سؤال خاص للي ييعجمون بالبران بالليل [الأرشيف]

اسير الغضا

25/09/2008, 04:43 AM

اخباركم يالمكشاتيه
اليوم سيرنا على نفود يقاله الرايسيه
بعنيزه بددسن 92وياليتنا ماطلعنا
قعدت السياره بها الليل ورقص وبرح ولاتحط لا تسوي الموتر عيت تطلع
ياولد يمين يسار والابراج دمار
قلت مالنا الا الفلشر
وشغل الفلشر وبعد برهه ولا والشاص جاي
وماتسوى فرحتنا كبس وملزمين عليه يجي
واشواء جاء وجرنا الله يجزاه
الف خير
وقلت غدين اذا طبيت بالبيت اسال المكشاتيه
ومثلكم خابرين منتدى يجمع الخليج كله مايفوت
وحط اي استفسار وان شاء الله ماتقصرون
وهاذي صوره قبل التغريزه
http://www.mekshat.com/pix/upload02/images81/mk88470_jjj.jpg

وكل قرقي يالغالين علشان السؤال الي يقول
وش تسوي اذا غرزت بالليل وبعيد عن الزفلت طبعا السيا ره ماتقدر تتطلعه لانت ولا الي معك
ولا تنسون الاستفتاء فوق لاهنتو

اعذرون على السرد الممل

الوعب

25/09/2008, 08:12 AM

السلام عليكم ورحمة الله و بركاته

غير الاساسيات الي هي جوال وجهاز ارسال ,, بصراحه قلم الليزر يفيد في ثل هذه الحالات
خصوصا اذا وصفت لواحد محلك وهو بعيد عنك ,, ارفع قلم الليزر فوق بالسما وحركه... بشرك يكون من النوع القوي
وراح يشوفه على مسافه بعيده جدا

اسير الغضا

25/09/2008, 07:47 PM

حق الفيتو

25/09/2008, 07:55 PM

عيون الغلا

25/09/2008, 07:56 PM

بالرايسيه الزفلت قريب لمك يالذيب:p أجل لو أنت بالصياهد وش تبي أتسوي ؟:(؟:(؟:(؟:(؟

.

اسير الغضا

25/09/2008, 07:59 PM

معك حق يالغالي الزفلت قريب بس المحاوط مع السيوف يبعدن المسافه
ويالغالي الرايسيه كله هيار بس الصياهد مليانه جواد
تحياتي لك وشاكر لك مرورك العطر

اسير الغضا

25/09/2008, 08:58 PM

الي سمعته ان الي معه ليزر يحجز هو وليزرة :mad:
من لقبك يالغالي من قول شي
ويا خوينا صارت لليزر ميزة عظيمه وش المشكله

اسير الغضا

25/09/2008, 09:47 PM

مير اشوف العالم تغيشمو تعميج بهاليول والله لو يغرزون مثل تغرزتي مع الشنبات
سان يفكرون عشر تلاف مره قبل مايصوتون للتعميج بشجاعه
والظاهر كلهم راعين جيوب
ابي اشوف مشاركات لراعين الهايلكسات والدداسن

مروض الجير

25/09/2008, 09:54 PM

مشورتي لك انك تبيع سيارتك اذا تحب البر وتشتري جيب باترول اريح لك وابرك من سيارتك والله يعطيك خيرها ويكفيك شرها

اسير الغضا

25/09/2008, 10:03 PM

مشورتي لك انك تبيع سيارتك اذا تحب البر وتشتري جيب باترول اريح لك وابرك من سيارتك والله يعطيك خيرها ويكفيك شرها
يالغالي والله اني دايم افكر بربع تايوتا ولا نيسان
بس ماش البر القريب من الديره ماله طعم الا بالدداسن والهايلكسات
بس راعين الصمان والدهناءخذ جيب وزهله
تحياااااااااتي وشاكر لك مرورك العطر

northstar46

25/09/2008, 10:54 PM

أخي الكريم :اهم شي اذا طلعت حتى لو سيارتك جيب لازم يكون معك شيول ( رفش - كريك ) وخل صدرك وسيييييع وبرح بمزاج الى ما تصير السيارة كأنها واقفه طبيعي ولا تنسى اللي تحت بطن السيارة اهم منطقة وهي افضل طريقة جربتها من الددسن حتى العايدي وبالطين والرمل واذا عجزت هاك الساعة دور المساعدات الخارجية اهم شي سعة الصدر وعدم الاستعجال لانه يزيد الطين بله ولا تيأس ابد

اسير الغضا

26/09/2008, 03:52 AM

اسير الغضا

26/09/2008, 04:02 AM

اسأل الله السلامه للجميع

ابوطاقية

29/09/2008, 08:15 PM

افرش فراشك الى يجي الصبح والصباح رباح

اسير الغضا

29/09/2008, 08:43 PM

هههههههههههه
مانب صابر الى الصبح
شاااااااكر مشاركتك المفيده وكلن له طريقته ووجهته

سيف الظفير

29/09/2008, 08:52 PM

على حسب الاخوياء والمواتر اللي معي

جيوب شاااص وفكسارات وباترول

بطلع والامر بيد الله

حق الفيتو

29/09/2008, 10:55 PM

من لقبك يالغالي من قول شي
ويا خوينا صارت لليزر ميزة عظيمه وش المشكله

دفع المضرة مقدم على جلب المصلحة :)

اسير الغضا

30/09/2008, 02:03 AM

الف شكر للجميع

هوى الشرق

05/10/2008, 06:33 AM

ودك الواحد قبل ما يطلع البر سواء كان قريب والا بعيد يعلم اهله او اخوه انه رايح للمكان الفلاني علشان لو سمح الله صار شي وإلاهم يعرفون مكانه ، هذي وجهة نظريـــــــــــــــــ.....

اسير الغضا

05/10/2008, 10:14 PM

ودك الواحد قبل ما يطلع البر سواء كان قريب والا بعيد يعلم اهله او اخوه انه رايح للمكان الفلاني علشان لو سمح الله صار شي وإلاهم يعرفون مكانه ، هذي وجهة نظريـــــــــــــــــ.....
كلامك بمحله يالغالي

القارمن999

06/10/2008, 08:59 AM

أجل امتعلقن بالمباخر...
وراك مادقيت علي أجي أجرك..!!
الا اصبر!!!وراك ماعلمتن انك تتطلع علشان أخاويك...!!
ياخي معك ددسن مامثل بلاد القسيم ........

"أمزح"

اسير الغضا

07/10/2008, 01:36 AM

بلاد قسيم كله غضاء وميزته مامن غراز وشكلك من عنيزه يالغالي

وترا بعض صور توقيعي من بلاد قسيم

طبعي شمالي

07/10/2008, 02:56 AM

اشتري جيب وريح راسك سفاررررري

اسير الغضا

07/10/2008, 03:23 AM

لا ياخوي لو بغيت جيب موجود موتر الوالد وما يقصر بس الددسن ددسن

وشاكر مشاركتك ودمت بود

أميرالعشاق

28/05/2011, 04:31 AM

تم التصويت...نعم ادخل وأفضل وبكل شجاعه..
الحمد لله... اذا نويت أطلع البر..هذي الأساسيات/
الجيب جاهز.. ومجهز للبر
اجهزة اتصال وقارمن وليزر
ادوات للخروج من التغريز
ماء وطعام يكفي لمدة اسبوع
حقيبة اسعافات اولية
خيمه صغيره وفراش نوم
سلاح شخصي مرخص
بالإضافة لحقيبة ظهر احتياط..
فإذا تعطلت السيارة لا قدر الله ولم تعمل اجهزة الاتصال
ولا احد قريب..
أبيت في المكان وانتظر للصباح ..
وان ماحصلت للسيارة حل ولا حولي احد قريب..
اخذ الأغراض اللي تكفيني في حقيبة الظهر
وامشي لحدما القى ناس او اوصل للأسفلت

من شمر

28/05/2011, 05:08 AM

اما من ناحية تغريز رغم وعورة النفود فهذا مانخاف ولانهتم منه ابدا00 فالقياده على الطرقات والمدن فن وذوق اما البر وخاصه الرمال فهي تتطلب مهاره وفن ولا كل سائق يجيد القياده باالمدن ان يدخل النفود ويطلع بسلام الا بعد ممارسه ولكن المشكله اذا صار خراب بالسياره كبير ويصعب اصلاحه فهذي يلزمها تفكير بهداوه وخاصه اذا معاك اولاد صغار سن00 فيلزمك أجهزة اتصال وتحديد مواقع وطق خيمه وهدوء حتى وصول احد اليك او البحث عن احد بالشي المعقول دون مغامره وربنا الموفق00

مهاجر للشمال

28/05/2011, 06:22 AM

انا ادخل النفود بالليل بس بحذر
لان القيادة بالليل وخصوصا بالنفود خطيرة
اولا احتمال الانقلاب كبير اذا انت تمشي بعروق مثل عروق الدهناء وماتعرفها زين
واذا كنت بالصمان فالخوف هو من الدحول اذا ماتعرفها وماعليها صبات يمكن لاقدر الله تطب لك بدخل وتروح فيها
القيادة بالليل خطيرة ويجب على المكشاتي انه يكون حذر.
واهم شي انك تكون مجهز سيارتك بالنسبة لي مجهز سيارتي بثلاث اجهزة ايكوم واحد مثبته بالسيارة وثنين يدوي بالاضافة الى بطاريات احتياط لليدوي+شنطة اسعافات+تانكي ماء+شنطة ظهر+جهازين قارمين واحد مثبت بالسيارة و جارمن يدوي، الشباب يتريقون علي يقولون وين بتروح للربع الخالي، ومرة كنا بالدهناء وطحنا برباضه مسكت مواترنا، ماقدرنا نطلع كان السيارة مسمره بالارض، اعطيت اخوياي ايكوم يدوي ومعي ايكوم وقمت امشي على رجولي ومعي شنطة ظهر فيها اكل وماء حتى وصلت عند راعي حلال وجاء وطلعنا عقبها سكتو ماعلقوا على تجهيزاتي وبعدها قلدوني.
الحذر زين يالربع

أميرالعشاق

28/05/2011, 10:34 PM

.............وقمت امشي على رجولي ومعي شنطة ظهر فيها اكل وماء حتى وصلت عند راعي حلال وجاء وطلعنا عقبها سكتو ماعلقوا على تجهيزاتي وبعدها قلدوني.
الحذر زين يالربع
:good2::good2::good2::good2::good2:
هذا التفكير السليم ...والله يعيننا على تعليقات بعض الاخوان ..
اللي مو عاجبتهم شنطة الظهر..اللي يقول (ذكرتني بطلاب ابتدائي!!)
واللي يقول (وين عايش..بامريكا!!)
واللي يقول (لايكون فيه مجاعه وحنا ماندري!!)
وغيرها كثير...ولكن لو عرفوا قدرها ..ما عابوها...وفق الله الجميع

مهاجر للشمال

29/05/2011, 10:12 AM

:good2::good2::good2::good2::good2:
هذا التفكير السليم ...والله يعيننا على تعليقات بعض الاخوان ..
اللي مو عاجبتهم شنطة الظهر..اللي يقول (ذكرتني بطلاب ابتدائي!!)
واللي يقول (وين عايش..بامريكا!!)
واللي يقول (لايكون فيه مجاعه وحنا ماندري!!)
وغيرها كثير...ولكن لو عرفوا قدرها ..ما عابوها...وفق الله الجميع

مرحبا امير العشاق
الشباب كانوا مبهذليني بالتعليقات، كانوا ينادوني بالامريكي ومره يقولون انت موسوس ومرة مدري ايش، واذا كشتنا وجلسو ماعندهم سالفة قاموا يعلقون على تجهيزاتي، عقب ما صار لنا الموقف اللي ذكرته لكم فوق وغرزت سياراتنا وشلت الشنطه على ظهري والايكوم اليدوي بيدي والجارمن اليدوي معي ورحت ادور احد يطلعنا ونجحت في اني اجيب واحد يفزع لنا، سكتوا وكل واحد منهم عض على شحم على قولت واحد من الشباب، عقبها قاموا يقلدوني وقمت اقول لهم هاه وش جاكم صرتم امريكيين مثلي صرتم موسوسين مثلي، هم عاد ساكتين مايردون، مفتشلين.

حاتم البدراني

30/05/2011, 02:29 AM

ههههههههه ام عزيز ماتخلي حركاتها <<<معاشرها

لا والزين لاصارت البواجي دمار وقامت تقطع هههه اقعد

اجل مغرز بالرايسية اه اه اه اه اه اه يويل يــــــــالرايسية

لايتني قريب منها واغرز فيهااا كــــــل يوم عادي
ياحبنيلك ياعنيزة.

انا اقول بطح للكفر (نسم لها على 10 ) وتطلع
واذا هي متعلقة على الشاص ويدورن الكفرات ادفنوهن وحاول تشيلونها لو بعفريته

وترى زينة البر التغريز

كما قال الحكيم المجهول:
(قال كشت؟؟ قال ايه ..قال غرزت؟؟ قال لا ..قال اجل ماكشت !! )

تقبل مروووووووووووري

عشقي الصحاري

30/05/2011, 09:45 AM

ياخوي عليك بالحوض جيب الشاص @
حبيب القلب ذيبااااان@

الغاااااطي

30/05/2011, 01:53 PM

كنت دائم التردد على النفود في السنوات الماضيه وإلى الآن
والتغاريز والتعليقات كثيره لكن في ضني أن كل أنواع التغاريز تستطيع إخراج السياره
إلا إذا ضرب وجه الموتر وقفاه وصارت الكفرات الأماميه والخلفيه (تتدودل)
مثل الي في الصوره
http://www.yabdoo.com/users/476/gallery/3645_p177362.gif

وإذا ماقدرت تطلع الموتر عندك العفريته حط الوطايات فوق بعض ثم حط العفريته وارفع الموتر وبرح له

الوزير 111

31/05/2011, 01:12 PM

بدووووووووووووون تعلـــــــيقـــــ....
تمنياااتي للجميع بالتوفيقـــــــــــ....
تحياااتي الوزير 111
أبو خالد...

Abo gssar

31/05/2011, 01:23 PM

تم التصويت...نعم ادخل وأفضل وبكل شجاعه..

الحمد لله... اذا نويت أطلع البر..هذي الأساسيات/
الجيب جاهز.. ومجهز للبر
اجهزة اتصال وقارمن وليزر
ادوات للخروج من التغريز
ماء وطعام يكفي لمدة اسبوع
حقيبة اسعافات اولية
خيمه صغيره وفراش نوم
سلاح شخصي مرخص
بالإضافة لحقيبة ظهر احتياط..
فإذا تعطلت السيارة لا قدر الله ولم تعمل اجهزة الاتصال
ولا احد قريب..
أبيت في المكان وانتظر للصباح ..
وان ماحصلت للسيارة حل ولا حولي احد قريب..
اخذ الأغراض اللي تكفيني في حقيبة الظهر
وامشي لحدما القى ناس او اوصل للأسفلت

:good2::good2::good2::good2:هذا الراي :good2::good2::good2::good2::good2::good2:

إلقناصه

31/05/2011, 02:41 PM

اصلي ركعتين وبإذن الله تنفرج

كل الشكر لصاحب الموضوع

Abdullh397

31/05/2011, 08:07 PM

نصيحتي لكل مكشاتي

ياخذ معه قطعه خشبه مسطحه و عفريته

و الله ما اشيل هم التغريز الحمد لله

ارفع الموتر و ادفن الي تحته مع ثلاثه رجال شقرديه يدفون

و تطلع سلام سلام

مفتون الضبي

31/05/2011, 08:11 PM

اخوي الرايسيه ماودك الحين تطبها ابد وانا اخوك خذ عزبتك واطلع للمشجار ولا بالجواد الزينه بس انتبه من الحيايا والعقارب ياكثرهن وانتبهو الله يحفضكم واهم شي اقر وردك

تباشير

31/05/2011, 09:14 PM

انت طالع تبي تغير جو واكيد انك منت مغامر بمكان ماتعرفه وافضل البعد عن الازفلت

بوراشد

03/06/2011, 12:05 AM

الحمدلله اللي سلمكم أولاً
والحمدلله اني ما صرت في نفس الموقف ثانياً
وثالثاً عسى الله يكفي المسلمين شر الموقف هذا

أبو علوى

03/06/2011, 12:05 AM

ليتني أغرز بس ما ش حظي سنع آه من آه في آه

خخخخخ

أقول طال شاربك و إندسم

نسم في الكفر لين ما تجيك التنتعة مزبوطة مع دعسات الأبنص ثم خل واحد يناقز في الصدام الخلفي وهذا خاص بالهلي والداتسون والشاص فقط لا غير

وهي أي التنتعة من إلى الأمام و من إلى الخلف و بشويش و هلم جرا و بتطلع سياراتك سلام سلام و إن دعا الأمر إلى التنسيم أكثر فنسم يا منسم ولا عليك أمر لأن عندك منفاخ هواء و أيضا معك إسبير لا قدر الله عطب الكفر فتكون محتاط

مستعجل باسقي القشع و ختموها بالسلام

kvip

03/06/2011, 12:11 AM

شباب انا معي صالون 99 دبل vxr ركبتله شاشه لمس + gps عليه خريطة السعوديه صحيحة بنسبة 98 بالميه للأسماء والشوارع معتمد من البلدية ووزارةالنقل السعوديه كلفني 4 الاف ريال ما تضيع سدى في الحياة بس انا حوات استفادتي منه اقل من فايدة اهل البر و شكرا

ابوصالح022

17/06/2011, 03:03 PM

يااااااااااااااااااااكثررررررررررر التغااااااااااااااااريز والتعلق

لكن نصيحه جهز موترك على قدر الامكان

انا اذكر مركب بموتري السابق تانكي 120 لتر ماء

وماادخل البر الا وانا مفلل البنزين فل

وقبل ماادخل انسم الكفرات على 5

ورافع موتري من الامام

والنمره دايم بالثاني مرررره ادووووووس ومرررررره اهدي

ياكثر المواقف الشينه
اذكر مره غرزت بالغضا الصراحه كانت الكفرات على 10
دخلت المهم امشي ولا الموتر بدا يضعف عزمه غرااااااز الله لايوريك وكسرت الطاره ولفيت ابهج من هالغراااز ودووووووووووووووس لاخر شي من الخبه ماودي اجلس بمكاني
وتغرزززز وتقووول هذا مكاني للعلم موتري السابق هايلوكس غماره موديل جديد

من الساعه 3 العصر الى 10 بالليل ضاق صدري
والجوال كانه نذللللل قال طروروو!!! البطاريه ضعيفه والرصيد 0
حاله زززززفت وبدا ارسل رسايل كول مي وكلم خويي قلت انا بالغضا وبدا اوصف له وقلت جوالي بيطفا ابسرعه بلا دلاااخه >>قفلت

المهم رقيت فوق هالنفووود وشبيت ناري علشان يشووفن وووصل وكنت فرحااان بقوه
قلت مافي امل اطلع الا ومعي دبل ولا والله مااطلع

والحمد لله سحبنا الموتر ويالله طلع بطن الموتر حابن الارض

بس نصيحه اخويه للجميع حط معك اكل وماء

ركب تانكي المنيوم او بلاستيك
بالحوض
وعبه ماء
وحط معك تمر
ماتدري يبي يجي يوم وتحتاجه

يعني اطلع لبر سهله ولا انسم ولا شي تكون الكفرات على 40 (يعني ارض جبليه ابرك من هالنفود بس انتبه لكفراتك)

اسف على الاطاله

السلوم 2005

19/06/2011, 12:08 PM

ياابو عزوز الله يهديك الرايسيه غراز وطالعن بددسن 92 :D
;)

_دربيل_999

19/06/2011, 12:22 PM

بارك الله فيك اخوي..
اخوي بحاول ولكن برفق وبروية..
وشيء مؤكد بنتظر المساعدة إن وجدت..

اخوي انا لمن تكون سيارتي غير مجهزة للنفود ليش أغامر من الأساس..!

لك أجمل تحية

نافع النافع

21/06/2011, 02:30 AM

اخوي ادخل اذا معي جيب او شاص والقارمن
وخوة النشامة مثلكم وشرواكم والاعتماد على الله

محطم عنيد

21/06/2011, 05:09 AM

شف طال عمرك طبعا إذا أنا والله ببر بعيد يعني زي مثلا بالنفود ولا الدهنا (حلمي أغامر بالربع الخالي إن شاء الله قدام )

أولا ما أروح إلا على جيب وأفضل يكون باترول (ولايزعلون هل التويوتا )

إذا لا والله اللي معي ددسن ولا هايلكس أقوم طالع عمرك وانسم الكفر 10 وأسوق بتركيز عالي وأشوف مدخالي ومطلاعي يعني بالعربي أعس ولا أغامر مغامرات لان الليل ماله أمان

طبعا اكيد وانا رايح معي جوال وكشاف وماء وأكل

وإذا حول الديرة زي ماطلعت الموضوع تساهيل ياربي لك الحمد الربع كلهم جعلهم ذخر قريبين

أتمنى إني أفدت وإن خرجت عن سياق الموضوع سامحني

دل البحار

22/06/2011, 01:38 AM

الهرجه يا طويل العمر انك لازم تشتري لك سياره دفع رباعي
شوف كيف بلشت فيك الددسن لو أنت لا قدر الله في مكان بعيد ،مشكله
دفع رباعي فل بانزين موتريكون نشيط""

وأفيدك بهذا الرابط

www.citc.gov.sa (http://www.citc.gov.sa/)

نموذج الطلب على هذا الرابط

http://www.citc.gov.sa/citcportal/Si...}/Default.aspx (http://www.citc.gov.sa/citcportal/SimpleText/tabid/103/cmspid/%7B0442EFC8-6D67-4B13-AEA7-6353232BEBE7%7D/Default.aspx)

الصقر الحربي

26/06/2011, 07:37 AM

انا من الناس اللي أعشق المغامرات ولها طعمها وحلاوتها
بس السيارة الصغيرة ماتساعد
عز الله اني وصلتها مواصيل ما احد يصلها
وش تسوي الجود من الموجود

راعي هدد 2007

28/06/2011, 12:11 PM

نصيحه لك ولغيرك ياشباب
نصيحه الى يضيع ولا يتعطل موترة لايتعدى سيارته ابد
دايم الدفاع المدينى يلقون السيارة قبل الرجال ليش السيارة اوضح من الرجال فيها قزاز يعكس الشمس
وهذا من تجربه من ناس شغالين فى الدفاع المدنى والله يستر عليكم

محب الخيال

28/06/2011, 06:46 PM

ههههه مغامر لا هنت مشكور للموضوع

برق الجهمه

09/07/2011, 02:39 PM

هذا بلا ابوك ياعقاب

alrsash911

11/07/2011, 11:39 AM

الفرقه عن الزفلت بالليل يبغاله واحد يكون عنده الخبره والاستعداد اللازم بمواجهة الظروف المحيطة مو إذا نقز حصني جاه سكته ولا إذا غرز قام يتلفت يدور احد لا زم يعتمد على نفسه ويكون عنده خبره كافية بالتغاريز

تحياتي

عيون الوحش

12/07/2011, 05:30 AM

اخباركم يالمكشاتيه

اليوم سيرنا على نفود يقاله الرايسيه
بعنيزه بددسن 92وياليتنا ماطلعنا
قعدت السياره بها الليل ورقص وبرح ولاتحط لا تسوي الموتر عيت تطلع
ياولد يمين يسار والابراج دمار
قلت مالنا الا الفلشر
وشغل الفلشر وبعد برهه ولا والشاص جاي
وماتسوى فرحتنا كبس وملزمين عليه يجي
واشواء جاء وجرنا الله يجزاه
الف خير
وقلت غدين اذا طبيت بالبيت اسال المكشاتيه
ومثلكم خابرين منتدى يجمع الخليج كله مايفوت
وحط اي استفسار وانشاء الله ماتقصرون
وهاذي صوره قبل التغريزه
http://www.mekshat.com/pix/upload02/images81/mk88470_jjj.jpg

وكل قرقي يالغالين علشان السؤال الي يقول
وش تسوي اذا غرزت بالليل وبعيد عن الزفلت طبعا السيا ره ماتقدر تتطلعه لانت ولا الي معك
ولا تنسون الاستفتاء فوق لاهنتو

اعذرون على السرد الممل
من خبرتى بالنفود لانى بدوية نسم الكفرات او ركب كفرات خط اعراض وجنط 16 اذا انا مانى غلطانة وتغريزه يبيلها سواااااق محترف اختك عيون الوحش

النمس انا

12/07/2011, 10:17 PM

نم حتى تصبح
وربك يفرجها

صايد ابوعوايد

20/07/2011, 03:33 AM

يالربع موضوع الرجال من عام 2008 يعني قديم شوفوا بداية الموضوع ....
تحياتي لكم ...

النمرالأليف

22/07/2011, 05:05 AM

اللي معه bmwمثلي اكيد ما راح يطعس كان اطعس على رجولي ممكن

وحيد الليل404

25/07/2011, 09:57 AM

اسال الله السلامة للجميع

التركوازي

30/07/2011, 11:59 PM

نسم الكفرات وشف وش يسوي الموتر

عسا الماء واجد ؟

العاذر

31/07/2011, 08:52 PM

الموضوع متشعب ويحتاج الى تفصيل اكثر فأقول وبالله التوفيق

الدخول في الصحراء ليلاً وأقصد بالدخول ( التغليس لمسافات بعيده عن المسفلت) ليس بالامر الهين كما يتوقع البعض وخاصة قليلي التجارب من فئة الشباب, صغار السن الذين لايعلمون عن عواقب الامور ,

فهناك عدة امور يجب ان تكون على علم بها تماماً ومنها بعد التوكل على الله

1- اختيار السياره المناسبه للمكان المراد التوجه اليه ويفضل الدفع الرباعي مع وجود اكثر من سيارة
2- ان تكون ممن يعرف الدروب والردميات وطبيعة الارض تماماً
3- لاتعمج على عماها وهذه اهم نقطه, بمعنى لاتهابد فالليول وتخابط بموترك وانت ماتدري وين الوجهه , فالصحراء مليئة بالمفاجئات فقد ينقطع الطريق بك فجئة في شعيب او جرف وتزداد الخطوره في الاماكن الرمليه واهل البر يعرفون ذالك جيداً ,
4- وهذه اهم نقطه لاتتهور في فصل الصيف وتتوغل في الصحراء من غير حاجه مهما كانت خبرتك ومهما كان عمرك وكم سمعنا من المصائب من اشخاص لقوا حتفهم بسبب التهاون

5- اما موضوع الغراز الذي اشغل المكشاتيه فهو بسبب السير على غير يمّه وعدم تأمين السياره المناسبه

لكن من وقع في شراك الغراز فلا يستخدم الفلشر الا للضروره القصوى خاصة في الاماكن النائيه لانه يسحب البطاريه

لاكن تنسيم الكفرات الى الحد المسموح به فيساعد بأذن الله في الخروج من الورطه اضافة الى وجود ماطور هواء وجميع المتطلبات

عموماً الغراز في فصل الصيف متعب جداً حتى على اصحاب الجيوب فمابالك باصحاب الدداسن والهلي اذا سقطة على الشاص بتقول هذا مكاني حتى ياتي الفرج من الله وتجد من يساعدك

ولي عودة وتعليق على الموضوع

ويشرفني ان التقي بك اسير الغضا بعد انقطاع عن المنتدى والله اشتقنا لمواضيعك والسوالف معك

ديوان العرب

08/08/2011, 09:52 AM

الي سمعته ان الي معه ليزر يحجز هو وليزرة :mad:
هاذ والله الكلام الي يجمد عليه الشارب يقولون يعلقون ليزره برقبته ويدخلونه السجن ؟

O.S.7

13/08/2011, 08:25 PM

الله يكون بعونك ولازم تحسب حسابك اذا جيت تطلع للبر

حرماوي.نت

27/09/2011, 01:12 PM

شكرا لكم موضوع مفيد

عويل الذيب

21/11/2011, 02:25 PM

بعذرك يوووم تغرز معك نيسان
غير تووويوتا لا تدور

مدمن الشات

02/01/2012, 01:24 AM

عزيزي اذا حصل معك نفس الشئ مره ثانية أتصل على

أمن الطرق
996

أو الدفاع المدني
998

وعلمهم القصة وأترك الباقي عليه

ابو99

06/01/2012, 07:12 PM

انصحك خذ لك كفرات عطلا نه وشب النار بهن لا غرزت اكيد اخه من لا زم يجيك حدا ههههههههههههههههههههههههه

alwadi711

31/01/2012, 03:54 PM

نعمممممممم

راعي ذرف

04/02/2012, 11:09 AM

بسم الله الرحمن الرحيم
مع ان الموضوع قديم لكن يتجدد من الاخوان اصحاب الخبرة جزاهم الله الف خير
اول شي بالنسبة للبر وغيرة لابد من الصحبة ومن لان بالنسبة لتجربتي تعلقت سياراتي في احدى الطعات الممطرة نوع ددسن تعلقت ومافيها مجال لان وجهها اسفل ، وبحثت عن المساعدة حتى منتصف الليل، طبعا الواقعه قبل الجوالات حتى وجدوني الاجواد واضعت بعدها سياراتي طبعا الموضوع باختصار
ووجدناها بصعوبة والحدث بالنفود وحادثة اخرى على جيب تعلق الموتر وبدأت بالحفر وستر الله علي عندما لاحظت ان الموتر سوف يقع على جنبة من زيادة الحفر والنتيجة لاشئ وكان وقتها يوجد جوالات ولكن لايوجد تغطية سرت وارتفعت حتى وجدت التغطية واتصلت وانتهت ولله الحمد ووقت المشكلة نهار كامل من الصباح
هذه بعض المواقف والمقصود منها التجهيزات لبعض الاشياء التي ارا انها مهما ومنها
جهاز المكالمات وجهاز القارمن اهم جهازين / ممكن جهاز القارمن يكون بالجوال / واعتقد ولله الحمد لايخلو اي جوال من تحديد المواقع وللعلم هناك برنامج بسيط جدا للجوال وهو تحديد الموقع فقط لا يحضرني اسمه لكن مع البحث ممكن تحصل عليه او مثيله

فاذا تبين ان السيارة لاتستطيع الحراك فلا تقدم على المحاولات التي ممكن تاثر على صحتك وبدنك ( من تجربة ) اطلب المساعدة وتاكد مافي احد رايح يقصر لان فيهم النخوة والفزعة وين ماكنت

والمواقف كثيرة لاكن احمد الله على السلامة والعفو والعافية

ومسألة جيب او ددسن لافرق الا بان الددسن لاتتوعر كثير داخل النفود الا بصحية الجيب
وبالنسبة للاماكن القريبة لايهم

قبل كل شي صل ركعتين استخاره وجعلها في كل عمل تعمله في حياتك ركعتين استخارة
والله يدبر الصالح وآسف على الاسلوب لكن للفائدة ان شاء الله

ابو البر

07/02/2012, 06:42 PM

من خبرتي المتواضعه
عند تغريز السياره اول شي اعصابك بتكون مشدوده وكأنك تقول ان سيارتي ما تغرز لآنها ولآنها ولآنها .

هاذا ما يفيد

اللي يفيد هو انك تهدي اعصابك ثم تقوم بتبريح مكان السياره بكل صبر وطولة بال الين تخليها طالعه من التغريز وهي في مكانها ثم بعد ذلك سو الآشياء المساعده مثل تنسيم الكفر (10) وبعدين حط اي شي قاسي في طريق الكفرات ثم عليك بالهدؤ اما خلف امام خلف وبتلاقي الامر يمر بسلام .
تحياتي .

ابونبيل

07/02/2012, 08:49 PM

الصراحه على حسب اذا اكثر من موتر وفيه دبل ماعندي مشكله او حتى لو بدون دبل وموتر واحد اذا انا اعرف المكان

اما المغامرات شقى مايصلح

رجل المرور

12/02/2012, 02:43 PM

ياطوويل العمر والسلامه اذا غرزت السياره باليل وانت بوسط النفود . ولاحولك ابراج . حط فراشك ونم ولاصبح الصبح لها حلالها .:D عاد نومت البرد لو ساعتين تشبعك نوم وتقوم نشيط :D عاد وقتها تبي تحفر ولا تبي تدقها كعابي للين الزفلت انت وكيفك :p

YUKON_GMC

20/02/2012, 12:42 AM

حسب نوع السياره ...

لو :: السياره دبل ونظيفه ويعتمد عليها بعد الله سبحانه وتعال اروح عليها 300 كيلو بالنفود او البر ..
مع الحذر الشديد من التهور والسرعه والوقود بالحفر او المنحدرات الخطره او القصوص الخطره

لكن :: لو السياره صغيره او بدون دبل ما ابعد عن الزفلت كيلو .. ولو نفود مااطلع 30 متر عن الزفلت

من شمر

20/02/2012, 07:05 AM

بالكشته . لايلذ لي اكل ولانوم الا بعيد عن الاسفلت بليل او نهار طبعا السياره دبل .. اما العاديه لا اخرج من الاسفلت ..

ليل الشمال

20/02/2012, 11:33 PM

اهم شي لا تتوتر وكل مطرود ملحوق انتظر الصباح واعتبر حالك مو مغرز اقنع نفسك الين يصبح الصباح وبعدها اقرب طريق وبتلاقي الخير
والليزر مهم جدا
وكذلك اجهزة الاتصالات اكيد بتلاقي اهل الستيشن الي في البلد يراسلون مدى بعيد دامك تقول الديره قريبه من محل مطلاعكم تاكد تلاقي اراسلهم واطلب منهم المساعدة هذا لو مالقيت مساعده قريبه منك حولك وحواليك

الباشاء

21/03/2012, 01:05 AM

اذا الواحد على قولتك يبي يعمجون بالبر أهم شي .والموتر دفرنس واحد اهم شي توفير كميات مياه كافيه ليومين أقل شي وجهاز اتصال اما كنود او اي جهاز او جوال الثريا وكيس خبر على قوا ل الشيبان ... ولا تنسى الدعاء ـ بسم الله توكلت على الله ولا حول ولا قوة الا بالله .

أبوسليمان السهر

27/03/2012, 02:21 PM

تم التصويت

مروايح الصيف

29/03/2012, 12:56 PM

نم ومن اصبح افلح

صقر الكرادشة

01/07/2012, 01:34 PM

الافضل بكل رحلة وخصوصا اذا بالليل تكون الجولة مكونة من سيارتين لحل معظم الامور الطارئة

ملقوف2

13/08/2012, 04:21 PM

انااا مادري اصوووت والا لا

لان هي حسب استطاعتي

يعني لو بنطلع سياره وحده اشوووف السياره اعتمد عليها والا لا

ولازم دبل

امااا لو كنا جمااااعه وعدد من السيارات افضل داااااخل البر وبعيد عن السفلت وزعاج السيارات

لذلك استطاعتك تحدد مووووقعك

بصوت لا لان اللحين عندي سياره سيدان << عذبته كل سنه البر

Sweetheart

19/08/2012, 06:15 PM

ما عندي خبرة ... بس أتمنى الفرحة و الله يسعدك في كل رحلاتك

فيصل العدل

29/09/2012, 11:04 AM

كثر الماء بس

fahad marzouq

25/10/2012, 03:01 PM

الحمدالله علي السلامه ... الركاااده زينه

. ذيب ساحوق

25/10/2012, 03:50 PM

ارقد لين تصبح

والصباح رباح ويحلها الله

أبو.محمد

25/10/2012, 04:36 PM

اغلب الطلعات ليليه
والغالب نكون اكثر من شخص و اكثر من سياره
ولا بد يكون منطقه فيها ارسال
و ماتبعد عن الزفلت .. اقل من 10 كيلو

الوافي.

02/11/2012, 01:28 PM

الليل له عين والنهار له الف عين

ابوسعوداليحيى

26/11/2012, 02:05 PM

عن نفسي خلها لا جينا نمشي طلعناها

لكن فريق العمل الواحد يقول طلعوها قبل لا لتجسون

الله لا يوريك مكروه و الحمد لله على سلامتك :heart:

انا المنصري

02/12/2012, 05:12 PM

والله حتى احلى حاجة عندي اللطعة والتغريزة بس اهم شي الماء ومعاي عصاية بس واعيش قد ما كتب لي ربي

تميم2222

20/12/2013, 08:28 AM

اليل اظلم ماله عيون. خصوصا في البر.

تربة الشمال

22/12/2013, 11:09 AM

اناء اقوال اهم شي الواحد يهدي اعصابه ويفكر بعقل لان اكثر الناس عندماء يغرز يرتبك ويحوس نفسه اما ان يقعد يضغط علئ السياره لين تحفر وتغرس زود ولا انه يحرق الكلتش اذ كنت باليل ولع الفلشر او لع نار واجمع حطب في مكان مرتفع

طريق الصمان 5

22/12/2013, 11:14 AM

غمض ونام واذكر الله سبحان الله والحمدالله والله اكبر

مطر وسم

28/06/2014, 03:16 AM

المغامره زينه بشرط معك اغراضك كامله وخاصه الماء والاكل والاجهزه الا سلكيه

حمانا الله واياكم من كل مكروه

تحياتي للجميع

اورنس الشمري

03/07/2014, 05:51 AM

اذا كانت نفود لا ومستحيل امشي بليل فيها .

لكن لو كانت سهل عادي ممشى الليل عندي واحيانا افضله .

خالد الشمري20

28/08/2014, 12:44 AM

السلام عليكم ورحمة الله وبركاتة

اول شئ ما يصلح تدخل النفود وسيارتك مهي دبل لان النتيجة معروفة ام تغريزه ما عاد تطلع منها الى بشق الانفس

ومن ناحيت السواقه بنفود بليل جدا ممتعه بشرط معك شاص ولا جيب

الكعمي

28/08/2014, 12:05 PM

وش اللي مطلعك بالليل وبدون ماتاخذاحتياطاتك

الحمدلله على سلامتكم ؟؟؟؟؟؟؟؟؟؟

الكمادي

29/08/2014, 09:10 AM

انا مابسري في مكان ما اعرفه

الكمادي

29/08/2014, 09:12 AM

في ديارنا نسري ونسمر ونقنص اما غير ديارنا لاوالله
ماخرج يمكن يتعرضني سفيه ولا تضاريس الارض شينه
الله يحفضنا وياكم

ابـو ولـيـد الـحـربـي

31/08/2014, 06:47 PM

مهم جداً تاخذ معك كشاف ممهم

جدة يونايتد

31/08/2014, 07:59 PM

ممشى الليل خطير
الا اذا معك ناس ويعرفون الديره زين

مخاوي دابذريع

04/10/2014, 01:55 PM

الحمد لله على سلامتك

لو طبقت الطريقه الي بالواتساب حبل + وخيشه + واربطهم بالجنط تفز لو هي دنه :good2:

ابو درعان1

27/01/2015, 10:21 PM

والله وأنا اخوك الجواب بمثل هالموضوع يطول وفيه أمور كثيرة

لكن بأختصار طلعات الليل وغيرة ما تقاس بالشجاعة فقط علشان تجشم على وجهك لأن هذا احيان انتحار
وطلعات وممشى الليل وقنصه ياخوي يجي من خبرة ومن حفظ للإرض والمهم المفروض انك تتوقع اي شي يعني ماهو بس تغريز , ممكن بكرى تتعطل ويصيب الموتر خلل وأنت لحالك , يعني لازم عندك الخبرة او بعض الخبرة لأي ظرف لا قدر الله ولا تنسى ... وأنا اعيد عليك وعلى غيرك البعض هداهم الله احيانا يدخل صحرى مسافات طويلة وهو ميح بكل شي والادهاء انه معتمد على القارمن من يوم نزل عن الاسفلت ولا حط في بالله اقل احتمال ممكن يتعطل القارمن!!
لكن لو ابي اقعد اتكلم جلست يومين وأنا اقرق هالموضوع طويل
ولا عليك من تصويتي او تصويت غيري لأنه ماهو مقياس والمهارات والخبرة والفطنة تختلف من شخص لأخر يعني لا تحاول تتبع اي رآي فقط اتبع قدراتك أنت شخصياَ
وتحياتي للجميع