يكرم الملايكة ويكرمكم
لاني بصراحة اللي بيقول انها له يراسلني خاص ويجاوب على الاسئلة اللي بتجيه واذا صدق وجاوب عليها كامله يبشر من يجيبها له لين مكانه
واذا كانه مهيب له مهوب حالم بها الا ان كتبه الله
المثل يقول مايضيع حق وراه مطالب ... والحلال يرجع لهله لو بعد عمر
فانا قلت انشر صورها واللي يعرف يقولي ولا ربيتها وتونست معها
وما قصرتوا يا خوان على المرور وشكر لكم والله والصور بشيلها بكره انشاء الله
والله يجزاكم كل خير على امانتكم لان والله لحد الحين ما بعد شفت واحدا ارسلي رسالة خاصة وقال انها له فبكره اخر يوم تكون الصور في المنتدى

[اخوك يالذيب]

ماقصرت يا ابو راشد الله يكثر من امثالك

[اخوك يالذيب]

الله يكثر من امثالك يا ابو راشد

[حر اشقر]

الله يردها لراعيها وانا رايي من راي ذيب احذف الصور......

[عبد الله راشد]

اخوك يالذيب ما قصرت وبيض الله وجهك على مرورك الكريم
حر اشقر ابشر احذف الصور ولا يهمك لان الاخوان قالوها اكثر من مرة لي بس انا قلت بخلي الصور لين يوم الجمعة
واشكركم جميعا على مروركم الكريم

[رااعي الصفراا]

ابو راشد

اشهد بالله انك راعي امانه

وبيض الله وجهك

مثلك نادر وانا خوك

ولو اني راعيها والله وبالله ان اهديك اياها

[عبد الله راشد]

بيض الله وجهك يا خوي راعي الصفرا ومقصرت والله لا يهينك على مشاعرك الطيبة

[ابو فلوة]

السلام عليكم ابو راشد حاولت ارسل رساله خاصه ماقدرت لازم تكون المشاركه اكثر من خمسين وانا عندي سلقه تشبهلها حاول انت ترسلي رساله خاصه بالاسئله وانشاء الله تكون هي والصور ماعندي لها صور لانها قعدت عندي شهر ولا امداني اصورها

[عبد الله راشد]

يسعد مساك ابو فلوه .... انت اول واحد يقول انها له وانشاء الله انها تكون هناتك يعني سلقتك لان مالي فيها حاجة وراعيها يدورها بصراحة بس انا مثلك وانا خوك مشاركاتي ما وصلت خمسين رسالة خخخخخخخخخخخخ فالحل انك اتحط ايميلك وندردش انا وياك على المسن وان كانها لك فابشر من يجيبها لين مكانك وان كانها مهيب لك فالله يعقلها لراعيها وانا والله وانا خوك ما عندي سلق غيرها وودي اربي سلق بس ما ودي اربي حلال الناس حرام يعني فاذا رجعت لراعيها انا الله بيعوضني خير منها انشاء الله وان ما لقيت راعيها ربيتها لين القى راعيها ويبشر باللي يامر عليه

[ابو فلوة]

هلا ابوراشد الايميل ba23456@hotmail.com

[راع حداء]

الله يعقلها لراعيها...
والله يعطيكـ الف عافيه يابو راشد على الامانه ... وصراحه لو انها لي لهديها لكـ يالغلا ...
وبصراحه تشبه سلقتي الله يشفيها قولو امين ..

[عبد الله راشد]

امين يا راع حداء والله يشفي سلقتك

[نفاج]

مشكور على الأمانه والله ونعم الرجال مثلك قليل الله يرده الى راعيه وتره زوينه تطرب عليها وجرب الفعل أهم شي

[امير امقناص]

اسلام عليكم ورحمت الله اخوكم امير المقناص اقول لو كتبت كم عمرها وين ضيعتها بضبط

[عبد الله راشد]

حبيبي نفاج ما عليك زود يا حبيبي واشكرك على مرورك الكريم وعلى مشاعرك الحلوة
اخوي امير المقناص انا ماضيعتها يالغالي انا لاقيها فحطيت صورها عشان يشوفها راعيها عشان ما اقلب راسي وراسه وهو يوصف لي شكلها عشان لو شافها يقول هذي سلقتي الله يكرم الملايكة ويكرمك يا حبيبي واشكرك على مرورك يالغالي

[عاشق الوافي]

الله يردها